24/09/2026
আজি, অৰ্থাৎ ইংৰাজী ২০২৬ চনৰ ২৪ ছেপ্টেম্বৰ তাৰিখে তিতাবৰ সমজিলা প্ৰশাসনৰ উদ্যোগত প্ৰজেক্ট ডেউকা (পৰ্যায়-১)ৰ এক প্ৰশিক্ষণ কাৰ্যসূচী তিতাবৰৰ দেৱ কুমাৰ বৰা সোৱঁৰণি ৰাজহুৱা প্ৰেক্ষাগৃহত অনুষ্ঠিত কৰা হয়।
প্ৰজেক্ট ডেউকা হৈছে দিব্যাংগতা সম্পৰ্কে সজাগতা সৃষ্টি আৰু দিব্যাংগ ব্যক্তিসকলৰ বাবে এক অধিক অন্তৰ্ভুক্তিমূলক, সহানুভূতিশীল আৰু সহায়ক সমাজ গঢ়ি তোলাৰ এক পদক্ষেপ। এই প্ৰকল্পৰ জৰিয়তে দিব্যাংগতাক লৈ সমাজত থকা ভুল ধাৰণা, কলংক আৰু বৈষম্য হ্ৰাস কৰাৰ লগতে দিব্যাংগ ব্যক্তিসকলৰ অধিকাৰ, মৰ্যাদা, সামৰ্থ্য আৰু সমান অংশগ্ৰহণৰ প্ৰতি সজাগতা বৃদ্ধি কৰাৰ লক্ষ্য লোৱা হৈছে।
প্ৰশিক্ষণ কাৰ্যসূচীটো তিতাবৰ সমজিলা আয়ুক্ত মহোদয়ে উদ্বোধন কৰে। অনুষ্ঠানত তিতাবৰ সমজিলাৰ সহকাৰী আয়ুক্তসকল, তিতাবৰ সংহত শিশু উন্নয়ন সেৱা প্ৰকল্পৰ শিশু উন্নয়ন প্ৰকল্প বিষয়া আৰু যোৰহাটৰ যুটীয়া স্বাস্থ্য সেৱা সঞ্চালকৰ কাৰ্যালয়ৰ সংশ্লিষ্ট ব্যক্তি উপস্থিত থাকে।
উক্ত প্ৰশিক্ষণ কাৰ্যসূচীত সংশ্লিষ্ট অংগনৱাড়ী কৰ্মী আৰু আশা স্বাস্থ্য কৰ্মীসকলক দিব্যাংগতা সম্পৰ্কীয় বিষয়সমূহৰ ওপৰত সজাগ কৰাৰ লগতে তৃণমূল পৰ্যায়ত সজাগতা, অন্তৰ্ভুক্তি, সমতা আৰু সহজলভ্যতা নিশ্চিত কৰাৰ ক্ষেত্ৰত তেওঁলোকৰ ভূমিকা সম্পৰ্কে প্ৰয়োজনীয় দিহা-পৰামৰ্শ প্ৰদান কৰা হয়।
সমতা, মৰ্যাদা, অন্তৰ্ভুক্তি আৰু সমান সুযোগৰ ভিত্তিত এখন অধিক অন্তৰ্ভুক্তিমূলক সমাজ গঢ়ি তোলাৰ লক্ষ্যৰে প্ৰজেক্ট দেউকাৰ এই পদক্ষেপে তৃণমূল পৰ্যায়ত সজাগতা বৃদ্ধিত গুৰুত্বপূৰ্ণ ভূমিকা পালন কৰিব।
District Administration, Jorhat
