CPIM Porathissery

09/10/2026

ആദ്യകാല കമ്മ്യൂണിസ്റ്റും,അടിയന്തിരാവസ്ഥയിൽ രഹസ്യമായി പാർട്ടി പ്രവർത്തനങ്ങൾ സംഘടിപ്പിക്കുകയും ചെയ്തിരുന്ന വി-വൺ നഗർ
തെക്കനൂരകത്ത് ചന്ദ്രൻ(85)നിര്യാതനായി.
ഭാര്യ പരേതയായ വത്സല.
മക്കൾ: സുമീള,രമീള (സി.പി.ഐ.എം സിവിൽസ്റ്റേഷൻ ബ്രാഞ്ച് അംഗം),രെഞ്ജീവ്,
അജിത്കുമാർ.
മരുമക്കൾ:രാധാകൃഷ്ണൻ,രാജീവ്,സുനിത,രെജിന.
സംസ്ക്കാരം ഇന്ന് വൈകീട്ട് 3 മണിക്ക് ഇരിങ്ങാലക്കുട മുക്തിസ്ഥാനിൽ.

ആദരാഞ്ജലി💐

06/10/2026

PKS ഇരിങ്ങാലക്കുട ഏരിയ കമ്മിറ്റിയിലേക്ക് തിരഞ്ഞെടുക്കപ്പെട്ട
സ. പി എം നന്ദുലാലിന്
അഭിവാദ്യങ്ങൾ

04/10/2026

സിപിഐ(എം) ജനറൽ സെക്രട്ടറി സഖാവ് എം.എ. ബേബിയെയും മറ്റ് നേതാക്കളെയും അറസ്റ്റ് ചെയ്ത കേന്ദ്ര സർക്കാർ നീക്കത്തിൽ പ്രതിഷേധിച്ചുകൊണ്ട് സിപിഐ(എം) പൊറത്തിശ്ശേരി ലോക്കൽ കമ്മിറ്റിയുടെ നേതൃത്വത്തിൽ മാപ്രാണത്ത് പ്രതിഷേധ പരിപാടി സംഘടിപ്പിച്ചു.

ജനാധിപത്യ ധ്വംസനങ്ങൾക്കും വോട്ടർ പട്ടിക അട്ടിമറിക്കലുകൾക്കുമെതിരെ ശക്തമായ പ്രതിഷേധം ഉയർത്തുക!

രാജ്യത്തിന്റെ അടിത്തറയായ ജനാധിപത്യ പ്രക്രിയയെയും സ്വതന്ത്ര തിരഞ്ഞെടുപ്പ് കമ്മീഷനെയും നോക്കുകുത്തിയാക്കി, കേന്ദ്രഭരണകൂടവും ബിജെപി-ആർഎസ്എസ് നേതൃത്വവും നടത്തുന്ന ഭരണഘടനാ വിരുദ്ധ നീക്കങ്ങൾ അതിതീവ്രമായ ആശങ്കയാണ് സൃഷ്ടിക്കുന്നത്.

ലോകരാജ്യങ്ങൾക്ക് മുന്നിൽ മാതൃകയായിരുന്ന നമ്മുടെ തിരഞ്ഞെടുപ്പ് സംവിധാനത്തെ അട്ടിമറിക്കുന്ന ഗൂഢനീക്കങ്ങളാണ് ഇന്ന് അരങ്ങേറിക്കൊണ്ടിരിക്കുന്നത്.

എസ്.‌ഐ.ആറിന്റെ (SIR) പേരിൽ സംസ്ഥാന നിയമസഭാ തിരഞ്ഞെടുപ്പുകളിൽ ബി.ജെ.പി യ്ക്ക് എതിരായി നിലകൊള്ളുമെന്നുറപ്പുള്ള ലക്ഷക്കണക്കിന് ജനങ്ങളുടെ വോട്ടുകൾ യാതൊരു ന്യായീകരണവുമില്ലാതെ വെട്ടിമാറ്റുന്നു.

ചീഫ് ഇലക്ഷൻ കമ്മീഷണറെയും കമ്മീഷനെയും ആർ.എസ്.എസ് ൻ്റെ താൽപ്പര്യങ്ങൾ സംരക്ഷിക്കുന്ന ഉപകരണമാക്കി മാറ്റിയിരിക്കുന്നു.

വോട്ടർ പട്ടികയിൽ വരുത്തുന്ന ബോധപൂർവ്വമായ അട്ടിമറികൾക്കെതിരെ രാജ്യവ്യാപകമായി പ്രതിപക്ഷ കക്ഷികൾ ശക്തമായ പ്രക്ഷോഭത്തിലാണ്.

ജനാധിപത്യപരമായ പ്രതിഷേധങ്ങളെയും പ്രക്ഷോഭങ്ങളെയും ഡൽഹിയിൽ കേന്ദ്രസർക്കാരും പോലീസും ചേർന്ന് ക്രൂരമായി നേരിടുകയാണ്.
ഡൽഹി ജന്തർമന്തറിൽ സിപിഐ(എം) ജനറൽ സെക്രട്ടറി സഖാവ് എം.എ. ബേബി ഉൾപ്പെടെയുള്ള പ്രമുഖ രാഷ്ട്രീയ നേതാക്കളെ ഡൽഹി പോലീസ് അറസ്റ്റ് ചെയ്ത നടപടി ഭരണകൂട ഭീകരതയുടെ ഉദാഹരണമാണ്.

'ചീഫ് ഇലക്ഷൻ കമ്മീഷണർ രാജിവെക്കുക' എന്നാവശ്യപ്പെട്ട് രാജ്യവ്യാപകമായി ഉയർന്നുവരുന്ന ജനകീയ പ്രക്ഷോഭങ്ങളെ അടിച്ചമർത്താൻ കഴിയില്ലെന്ന് കേന്ദ്രസർക്കാർ തിരിച്ചറിയണം.

നമ്മുടെ ഭരണഘടനയും ജനാധിപത്യ അവകാശങ്ങളും സംരക്ഷിക്കുന്നതിനായി രാഷ്ട്രീയ ഭേദമന്യേ എല്ലാ ജനാധിപത്യ വിശ്വാസികളും ഈ പ്രതിരോധ പോരാട്ടങ്ങളിൽ അണിചേരണമെന്ന് അഭ്യർത്ഥിക്കുന്നു.

03/10/2026

സ:അഖിൽ ലക്ഷമണന്
അഭിവാദ്യങ്ങൾ.

ഗ്യാനേഷ് കുമാറിനെതിരായ
രാജ്യ തലസ്ഥാനത്തെ
പ്രക്ഷോഭത്തിൽ
പങ്കെടുത്ത
ഡി.വൈ.എഫ്.ഐ
ഇരിങ്ങാലക്കുട
ബ്ലോക്ക് സെക്രട്ടറി
സഖാവ്
അഖിൽ ലക്ഷ്മണനെ
ദില്ലി പോലീസ്
അറസ്റ്റ് ചെയ്തു.

ജനാധിപത്യത്തെ
വോട്ട് വെട്ടികളഞ്ഞ്
തട്ടിയെടുക്കുന്ന
ആർ.എസ്. എസ്
ഏജൻ്റായ
ഇലക്ഷൻ കമ്മീഷനെതിരെ,
രാജ്യമെമ്പാടും നടക്കുന്ന പ്രക്ഷോഭത്തിൽ
നമുക്കെല്ലാം
കണ്ണികളാകേണ്ടതുണ്ട്.

പോരാട്ടത്തിൽ
പങ്ക് ചേർന്ന്
അറസ്റ്റിലായ .
ഇരിങ്ങാലക്കുടയിലെ
ധീരപോരാളി .
സ:അഖിൽ ലക്ഷമണന്
അഭിവാദ്യങ്ങൾ.

02/10/2026

CPI(M) കുഴിക്കാട്ടു കോണം ബ്രാഞ്ച് അംഗവും,DYFI മാപ്രാണം മേഖലാ കമ്മിറ്റി പ്രസിഡണ്ടുമായ സഖാവ് എൻ.അഭിഷേകിൻ്റെ പിതാവ് നമ്പിട്ടിയത്ത് നാരായണൻകുട്ടി (അനിയൻ ചേട്ടൻ) ഇന്ന് പുലർച്ചെ തൃശ്ശൂർ അമല ഹോസ്‌പിറ്റലിൽ വെച്ച് നിര്യാതനായി എന്ന വിവരം വ്യസനസമേതം അറിയിക്കുന്നു. സംസ്ക്കാര ചടങ്ങുകൾ വൈകീട്ട് 5 മണിക്ക്.
പ്രിയ സഖാവ് അനിയൻ ചേട്ടന് ആദരാഞ്ജലി നേരുന്നു.💐💐💐

24/09/2026

തൊഴിൽ പീഡനത്തിൽ മഞ്ജുഷയുടെ ദാരുണാന്ത്യം; ഡി.വൈ.എഫ്.ഐ നേതാക്കളെ അറസ്റ്റ് ചെയ്ത പൊലീസ് നടപടി പ്രതിഷേധാർഹം!

പാലപ്പള്ളി ഹാരിസൺ മലയാളം എസ്റ്റേറ്റിൽ തൊഴിൽ പീഡനത്തെത്തുടർന്ന് ജീവനൊടുക്കിയ തോട്ടം തൊഴിലാളി മഞ്ജുഷയുടെ (47) വിയോഗം തീർത്തും ഞെട്ടിപ്പിക്കുന്നതാണ്. ജോലിക്കിടെ 15 മിനിറ്റ് വീട്ടിൽ പോയതിന്റെ പേരിൽ തോട്ടം മാനേജർമാരിൽ നിന്നുണ്ടായ മാനസിക പീഡനവും അസഭ്യം പറയലുകളും ചോദ്യം ചെയ്തപ്പോൾ പണികളയിക്കുമെന്ന് ഭീഷണിപ്പെടുത്തിയതുമാണ് ഈ ദാരുണ സംഭവത്തിലേക്ക് നയിച്ചത്. ആത്മഹത്യാക്കുറിപ്പിൽ ഇക്കാര്യങ്ങൾ വ്യക്തമായിട്ടും കുറ്റക്കാർക്കെതിരെ ശക്തമായ നടപടി സ്വീകരിക്കുന്നതിന് പകരം മുതലാളിത്ത താൽപ്പര്യങ്ങൾക്ക് കുടപിടിക്കുന്ന സമീപനമാണ് അധികാരികളുടെ ഭാഗത്തുനിന്നും ഉണ്ടായത്.
നീതിക്കുവേണ്ടി ഹാരിസൺ ഓഫീസിലേക്ക് മാർച്ച് നടത്തി ശക്തമായ പ്രതിഷേധം ഉയർന്നപ്പോൾ, ഡിവൈഎഫ്ഐ കൊടകര ബ്ലോക്ക് കമ്മിറ്റിയിലെ ധീരരായ യുവജന സഖാക്കളെയാണ് പൊലീസ് അറസ്റ്റ് ചെയ്ത് ജയിലിലടച്ചത്.
സമരം ചെയ്ത സഖാക്കളെ ഇരിങ്ങാലക്കുട ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റിന്റെ പൊറത്തിശ്ശേരിയിലെ വസതിയിൽ ഹാജരാക്കുകയും, ജാമ്യാപേക്ഷ അടുത്ത ദിവസത്തേക്ക് മാറ്റിക്കൊണ്ട് തൃശൂർ ജില്ലാ ജയിലിലേക്ക് ജുഡീഷ്യൽ കസ്റ്റഡിയിൽ അയക്കുകയുമാണ് ചെയ്തത്.

തൊഴിലാളികൾക്കൊപ്പം നിൽക്കേണ്ട സർക്കാരും പോലീസും മുതലാളിമാരുടെ വായ്ത്തലയ്ക്ക് മുന്നിൽ മുട്ടുമടക്കുന്ന ഈ നീതിവിരുദ്ധ നടപടി അങ്ങേയറ്റം അപലപനീയമാണ്.
മഞ്ജുഷയ്ക്ക് നീതി ലഭ്യമാക്കണമെന്നാവശ്യപ്പെട്ട് തെരുവിൽ പൊരുതി ജുഡീഷ്യൽ കസ്റ്റഡിയിലായ ഡിവൈഎഫ്ഐയുടെ ഉശിരന്മാരായ സഖാക്കൾക്ക് അഭിവാദ്യങ്ങൾ!
ഈ പോരാട്ടം ഇവിടെ അവസാനിക്കുന്നില്ല; മഞ്ജുഷയുടെ കുടുംബത്തിന് നീതി ലഭിക്കുന്നത് വരെ പ്രതിഷേധങ്ങൾ ശക്തമായി തുടരണം.

23/09/2026

സ: അഴിക്കോടൻ രാഘവൻ രക്തസാക്ഷി ദിനം സമുചിതമായി ആചരിച്ചു.
സി.പി.ഐ(എം) പൊറത്തിശ്ശേരി ലോക്കൽ കമ്മിറ്റിക്ക് കീഴിലെ പതിനാറ് ബ്രാഞ്ചുകളിലും അഴീക്കോടൻ രാഘവൻ രക്തസാക്ഷി ദിനം പതാക ഉയർത്തിയും പ്രഭാതഭേരി മുഴക്കിയും സമുചിതമായ ആചരിച്ചു. പൊറത്തിശ്ശേരി ബ്രാഞ്ചിൽ ലോക്കൽ കമ്മിറ്റി സെക്രട്ടറി ആർ.എൽ.ജീവൻലാൽ പതാക ഉയർത്തി മുതിർന്ന പാർട്ടി അംഗം സഖാവ് എ ഗോപി അധ്യക്ഷത വഹിച്ചു സി.പി.ഐ(എം) പൊറത്തിശ്ശേരി ബ്രാഞ്ച് സെക്രട്ടറി ആലുങ്കൽ ഉണ്ണികൃഷ്ണൻ ചടങ്ങിൽ സ്വാഗതം പറഞ്ഞു.

13/09/2026

ബേബി മാഷിന് ലാൽസലാം.
പാർട്ടിയുടെ തൃശ്ശൂരിലെ മുൻ ജില്ലാ സെക്രട്ടറിയും സംസ്ഥാന സെക്രട്ടറിയേറ്റ് അംഗവുമായിരുന്ന പ്രിയപ്പെട്ട ബേബിമാഷിന് അന്ത്യാഭിവാദ്യങ്ങൾ.

11/09/2026

11/09/2026

സി.പി.ഐ(എം) പ്രവർത്തന ഫണ്ട് ശേഖരണം.