Goalpara District Administration, Assam

09/10/2026

📌গোৱালপাৰা জিলা প্ৰশাসনৰ দহ দিনীয়া "সেৱা সেতু অভিযান" অব্যাহত

🙏🏽জিলাখনৰ আঠোটা উন্নয়ন খণ্ডত সফলতাৰে সম্পন্ন "সেৱা সেতু অভিযান"

🙏🏽প্ৰতিটো শিবিৰতে ৰাইজৰ উৎসাহভৰা অংশগ্ৰহণ

✅প্ৰধানমন্ত্ৰী নৰেন্দ্ৰ মোডী ডাঙৰীয়াৰ মুখ্যমন্ত্ৰী আৰু প্ৰধান মন্ত্ৰী হিচাপে দেশৰ প্ৰতি সেৱা আগবঢ়োৱা ২৫ বছৰ সম্পুৰ্ণ হোৱা বাবে অসম চৰকাৰৰ নিৰ্দেশনা অনুসৰি "সেৱা সংকল্প অভিযান"ৰ অধীনত গোৱালপাৰা জিলা প্ৰশাসনে ১ অক্টোবৰ ২০২৬ তাৰিখৰ পৰা ১০ অক্টোবৰ ২০২৬ তাৰিখলৈ "সেৱা সেতু অভিযান" আয়োজন কৰিছে। ইতিমধ্যে গোৱালপাৰা জিলাৰ পাইকান, কামাখ্যাবাৰী, লক্ষীপুৰ, জলেশ্বৰ, বালিজানা, শ্ৰীসুৰ্যগিৰি আৰু ৰংজুলি উন্নয়ন খণ্ডত সেৱা সেতু অভিযান সফলতাৰে অনুষ্ঠিত কৰাৰ পাছত আজি দুধনৈ উন্নয়ন খণ্ডত সেৱা সেতু অভিযান শিবিৰ অনুষ্ঠিত কৰা হৈছে।

দুধনৈ উন্নয়ন খণ্ডত অনুষ্ঠিত আজিৰ সেৱা সেতু শিবিৰত স্থানীয় বিধায়ক তথা ৰাভা হাছং স্বায়ত্তশাসিত পৰিষদৰ মুখ্য কাৰ্যবাহী সদস্য শ্ৰী টংকেশ্বৰ ৰাভা মহোদয়, জিলা উন্নয়ন আয়ুক্ত শ্ৰী প্ৰনৱ কুমাৰ বৰা, অতিৰিক্ত জিলা আয়ুক্ত শ্ৰী দৰ্শনা চেতিয়া, দুধনৈৰ খণ্ড উন্নয়ন বিষয়া শ্ৰী হেৰি পল ফাৰ্ণাণ্ডেজকে আদি কৰি সংশ্লিষ্ট বিভাগীয় বিষয়াসকলে সেৱা সেতু শিবিৰত উপস্থিত থাকে।

08/10/2026

📌যক্ষ্মা মুক্ত ভাৰত অভিযান

✅ সৰ্বভাৰতীয়ভাৱে কেন্দ্ৰীয় স্বাস্থ্য মন্ত্ৰীৰ JOSH Team উদ্বোধনী অনুষ্ঠান

✅ গোৱালপাৰা জিলাতো গঠন কৰা হৈছে Josh Team

✅যক্ষ্মামুক্ত ভাৰত অভিযানৰ অধীনত যক্ষ্মা নিৰ্মূলৰ লক্ষ্যৰে আজি নতুন দিল্লীত কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰী শ্ৰী জে. পি. নাড্ডাই JOSH Team উদ্বোধন কৰে। এই উদ্বোধনী অনুষ্ঠানটো দেশৰ বিভিন্ন প্ৰান্তৰ লগতে গোৱালপাৰা জিলাতো অনলাইনযোগে প্ৰদৰ্শন কৰা হয়।

গোৱালপাৰা জিলা আয়ুক্তৰ কাৰ্যালয়ৰ সভাগৃহত অতিৰিক্ত জিলা আয়ুক্ত (স্বাস্থ্য) শ্ৰী জগদীশ ব্ৰহ্মৰ সভাপতিত্বত আয়োজন কৰা এখন সভাৰ জৰিয়তে আজি গোৱালপাৰা জিলাতি যক্ষ্মা ৰোগ নিয়ন্ত্ৰণৰ বাবে আনুষ্ঠানিকভাৱে Josh team গঠন কৰা হয়।

জিলা প্ৰশাসন আৰু স্বাস্থ্য বিভাগৰ উদ্যোগত আয়োজিত অনলাইন অনুষ্ঠানত জিলাখনৰ বিভিন্ন মহাবিদ্যালয়ৰ প্ৰতিনিধি, NCC কেডেটসকল, উন্নয়ন খণ্ডসমূহৰ প্ৰতিনিধি আদিয়ে অংশগ্ৰহণ কৰে।

নতুন দিল্লীৰ উদ্বোধনী অনুষ্ঠানৰ পিচাতে অতিৰিক্ত জিলা আয়ুক্ত শ্ৰী জগদীশ ব্ৰহ্মই আমাৰ জিলাখন যক্ষ্মামুক্ত কৰিবলৈ Josh teamৰ সদস্য সকলে কিদৰে সক্ৰিয়ভাৱে কাম কৰিব লাগিব সেই বিষয়ে বহলাই উল্লেখ কৰে। তেখেতে যক্ষ্মা ৰোগ সম্পৰ্কে ৰাইজৰ সজাগতা বৃদ্ধিৰ লগতে যক্ষ্মা ৰোগ চিনাক্ত কৰাৰ বাবে পৰীক্ষা কৰাত অধিক গুৰুত্ব প্ৰদান কৰিবলৈ Josh team ৰ সদস্য সকলক আহ্বান জনায়।
জিলা যক্ষ্মা বিষয়া ড° আব্দুছ চালামে যক্ষ্মা ৰোগৰ লক্ষণবোৰ কি কি আৰু বৰ্তমান যে সহজতে ইয়াৰ পৰীক্ষা কৰি যক্ষ্মা ৰোগ চিনাক্ত কৰিব পাৰি সেই বিষয়ে উল্লেখ কৰে।

যক্ষ্মা ৰোগ নিৰ্মূলৰ বাবে ভাৰত চৰকাৰে যথেষ্ট গুৰুত্ব আৰোপ কৰিছে আৰু এইক্ষেত্ৰত জনসাধাৰণে সহযোগিতা আগবঢ়ালেহে আমি যক্ষ্মা মুক্ত ভাৰত লাভ কৰিবলৈ সক্ষম হ'ম।

08/10/2026

📌বন অধিকাৰ আইন ২০০৬ ৰ অধীনত ভূমি স্বত্ব পত্ৰ বিতৰণ

✅গোৱালপাৰা জিলা প্ৰশাসনে "বন অধিকাৰ আইন-২০০৬" ৰ অধীনত জিলাখনৰ মাজ জাখিলি আৰু ভালুকডুবি গাওঁ পঞ্চায়তত ১১৩ টা ভূমি স্বত্ব পত্ৰ বিতৰণ কৰা হয়। ভালুকডুবি গাওঁ পঞ্চায়ত আৰু মাজ জাখিলি গাওঁ পঞ্চায়তত ২ অক্টোবৰ ২০২৬ তাৰিখে আয়োজন কৰা দুটা সুকীয়া অনুষ্ঠানৰ জৰিয়তে বন অধিকাৰ আইন ২০০৬ ৰ অধীনত উক্ত ভূমি পত্তা বিতৰণ কৰা হয়।

মাজ জাখিলি গাওঁ পঞ্চায়তৰ অনুষ্ঠানটোত ১৫-দুধনৈ সমষ্টিৰ বিধায়ক শ্ৰী টংকেশ্বৰ ৰাভা, গোৱালপাৰা বিজেপিৰ সভাপতি শ্ৰী দীপাংক নাথ, দুধনৈ সমজিলাৰ সমজিলা আয়ুক্ত শ্ৰী অৰুণ কুমাৰ ব্ৰহ্ম, গোৱালপাৰাৰ বন সংমণ্ডল বিষয়া শ্ৰী তেজশ মৰিস্বামী, অতিৰিক্ত জিলা আয়ুক্ত শ্ৰী বিভাস মেধী আদিয়ে অংশগ্ৰহণ কৰে।

আনহাতে ভালুকডুবি গাওঁ পঞ্চায়তৰ অনুষ্ঠানটোত অতিৰিক্ত জিলা আয়ুক্ত শ্ৰী বিভাস মেধী, গোৱালপাৰাৰ বন সংমণ্ডল বিষয়া শ্ৰী তেজশ মৰিস্বামী,
গোৱালপাৰা উন্নয়ন প্ৰাধিকৰণৰ সভাপতি শ্ৰী দীপক নাথ আদিয়ে অংশগ্ৰহণ কৰে।

গোৱালপাৰা জিলা প্ৰশাসনৰ দুয়োটা অনুষ্ঠানতে বন অধিকাৰ আইন কোষৰ কৰ্মচাৰীসকলে সক্ৰিয়ভাৱে অংশগ্ৰহণ কৰে।

CMO Assam
Office of Himanta Biswa Sarma
Jayanta Mallabaruah
Directorate of Information and Public Relations, Assam

06/10/2026

📌খেল মহাৰণ ৩.০ৰ বাবে পঞ্জীয়ন আৰম্ভ

✅ খেলুৱৈসকলক নাম পঞ্জীয়ন কৰিবলৈ গোৱালপাৰা জিলা প্ৰশাসনে আহ্বান জনাইছে

✅ নাম পঞ্জীয়নৰ বাবে -
https://Khelmaharan.com/khel

মাননীয় মুখ্যমন্ত্ৰী ড: হিমন্ত বিশ্ব শৰ্মাৰ নেতৃত্বাধীন ৰাজ্য চৰকাৰে ৰাজ্যৰ ক্ৰীড়াক্ষেত্ৰখনত আলোড়ন সৃষ্টি কৰি আয়োজন কৰি অহা খেল মহাৰণৰ তৃতীয় সংস্কৰণ "খেল মহাৰণ ৩.০ "ত অংশগ্ৰহণৰ বাবে পঞ্জীয়ন আৰম্ভ হৈছে। অসমৰ অন্যান্য জিলাৰ দৰে গোৱালপাৰা জিলায়ো বিশাল ক্ৰীড়া প্ৰতিযোগিতাখনৰ বাবে প্ৰস্তুতি আৰম্ভ কৰিছে। আজি গোৱালপাৰা জিলা প্ৰশাসনে ইয়াৰ বাবে এখন সভা অনুষ্ঠিত কৰি খেল মহাৰণ-৩.০ত খেলুৱৈৰ অংশগ্ৰহণৰ পঞ্জীয়ন প্ৰক্ৰিয়া দ্ৰুততৰ কৰাৰ বাবে কিছু পদক্ষেপ লোৱাৰ সিদ্ধান্ত গ্ৰহণ কৰে।

আজি গোৱালপাৰাৰ জিলা উন্নয়ন আয়ুক্ত শ্ৰী প্ৰণৱ কুমাৰ বৰাৰ সভাপতিত্বত জিলা আয়ুক্তৰ কাৰ্যালয়ত অনুষ্ঠিত সভাখনত আটাইকেইটা উন্নয়ন খণ্ডৰ বিষয়াসকল, জিলাখনৰ সকলো মহাবিদ্যালয়ৰ প্ৰতিনিধি, ASRLM , NULM আদিয়ে অংশগ্ৰহণ কৰে। সভাখনত গোৱালপাৰা জিলাৰ অভিভাৱক মন্ত্ৰী মহোদয়ক প্ৰতিনিধিত্ব কৰি গোৱালপাৰা বিজেপিৰ সভাপতি শ্ৰী দীপাংক নাথ, অতিৰিক্ত জিলা আয়ুক্ত শ্ৰী নিৰ্মালি বৰুৱা, অতিৰিক্ত আৰক্ষী অধীক্ষক শ্ৰী বিদ্যুৎ বিকাশ বৰা ভূঞা, সহকাৰী আয়ুক্ত শ্ৰী নিশামণি কলিতা, জিলা ক্ৰীড়া বিষয়া শ্ৰী সত্যনাথ দাস আৰু বিদ্যালয় সমূহৰ পৰিদৰ্শক শ্ৰী খিৰুছ মিছঙে অংশগ্ৰহণ কৰে।

অসমৰ চহৰ তথা গ্ৰামাঞ্চলত যুৱ প্ৰজন্মৰ মজত ক্ৰীড়াৰ প্ৰতি আগ্ৰহ বৃদ্ধি কৰা তথা তৃণমূল পৰ্যায়ৰ পৰাই খেলৰ বাবে এক পৰিৱেশ সৃষ্টি কৰাৰ উদ্দেশ্যে আয়োজন কৰা খেল মহাৰণৰ তৃতীয় সংস্কৰণ অহা ১ নৱেম্বৰ ২০২৬ তাৰিখৰ পৰা ১০ ফেব্ৰুৱাৰী ২০২৭ লৈকে অনুষ্ঠিত হ'ব।

⭕ খেল মহাৰণ ৩.০ ত কি কি খেল আছে -

১) ​এথলেটিক্স (Athletics)
২)​যোগাসন (Yogasana)
৩)​দবা (Chess)
৪)​বক্সিং (Boxing)
৫)​একুৱাথলন (Aquathlon)
৬)​ফুটবল (Football)
৭)​ভলীবল (Volleyball)
৮) ​সাঁতোৰ (Swimming)

⭕সময়সূচীঃ

ক) ১- ২০ নৱেম্বৰ, ২০২৬ গাওঁ পঞ্চায়ত/ পৌৰসভা পৰ্যায়ৰ প্ৰতিযোগিতা
👉২১-২৭ নৱেম্বৰ ২০২৬ঃ উক্ত পৰ্যায়ৰ দল বাছনি প্ৰক্ৰিয়া ( Team preparation)

খ) ১- ১৫ ডিচেম্বৰ, ২০২৬ সমষ্টি পৰ্যায়ৰ প্ৰতিযোগিতা
👉 ১৬-২২ ডিচেম্বৰ২০২৬ঃ উক্ত পৰ্যায়ৰ team preparation


গ)২৬- ডিচেম্বৰ, ২০২৬ ৰ পৰা পৰা ২ জানুৱাৰী, ২০২৭: জিলা পৰ্যায়ৰ প্ৰতিযোগিতা
👉 বাছনি প্ৰক্ৰিয়া

ঘ) ২৮ জানুৱাৰী, ২০২৭ ৰ পৰা ১ ফেব্ৰুৱাৰী: মাণ্ডলিক পৰ্যায়ৰ প্ৰতিযোগিতা

ঙ) ৪ ফেব্ৰুৱাৰী, ২০২৭ ৰ পৰা ১০ ফেব্ৰুৱাৰী, ২০২৭ লৈ ৰাজ্যিক পৰ্যায়যৰ প্ৰতিযোগিতা।

✅ প্ৰতিযোগীসকলৰ যোগ্যাতা নিৰূপণৰ বাবে বয়সৰ কাট-অফ তাৰিখ (Cut-off date) ১/০২/২০২৭ ৰূপে ধাৰ্য কৰা হৈছে। খেলুৱৈ সকলে প্ৰতিযোগিতাৰ বিভাগ আৰু বয়স অনুসৰি নাম পঞ্জীয়ন কৰিবলৈ গোৱালপাৰা জিলা প্ৰশাসনে অনুৰোধ জনাইছে ।

✅অনলাইন পঞ্জীয়ন প’ৰ্টেল: (
Khel Maharan 3.0 Registration Portal)

https://Khelmaharan.com/khel
প্ৰতিযোগীসকলক পঞ্জীয়ন কৰাৰ সময়ত নিজৰ ব্যক্তিগত তথ্য, বিধানসভা সমষ্টি, জিলা, আৰু ক্ৰীড়া বিভাগ শুদ্ধভাৱে উল্লেখ কৰিব লাগিব।

সবিশেষ তথ্যৰ বাবে গোৱালপাৰা জিলা ক্ৰীড়া বিষয়াৰ কাৰ্যালয়ৰ সৈতে যোগাযোগ কৰিবলৈ আহ্বান জনোৱা হৈছে।

CMO Assam
Himanta Biswa Sarma
Jayanta Mallabaruah
Biswajit Daimary
Directorate of Information and Public Relations, Assam

06/10/2026

06/10/2026

📌শক্তি বিভাগক প্ৰদান কৰা মাটিৰ সীমা নিৰ্ধাৰণ

🔼গোৱালপাৰা জিলাৰ ৰাক্ষসিনী জংঘল ব্ল'কত অসম চৰকাৰৰ শক্তি বিভাগক ইতিমধ্যে প্ৰদান কৰা ৫২০ বিঘা ভুমিৰ সীমা কালি ৫ অক্টোবৰ ২০২৬ তাৰিখে সীমা নিৰ্ধাৰণ কৰি চমজাই দিয়া হয়। মাটিয়া ৰাজহ চক্ৰৰ অধীনস্থ উক্ত ভুমি খিনি শক্তি বিভাগে উদ্যোগ স্থাপনৰ বাবে হিন্দুজা গ্ৰুপক হস্তান্তৰ কৰিছে। কালি গোৱালপাৰাৰ জিলা আয়ুক্ত শ্ৰী প্ৰদীপ টিমুং মহোদয়ে সংশ্লিষ্ট বিভাগৰ বিষয়াৰ উপস্থিতিত হিন্দুজা গ্ৰুপৰ শীৰ্ষ বিষয়া শ্ৰী গৌতম সাহাক উক্ত ৫২০ বিঘা ভুমিৰ সীমা নিৰ্ধাৰণ কৰি দিয়ে। এই সীমা নিৰ্ধাৰণৰ সময়ত অতিৰিক্ত জিলা আয়ুক্ত ( ৰাজহ) শ্ৰী বিভাস মেধী, মাটিয়া ৰাজহ চক্ৰৰ চক্ৰ বিষয়া শ্ৰী ৰাবিয়া বেগম আৰু অন্যান্যসকল উপস্থিত থাকে।

CMO Assam
Himanta Biswa Sarma
Jayanta Mallabaruah
Directorate of Information and Public Relations, Assam

05/10/2026

📌মেঘালয় সীমান্তত জিলা আয়ুক্ত, জ্যেষ্ঠ আৰক্ষী অধীক্ষকৰ পথ দুৰ্ঘটনাস্থলী পৰিদৰ্শন

🔼 NH217 ( Paikan - Tura) পথৰ বকৰীপাৰাত সংঘটিত পথ দুৰ্ঘটনাৰ বাবে দুৰ্ঘটনাস্থলীত জিলা পথ সুৰক্ষা সমিতি

✅ ২০-০৯-২০২৬ তাৰিখে ২১৭ নম্বৰ ৰাষ্ট্ৰীয় ঘাইপথৰ গোৱালপাৰা জিলাৰ কুকুৰকাটা আৰক্ষী চকীৰ অন্তৰ্গত বকৰীপাৰাত এখন চাৰিচকীয়া বাহন ( Wagen -R) আৰু এখন ই-ৰিক্সাৰ মাজত হোৱা দুৰ্ঘটনাত দুজনৰ লোকৰ মৃত্যু হৈছিল। সেয়ে আজি গোৱালপাৰা জিলা পথ সুৰক্ষা সমিতিৰ সভাপতি তথা জিলা আয়ুক্ত শ্ৰী প্ৰদীপ টিমুং মহোদয় আৰু জ্যেষ্ঠ আৰক্ষী অধীক্ষক শ্ৰী নৱনীত মহন্ত মহোদয়ে দুৰ্ঘটনাস্থলীত উপস্থিত হৈ ক্ষেত্ৰভিত্তিক পৰিদৰ্শন কৰে। পৰিদৰ্শন কালত জিলা পথ সুৰক্ষা সমিতিৰ সদস্য সচিব ( অধীক্ষক অভিযন্তা, লোক নিৰ্মাণ বিভাগ) শ্ৰী কুলেন্দ্ৰ বড়োৰ লগতে লোক নিৰ্মাণ পথ বিভাগ আৰু ৰাষ্ট্ৰীয় পথ বিভাগৰ অভিযন্তা , পৰিবহণ বিভাগৰ বিষয়া আদিয়েও উপস্থিত থাকে আৰু পথ দুৰ্ঘটনাটোৰ পৰ্যালোচনা কৰে।

দুৰ্ঘটনাস্থলী পৰিদৰ্শন কৰোতে দেখা যায় যে - দুৰ্ঘটনা সংঘটিত হোৱা স্থানৰ পথচোৱা ভাল অৱস্থাত আছে আৰু পথত কোনো ধৰণৰ গাত বা অন্য বিসংগতি নাই। তদুপৰি পথত থাকিবলগীয়া সাংকেতিক চিহ্নৰ ফলকো লগোৱা আছে। চাৰিচকীয়া বাহনখন আৰু ই-ৰিক্সাখন - দুয়োখন দ্ৰুতগতিত থকাৰ বাবেই মুখামুখিকৈ সংঘৰ্ষ হৈ পথ দুৰ্ঘটনাটো সংঘটিত হৈছে।

আগলৈ যাতে তাত পথ দুৰ্ঘটনা নহয় তাৰ বাবে ৰাষ্ট্ৰীয় ঘাইপথত ই-ৰিক্সা যাতে চলিব নোৱাৰে তাৰ বাবে আৰক্ষীয়ে পদক্ষেপ ল'ব।

CMO Assam
Himanta Biswa Sarma
Jayanta Mallabaruah
Directorate of Information and Public Relations, Assam
Goalpara Police

03/10/2026

📌গোৱালপাৰা জিলা প্ৰশাসনৰ দহ দিনীয়া সেৱা সেতু অভিযান অব্যাহত

🔼 প্ৰথম দিনা পাইকানত, দ্বিতীয় দিনা জলেশ্বৰত আৰু আজি তৃতীয় দিনা কামাখ্যাবাৰী উন্নয়ন খণ্ডত অনুষ্ঠিত হৈছে সেৱা সেতু অভিযান

🔼 গোৱালপাৰা জিলা প্ৰশাসনে কুৰিতকৈও অধিক সেৱা উপলব্ধ কৰিছে সেৱা সেতু শিবিৰত

✅অসম চৰকাৰৰ নিৰ্দেশনা অনুসৰি "সেৱা সংকল্প অভিযান"ৰ অধীনত গোৱালপাৰা জিলা প্ৰশাসনে ১ অক্টোবৰ ২০২৬ তাৰিখে পাইকান উন্নয়ন খণ্ডত অনুষ্ঠিত কৰাৰ পিছত কালি দ্বিতীয় দিনা জলেশ্বৰ উন্নয়ন খণ্ডত "সেৱা সেতু অভিযান" অনুষ্ঠিত কৰিছে।

আজি ৩ অক্টোবৰ ২০২৬ তাৰিখে গোৱালপাৰা জিলাৰ কামাখ্যাবাৰী উন্নয়ন খণ্ডত অনুষ্ঠিত শিবিৰটোত জিলা আয়ুক্ত শ্ৰী প্ৰদীপ টিমুং মহোদয়ৰ লগতে জিলা উন্নয়ন অয়ুক্ত শ্ৰী প্ৰনৱ কুমাৰ বৰাকে আদি কৰি খণ্ড উন্নয়ন বিষয়া আৰু সংশ্লিষ্ট বিভাগৰ বিষয়াসকলে অংশগ্ৰহণ কৰে।

সেৱা সেতু অভিযানৰ জৰিয়তে গোৱালপাৰা জিলা প্ৰশাসনে প্ৰতিটো শিবিৰতে বেংকিং সেৱা, BVG RAM-G , প্ৰধান মন্ত্ৰী আৱাস যোজনা, ৰেচন কাৰ্ড, অৰুণোদয়, শিক্ষা বিভাগৰ অধীনৰ বিভিন্ন আঁ‌চনি, জন্ম মৃত্যুৰ প্ৰমাণ প্ৰত্ৰৰ আবেদন, প্ৰধান মন্ত্ৰী জন আৰোগ্য যোজনা ( PMJAY), কৃষি বিভাগ আদি ২০ টাতকৈও অধিক সেৱা আগবঢ়াই আছে।

সেৱা সেতু অভিযান শিবিৰত উপস্থিত হৈ ৰাইজে বিভিন্ন চৰকাৰী আঁ‌চনি আৰু অন্যান্য চৰকাৰী সুবিধাৰ বাবে আবেদন কৰা পৰিলক্ষিত হৈছে। গোৱালপাৰা জিলা প্ৰশাসনে লোৱা এই পদক্ষেপৰ বাবে সেৱা সেতু শিবিৰত উপস্থিত হোৱা ৰাইজে জিলা প্ৰশাসনৰ শলাগ লৈছে।

CMO Assam
Jayanta Mallabaruah
Directorate of Information and Public Relations, Assam

01/10/2026

🔼গোৱালপাৰা জিলা প্ৰশাসনৰ দহ দিনীয়া "সেৱা সেতু অভিযান"আৰম্ভ

🔼 আজি পাইকান উন্নয়ন খণ্ডত অনুষ্ঠিত হৈছে "সেৱা সেতু অভিযান"ৰ শিবিৰ

🔼 পৰ্যায়ক্ৰমে অনুষ্ঠিত হব আটাইবোৰ উন্নয়ন খণ্ড আৰু পৌৰ সভাত

✅প্ৰধানমন্ত্ৰী নৰেন্দ্ৰ মোডী ডাঙৰীয়াৰ মুখ্যমন্ত্ৰী আৰু প্ৰধান মন্ত্ৰী হিচাপে দেশৰ প্ৰতি সেৱা আগবঢ়োৱা ২৫ বছৰ হোৱা বাবে অসম চৰকাৰৰ নিৰ্দেশনা অনুসৰি "সেৱা সংকল্প অভিযান"ৰ অধীনত গোৱালপাৰা জিলা প্ৰশাসনে আজি ১ অক্টোবৰ ২০২৬ তাৰিখৰ পৰা ১০ অক্টোবৰ ২০২৬ তাৰিখলৈ "সেৱা সেতু অভিযান" আৰম্ভ কৰিছে। আজি গোৱালপাৰা জিলাৰ পাইকান উন্নয়ন খণ্ডত অনুষ্ঠিত শিবিৰটোত জিলা আয়ুক্ত শ্ৰী প্ৰদীপ টিমুং মহোদয়ে উপস্থিত হৈ আটাইবোৰ বিপণী পৰিদৰ্শন কৰি শিবিৰত বিভিন্ন সেৱা লাভৰ অহা ৰাইজৰ লগত মত বিনিময় কৰে। সেৱা সেতু অভিযান শিবিৰটোত জিলা পৰিষদৰ মুখ্য কাৰ্যবাহী বিষয়া শ্ৰী মৃগাংক চৌধুৰী, জিলা উন্নয়ন আয়ুক্ত শ্ৰী প্ৰনৱ কুমাৰ বৰা, অতিৰিক্ত জিলা আয়ুক্ত শ্ৰী জগদীশ ব্ৰহ্ম, শ্ৰী দৰ্শনা চেতিয়া আৰু শ্ৰী বিভাস মেধীকে আদি কৰি সংশ্লিষ্ট বিভাগৰ বিষয়াসকল উপস্থিত থাকে। পাইকান উন্নয়ন খণ্ডৰ খণ্ড উন্নয়ন বিষয়া শ্ৰী জয়ন্ত কলিতাৰ তত্বাবধানত অনুষ্ঠিত শিবিৰটোত দুই হাজাৰৰো অধিক লোক উপস্থিত হৈ বিভিন্ন কামৰ বাবে নাম পঞ্জীয়ন কৰিছে।

আজি পাইকান উন্নয়ন খণ্ড কাৰ্যালয়ৰ চৌহদত অনুষ্ঠিত সেৱা সেতু অভিযান শিবিৰটোত পঞ্চায়ত আৰু গ্ৰামোন্নয়ন, জনস্বাস্থ্য কাৰিকৰী, স্বাস্থ্য, কৃষি , সমাজ কল্যাণ আদি কেবাটাও বিভাগে অংশগ্ৰহণ কৰি ৰাইজলৈ সেৱা আগবঢ়ায়। শিবিৰটোত বেংকিং সেৱা, BVG RAM-G , প্ৰধান মন্ত্ৰী আৱাস যোজনা, ৰেচন কাৰ্ড, অৰুণোদয়, শিক্ষা বিভাগৰ অধীনৰ বিভিন্ন আঁ‌চনি, জন্ম মৃত্যুৰ প্ৰমাণ প্ৰত্ৰৰ আবেদন, প্ৰধান মন্ত্ৰী জন আৰোগ্য যোজনা ( PMJAY), কৃষি বিভাগ আদিৰ লগতে অসম শক্তি বিতৰণ নিগম লিমিটেডৰ আঁ‌চনিৰ বাবেও শিবিৰত উপস্থিত হোৱা ৰাইজে আজি সেৱা লাভ কৰে।

✅ সেৱা সেতু অভিযানৰ অন্যান্য শিবিৰঃ

১) ১-১০-২০২৬ = পাইকান উন্নয়ন খণ্ড
২) ২-১০-২০২৬ = জলেশ্বৰ উন্নয়ন খণ্ড
৩) ৩-১০-২০২৬ = কামাখ্যাবাৰী উন্নয়ন খণ্ড
৪) ৪-১০-২০২৬ =বালিজানা উন্নয়ন খণ্ড
৫) ৫-১০-২০২৬ = লক্ষীপুৰ উন্নয়ন খণ্ড
৬) ৬-১০-২০২৬ = শ্ৰীসূৰ্যগিৰি উন্নয়ন খণ্ড
৭) ৮-১০-২০২৬ =ৰংজুলি উন্নয়ন খণ্ড
৮)৯-১০-২০২৬ = দুধনৈ উন্নয়ন খণ্ড
৯)১০-১০-২০২৬ = গোৱালপাৰা আৰু লক্ষীপুৰ পৌৰসভা

CMO Assam
Himanta Biswa Sarma
Jayanta Mallabaruah
Directorate of Information and Public Relations, Assam

30/09/2026

🔼গোৱালপাৰা জিলা আয়ুক্তৰ কাৰ্যালয়ত অসম ৰাজ্যিক মহিলা আয়োগৰ সভানেত্ৰী শ্ৰী আঙুৰলতা ডেকাৰ পৰ্যালোচনা সভা

🔼 জিলা প্ৰশাসন, আৰক্ষী, সমাজ কল্যাণ, জিলা আইন সেৱা প্ৰাধিকৰণ আদিৰ অংশগ্ৰহণ

🔼 মহিলা হেল্প লাইন নম্বৰ 181 আৰু 9435196263 প্ৰচাৰত গুৰুত্ব

মহিলা সৱলীকৰণ তথা মহিলাৰ সুৰক্ষাৰ দিশত সক্ৰিয়ভাৱে কাম কৰি অহা অসম ৰাজ্যিক মহিলা আয়োগৰ সভানেত্ৰী শ্ৰী আঙুৰলতা ডেকা মহোদয়াই আজি গোৱালপাৰা জিলা আয়ুক্তৰ কাৰ্যালয়ত এখনি পৰ্যালোচনা সভাত অংশগ্ৰহণ কৰে। সভাখনত গোৱালপাৰাৰ জিলা আয়ুক্ত শ্ৰী প্ৰদীপ টিমুং, জ্যেষ্ঠ আৰক্ষী অধীক্ষক শ্ৰী নৱনীত মহন্ত, জিলা উন্নয়ন আয়ুক্ত শ্ৰী প্ৰনৱ কুমাৰ বৰাকে আদি কৰি অতিৰিক্ত জিলা আয়ুক্ত, সহকাৰী আয়ুক্ত আৰু সংশ্লিষ্ট বিভাগৰ বিষয়াসকলে অংশগ্ৰহণ কৰে।

সভাখনত অসম ৰাজ্যিক মহিলা আয়োগৰ সদস্যা সচিব শ্ৰী অন্তৰা গগৈ, গোৱালপাৰা বিজেপিৰ সভাপতি শ্ৰী দীপাংক নাথ, জিলা আইন সেৱা প্ৰাধিকৰণৰ বিষয়-ববীয়া, অসম মহিলা সমতা চ'ছাইটিৰ গোৱালপাৰা ৰূপায়ণ গোট আদিৰ বিষয়-ববীয়াসকলেও অংশগ্ৰহণ কৰে।

পৰ্যালোচনা সভাখনত অসম ৰাজ্যিক মহিলা আয়োগৰ সভানেত্ৰী শ্ৰী আঙুৰলতা ডেকাই গোৱালপাৰা জিলাত বিপদগ্ৰস্ত বা কোনো ধৰণৰ নিৰ্যাতনৰ সন্মুখীন হোৱা মহিলাৰ পৰা আৰক্ষীৰ ওচৰলৈ বা সমাজ কল্যাণ বিভাগলৈ কিমান অভিযোগ আহে বা কেনে ধৰণৰ অভিযোগ বেছিকৈ আহে সেই বিষয়ে সংশ্লিষ্ট বিভাগৰ লগত পৰ্যালোচনা কৰে। তদুপৰি গোৱালপাৰা জিলা আয়ুক্তৰ কাৰ্যালয়কে আদি কৰি সকলো কাৰ্যালয়, আৰক্ষী থানা বা অন্যান্য ৰাজহুৱা স্থানত বিপদৰ সন্মুখীন হোৱা মহিলাক তাৎক্ষণিক সহায়ৰ বাবে থকা ফোন নম্বৰ ( Help Line No.) স্পষ্টকৈ দেখা পোৱাকৈ লগাই থোৱাৰ বাবে আয়োগৰ সভানেত্ৰী গৰাকীয়ে সভাত পৰামৰ্শ দিয়ে।

জিলাখনত থকা কস্তুৰবা গান্ধী বালিকা বিদ্যালয়সমূহ যাতে পৰিস্কাৰ পৰিচ্ছন্ন হৈ থাকে সেই বিষয়তো শিক্ষা বিভাগক পৰামৰ্শ দিয়ে। আনহাতে বিভিন্ন কাৰ্যালয়, প্ৰতিষ্ঠান আদিৰ মহিলাৰ লগতে বিদ্যালয় সমূহৰ কোনো ছাত্ৰী যদি কোনো ধৰণৰ নিৰ্যাতনৰ সন্মুখীন হয় তেন্তে মহিলাৰ হেল্প লাইন নম্বৰত যাতে ফোন কৰিব পাৰে তাৰে সুব্যৱস্থা কৰাৰ ক্ষেত্ৰতো আয়োগৰ সভানেত্ৰী গৰাকীয়ে আজিৰ সভাৰ জৰিয়তে পৰামৰ্শ আগবঢ়ায়।

সভাখনত জিলা আয়ুক্ত আৰু জ্যেষ্ঠ আৰক্ষী অধীক্ষকে জিলাখনত মহিলাৰ সকলো প্ৰকাৰৰ সুৰক্ষাৰ বাবে থকা ব্যৱস্থাপনা আৰু বিপদগ্ৰস্ত মহিলালৈ কিদৰে তাৎক্ষণিক সহায় আগবঢ়াই থকা হৈছে সেই বিষয়ে বিস্তৃতভাৱে উল্লেখ কৰে। বিভিন্ন পক্ষৰ উপস্থিতি আৰু মত বিনিময়ৰে সৌহাৰ্দ্যপূৰ্ণভাৱে আজিৰ পৰ্যালোচনা সভাখন অনুষ্ঠিত হয়।

CMO Assam
Jayanta Mallabaruah
Directorate of Information and Public Relations, Assam
Goalpara Police