District Administration, Jorhat

08/10/2026

ভাৰত চৰকাৰৰ বস্ত্ৰ মন্ত্ৰালয়ৰ অন্তৰ্গত কেন্দ্ৰীয় ৰেচম ব’ৰ্ড (Central Silk Board - CSB) আৰু ৰাষ্ট্ৰীয় ৰেচম বীজ সংস্থাৰ (National Silkworm Seed Organization - NSSO) উদ্যোগত যোৰহাটৰ ৰ'ৰৈয়াত নতুনকৈ নিৰ্মাণ কৰা ‘ৰেচম বীজ উৎপাদন কেন্দ্ৰ’ৰ (Silkworm Seed Production Centre - SSPC) নৱনিৰ্মিত গ্ৰেইনেজ ভৱন (Grainage Building) আৰু ক’ল্ড ষ্ট’ৰেজ ইউনিটটো আজি আনুষ্ঠানিকভাৱে শুভ উদ্বোধন কৰে ভাৰত চৰকাৰৰ বৈদেশিক পৰিক্ৰমা আৰু বস্ত্ৰ বিভাগৰ মাননীয় ৰাজ্যিক মন্ত্ৰী শ্ৰী পবিত্ৰ মাৰ্ঘেৰিটা ডাঙৰীয়াই I এই নতুন ক’ল্ড ষ্ট’ৰেজ ইউনিটটোত প্ৰায় ৩০ লাখ পৰ্যন্ত ৰেচম বীজ সংৰক্ষণ কৰিব পৰা যাব, যিয়ে স্থানীয় ৰেচম কৃষকসকলৰ বাবে বীজৰ অভাৱ দূৰ কৰাত ডাঙৰ সহায়ক হ'ব।

আজিৰ এই অনুষ্ঠানত কাজিৰঙা লোকসভা সমষ্টিৰ মাননীয় সাংসদ শ্ৰী কামাখ্যা প্ৰসাদ তাছা, যোৰহাট বিধানসভা সমষ্টিৰ মাননীয় বিধায়ক শ্ৰী হিতেন্দ্ৰ নাথ গোস্বামী, বেংগালুৰুস্থিত কেন্দ্ৰীয় ৰেচম ব’ৰ্ডৰ সদস্য সচিব শ্ৰী পি. শিৱকুমাৰ, অসম কৃষি বিশ্ববিদ্যালয়ৰ মাননীয় উপাচাৰ্য ড° দীপজ্যোতি ৰাজখোৱা ,অসম চৰকাৰৰ ৰেচম সঞ্চালকালয়ৰ সঞ্চালিকা শ্ৰীমতী লখিমী দত্ত, যোৰহাট CSB-CMERTI-ৰ সঞ্চালক ড° কাৰ্তিক নেওগ, আমন্ত্ৰিত বিশিষ্ট অতিথি সকল, বিজ্ঞানীসকল, ৰেচম উদোগৰ অংশীদাৰসকল, 'সমৰ্থ’ (Samarth) আঁচনিৰ অধীনত প্ৰশিক্ষণ লোৱা প্ৰশিক্ষাৰ্থীসকলৰ লগতে সংশ্লিষ্ট বিভাগৰ বিষয়া-কৰ্মচাৰীসকল উপস্থিত থাকে I

অনুষ্ঠানৰ শেষত বেংগালুৰুৰ CSB-NSSO-ৰ সঞ্চালক ড° মন্তিৰা মূৰ্থীয়ে সকলোকে ধন্যবাদ আৰু শলাগৰ শৰাই জ্ঞাপন কৰে।

PMO India
CMO Assam
Directorate of Information and Public Relations, Assam
DIPRO Jorhat

08/10/2026

ৰাইজৰ জ্ঞাতাৰ্থে

PMO India
Narendra Modi
CMO Assam
Directorate of Information and Public Relations, Assam
DIPRO Jorhat

08/10/2026

08/10/2026

অসম চৰকাৰৰ ক্ৰীড়া বিভাগৰ উদ্যোগত ৰাজ্যৰ তৃণমূল পৰ্যায়ৰ ক্ৰীড়া প্ৰতিভাসমূহ চিনাক্তকৰণ আৰু বিকাশৰ বাবে অনুষ্ঠিত হ’বলগীয়া ‘খেল মহাৰণ ৩.০’ আৰু ‘শিশু ক্ৰীড়া সমাৰোহ’ৰ কাৰ্যসূচী সুচাৰুৰূপে চলাই নিয়াৰ উদ্দেশ্যৰে আজি যোৰহাট জিলাৰ সংহত জিলা আয়ুক্ত কাৰ্যালয়ৰ প্ৰেক্ষাগৃহত এক বিস্তৃত প্ৰস্তুতিমূলক সভা অনুষ্ঠিত হয়। জিলা আয়ুক্ত জয় শিৱানী দেৱৰ পৌৰোহিত্যত অনুষ্ঠিত এই সভাখন তেখেতৰ আদৰণী বক্তব্য আৰু সভাৰ উদ্দেশ্য ব্যাখ্যাৰে শুভাৰম্ভ কৰা হয়। সভাত ভাষণ প্ৰদান কৰি জিলা আয়ুক্ত মহোদয়ে খেল মহাৰণ ৩.০-ৰ মূল কাৰ্যসূচী আৰু উদ্দেশ্যসমূহ দাঙি ধৰে। খেল মহাৰণ ৩.০-ৰ প্ৰতিযোগিতাসমূহ সফলভাৱে আয়োজন কৰিবলৈ এতিয়াৰ পৰাই সকলো ধৰণৰ প্ৰস্তুতিমূলক কাম-কাজ ত্বৰান্বিত কৰিবলৈ তেওঁ বিষয়াসকলক নিৰ্দেশ দিয়ে। জিলাখনৰ পৰা সৰ্বাধিক তথা গুণগত খেলুৱৈৰ অংশগ্ৰহণ নিশ্চিত কৰি যোৰহাটক সমগ্ৰ অসমৰ ভিতৰতে শ্ৰেষ্ঠ প্ৰদৰ্শনকাৰী জিলা হিচাপে গঢ়ি তুলিবলৈ তেওঁ সকলো বিভাগ আৰু অংশগ্ৰহণকাৰী ক্ৰীড়া সংস্থাক আন্তৰিকতাৰে কাম কৰিবলৈ আহ্বান জনায়।

ইয়াৰ পাছতে জিলা ক্ৰীড়া বিষয়া ৰাহুল শৰ্মাই এক বিস্তৃত পাৱাৰপইণ্ট উপস্থাপনৰ মাধ্যমেৰে এইবেলি বিশেষভাৱে ১২ বছৰৰ অনূৰ্ধ্ব ক্ৰীড়াবিদসকলৰ প্ৰতিভা বিকাশৰ মঞ্চ ‘শিশু ক্ৰীড়া সমাৰোহ’ আৰু ‘খেল মহাৰণ ৩.০ ৰ বিষয়ে অবগত কৰে। তেওঁ জনায় যে এইবাৰ ৮ টা ক্ৰীড়া ইভেন্ট যেনে— এথলেটিকছ, যোগাসন, দবা, বক্সিং, একুৱাথলন, ফুটবল, ভলীবল আৰু সাঁতোৰ অন্তৰ্ভুক্ত কৰা হৈছে। এই ক্ৰীড়া মহোৎসৱ ২০২৬ চনৰ নৱেম্বৰ মাহৰ পৰা আৰম্ভ হৈ ২০২৭ চনৰ ফেব্ৰুৱাৰী মাহলৈকে চলিব।

সভাত জিলা আয়ুক্ত ডাঙৰীয়াই জিলাখনৰ ক্ৰীড়া সংস্থাসমূহক কোনো যোগ্য ক্ৰীড়াবিদ যাতে পঞ্জীয়নৰ পৰা বঞ্চিত নহয়, সেয়া নিশ্চিত কৰিবলৈ অনুৰোধ জনায়। ছাত্ৰ-ছাত্ৰীসকলৰ পঞ্জীয়ন আৰু অংশগ্ৰহণ বৃদ্ধি কৰিবলৈ বিদ্যালয় আৰু মহাবিদ্যালয়সমূহত ব্যাপক সজাগতা সৃষ্টিৰ বাবে শিক্ষা বিভাগ আৰু চি.আৰ.চি.চি.সকলক দায়িত্ব অৰ্পণ কৰা হয়। ইয়াৰ উপৰি গাঁও আৰু পৌৰ পৰ্যায়ত সজাগতা আনিবলৈ জিলা ক্ৰীড়া বিষয়া, খণ্ড উন্নয়ন বিষয়া, পৌৰসভাৰ কাৰ্যবাহী বিষয়া আৰু জিলা তথ্য ও জনসংযোগ বিষয়াৰ ভূমিকা সম্পৰ্কে আলোকপাত কৰি সকলোৰে যৌথ প্ৰচেষ্টাৰে খেল মহাৰণ ৩.০ সফল কৰি তুলিবলৈ সিদ্ধান্ত গ্ৰহণ কৰা হয়।

আজিৰ এই সভাত জিলা পৰিষদৰ মুখ্য কাৰ্যবাহী বিষয়া মনোজ কুমাৰ বৰুৱা, অতিৰিক্ত জিলা আয়ুক্ত (ক্ৰীড়া) বিপাঞ্চী দত্ত, খণ্ড উন্নয়ন বিষয়া সকল, পৌৰসভাৰ কাৰ্যবাহী বিষয়া সকল, জিলা ক্ৰীড়া সংস্থাৰ বিষয়ববীয়াসকল, বিভিন্ন ক্ৰীড়া সংস্থাৰ প্ৰতিনিধিসকল, খণ্ড প্ৰাথমিক বিষয়াসকল , চি.আৰ.চি.চি. সকল আৰু অন্যান্য সংশ্লিষ্ট বিষয়া-কৰ্মচাৰীসকল উপস্থিত থাকে।

CMO Assam
Directorate of Information and Public Relations, Assam
DIPRO Jorhat

08/10/2026

📢 সেৱা সেতু সংকল্প অভিযান

নাগৰিকসকলৰ সুবিধাৰ্থে একেখন মঞ্চতে ২৩টা চৰকাৰী সেৱা উপলব্ধ কৰাৰ এক জনকল্যাণমূলক পদক্ষেপ।

📅 ১০ অক্টোবৰ, ২০২৬ (শনিবাৰ)
⏰ পুৱা ৮:৩০ বজাৰ পৰা
📍 সম-জিলা আয়ুক্তৰ কাৰ্যালয়, টীয়ক

সকলো সংশ্লিষ্ট হিতাধিকাৰীক এই সুযোগ গ্ৰহণ কৰিবলৈ আহ্বান জনোৱা হ’ল।

08/10/2026

আজি যোৰহাট জিলাৰ চন্দ্ৰকমল বেজবৰুৱা বাণিজ্য মহাবিদ্যালয়ত 'সেৱা সংকল্প অভিযান ২০২৬'-ৰ অধীনত এক বিশেষ অনুষ্ঠান সফলতাৰে অনুষ্ঠিত হৈ যায়। 'পি.এম. পোষণ' (প্ৰধানমন্ত্ৰী পোষণ শক্তি নিৰ্মাণ) আঁচনিৰ অধীনত কৰ্মৰত ৰান্ধনী তথা সহায়িকাসকলক সন্মান জনোৱাৰ উদ্দেশ্যে এই অনুষ্ঠানৰ আয়োজন কৰা হয়। অনুষ্ঠানটিৰ আৰম্ভণিতে ব্লকৰ খণ্ড প্ৰাথমিক শিক্ষা বিষয়া ৰাখী সাহু ডাঙৰীয়ানীয়ে আদৰণী ভাষণ প্ৰদান কৰে।

অনুষ্ঠানৰ অংশস্বৰূপে বিদ্যালয়সমূহত নিষ্ঠাৰে সেৱা আগবঢ়াই অহা প্ৰায় ৬০২ গৰাকী ৰান্ধনী আৰু সহায়িকাৰ হাতত একোখনকৈ চেক আৰু বিশেষ প্ৰশংসাপত্ৰ তুলি দিয়া হয়। শিশুসকলৰ স্বাস্থ্য আৰু শিক্ষা নিশ্চিতকৰণত তেওঁলোকে আগবঢ়োৱা নিৰৱিচ্ছিন্ন অৱদানৰ বাবে সকলোকে বিশেষভাৱে উৎসাহিত তথা স্বীকৃতি প্ৰদান কৰা হয়।

গাম্ভীৰ্যপূৰ্ণ এই কাৰ্যসূচীত মুখ্য অতিথি হিচাপে উপস্থিত থাকে কেন্দ্ৰীয় বৈদেশিক পৰিক্ৰমা আৰু বস্ত্ৰ বিভাগৰ মাননীয় ৰাজ্যিক মন্ত্ৰী শ্ৰী পবিত্ৰ মাৰ্ঘেৰিটা ডাঙৰীয়া, যোৰহাটৰ মাননীয় বিধায়ক হিতেন্দ্রনাথ গোস্বামী, যোৰহাটৰ জিলা আয়ুক্ত জয় শিৱানী দেৱ আৰু টীয়কৰ সম-জিলা আয়ুক্ত মগেন নৰহ মহোদয়কে ধৰি বহু কেইগৰাকী গণ্য-মান্য ব্যক্তি তথা শিক্ষা বিভাগৰ বিষয়াসকল অনুষ্ঠানটিত উপস্থিত থাকি হিতাধিকাৰীসকলক এই সন্মান আৰু সাহায্য বিতৰণ কৰে।

PMO India
Narendra Modi
CMO Assam
Directorate of Information and Public Relations, Assam
DIPRO Jorhat

08/10/2026

আজি যোৰহাটৰ সংহত জিলা আয়ুক্তৰ কাৰ্যালয়ৰ সভা কক্ষত জিলা আয়ুক্ত জয় শিৱানী দেৱৰ পৌৰোহিত্যত ২০২৬ চনৰ বানপানীৰ ক্ষয়-ক্ষতিৰ দ্ৰুত জৰীপ (Rapid Damage Assessment) প্ৰক্ৰিয়াৰ চূড়ান্ত তালিকা পৰীক্ষণ আৰু পৰামৰ্শ সংক্ৰান্তীয় জিলা পৰ্যায় সমিতিৰ এখন গুৰুত্বপূৰ্ণ বৈঠক অনুষ্ঠিত হয়।

উক্ত বৈঠকত মৰিয়নি সমষ্টিৰ সন্মানীয় বিধায়ক ৰূপজ্যোতি কুৰ্মী , টীয়ক সমষ্টিৰ সন্মানীয় বিধায়ক বিকাশ শইকীয়া , টীয়কৰ সম-জিলা আয়ুক্ত মগেন নৰহ, জিলা দুৰ্যোগ ব্যৱস্থাপনা প্ৰাধিকৰণৰ (DDMA) মুখ্য কাৰ্যবাহী বিষয়া তথা অতিৰিক্ত জিলা আয়ুক্ত বিপাঞ্চী দত্ত, ৰাজহ চক্ৰৰ চক্ৰ বিষয়াসকল, সহকাৰী আয়ুক্তসকল, জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া, ক্ষেত্র বিষয়া সহ অন্যান্য সংশ্লিষ্ট বিভাগীয় বিষয়া আৰু কৰ্মচাৰীসকল উপস্থিত থাকে।

CMO Assam
Directorate of Information and Public Relations, Assam
DIPRO Jorhat

08/10/2026

যোৰহাট জিলা প্ৰশাসন, মৰিয়নি সম-জিলা প্ৰশাসন আৰু কলিয়াপানী উন্নয়ন খণ্ডৰ যৌথ উদ্যোগত আজি ৮ অক্টোবৰত কলিয়াপানী 'উন্নয়ন খণ্ডৰ কাৰ্যালয়ত 'সেৱা সেতু অভিযান'ৰ এক বিশেষ শিবিৰ সফলতাৰে অনুষ্ঠিত হয়। "চৰকাৰ জনতা কে দ্বাৰ" (জনসাধাৰণৰ দুৱাৰদলিত চৰকাৰ) মূলনীতিৰে চলোৱা 'সেৱা সংকল্প অভিযান'ৰ অংশস্বৰূপে আয়োজিত এই শিবিৰৰ মূল উদ্দেশ্য আছিল 'সেৱা সেতু' প'ৰ্টেলৰ জৰিয়তে গ্ৰামাঞ্চলৰ নাগৰিকসকলক প্ৰত্যক্ষভাৱে চৰকাৰী সেৱা আৰু কল্যাণমূলক আঁচনিসমূহৰ সুবিধা প্ৰদান কৰা, আবেদন গ্ৰহণ কৰা আৰু প্ৰশাসনিক সমস্যাসমূহৰ তাৎক্ষণিক সমাধান কৰা।

মৰিয়নি সমষ্টিৰ মাননীয় বিধায়ক ৰূপজ্যোতি কুৰ্মী মহোদয় আৰু যোৰহাট জিলাৰ সন্মানীয় জিলা আয়ুক্ত জয় শিৱানী দেৱে নাগৰিক-কেন্দ্ৰিক এই সেৱা সেতু অভিযান'ৰ বিশেষ শিবিৰটি শুভাৰম্ভণি কৰে। আজিৰ এই শুভাৰম্ভণি অনুষ্ঠানত মৰিয়নিৰ সম-জিলা আয়ুক্ত অভিজিৎ গগৈ, সংশ্লিষ্ট চক্ৰ বিষয়া, সংশ্লিষ্ট উন্নয়ন খণ্ড বিষয়াকে ধৰি একাধিক গণ্যমান্য ব্যক্তি আৰু স্থানীয় ৰাইজ উপস্থিত থাকে। বিশিষ্ট অতিথিৰ দলটোৱে শিবিৰত স্থাপন কৰা বিভিন্ন চৰকাৰী বিভাগৰ ষ্টলসমূহ পৰিদৰ্শন কৰাৰ লগতে কৰ্তব্যৰত বিষয়া-কৰ্মচাৰী আৰু উপস্থিত ৰাইজৰ সৈতে পোনপটীয়াকে মত-বিনিময় কৰে। আজিৰ শিবিৰত জন্ম আৰু মৃত্যুৰ প্ৰমাণপত্ৰ আৰু দিব্যাংগ প্ৰমাণপত্ৰৰ তাৎক্ষণিক পঞ্জীয়ন আৰু প্ৰদান কৰাত ৰাইজ বহু পৰিমাণে উপকৃত হয়।

PMO India
Narendra Modi
CMO Assam
Directorate of Information and Public Relations, Assam
DIPRO Jorhat

07/10/2026

আজি যোৰহাট জিলাৰ সংহত জিলা আয়ুক্ত কাৰ্যালয়ৰ সভা কক্ষত জিলা দুৰ্যোগ ব্যৱস্থাপনা প্ৰাধিকৰণ (DDMA), বিভাগৰ এক গুৰুত্বপূৰ্ণ বৈঠক অনুষ্ঠিত হয়। উক্ত বৈঠকত দুৰ্যোগ প্ৰশমনমূলক ব্যৱস্থা, চক্ৰ পৰ্যায়ৰ টাস্ক ফ'ৰ্চ (CLTF) দ্বাৰা অনুমোদিত পুনৰসংস্থাপন অনুদান (R.G.), বিত্তীয় সাহায্য, এককালীন অনুগ্ৰহ ৰাশি (Ex-gratia) আৰু বিভিন্ন বিভাগীয় প্ৰস্তাৱসমূহৰ ওপৰত বিস্তৃত আলোচনা কৰা হয়।

জিলা আয়ুক্ত জয় শিৱানী দেৱৰ পৌৰোহিত্যত অনুষ্ঠিত এই সভাখনৰ আৰম্ভণিতে অতিৰিক্ত জিলা আয়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়া বিপাঞ্চী দত্তই সকলোকে আদৰণি ভাষণ প্ৰদান কৰে। ইয়াৰ পাছতে তেওঁ যোৰহাট জিলাৰ কৃষি, ৰেচম, পঞ্চায়ত আৰু গ্ৰামোন্নয়ন, জলসম্পদ, লোকনির্মাণ, জনস্বাস্থ্য কাৰিকৰীকে ধৰি বিভিন্ন বিভাগৰ ৰাজহ চক্ৰ অনুসৰি বান পানীত হোৱা ক্ষয়-ক্ষতিৰ এক পাৱাৰপইণ্ট উপস্থাপন দাঙি ধৰে।

আজিৰ এই বৈঠকত টীয়ক, মৰিয়নি আৰু তিতাবৰৰ সম-জিলা আয়ুক্তসকল, সকলো ৰাজহ চক্ৰ বিষয়া, সহকাৰী আয়ুক্তসকল, অতিৰিক্ত আৰক্ষী অধীক্ষক, উপ-আৰক্ষী অধীক্ষক, বিভাগীয় মুৰব্বীসকল, জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া, ক্ষেত্ৰীয় বিষয়া আৰু সংশ্লিষ্ট অন্যান্য বিষয়া-কৰ্মচাৰীসকল উপস্থিত থাকে।

বৈঠকৰ শেষৰফালে, জিলা আয়ুক্ত মহোদয়ে আগন্তুক শাৰদীয় দুৰ্গাপূজা শান্তিপূৰ্ণ আৰু সফলতাৰে সম্পন্ন কৰাৰ দিশত সকলো বিভাগীয় মুৰব্বীসকলক নিজ নিজ দায়িত্ব আৰু কৰ্তব্য নিষ্ঠাৰে পালন কৰিবলৈ আহ্বান জনায়।

CMO Assam
Directorate of Information and Public Relations, Assam
DIPRO Jorhat