06/06/2026
వినోదాల వెల్లువలో..
గుడ్డి నమ్మకాల గోడల మధ్య..
రాజకీయాల రొంపిలో..
చదువుకున్న యువత సైతం దారి తప్పుతుంటే,
ఈ దేశ భవిష్యత్తు శూన్యమేమో అనిపించింది!
చదువుల సారాన్ని మరిచి,
డీజేల హోరులో కాలం కరిగిపోతుంటే..
దేశ ప్రగతిని వదిలేసి,
గుళ్లూ-గోపురాల చుట్టూ, కులాల కుమ్ములాటల మధ్య
యువశక్తి బందీ అవుతుంటే..
ఈ సమాజం ఎటు పోతుందో అన్న భయం నిలువెల్లా వణికించింది!
సినిమాల మాయలో, సెలబ్రిటీల భజనలో,
స్వార్థ నాయకుల జెండాల నీడలో..
రేపటి పౌరులు తమ ఆత్మగౌరవాన్ని తాకట్టు పెడుతుంటే,
ఇక ఈ దేశంలో మార్పు రాదేమో అని గుండె తల్లడిల్లింది!
కానీ..
అన్యాయంపై ఎలుగెత్తిన ఢిల్లీ 'జంతర్ మంతర్'
పోరాట జ్వాలలను చూశాక అర్థమైంది..
దేశాన్ని నడిపించే అసలైన యువశక్తి ఇంకా సజీవంగానే ఉందని!
ఆ గడ్డపై రగులుతున్నది కేవలం నిరసన కాదు,
నిద్రపోతున్న సమాజపు గుండెల్లో చైతన్య నాదం!
హక్కుల కోసం ఎగిరిన ఆ పిడికిళ్లు..
స్వార్థపరుల సింహాసనాలను వణికించే ఒక విప్లవ సంకేతం!
అంధకారాన్ని చీల్చుకుంటూ..
ఒక కొత్త సూర్యోదయం రాబోతోంది.
నిరాశల నుంచి నిలదీసే తరం కదిలింది,
మార్పు తథ్యం.. రేపటి గెలుపు మనదే!
