KPCC Digital Media Cell

06/10/2026

ഡിസിസി ഓഫീസ് ആക്രമണം; ബിജെപി നേതാക്കൾ ഉൾപ്പെടെ നാലുപേർ പിടിയിൽ.

തിരുവനന്തപുരം ഡിസിസി ഓഫീസ് ആക്രമണക്കേസിൽ മുഖ്യപ്രതി ഉൾപ്പെടെ നാലുപേർ പിടിയിൽ. ബിജെപി ജില്ലാ സെക്രട്ടറി അഡ്വ. പ്രദീപ്, ബിജെപി കുളത്തൂർ മണ്ഡലം പ്രസിഡന്റ് ശ്രീലാൽ, അജി, സ്റ്റെഫിൻ എന്നിവരാണ് പിടിയിലായത്. ഇന്നലെ രാത്രി തെങ്കാശിയിലെ ഒളികേന്ദ്രത്തിൽ നിന്നാണ് നാലുപേരെയും പൊലീസ് പിടികൂടിയത്. കമ്മിഷണറുടെ പ്രത്യേക സ്‌ക്വാഡും മ്യൂസിയം പൊലീസും ചേർന്ന് പിടികൂടിയ പ്രതികൾ നിലവിൽ മ്യൂസിയം പൊലീസ് സ്റ്റേഷനിലാണുളളത്.
ബിജെപി തിരുവനന്തപുരം സൗത്ത് ജില്ലാ പ്രസിഡന്റിനെ ആക്രമിച്ചതിൽ പ്രതിഷേധിച്ചായിരുന്നു ഡിസിസി ഓഫീസാക്രമണം. കരിങ്കൊടി പ്രതിഷേധവുമായി ബന്ധപ്പെട്ട് കോൺഗ്രസ് - ബിജെപി ഓഫീസ് ഏറ്റുമുട്ടലിനിടെയാണ് തലസ്ഥാനത്ത് ഡിസിസി ഓഫീസിനും ആനാവൂരിൽ കോൺഗ്രസ് മണ്ഡ‌ലം കമ്മിറ്റി ഓഫീസിനുംനേരെ ആക്രമണം ഉണ്ടായത്.കുറ്റവാളികൾക്കെതിരെ കർശന നിയമ നടപടി സ്വീകരിക്കുമെന്ന് മുഖ്യമന്ത്രി വി ഡി സതീശൻ പറ‍ഞ്ഞിരുന്നു. കോൺഗ്രസ് ഓഫീസുകൾ ആക്രമിച്ച കുറ്റവാളികളെ നിയമത്തിന് മുന്നിൽ കൊണ്ടുവരും. ഡിസിസി ഓഫീസിലേക്ക് കല്ലേറ് നടത്തുകയും ആനാവൂർ മണ്ഡലം കമ്മിറ്റി ഓഫീസിന് തീയിടുകയും ചെയ്ത ക്രിമിനലുകളുടെ നടപടി അങ്ങേയറ്റം പ്രതിഷേധാർഹമാണ്. നാട്ടിലെ ക്രമസമാധാനം തകർക്കാൻ ചിലർ ബോധപൂർവ്വം ശ്രമിക്കുകയാണ്. അത് ഒരു കാരണവശാലും അംഗീകരിക്കാനാവില്ല. പാർട്ടി ഓഫീസുകൾ ആക്രമിക്കുന്നത് ശരിയായ രീതിയല്ല. കേരളീയ പൊതുസമൂഹം ഒരുകാലത്തും ഇത്തരം രാഷ്ട്രീയ അതിക്രമങ്ങളെ അംഗീകരിക്കില്ലെന്നും മുഖ്യമന്ത്രി വ്യക്തമാക്കിയിരുന്നു.

06/10/2026

രാഹുൽ ഗാന്ധിയെയും പ്രിയങ്ക ഗാന്ധിയെയും കെ.സി. വേണുഗോപാൽ ഉൾപ്പെടെയുള്ള നേതാക്കളെയും അറസ്റ്റ് ചെയ്ത നടപടി പ്രതിഷേധാർഹം: കെപിസിസി പ്രസിഡന്റ് സണ്ണി ജോസഫ്

ഇന്ത്യൻ ജനാധിപത്യത്തിന്റെ പ്രാണവായുവായ വോട്ടവകാശം സംരക്ഷിക്കുന്നതിനായി ധർമ്മസമരത്തിന് നേതൃത്വം നൽകിയ രാഹുൽ ഗാന്ധി, പ്രിയങ്ക ഗാന്ധി, കെ.സി. വേണുഗോപാൽ ഉൾപ്പെടെയുള്ള നേതാക്കളെ അറസ്റ്റ് ചെയ്ത കേന്ദ്ര സർക്കാരിന്റെ നടപടി അത്യന്തം പ്രതിഷേധാർഹമാണെന്ന് കെപിസിസി പ്രസിഡന്റ് സണ്ണി ജോസഫ് പറഞ്ഞു.

അകാരണമായി കോടിക്കണക്കിന് ജനങ്ങളുടെ വോട്ടവകാശം ഇല്ലാതാക്കിയെന്നത് പ്രകടമായ വസ്തുതയാണ്. ജനാധിപത്യത്തിന്റെ അടിസ്ഥാന അവകാശമായ വോട്ടവകാശത്തെ കശാപ്പ് ചെയ്യുന്ന നിലപാടുകളാണ് കേന്ദ്ര തിരഞ്ഞെടുപ്പ് കമ്മീഷന്റെ ഭാഗത്തുനിന്നും ഉണ്ടായിക്കൊണ്ടിരിക്കുന്നത്. ഇത്തരത്തിൽ പ്രവർത്തിക്കുന്ന മുഖ്യ തിരഞ്ഞെടുപ്പ് കമ്മീഷണർ ആ സ്ഥാനത്ത് തുടരാൻ അർഹനല്ല.

തിരഞ്ഞെടുപ്പ് കമ്മീഷനിലെ തന്നെ ഭൂരിപക്ഷ അംഗങ്ങളുടെ ന്യായമായ തീരുമാനങ്ങളെ അവഗണിച്ചുകൊണ്ടാണ് നിരവധി പേരെ വോട്ടർപട്ടികയിൽ നിന്ന് ഒഴിവാക്കിയതെന്ന ആരോപണം ഗൗരവമുള്ളതാണ്. സുപ്രീം കോടതിയുടെ ഉത്തരവുണ്ടെന്ന തെറ്റായ വാദം പോലും മുഖ്യ തിരഞ്ഞെടുപ്പ് കമ്മീഷണറുടെ ഭാഗത്തുനിന്ന് ഉയർന്നത് തിരഞ്ഞെടുപ്പ് സംവിധാനത്തിന്റെ വിശ്വാസ്യതയെ ചോദ്യം ചെയ്യുന്നതാണ്.

ജനാധിപത്യ സ്ഥാപനങ്ങളുടെ വിശ്വാസ്യതയും പൗരന്മാരുടെ വോട്ടവകാശവും സംരക്ഷിക്കേണ്ടത് അനിവാര്യമാണ്. അതിനാൽ ജനാധിപത്യവിരുദ്ധമായി പ്രവർത്തിക്കുന്ന മുഖ്യ തിരഞ്ഞെടുപ്പ് കമ്മീഷണറെ മാറ്റേണ്ടത് ജനാധിപത്യ സംരക്ഷണത്തിന് അനിവാര്യമാണ്.

വോട്ടവകാശം സംരക്ഷിക്കണമെന്നാവശ്യപ്പെട്ട് ജനകീയ സമരത്തിന് നേതൃത്വം നൽകിയ രാഹുൽ ഗാന്ധിയെയും പ്രിയങ്ക ഗാന്ധിയെയും കെ.സി. വേണുഗോപാൽ ഉൾപ്പെടെയുള്ള നേതാക്കളെയും അറസ്റ്റ് ചെയ്ത നടപടിയിൽ പ്രതിഷേധിച്ച് കേരളത്തിലെ മുഴുവൻ *കോൺഗ്രസ് മണ്ഡലം കമ്മിറ്റികളുടെ നേതൃത്വത്തിൽ ഒക്ടോബർ 7 ബുധനാഴ്ച വൈകുന്നേരം ശക്തമായ പ്രതിഷേധ പ്രകടനങ്ങൾ* സംഘടിപ്പിക്കുമെന്ന് സണ്ണി ജോസഫ് അറിയിച്ചു. ജനാധിപത്യത്തെയും വോട്ടവകാശത്തെയും സംരക്ഷിക്കാനുള്ള പോരാട്ടത്തിൽ മുഴുവൻ ജനാധിപത്യ വിശ്വാസികളും അണിനിരക്കണമെന്നും അദ്ദേഹം ആഹ്വാനം ചെയ്തു.

06/10/2026

Save democracy

05/10/2026

പരാതികൾ ഉടനെ തന്നെ അറിയിക്കുക

04/10/2026

സമഗ്ര ആരോഗ്യ പരിരക്ഷയിലേക്ക് കേരളം.

സംസ്ഥാനത്തെ മുഴുവൻ കുടുംബങ്ങൾക്കും 25 ലക്ഷം രൂപ വരെയുള്ള ചികിത്സാ പരിരക്ഷ ഉറപ്പാക്കുന്ന ‘ഉമ്മൻചാണ്ടി ആരോഗ്യ ഇൻഷുറൻസ് പദ്ധതി’ യാഥാർത്ഥ്യത്തിലേക്ക്.

പദ്ധതിയുടെ വിശദമായ പദ്ധതി രേഖ (DPR) നാല് മാസത്തിനകം സമർപ്പിക്കുന്നതിനായി വിദഗ്ധ സമിതി രൂപീകരിക്കാൻ തീരുമാനിച്ചു.

03/10/2026

03/10/2026

പട്ടികജാതി വനിതകൾക്ക് സംരംഭം തുടങ്ങാൻ 10 ലക്ഷം രൂപ വരെ സഹായം!

‘ദാക്ഷായണി സ്വയംതൊഴിൽ പദ്ധതി’ — പട്ടികജാതി വിഭാഗത്തിലെ വനിതകളുടെ സാമ്പത്തിക സ്വയംപര്യാപ്തതയും സംരംഭകത്വവും പ്രോത്സാഹിപ്പിക്കുന്നതിനായി സംസ്ഥാന സർക്കാർ നടപ്പാക്കുന്ന പദ്ധതിയാണ്.

🔹 ആർക്കാണ് അവസരം?
പട്ടികജാതി വിഭാഗത്തിൽപ്പെട്ട വനിതകൾക്ക്.

🔹 ഗ്രൂപ്പായി അപേക്ഷിക്കാം
കുറഞ്ഞത് 5 വനിതകൾ അംഗങ്ങളായ സ്വയംസഹായ സംഘങ്ങൾക്ക് അപേക്ഷിക്കാം. സംഘം ജില്ലാ രജിസ്ട്രാർ ഓഫീസ്, കുടുംബശ്രീ, അല്ലെങ്കിൽ തദ്ദേശ സ്വയംഭരണ സ്ഥാപനങ്ങളിൽ രജിസ്റ്റർ ചെയ്തിരിക്കണം.

🔹 എത്ര ധനസഹായം?
പുതിയ സംരംഭങ്ങൾക്ക് പദ്ധതി ചെലവിന്റെ 75% വരെ, പരമാവധി ₹10 ലക്ഷം വരെ സബ്‌സിഡി ലഭിക്കും.

🔹 വ്യക്തികൾക്കും അവസരം
പുതിയ സംരംഭം ആരംഭിക്കാൻ ആഗ്രഹിക്കുന്ന വ്യക്തിഗത വനിതകൾക്കും അപേക്ഷിക്കാം. വ്യക്തികൾക്ക് പദ്ധതി ചെലവിന്റെ 75% വരെ, പരമാവധി ₹3.75 ലക്ഷം വരെ സബ്‌സിഡി ലഭിക്കും.

🔹 പ്രധാന യോഗ്യതകൾ

• കുടുംബ വാർഷിക വരുമാനം ₹5 ലക്ഷത്തിൽ കവിയരുത്
• പ്രായം 21–55 വയസ്സ്
• കുറഞ്ഞ വിദ്യാഭ്യാസ യോഗ്യത 7-ാം ക്ലാസ്
• മറ്റ് നിശ്ചിത വ്യവസ്ഥകൾക്കും വിധേയമാണ്.

📞 കൂടുതൽ വിവരങ്ങൾക്കും അപേക്ഷാ നടപടികൾക്കും അതത് ബ്ലോക്ക്/നഗരസഭ പട്ടികജാതി വികസന ഓഫീസുമായി ബന്ധപ്പെടുക.

വനിതകളുടെ സാമ്പത്തിക സ്വയംപര്യാപ്തതയിലേക്ക് ഒരു പുതിയ ചുവടുവയ്പ് — ദാക്ഷായണി സ്വയംതൊഴിൽ പദ്ധതി. 🌱

ശ്രദ്ധിക്കുക: ഇത് എല്ലാവർക്കുമുള്ള പൊതുവായ ₹10 ലക്ഷം ധനസഹായമല്ല. അർഹരായ പട്ടികജാതി വനിതകളുടെ സംരംഭങ്ങൾക്കുള്ള സബ്‌സിഡിയാണ്.

03/10/2026

സഖാകളെ കുറിച്ച് കൃത്യമായി പറഞ്ഞു
വി ടി ബൽറാം...

03/10/2026

ശബളം പറ്റുന്ന സർക്കാരിന്റെ യുവജന കായിക രജിസ്ട്രേഷൻ മന്ത്രിക്കെതിരെ, കാഞ്ഞങ്ങാട് കരിങ്കൊടി കാണിക്കാൻ വന്ന dyfi ഡോക്ടർ തൽക്കാലം വീട്ടിൽ ഇരിക്ക്.


ഇനി കുറച്ചുകാലം പണിയെടുത്ത് ജീവിക്കു,
സർക്കാരിന്റെ ശമ്പളം പറ്റി കഴിഞ്ഞ 10 വർഷം രാഷ്ട്രീയ പ്രവർത്തനം നടത്തിയവൻ, ഇപ്പോ യു ഡി എഫ് വന്നപ്പോഴും സർക്കാരിന്റെ ശമ്പളം പറ്റി അതെ സർക്കാരിലെ മന്ത്രിയെ തടയാൻ വന്നാൽ അവനെ പിടിച്ചു പുറത്തിടാനും പിടിച്ചു ജയിലിൽ ഇടാനും ഒരു മടിയും കാണിക്കില്ല, കാഞ്ഞങ്ങാട് ജില്ല ആശുപത്രിയിലെ ഡോക്ടർ ആയ ഡിവൈഎഫ്ഐ നേതാവ് സിദ്ധാർഥ് രവീന്ദ്രനെ ഡ്യൂട്ടി സമയത്ത് മന്ത്രി ഓ ജെ ജനീഷിനെ കരിങ്കൊടി കാണിക്കാനും തടയാനും ശ്രമിച്ച ജാമ്യം എല്ലാ വകുപ്പുകൾ പ്രകാരമുള്ള കേസിൽ പ്രതിയായതിന്റെ അടിസ്ഥാനത്തിൽ തൽസ്ഥാനത്തുനിന്നും നീക്കം ചെയ്തു ഉത്തരവായി.