Dyfi Azhikode North MC

ഐടി ഭൂപടത്തിൽ സ്വന്തം ഇടം ഉറപ്പിക്കാനൊരുങ്ങി കൊട്ടാരക്കര. കൊട്ടാരക്കര കെഐപി രവി നഗറിൽ സ്ഥാപിക്കുന്ന അത്യാധുനിക ഐടി പാര്‍ക്കിന്റെ നിര്‍മാണോദ്ഘാടനം മുഖ്യമന്ത്രി സ. പിണറായി വിജയൻ നിർവഹിച്ചു. ഐടി ഹബ്ബുകളുടെ വികേന്ദ്രീകരണമാണ് സർക്കാരിന്റെ ലക്ഷ്യമെന്ന് മുഖ്യമന്ത്രി പറഞ്ഞു. കൊട്ടാരക്കരയുടെയും പരിസര പ്രദേശങ്ങളുടെയും സാമ്പത്തിക മുന്നേറ്റത്തിന് കാര്യമായ സംഭാവന നല്‍കുന്ന ഒന്നാകും ഐടി പാര്‍ക്ക്. അതോടൊപ്പം കേരളത്തിന്റെയാകെ ഐടി ഉൽപ്പാദന രംഗത്ത് സമഗ്ര സംഭാവന നല്‍കാനും കഴിയും.

കൊട്ടാരക്കരയെ ഐടി ഹബ്ബാക്കി മാറ്റുന്നതിന്റെ ഭാഗമായി ഇതിനോടകം തന്നെ സോഹോ ഐടി റെസിഡൻഷ്യൽ ക്യാമ്പസ്, ഐടി വർക്ക് നിയർ ഹോം, മിനി ഐടി പാർക്കുകൾ എന്നിവ പ്രവർത്തനം ആരംഭിച്ചിട്ടുണ്ട്. ഇതിന് പിന്നാലെയാണ് അത്യാധുനിക സൗകര്യങ്ങളോടെയുള്ള പുതിയ ഐടി പാർക്ക് വരുന്നത്. സംസ്ഥാന സർക്കാരിന്റെ ‘കുതിച്ചുയരുന്ന കേരളം' എന്ന ലക്ഷ്യത്തിന്റെ ഭാഗമായി 80കോടി രൂപ ചെലവിൽ കിഫ്ബി മുഖേനയാണ് പദ്ധതി നടപ്പാക്കുന്നത്. എട്ടുനിലയിലായി 1,47,000 ചതുരശ്രഅടി വിസ്തീർണത്തിലാണ് ഐടി പാർക്ക് നിർമിക്കുന്നത്. 1200ൽ അധികം പേർക്ക് തൊഴിലെടുക്കാൻ കഴിയുന്ന സൗകര്യങ്ങളാണ് ഐടി പാർക്കിൽ ഉണ്ടാകുക. സ്റ്റീൽ സ്ട്രക്‌ചറുകളിൽ ഭിത്തിയായി ഇപിഎസ് പാനലിങ് ഉപയോഗിക്കുന്ന രീതിയിലാണ് നിർമാണം. ഇതിലൂടെ കെട്ടിടത്തിനുള്ളിലെ ചൂട് നിയന്ത്രിക്കാനും വൈദ്യുതി ഉപയോഗം കുറയ്ക്കാനും കഴിയും. രണ്ടുനില വാഹന പാർക്കിങ്ങിനായി നീക്കിവയ്ക്കും. 120 വാഹനങ്ങൾക്കുള്ള പാർക്കിങ് സൗകര്യമാണ് ആദ്യഘട്ടത്തിൽ ഒരുക്കുക. ആറ് ഇലക്ട്രിക് വെഹിക്കിൾ ചാർജിങ് യൂണിറ്റുകളുമുണ്ടാകും. ഭാവിയിലെ വികസന സാധ്യതകളെ കണ്ടുകൊണ്ടുള്ള എല്ലാ അനുബന്ധ സൗകര്യങ്ങളും ക്യാമ്പസിനുള്ളിൽ ഉണ്ടാകും. ഒരു വർഷത്തിനുള്ളിൽ നിർമാണ പ്രവർത്തനങ്ങൾ പൂർത്തിയാക്കി പ്രവർത്തനം തുടങ്ങാനാണ് ലക്ഷ്യമിടുന്നത്.

ഐടി പാർക്ക്‌ നിർദിഷ്ട വിഴിഞ്ഞം, കൊല്ലം, പുനലൂർ വ്യാവസായിക സാമ്പത്തിക വളർച്ചാമുനമ്പിന്റെ സാധ്യത വർധിപ്പിക്കും. ഒരു വർഷത്തിനുള്ളിൽ കുറഞ്ഞത്‌ 500 പേർക്ക്‌ ഐടി, ഐടി അനുബന്ധ മേഖലയിൽ മികച്ച തൊഴിൽ ഉറപ്പാക്കുന്നതാണ്‌ ഐടി പാർക്ക്‌. വിഴിഞ്ഞം-, കൊല്ലം, പുനലൂർ വ്യവസായിക സാമ്പത്തിക വളർച്ചാമുനമ്പിന്റെ മുന്നേറ്റകേന്ദ്രമായി കൊട്ടാരക്കരയും സമീപ പ്രദേശങ്ങളും മാറും. കൊട്ടാരക്കര മണ്ഡലത്തിൽ യാഥാർഥ്യമാകുന്ന ഐടി, ഐടി അനുബന്ധ മേഖലാ പാർക്കുകളും വളർച്ചാമുനമ്പിന്‌ കരുത്തേകും.

ക്യാൻസർ മരുന്നുകള്‍ രാജ്യത്തെ ഏറ്റവും കുറഞ്ഞ വിലയില്‍ നല്‍കുന്ന കാരുണ്യ സ്പര്‍ശം കൗണ്ടറുകള്‍ സംസ്ഥാനത്ത് ആരംഭിച്ചിട്ട് ഒന്നര വര്‍ഷം പിന്നിടുമ്പോള്‍ ട്രാന്‍സ്പ്ലാന്‍റ് കഴിഞ്ഞവര്‍ക്കുള്ള മരുന്നുകളും ഏറ്റവും കുറഞ്ഞ വിലയില്‍ ലഭ്യമാക്കുകയാണ്. രാജ്യത്തെ ഏറ്റവും കുറഞ്ഞ വിലയില്‍ കാരുണ്യ സ്പര്‍ശം കൗണ്ടറുകളിലൂടെയാണ് ഈ മുരുന്ന് ലഭ്യമാക്കുന്നത്. ആരംഭ ഘട്ടത്തില്‍ 14 കാരുണ്യസ്പര്‍ശം കൗണ്ടറുകളിലൂടെയാണ് ട്രാന്‍സ്പ്ലാന്‍റ് മരുന്നുകള്‍ കുറഞ്ഞ വിലയില്‍ ലഭ്യമാക്കുക.

ട്രാന്‍സ്പ്ലാന്റ് മരുന്നുകള്‍ ഏറ്റവും കുറഞ്ഞ വിലയില്‍(സീറോ പ്രോഫിറ്റ് കൌണ്ടർ) ലഭ്യമാക്കുന്നതിന് ആദ്യ ഘട്ടത്തിൽ തെരഞ്ഞെടുത്ത 14 കാരുണ്യ ഫാര്‍മസികളുടെ വിവരങ്ങള്‍.
• തിരുവനന്തപുരം ജില്ലയില്‍ ഗവ. മെഡിക്കല്‍ കോളേജ്, തിരുവനന്തപുരം
• കൊല്ലം ജില്ലയില്‍ ഗവ. വിക്ടോറിയ ആശുപത്രി, കൊല്ലം
• പത്തനംതിട്ട ജില്ലയില്‍ ജനറല്‍ ആശുപത്രി, പത്തനംതിട്ട
• ആലപ്പുഴ ജില്ലയില്‍ ഗവ. മെഡിക്കല്‍ കോളേജ്, ആലപ്പുഴ
• കോട്ടയം ജില്ലയില്‍ ഗവ. മെഡിക്കല്‍ കോളേജ്, കോട്ടയം
• ഇടുക്കി ജില്ലയില്‍ താലൂക്ക് ആശുപത്രി, നെടുങ്കണ്ടം
• എറണാകുളം ജില്ലയില്‍ ജനറല്‍ ആശുപത്രി, എറണാകുളം
• തൃശൂര്‍ ജില്ലയില്‍ ഗവ. മെഡിക്കല്‍ കോളേജ്, തൃശൂര്‍
• പാലക്കാട് ജില്ലയില്‍ ജില്ലാ ആശുപത്രി, പാലക്കാട്
• മലപ്പുറം ജില്ലയില്‍ ജില്ലാ ആശുപത്രി, തിരൂര്‍
• കോഴിക്കോട് ജില്ലയില്‍ ഗവ. മെഡിക്കല്‍ കോളേജ്, കോഴിക്കോട്
• വയനാട് ജില്ലയില്‍ ജില്ലാ ആശുപത്രി, മാനന്തവാടി
• കണ്ണൂര്‍ ജില്ലയില്‍ ഗവ. മെഡിക്കല്‍ കോളേജ്, പരിയാരം
• കാസര്‍ഗോഡ് ജില്ലയില്‍ ജനറല്‍ ആശുപത്രി, കാസര്‍ഗോഡ്

അഴീക്കോട്‌
മറ്റാരുണ്ട് LDF അല്ലാതെ 🚩

അഴീക്കോടെ വില്ലേജ് ഓഫീസുകൾ സ്മാർട്ടാണ്‌ ❤️❤️♥️♥️

കുറച്ചു വർഷം മുന്നേ പുതിയതെരു ബസ് സ്റ്റോപ്പിൽ നിന്നവർക്ക് ഓർമ കാണും ചിറക്കൽ വില്ലേജ് ഓഫീസ് കെട്ടിട്ടം, ഓർമ ഉണ്ടാവണം.

തുടങ്ങിയിരിക്കുന്നു!