Collector, Ernakulam, Kakkanad (2026)

07/10/2026

വോട്ടർപട്ടികയിൽ പേര് ചേർക്കാൻ പ്രത്യേക എൻറോൾമെന്റ് ഡ്രൈവ്

സംസ്ഥാനവ്യാപകമായി വോട്ടർപട്ടികയിൽ പേരുചേർക്കൽ/ഒഴിവാക്കൽ/തെറ്റുതിരുത്തൽ എന്നിവയ്ക്കായി പ്രത്യേക എൻറോൾമെന്റ് ഡ്രൈവ് നടത്തും. ഇതുസംബന്ധിച്ച നിർദ്ദേശം മുഖ്യ തിരഞ്ഞെടുപ്പ് ഓഫീസർ ഡോ. സജിത്ത് ബാബു ഐ എ എസ് ജില്ലാ കളക്ടർമാർക്ക് നൽകി. ഒക്ടോബർ അഞ്ചിന് ചേർന്ന ഓൺലൈൻ യോഗത്തിലാണ് നിർദ്ദേശം നൽകിയത്. ഒക്ടോബർ 15 മുതൽ 31 വരെ വില്ലേജ് ഓഫീസുകൾ കേന്ദ്രീകരിച്ച് ഫോം വിതരണവും ഡിജിറ്റൽ ഹെൽപ്പ് ഡെസ്കുകളും പ്രവർത്തിക്കും. നിലവിലുണ്ടായിരുന്ന അധിക ഡിക്ലറേഷൻ ഫോം ഒഴിവാക്കിയതിനാൽ, അർഹരായവർ ഫോം ആറ് സിറ്റിസൺ സർവീസ് പോർട്ടൽ അല്ലെങ്കിൽ വോട്ടർ ഹെൽപ് ലൈൻ ആപ്പ് (Form 6 Citizen Service Portal/ Voter Helpline App ) മുഖേന സമർപ്പിച്ചാൽ മതിയാകും. അപേക്ഷയോടൊപ്പം സ്വന്തം ഫോട്ടോ, വയസ്സ്, മേൽവിലാസം എന്നിവ തെളിയിക്കുന്ന 12 രേഖകളിൽ ഏതെങ്കിലും ഒന്ന് സമർപ്പിക്കണം. ആധാർ രേഖയായി നൽകുന്നവർ മറ്റൊരു സപ്പോർട്ടിംഗ് ഡോക്യുമെൻ്റ് (supporting document) കൂടി സമർപ്പിക്കണം.

അപേക്ഷകളുടെ തുടർപരിശോധന ബൂത്ത് ലെവൽ ഓഫീസർമാർ (BLO) വീടുകളിലെത്തി നടത്തും. കൂടാതെ പുതുതായി വോട്ടവകാശം ലഭിക്കുന്ന വിദ്യാർഥികളിൽ തിരഞ്ഞെടുപ്പ് അവബോധം വർധിപ്പിക്കുന്നതിനായി കോളേജുകളിലും ഹയർ സെക്കൻഡറി സ്കൂളുകളിലും 'ക്യാമ്പസ് ടു ബൂത്ത്'
എൻറോൾമെന്റ് ഡ്രൈവ് സംഘടിപ്പിക്കും. 'Step Forward, Get Counted' എന്ന സന്ദേശവുമായി നവംബർ രണ്ട് മുതൽ ഒരാഴ്ച നീളുന്ന പരിപാടിയാണ് ആസൂത്രണം ചെയ്തിരിക്കുന്നത്. ഇലക്ടറൽ ലിറ്ററസി ക്ലബ്ബുകളുടെ സഹകരണത്തോടെ പരമാവധി വിദ്യാർഥികളെ എൻറോൾമെന്റ്, തിരഞ്ഞെടുപ്പ്
അവബോധ പ്രവർത്തനങ്ങളിൽ പങ്കാളികളാക്കുന്നതിനുള്ള നടപടികൾ ജില്ലാ കളക്ടർമാർ സ്വീകരിക്കും.

07/10/2026

മുട്ടുവേദന ഉണ്ടെങ്കിൽ Workout നിർത്തണോ? Knee Pain & Walk

ചിൽമാഡി യുടെ ,നടത്തത്തിന്റെയും ചലനങ്ങളുടെയും പ്രാധാന്യം വ്യക്തമാക്കുന്ന 4th എപ്പിസോഡിൽ, തിരുവനന്തപുരം രാജീവ് ഗാന്ധി സ്പോർട്സ് മെഡിസിൻ സെന്ററിൽ നിന്നും ഡോക്ടർ നീന ടി വി യോട് ചോദ്യങ്ങൾ ചോദിക്കുന്നതു എറണാകുളം ജില്ലാ കളക്ടർ പ്രിയങ്ക ജിയും ആർ ജെ അച്ചുവുമാണ്

05/10/2026

കുട്ടികൾക്ക് workout ചെയ്തില്ലെങ്കിൽ ..

ചിൽമാഡി യുടെ ,നടത്തത്തിന്റെയും ചലനങ്ങളുടെയും പ്രാധാന്യം വ്യക്തമാക്കുന്ന 4th എപ്പിസോഡിൽ, തിരുവനന്തപുരം രാജീവ് ഗാന്ധി സ്പോർട്സ് മെഡിസിൻ സെന്ററിൽ നിന്നും ഡോക്ടർ നീന ടി വി യോട് ചോദ്യങ്ങൾ ചോദിക്കുന്നതു എറണാകുളം ജില്ലാ കളക്ടർ പ്രിയങ്ക ജിയും ആർ ജെ അച്ചുവുമാണ്

05/10/2026

ഏഷ്യൻ ഗെയിംസ് ബാഡ്മിന്റൺ ടീം ചാമ്പ്യൻഷിപ്പിൽ വെങ്കല മെഡൽ നേടി രാജ്യത്തിന് അഭിമാനമായി മാറിയ ആർ.എസ്.സി (Regional Sports Centre) അംഗം ശ്രീ.എം. ആർ. അർജുനെ ആദരിച്ചു.

ആർ.എസ്.സി ചെയർപേഴ്‌സൺ എന്ന നിലയിൽ അർജുന് ഉപഹാരവും ആർ.എസ്.സിയുടെ വെള്ളി നാണയവും കൈമാറി ആദരവ് അറിയിച്ചു.

കായികരംഗത്ത് ജില്ലയ്ക്കും നാടിനും കൂടുതൽ വലിയ നേട്ടങ്ങൾ കൈവരിക്കാൻ അർജുന് സാധിക്കട്ടെ എന്ന് ആശംസിക്കുന്നു.

പ്രിയങ്ക ജി ഐ എ എസ്
ജില്ലാകളക്ടർ
എറണാകുളം

05/10/2026

പെരിയാർ വാലി ജലസേചന കനാൽ ശുചീകരണം സമയബന്ധിതമായി പൂർത്തിയാക്കാനും
വരുന്ന വേനൽക്കാലം കണക്കിലെടുത്ത് കുടിവെള്ള ദൗർലഭ്യം വരാതിരിക്കാനുള്ള നടപടികൾ ഊർജിതമാക്കാനും കനാൽ ഉപദേശക സമിതി യോഗം നിർദ്ദേശിച്ചു.

ബഹു.എം എൽ എമാരായ ശ്രീ.അൻവർ സാദത്ത്, ശ്രീ. ഷിബു തെക്കുംപുറം, ശ്രീ.വി പി സജീന്ദ്രൻ,ശ്രീ. മനോജ് മൂത്തേടൻ എന്നിവരുടെ നേതൃത്വത്തിൽ നടന്ന യോഗത്തിൽ അധ്യക്ഷത വഹിച്ചു.

നിർമ്മാണ, അറ്റകുറ്റപ്പണികൾക്കായി അഞ്ച് കോടി രൂപ വീതം ആകെ പത്ത് കോടി രൂപയുടെ അധിക പ്രൊപ്പോസൽ സർക്കാരിലേക്ക് അടിയന്തരമായി അയക്കാനും യോഗത്തിൽ തീരുമാനമായി.

മഴലഭ്യത കുറയുന്നത് കണക്കിലെടുത്ത് കനാൽ തുറക്കുന്നതിൻ്റെ ട്രയൽ റൺ നവംബർ 25ന് നടത്താനും ഡിസംബർ ഒന്നിന് ജലവിതരണം ആരംഭിക്കാനും തീരുമാനിച്ചു.

പ്രിയങ്ക ജി. ഐ എ എസ്

ജില്ലാ കളക്ടർ
എറണാകുളം

05/10/2026

കൊച്ചി മെട്രോപൊളിറ്റന്‍ ട്രാന്‍സ്‌പോര്‍ട്ട് അതോറിട്ടി(കെഎംടിഎ)യുടെ ആദ്യയോഗം ചെയര്‍മാന്‍കൂടിയായ ബഹു. ഗതാഗത മന്ത്രി ശ്രീ.സി.പി ജോണിന്റെ അധ്യക്ഷതയില്‍ ചേര്‍ന്നു. യോഗത്തില്‍ കെഎംടിഎയുടെ ഘടന, ചുമതലകള്‍, പേഴ്‌സണല്‍ & ഫെസിലിറ്റീസ്, ഫിനാന്‍സ്, ആക്ട് ഭേദഗതികള്‍ തുടങ്ങിയവ ചര്‍ച്ച ചെയ്തു. കൊച്ചി നഗര ഗതാഗത സംവിധാനങ്ങള്‍ കാര്യക്ഷമമാക്കുന്നതിനായി നിര്‍ണായക തീരുമാനങ്ങള്‍ എടുത്തു.

കൊച്ചി നഗരത്തിലെ സ്വകാര്യ ബസുകളുടെ കാലഹരണപ്പെട്ട സമയക്രമം ശാസ്ത്രീയമായി പരിഷ്‌ക്കരിച്ച് മത്സരയോട്ടം ഒഴിവാക്കാന്‍ റീജണല്‍ ട്രാന്‍സ്‌പോര്‍ട്ട് അതോറിറ്റിയോട്(ആര്‍.ടി.എ) ആവശ്യപ്പെടാന്‍ മന്ത്രിയുടെ നേതൃത്വത്തിലുള്ള യോഗം തീരുമാനിച്ചു. ഒരു കിലോമീറ്ററിന് രണ്ടര മിനിറ്റ് എന്ന സമയക്രമം നിലവിലെ ട്രാഫിക് സാഹചര്യത്തിൽ പ്രായോഗികമല്ല എന്ന് കണ്ടാണ് ഈ ശുപാർശ . കാല്‍നടയാത്രക്കാരുടെ സുരക്ഷയെ മുന്‍നിര്‍ത്തി ഹൈക്കോടതി ജംഗ്ഷന്‍, കലൂര്‍ ജംഗ്ഷന്‍, മേനക തുടങ്ങിയ നഗരത്തിലെ പ്രധാന ജംഗ്ഷനുകളില്‍ കാല്‍നടയാത്രക്കാര്‍ക്കായി വീതി കൂടിയ സീബ്രാ ലൈനുകള്‍ സ്ഥാപിക്കും. നഗരത്തിലെ പാര്‍ക്കിംഗ് സൗകര്യങ്ങള്‍ മെച്ചപ്പെടുത്തുന്നതിനും ഈ സൗകര്യങ്ങള്‍ ഉപയോഗിക്കുന്നുവെന്നും ഉറപ്പാക്കും.
കൂടാതെ അതോറിറ്റിയുടെ പ്രവര്‍ത്തനം കൂടുതല്‍ ശക്തിപ്പെടുത്തുന്നതിനായി നിയമഭേദഗതികള്‍ വരുത്തും. കെഎംടിഎ ആക്ടില്‍ ആവശ്യമായ ഭേദഗതികള്‍ നിർദ്ദേശിക്കുന്നതിനായി ടൗണ്‍ പ്ലാനര്‍, സ്മാര്‍ട്ട് സിറ്റി പ്രതിനിധികള്‍, വിദഗ്ധര്‍ തുടങ്ങിയവരെ ഉള്‍പ്പെടുത്തി സബ് കമ്മിറ്റി രൂപീകരിക്കും. വിദഗ്ധരെ ഉള്‍പ്പെടുത്തി
ധനകാര്യ സബ് കമ്മിറ്റിയും രൂപികരിക്കും.

കൃത്യമായ ഇടവേളയില്‍ മന്ത്രിയുടെ അധ്യക്ഷതയില്‍ കെഎംടിഎ യോഗം ചേരും. കൊച്ചിയിലെ ഗതാഗത വികസന മാതൃകകള്‍ മെച്ചപ്പെടുത്തുന്നതിനായി ബാംഗ്ലൂര്‍, ചെന്നൈ എന്നിവിടങ്ങളിലെ ഗതാഗത സംവിധാനങ്ങള്‍ പഠിക്കാന്‍ ജനപ്രതിനിധികളും ഉദ്യോഗസ്ഥരും സന്ദര്‍ശനം നടത്തുന്നതിനും യോഗം തീരുമാനിച്ചു.

കലൂരിലെ കൊച്ചി മെട്രോ റെയില്‍ ലിമിറ്റഡ് (കെഎംആര്‍എല്‍) കോര്‍പറേറ്റ് ഓഫീസില്‍ നടന്ന യോഗത്തില്‍ ബഹു.ശ്രീ.ടി.ജെ വിനോദ് എംഎല്‍എ, ബഹു കൊച്ചി മേയര്‍ ശ്രീമതി.വി.കെ മിനിമോള്‍, അഡീ ചീഫ് സെക്രട്ടറി(ഫിനാന്‍സ്) ശ്രീ.കെ.ആര്‍ ജ്യോതിലാല്‍, ഗതാഗത കമ്മീഷണര്‍ ശ്രീ.ജി.സ്പര്‍ജന്‍ കുമാര്‍, സിറ്റി പൊലീസ് കമ്മീഷണര്‍ ശ്രീ. കാളിരാജ് മഹേഷ് കുമാര്‍, ഗതാഗത സെക്രട്ടറി ശ്രീമതി.ടി.വി അനുപമ, തദ്ദേശ സ്ഥാപനങ്ങളിലെ ജനപ്രതിനിധികള്‍, വിവിധ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

ജി.പ്രിയങ്ക ഐ എ എസ്

കെഎംടിഎ ചീഫ് എക്‌സീക്യൂട്ടീവ് ഓഫീസര്‍ & ജില്ലാ കലക്ടര്

04/10/2026

ഭൂമി തരംമാറ്റ അപേക്ഷകളിൽ കാലതാമസവും അപാകതകളും ഒഴിവാക്കി, നിയമാനുസൃതവും സുതാര്യവുമായ സേവനങ്ങൾ സമയബന്ധിതമായി ജനങ്ങളിലേക്ക് എത്തിക്കുക എന്ന ലക്ഷ്യത്തോടെ റവന്യൂ വകുപ്പിന്റെ നേതൃത്വത്തിൽ റവന്യൂ ഉദ്യോഗസ്ഥർക്കായി ഏകദിന പരിശീലന പരിപാടി സംഘടിപ്പിച്ചു.

കൊച്ചി അഡ്വക്കേറ്റ് അസോസിയേഷൻ ഗോൾഡൻ ജൂബിലി ചേംബർ കോംപ്ലക്സിൽ നടന്ന ചടങ്ങ് ബഹു. കേരള അഡ്വക്കേറ്റ് ജനറൽ അഡ്വ. കെ. ജാജു ബാബു ഉദ്ഘാടനം ചെയ്തു. പരിശീലന പരിപാടിയിൽ ജില്ലാ കളക്ടർ അധ്യക്ഷത വഹിച്ചു.

ബഹു. കേരള ഹൈക്കോടതി ജസ്റ്റിസ് ശ്രീ.സി. ജയചന്ദ്രന്റെ നേതൃത്വത്തിൽ ഭൂമി തരംമാറ്റവുമായി ബന്ധപ്പെട്ട നിയമവശങ്ങളെയും കോടതി ഉത്തരവുകളെയും കുറിച്ച് വിശദമായ ക്ലാസ്, അഡീഷണൽ അഡ്വക്കേറ്റ് ജനറൽ അഡ്വ. ശ്രീ.കെ.സി. വിൻസെന്റ് നയിച്ച നിയമപരമായ നടപടിക്രമങ്ങളും പ്രായോഗിക വശങ്ങളും ഉൾപ്പെടുത്തിയ സെഷൻ,ഐ എൽ ഡി എം ഫാക്കൽറ്റി ശ്രീ. ജോർജ് ജോസഫ് നയിച്ച സാങ്കേതിക വശങ്ങളുടെ പരിശീലന ക്ലാസ് എന്നിവയും നടന്നു.
വിവിധ ജില്ലകളിൽ നിന്നുള്ള നിരവധി റവന്യൂ ഉദ്യോഗസ്ഥർ പരിശീലന പരിപാടിയിൽ പങ്കെടുത്തു.

03/10/2026

നടത്തം ശരീരത്തിൽ വരുത്തുന്ന അദ്ഭുതകരമായ മാറ്റങ്ങൾ

നടത്തം ,10,000 സ്റ്റെപ്സ്, വർക്ഔട്, ട്രെഡ്മിൽ, സ്ക്രീൻ ടൈം , സ്മാർട്ട് വാച്ച് , ഫാമിലി വോക്കിങ് തുടങ്ങി നമ്മുടെ ദൈനംദിന ആരോഗ്യ പരിപാലനത്തെക്കുറിച്ചുള്ള പ്രധാന ചോദ്യങ്ങളുമായി ചിൽമാഡി ഹെൽത്ത് പോഡ്കാസ്റ്റ് .

തിരുവനന്തപുരം രാജീവ് ഗാന്ധി സ്പോർട്സ് മെഡിസിൻ സെന്ററിൽ നിന്നും ഡോക്ടർ നീന ടി വി യോട് ചോദ്യങ്ങൾ ചോദിക്കുന്നതു എറണാകുളം ജില്ലാ കളക്ടർ പ്രിയങ്ക ജിയും ആർ ജെ അച്ചുവുമാണ് .

02/10/2026

കേരളത്തെ സമ്പൂർണ്ണ സീറോ വേസ്റ്റ് (Zero Waste) സംസ്ഥാനമാക്കാൻ ലക്ഷ്യമിട്ട് സംസ്ഥാന സർക്കാർ നടപ്പിലാക്കുന്ന 'നിർമലം പുതുയുഗ ശുചിത്വ കേരളം' ക്യാമ്പയിന്റെ സംസ്ഥാനതല ഉദ്ഘാടനം ബഹു. മുഖ്യമന്ത്രി ശ്രീ. വി. ഡി. സതീശൻ നോർത്ത് പറവൂരിൽ നിർവഹിച്ചു.

മാലിന്യസംസ്കരണ രംഗത്ത് കേരളം കൈവരിച്ച നേട്ടങ്ങൾ കൂടുതൽ ശക്തിപ്പെടുത്തുന്നതിനും നൂറുശതമാനം മാലിന്യസംസ്കരണം എന്ന ലക്ഷ്യം കൈവരിക്കുന്നതിനുമാണ് ക്യാമ്പയിൻ ലക്ഷ്യമിടുന്നത്. മാലിന്യത്തിന്റെ അളവ് പരമാവധി കുറയ്ക്കുക, ഉറവിടത്തിൽത്തന്നെ മാലിന്യം തരംതിരിക്കുക, ശാസ്ത്രീയമായ ശേഖരണവും സംസ്കരണവും ഉറപ്പാക്കുക, പുനരുപയോഗവും പുനഃചംക്രമണവും പ്രോത്സാഹിപ്പിക്കുക എന്നിവയ്ക്ക് ക്യാമ്പയിൻ പ്രാധാന്യം നൽകും.

മാലിന്യസംസ്കരണം സർക്കാരിന്റെ മാത്രം ഉത്തരവാദിത്തമല്ലെന്നും ഓരോ പൗരന്റെയും പങ്കാളിത്തം അനിവാര്യമാണെന്നുമുള്ള സന്ദേശം ജനങ്ങളിലേക്ക് എത്തിക്കുകയാണ് ക്യാമ്പയിന്റെ പ്രധാന ലക്ഷ്യം. തദ്ദേശ സ്വയംഭരണ സ്ഥാപനങ്ങൾ, ഹരിതകർമസേന, സർക്കാർ-സർക്കാരിതര സ്ഥാപനങ്ങൾ, സന്നദ്ധ സംഘടനകൾ, പൊതുജനങ്ങൾ എന്നിവരുടെ സംയോജിത പങ്കാളിത്തത്തിലൂടെ സുസ്ഥിരമായ മാലിന്യപരിപാലന സംവിധാനം ഉറപ്പാക്കും.

ശുചിത്വം ഓരോ പൗരന്റെയും കൂട്ടായ ഉത്തരവാദിത്തമാണ്. ഈ ജനകീയ ശുചിത്വ യജ്ഞത്തിൽ നമുക്കും കൈകോർക്കാം!

01/10/2026

ജിമ്മിൽ കഷ്ടപ്പെട്ടിട്ട്… ബാക്കി ദിവസം മുഴുവൻ ഇരുന്നാൽ?

ചിൽമാഡി യുടെ ,നടത്തത്തിന്റെയും ചലനങ്ങളുടെയും പ്രാധാന്യം വ്യക്തമാക്കുന്ന നാലാം എപ്പിസോഡിൽ, തിരുവനന്തപുരം രാജീവ് ഗാന്ധി സ്പോർട്സ് മെഡിസിൻ സെന്ററിൽ നിന്നും ഡോക്ടർ നീന ടി വി യോട് ചോദ്യങ്ങൾ ചോദിക്കുന്നതു എറണാകുളം ജില്ലാ കളക്ടർ പ്രിയങ്ക ജിയും ആർ ജെ അച്ചുവുമാണ് .

Collector, Ernakulam

07/10/2026

07/10/2026

05/10/2026

05/10/2026

05/10/2026

05/10/2026

04/10/2026

03/10/2026

02/10/2026

01/10/2026

Address

Telephone

Website

Alerts

Shortcuts

Share

Category

Listing takedown request