AIMIM Telangana

Call Directions

AIMIM Telangana AIMIM TS official FB: Advocating equal rights for underprivileged, minorities, and the voiceless.

Naujawano'n ke liye rozgaar ka bada mauqa, Malakpet, Hyderabad mein Grand Job Mela ka ineqaadAIMIM President Barrister A...
09/10/2026

Naujawano'n ke liye rozgaar ka bada mauqa, Malakpet, Hyderabad mein Grand Job Mela ka ineqaad

AIMIM President Barrister Asaduddin Owaisi Sahab ki sarparasti mein aur Malakpet MLA Janab Ahmed Bin Abdullah Balala Sahab ki janib se 10th October 2026 ko Malakpet, Hyderabad mein Grand Job Mela munaqqid kiya ja raha hai.

IBNAT Foundation ke taawun se hone wale is Job Mela mein 50 se zyada companies shirkat karengi.
Is Job Mela mein 10th, Inter, B.Tech, B.Pharma, M.Pharma, B.Com, B.Sc, BBA, MBA aur doosre graduates shirkat kar sakte hain. Freshers aur experienced candidates dono ke liye naukri ke mauqe dastiyaab honge. Khawateen job seekers ke liye Work From Home jobs bhi maujood hongi.

IT, Non-IT, Pharma, Health Care, Banking, Retail, Civil, Education, Accounts & Finance aur Travel & Logistics ke alawa mukhtalif fields mein rozgaar ke mauqe faraham kiye jayenge.

Naujawano’n se appeal hai ki is Grand Job Mela mein shirkat ke liye poster mein diye gaye QR Code ko scan karke abhi Register karein aur Mazeed maloomat ke liye 9346503546 / 8125004111 is number par call karein.

📅 Date: 10th October 2026
⏰ Time: 9 AM to 4 PM
📍 Venue: Meridian Garden Function Hall, Peshawar Hotel ke opposite, Malakpet, Hyderabad

Awaam ko behtar sahuliyaat faraham karne ke liye AIMIM lagataar kaam kar rahi hai aur InshaAllah ye silsila hamesha jaar...
06/10/2026

Awaam ko behtar sahuliyaat faraham karne ke liye AIMIM lagataar kaam kar rahi hai aur InshaAllah ye silsila hamesha jaari rahega.

AIMIM President Barrister Asaduddin Owaisi Sahab ne AIMIM MLA Janab Mohammed Majid Hussain Sahab ke saath Halqa-e-Assembly Nampally mein aaj ₹16.65 crore ki laagat se mukhtalif taraqqiaati kaamo'n ka shandaar iftetaah kiya.

Is mauqe par AIMIM ke Ex-Corporators, party ke Sudoor-o-Mohtamadeen aur Muhibban-e-Majlis ki badi tadaad maujood thi.

Hyderabad: Halqa-e-Assembly Rajendranagar ke Suleman Nagar mein kuch shar-pasand anasir ne Masjid-e-Mohammadia, Chintalm...
03/10/2026

Hyderabad: Halqa-e-Assembly Rajendranagar ke Suleman Nagar mein kuch shar-pasand anasir ne Masjid-e-Mohammadia, Chintalmet ki boundary wall ki demolition ke taalluq se social media par galat afwaah phaila kar ilaaqe ka mahaul kharab karne ki koshish ki.

Jaise hi iski ittela AIMIM Bahadurpura MLA Janab Mohd. Mubeen Sahab ko mili, wo fauran AIMIM MLC Janab Mirza Riyaz-ul-Hassan Effendi Sahab aur Ex Corporator Janab Nawazuddin Ahmed Sahab ke saath mauqe par pahunche aur is kaarwai ko rukwaya.

Saath hi masjid ki hifazat ke liye poori raat masjid mein hi maujood rahe. Is mauqe par Masjid Committee aur ilaaqe ke log bhi badi tadaad mein maujood rahe.

AIMIM Yakutpura MLA Janab Jaffar Hussain Meraj Sahab ki janib se AIMIM MLC Janab Mirza Riyaz-ul-Hassan Effendi Sahab ne ...
29/09/2026

AIMIM Yakutpura MLA Janab Jaffar Hussain Meraj Sahab ki janib se AIMIM MLC Janab Mirza Riyaz-ul-Hassan Effendi Sahab ne Party Headquarters Darussalam mein CMRF Scheme ke tahet behtar ilaaj ke liye 40 beneficiaries ko LOC (Total Amount ₹17,80,000) faraham kiye.

Hyderabad: AIMIM Charminar MLA Janab Mir Zulfeqar Ali ne Party Headquarters Darussalam mein 75 Beneficiaries ko Shadi Mu...
29/09/2026

Hyderabad: AIMIM Charminar MLA Janab Mir Zulfeqar Ali ne Party Headquarters Darussalam mein 75 Beneficiaries ko Shadi Mubarak aur Kalyana Lakshmi Scheme ke Cheques (Total Amount ₹75,08,700) faraham kiya.

AIMIM ka Darussalam Daftar awaam ki khidmat ke liye jana jata hai, jahan sabhi ke masaail sune jaate hain aur hal karne ...
24/09/2026

AIMIM ka Darussalam Daftar awaam ki khidmat ke liye jana jata hai, jahan sabhi ke masaail sune jaate hain aur hal karne ki poori koshish ki jaati hai.

Hamesha ki tarah Aaj bhi Sadr-e-Majlis Barrister Asaduddin Owaisi Sahab, AIMIM MLAs aur MLC ke sath awaam ki khidmat mein haazir hue aur unke masaail sune, InshaAllah! Jald hi tamaam masaail ko hal karne ki koshish ki jaayegi.

Hyderabad: AIMIM Headquarters Darussalam mein Qaed-e-Millat, Fakhr-e-Millat aur Salar-e-Millat Elocution Competitions ke...
24/09/2026

Hyderabad: AIMIM Headquarters Darussalam mein Qaed-e-Millat, Fakhr-e-Millat aur Salar-e-Millat Elocution Competitions ke inaamaat ki taqseem ki gayi. In teeno'n muqaablo'n mein 1st, 2nd aur 3rd position haasil karne wale students ko AIMIM President Barrister Asaduddin Owaisi Sahab aur AIMIM Floor Leader Janab Akbaruddin Owaisi Sahab ke haatho'n Gold Medal, Silver Medal aur Islamic Books se nawaza gaya.
Waaze rahe ki "Qaed-e-Millat aur Asr-e-Hazir", "Fakhr-e-Millat ba Shaksiyat-e-Khateeb" aur "Salar-e-Millat ba Haisiyat-e-Mudabbir Siyasatdan" ke mauzuaat par taqreeri muqabale munaqid kiye gaye the, jismein mukhtalif schools ke students ne badh-chadh kar hissa liya aur apni taqreeri salaahiyato'n ka behtareen muzahira pesh kiya.
Is mauqe per Syed Mushtaq Ahmed Sahab (PA of Barrister Asaduddin Owaisi), Shoba-e-Tanzeem Incharge Janab Samad bin Abdad, Party ke Ex-Corporator Janab Mirza Saleem Baig, Janab Abu Talha Amjad aur doosre zimmedaraan maujood the.

AIMIM President Barrister Asaduddin Owaisi Sahab ne Telangana ke Chief Minister ko khat likhkar Mamnoor Airport, Waranga...
22/09/2026

AIMIM President Barrister Asaduddin Owaisi Sahab ne Telangana ke Chief Minister ko khat likhkar Mamnoor Airport, Warangal ka naam 1857 ki Jung-e-Azaadi ke mujahid aur Hyderabad ki tareekhi Makkah Masjid ke saabiq Imam, Maulvi Syed Alauddin ke naam par rakhne ki darkhwast ki hai, taaki mulk ke liye di gayi unki qurbani aur khidmaat ko hamesha yaad rakha jaaye.

Telangana Hukumat Jamia Nizamia ki property auction kar rahi hai aur riyasat mein Waqf properties khatam hoti ja rahi ha...
11/09/2026

Telangana Hukumat Jamia Nizamia ki property auction kar rahi hai aur riyasat mein Waqf properties khatam hoti ja rahi hain. Deputy CM minorities ke saath ek meeting bulaayein aur Waqf properties ki hifazat ke liye qadam uthaayein: AIMIM Floor Leader Janab Akbaruddin Owaisi

Hyderabad: AIMIM Floor Leader aur Salar-E-Millat Educational Trust ke Founder & Chairman Janab Akbaruddin Owaisi Sahab n...
09/09/2026

Hyderabad: AIMIM Floor Leader aur Salar-E-Millat Educational Trust ke Founder & Chairman Janab Akbaruddin Owaisi Sahab ne Salar-E-Millat KG to PG Girls Campus, Talab Katta mein SSC Toppers students ko Long Memo taqseem kiye.

Is mauqe par Janab Akbaruddin Owaisi Sahab ne tamam students ko unki shandaar kamyabi par dili mubarakbaad pesh ki aur unki mehnat ko saraha. Saath hi students ki hausla-afzaai karte hue unhein taleem ke maidan mein mazeed aage badhne aur mustaqbil mein badi kamyabiyaa'n hasil karne ke liye nek khwahishat pesh ki.

Address

Hyderabad

Telephone

+918977029818

Website

Alerts

Be the first to know and let us send you an email when AIMIM Telangana posts news and promotions. Your email address will not be used for any other purpose, and you can unsubscribe at any time.

Shortcuts

Share

Category