24/05/2025
എടക്കര ഗ്രാമപഞ്ചായത്തിൽ മഴക്കാലം ആരംഭിക്കുന്നതിന് മുമ്പ് ഡ്രൈനേജുകൾ വൃത്തിയാക്കണമെന്നും, വെള്ളക്കെട്ട് മൂലമുണ്ടാകുന്ന പ്രശ്നങ്ങൾക്ക് പരിഹാരം കാണണമെന്നും ആവശ്യപ്പെട്ട് എസ്ഡിപിഐ എടക്കര പഞ്ചായത്ത് കമ്മിറ്റി ഗ്രാമപഞ്ചായത്ത് സെക്രട്ടറിക്ക് നിവേദനം നൽകി.
മഴക്കാലത്ത് ജനങ്ങളെ രോഗങ്ങളിൽ നിന്നും പകർച്ചവ്യാധികളിൽ നിന്നും സംരക്ഷിക്കുന്നതിന് ഈ നടപടി അത്യന്താപേക്ഷിതമാണെന്ന് നിവേദനത്തിൽ ചൂണ്ടിക്കാട്ടി.എടക്കരയിലെ ഡ്രൈനേജ് സംവിധാനങ്ങൾ കൃത്യമായി വൃത്തിയാക്കാത്തതിനാൽ മഴവെള്ളം ഒഴുകിപ്പോകാതെ കെട്ടിനിൽക്കുന്നത് പതിവാണ്.
ഇത് ഗുരുതരമായ ആരോഗ്യ പ്രശ്നങ്ങൾക്കും, പ്രത്യേകിച്ച് ഡെങ്കിപ്പനി, മലേറിയ തുടങ്ങിയ പകർച്ചവ്യാധികൾക്കും കാരണമാകുന്നു. കൂടാതെ, വെള്ളക്കെട്ട് റോഡുകളുടെ അവസ്ഥ വഷളാക്കുകയും ഗതാഗത തടസ്സങ്ങൾക്കും കാരണമാകുന്നു. ഈ സാഹചര്യം പരിഹരിക്കാൻ അടിയന്തിര നടപടികൾ ആവശ്യമാണെന്ന് എസ്ഡിപിഐ എടക്കര പഞ്ചായത്ത് കമ്മിറ്റി ആവശ്യപ്പെട്ടു.💚❤️❤️
