Queen Oja BJP

09/10/2026

মাননীয় প্ৰধানমন্ত্ৰী Narendra Modi ডাঙৰীয়াৰ নেতৃত্বৰ প্ৰতি আস্থা প্ৰকাশ কৰি নগাঁও লোকসভা সমষ্টিৰ উপ-নিৰ্বাচনত ভাৰতীয় জনতা পাৰ্টিৰ প্ৰাৰ্থী দেৱাশীষ শৰ্মা ডাঙৰীয়াক বিজয়ী কৰাৰ বাবে সমষ্টিবাসীৰ প্ৰতিগৰাকী সন্মানীয় ভোটাৰলৈ আন্তৰিক কৃতজ্ঞতা জ্ঞাপন কৰাৰ লগতে প্ৰাৰ্থী দেৱাশীষ শৰ্মা ডাঙৰীয়ালৈও আন্তৰিক অভিনন্দন জ্ঞাপন কৰিলোঁ।

এই বিজয়ৰ আঁৰত থকা নিৰ্দেশনা, নেতৃত্ব আৰু সাংগঠনিক প্ৰচেষ্টাৰ বাবে মাননীয় ৰাষ্ট্ৰীয় সভাপতি Nitin Nabin ডাঙৰীয়া, মাননীয় মুখ্যমন্ত্ৰী Himanta Biswa Sarma ডাঙৰীয়া আৰু দলৰ ৰাজ্যিক সভাপতি Dilip Saikia ডাঙৰীয়া, জিলাৰ মণ্ডল তথা বুথ পৰ্যায়ৰ প্ৰতিগৰাকী বিষয়ববীয়া আৰু নিষ্ঠাৱান কাৰ্যকৰ্তালৈ আন্তৰিক ধন্যবাদ আৰু কৃতজ্ঞতা জ্ঞাপন কৰিছোঁ।

ৰাইজৰ এই মৰম, আস্থা আৰু আশীৰ্বাদেই আমাৰ দলৰ প্ৰতিগৰাকী কৰ্মীৰ সৰ্ববৃহৎ প্ৰেৰণা।

ভাৰতীয় জনতা পাৰ্টি জিন্দাবাদ 🪷🪷🪷
BJP Assam Pradesh
Bharatiya Janata Party (BJP)

09/10/2026

09/10/2026

09/10/2026

দূৰদৰ্শী আৰু মানৱদৰদী ৰতন টাটা ডাঙৰীয়া গোটেই দেশৰ লগতে অসমৰ উদ্যোগ খণ্ডৰ বাবেও এগৰাকী চিৰস্মৰণীয় সত্তা হিচাপে অমৰ হৈ থাকিব। উদ্যোগপতি হোৱাৰ উপৰি অসমৰ উন্নয়নৰ প্ৰতি থকা তেখেতৰ ব্যতিক্ৰমী চিন্তা আৰু আন্তৰিকতাৰ বাবে তেখেতক এগৰাকী প্ৰকৃত অসম হিতৈষী হিচাপে আমি মনত ৰাখিম।

অসমলৈ তেওঁৰ ভ্ৰমণসমূহ আছিল একোটা ঐতিহাসিক পদক্ষেপৰ শুভ সূচনাসদৃশ। তেখেতে সদায় আমাৰ পৰা জানিব বিচাৰিছিল— অসমৰ জনসাধাৰণৰ বাবে আৰু কি কৰিব পৰা যায়। তেখেতে আমাৰ সৈতে কেতিয়াও কোম্পানীৰ স্বাৰ্থৰ বাবে আলোচনা কৰা নাছিল, যি তেখেতৰ ব্যক্তিত্বৰ আন এক শিক্ষণীয় দিশ।

যেতিয়া কৰ্কট ৰোগে নীৰৱে প্ৰতি বছৰে বহু জীৱন কাঢ়ি নিছিল, তেতিয়া তেখেতে কেৱল দান বৰঙণিতে দায়িত্ব সামৰিব বিচৰা নাছিল। তেওঁ আমাৰ সৈতে বহি আলোচনা কৰিছিল, সমগ্ৰ ৰাজ্যত ১৭খন চিকিৎসালয়ক সামৰি এক সুসংগঠিত কৰ্কট চিকিৎসা ব্যৱস্থাৰ পৰিকল্পনা কৰিছিল আৰু Assam Cancer Care Foundation-ক এটা পৰিকল্পনাৰ পৰা জীৱন ৰক্ষাৰ এক শক্তিশালী আৰু সক্ৰিয় ব্যৱস্থালৈ ৰূপান্তৰিত কৰাত নেতৃত্ব দিছিল। এবাৰ তেখেতে মোক কৈছিল যে জীৱনৰ শেষ পৰ্যায়টো স্বাস্থ্যসেৱাৰ বাবে উৎসৰ্গা কৰিব বিচাৰে। অসম হৈ পৰিছিল ৰতন টাটা ডাঙৰীয়াৰ সেই প্ৰতিশ্ৰুতিৰ বাস্তৱ ৰূপায়ণৰ এখন যোগ্যবিবেচিত ৰাজ্য।

অসমক এক প্ৰযুক্তি-কেন্দ্ৰ হিচাপে গঢ়ি তোলাৰ কথা যেতিয়া আমি আলোচনা কৰিছিলোঁ, তেতিয়াও তেখেতে অসমৰ সম্ভাৱনীয়তাৰ ওপৰত এবাৰো সন্দেহ কৰা নাছিল। এই বছৰৰ শেষৰ ফালে জাগীৰোডত টাটাৰ ছেমিকণ্ডাক্টৰ প্ৰকল্পটো কাৰ্যক্ষম হোৱাৰ লগে লগে, ভাৰতত এই ধৰণৰ প্ৰথম প্ৰকল্প হিচাপে অসমৰ বাবে দেখা তেওঁৰ সপোনৰ এক বাস্তৱ ৰূপায়ণ হ'ব। এই প্ৰকল্পক কেন্দ্ৰ কৰি গঢ় লৈ উঠা টাউনশ্বিপৰ নাম তেখেতৰ স্মৃতিত 'ৰতন টাটা ইলেক্ট্ৰনিক চিটী' ৰখাটোও যথেষ্ট তাৎপৰ্যপূৰ্ণ।

জীৱনকালতে তেখেতে উত্তৰ-পূৰ্বাঞ্চলক স্বাস্থ্যসেৱাত নতুন মৰ্যাদা আৰু উদ্যোগৰ ক্ষেত্ৰত নতুন উচ্চাকাংক্ষা প্ৰদান কৰি গ'ল। আজিৰ দিনটোত অসমে কেৱল এগৰাকী মহান ভাৰতীয়ক স্মৰণ কৰা নাই, বৰং অসমৰ ওপৰত বিশ্বাস ৰাখি আগুৱাই নিয়া এগৰাকী অন্যতম প্রকৃত অসম হিতৈষীক আমি শ্ৰদ্ধাৰে-কৃতজ্ঞতাৰে সুঁৱৰিছোঁ।

08/10/2026

08/10/2026

বিশিষ্ট অভিনেতা নানা পাটেকাৰ দেহাৱসানৰ বাতৰি লাভ কৰি গভীৰভাৱে মৰ্মাহত হৈছো। নিজৰ অনন্য অভিনয়শৈলী, শক্তিশালী সংলাপ আৰু জীৱন্ত চৰিত্ৰ ৰূপায়ণে ভাৰতীয় চলচ্চিত্ৰ জগতত এক সুকীয়া পৰিচয় গঢ়ি তোলা নানা পাটেকাৰ আছিল এগৰাকী অসাধাৰণ শিল্পী। তেওঁৰ বিয়োগে ভাৰতীয় চলচ্চিত্ৰ জগতত এক অপূৰণীয় শূন্যতাৰ সৃষ্টি কৰিলে। তেওঁৰ আত্মাৰ চিৰশান্তি কামনা কৰাৰ লগতে শোকসন্তপ্ত পৰিয়ালবৰ্গ আৰু অগণন গুণমুগ্ধলৈ গভীৰ সমবেদনা জ্ঞাপন কৰিছোঁ।

ঔঁ শান্তি। 🪔🪔🪔

07/10/2026

সেৱা, সুশাসন আৰু জনকল্যাণৰ ২৫ বছৰীয়া গৌৰৱময় যাত্ৰা.....

মাননীয় প্ৰধানমন্ত্ৰী Narendra Modi ডাঙৰীয়াৰ ৰাজহুৱা জীৱনৰ ২৫ বছৰীয়া গৌৰৱময় যাত্ৰা দেশসেৱা, সুশাসন, জনকল্যাণ আৰু ৰাষ্ট্ৰ নিৰ্মাণৰ প্ৰতি তেখেতৰ অটুট সমৰ্পণৰ এক অনন্য নিদৰ্শন। তেখেতৰ দূৰদৰ্শী নেতৃত্ব, দৃঢ় সংকল্প আৰু ৰাষ্ট্ৰৰ প্ৰতি নিষ্ঠাই দেশবাসীক সদায় অনুপ্ৰাণিত কৰি আহিছে। দেশৰ সেৱা আৰু ৰাষ্ট্ৰ নিৰ্মাণৰ এই গৌৰৱময় যাত্ৰাৰ বাবে মাননীয় প্ৰধানমন্ত্ৰী ডাঙৰীয়াক আন্তৰিক ধন্যবাদ আৰু কৃতজ্ঞতা জ্ঞাপন কৰিলোঁ।

তেখেতৰ আদৰ্শ আৰু উন্নয়নৰ দৃষ্টিভংগীক সাৰোগত কৰি অসমৰ মাননীয় মুখ্যমন্ত্ৰী Himanta Biswa Sarma ডাঙৰীয়াৰ নেতৃত্বত অসমেও উন্নয়ন, সুশাসন আৰু জনকল্যাণৰ দিশত দৃঢ়তাৰে আগবাঢ়িছে। ‘বিকশিত অসম, বিকশিত ভাৰত’ৰ সংকল্পক বাস্তৱ ৰূপ দিয়াৰ বাবে মাননীয় মুখ্যমন্ত্ৰী ডাঙৰীয়াকো আন্তৰিক ধন্যবাদ আৰু কৃতজ্ঞতা জ্ঞাপন কৰিলোঁ।

দুয়োগৰাকী নেতাৰ সেৱা, সংকল্প আৰু নেতৃত্বৰ আদৰ্শক সাৰথি কৰি এখন শক্তিশালী, সমৃদ্ধিশালী আৰু আত্মনিৰ্ভৰ অসম তথা বিকশিত ভাৰত নিৰ্মাণৰ সংকল্পৰে আহক আমি সকলোৱে আগবাঢ়ি যাওঁ।

#সেৱাৰ_২৫_বছৰ_সংকল্পৰ_২৫_বছৰ


Bharatiya Janata Party (BJP)

07/10/2026