DYFI Kannur

07/10/2026

കണ്ണൂർ ഗവ മെഡിക്കൽ കോളേജ് ചികിത്സ പിഴവ് മൂലം മരണം

കുറ്റക്കാർക്കെതിരെ സമഗ്രന്വേഷണം നടത്തി കർശന നടപടി സ്വീകരിക്കുക.
- ഡിവൈഎഫ്ഐ

കണ്ണൂർ : കണ്ണൂർ ഗവ മെഡിക്കൽ കോളേജിൽ ചികിത്സാ പിഴവ് കാരണം ഇരിട്ടി വള്ളിത്തോട് സ്വദേശി ഫാത്തിമ മരണപ്പെട്ടതിൽ കാരണക്കാരനായ ഡോക്ടർക്കെതിരെ നടപടിയും, സമഗ്ര അന്വേഷണവും നടത്തുക. രോഗികൾക്ക് ആശ്വാസവും ജീവൻരക്ഷയും നൽകേണ്ട സർക്കാർ മെഡിക്കൽ കോളേജിൽ ഇത്തരം ഗുരുതരമായ അനാസ്ഥകൾ ഉണ്ടാകുന്നത് യാതൊരു കാരണവശാലും അംഗീകരിക്കാനാവില്ല. സർക്കാർ ആശുപത്രികൾ സാധാരണക്കാരന്റെ ആശ്രയ കേന്ദ്രവും പ്രതീക്ഷയുമാണ്. ലോകത്തിന് മാതൃകയായ ആരോഗ്യ സംവിധാനമായി കേരളത്തെ മാറ്റിയ പത്ത് വർഷമാണ് കടന്നു പോയതെങ്കിൽ യുഡിഎഫ് ഗവൺമെന്റ് അധികാരത്തിൽ വന്ന് 5 മാസം പിന്നിടുമ്പോഴേക്കും രാഷ്ട്രീയ താല്പര്യമനുസരിച്ച് ഡിസിസി ഓഫീസിൽ നിന്നും നൽകുന്ന ലിസ്റ്റ് പ്രകാരം സ്ഥലമാറ്റം നടപ്പിലാക്കിയും, കെടുകാര്യസ്ഥത മൂലവും, മരുന്ന് ക്ഷാമം മൂലവും ആരോഗ്യമേഖല വെന്റിലേറ്ററിലായിരിക്കുകയാണ്. ഏറ്റവും ഒടുവിലത്തെ ഉദാഹരണമാണ് കണ്ണൂർ ഗവ മെഡിക്കൽ കോളേജിൽ ഉണ്ടായ ചികിത്സ പിഴവ് മൂലമുള്ള മരണം. സംഭവം അതീവ ഗൗരവമാണെന്നും, സംഭവത്തിൽ സമഗ്രമായ അന്വേഷണം ഉന്നതലത്തിൽ നടത്തി കുറ്റക്കാർക്കെതിരെ കർശനമായ നടപടി സ്വീകരിക്കണമെന്നും, ഫാത്തിമയുടെ കുടുംബത്തിന് സർക്കാർ അർഹമായ നഷ്ടപരിഹാരം നൽകണമെന്നും ഡിവൈഎഫ്ഐ കണ്ണൂർ ജില്ലാ സെക്രട്ടറിയേറ്റ് പ്രസ്താവനയിലൂടെ അറിയിക്കുന്നു.

ഡിവൈഎഫ്ഐ ജില്ലാ കമ്മിറ്റിയുടെ നേതൃത്വത്തിൽ കണ്ണൂർ ഗവൺമെന്റ് മെഡിക്കൽ കോളേജിലേക്ക് പ്രതിഷേധ മാർച്ച് സംഘടിപ്പിക്കുകയും പ്രിൻസിപ്പാളിലെ ഉപരോധിക്കുകയും ചെയ്തു. മണിക്കൂറുകൾ നീണ്ട ഉപരോധ സമരത്തെ തുടർന്ന് കോഴിക്കോട് മെഡിക്കൽ കോളേജ് വൈസ് പ്രിൻസിപ്പൽ ചെയർമാനായ അന്വേഷണ കമ്മീഷനെ മെഡിക്കൽ വിദ്യാഭ്യാസ ഡയറക്ടർ ചുമതലപ്പെടുത്തി ഉത്തരവ് പുറപ്പെടുവിപ്പിക്കുകയും കുറ്റക്കാരനായ ഡോക്ടർ ശിവപ്രസാദിനെ ഡ്യൂട്ടിയിൽ നിന്നും മാറ്റി നിർത്തുകയും ചെയ്തു. പ്രതിഷേധ സമരം ഡി വൈ എഫ് ഐ സംസ്ഥാന സെക്രട്ടറി എം വിജിൻ എംഎൽഎ ഉദ്ഘാടനം ചെയ്തു. മുഹമ്മദ് അഫ്സൽ, കെ അനുശ്രീ, പി പി സിദിൻ, ഷിബിൻ കാനായി, എ സുദാജ്, പി ജിതിൻ, ടിവി പ്രണവ് രാജ്, പി കെ പ്രജീഷ്, കെ പി അർജുൻ എന്നിവർ നേതൃത്വം നൽകി.

07/10/2026

കണ്ണൂർ ഗവ:മെഡിക്കൽ കോളേജ് പരിയാരത്ത് ഡോക്ടറുടെ ചികിത്സ പിഴവ് മൂലം രോഗി മരണപ്പെട്ട സംഭവത്തിൽ പ്രതിഷേധിച്ച് ഡിവൈഎഫ്ഐ നേതൃത്വത്തിൽ കണ്ണൂർ ഗവൺമെന്റ് മെഡിക്കൽ കോളേജിലേക്ക് പ്രതിഷേധ മാർച്ച് സംഘടിപ്പിക്കുകയും പ്രിൻസിപ്പാളിലനെ ഉപരോധിക്കുകയും ചെയ്തു. മണിക്കൂറുകൾ നീണ്ട ഉപരോധ സമരത്തെ തുടർന്ന് കോഴിക്കോട് മെഡിക്കൽ കോളേജ് വൈസ് പ്രിൻസിപ്പൽ ചെയർമാനായ അന്വേഷണ സമിതിയേ മെഡിക്കൽ വിദ്യാഭ്യാസ ഡയറക്ടർ ചുമതലപ്പെടുത്തി ഉത്തരവ് പുറപ്പെടുവിപ്പിക്കുകയും കുറ്റക്കാരനായ ഡോക്ടർ ശിവപ്രസാദിനെ ഡ്യൂട്ടിയിൽ നിന്നും മാറ്റി നിർത്തുകയും ചെയ്തു. പ്രതിഷേധ സമരം ഡി വൈ എഫ് ഐ സംസ്ഥാന സെക്രട്ടറി എം വിജിൻ എംഎൽഎ ഉദ്ഘാടനം ചെയ്തു.മുഹമ്മദ്‌ അഫ്സൽ,കെ അനുശ്രീ,പി പി സിദിൻ, ഷിബിൻ കാനായി,എ സുധാജ്, പി ജിതിൻ എന്നിവർ നേതൃത്വം നൽകി

07/10/2026

സംസ്ഥാന സ്കൂൾ കായിക മേളയിൽ ജീവൻ പണയം വച്ച് മത്സരിച്ച വിദ്യാർത്ഥികൾക്ക് കണ്ണൂരിൽ DYFI യുടെ പ്രതീകാത്മക സ്വീകരണം DYFI സംസ്ഥാന സെക്രട്ടറി എം വിജിൻ എം എൽ എ ഉദ്ഘാടനം ചെയ്യുന്നു

06/10/2026

04/10/2026

പയ്യന്നൂരിൽ മന്ത്രിക്കെതിരെ ജനാധിപത്യപരമായി പ്രതിഷേധിച്ച ഡിവൈഎഫ്ഐ പ്രവർത്തകരെ കള്ളക്കേസിൽ കുടുക്കി ജയിലിലിടാനുള്ള നീക്കം ചെറുക്കുമെന്ന് ഡിവൈഎഫ്ഐ ജില്ലാ കമ്മിറ്റി പ്രസ്താവനയിൽ പറഞ്ഞു.
മന്ത്രി ജെനീഷിനെതിരെ ജനാധിപത്യപരമായ പ്രതിഷേധമാണ് ഉണ്ടായത് . അതിനെ മന്ത്രിക്കെതിരായ അക്രമം എന്ന രീതിയിൽ വ്യാജവാർത്ത മെനഞ്ഞ് കള്ളക്കേസ് സൃഷ്ടിക്കുകയാണ്. ഗുരുതര വകുപ്പുകൾ ചുമത്തിയാണ് പൊലീസ് വേട്ടയാടൽ . പയ്യന്നൂരിൽ നടന്നു എന്നു പറയുന്ന അക്രമത്തിന് ചരടുവലിച്ചത് അവിടെ തമ്പടിച്ച സന്ദീപ് വാര്യർ എംഎൽഎയാണ് . സ്ഥലം എംഎൽഎ അല്ലാഞ്ഞിട്ടും പയ്യന്നൂരിൽ സന്ദീപ് വാര്യർ തമ്പടിച്ചതിൽ ദുരൂഹതയുണ്ട് . സന്ദീപ് വാര്യർ വാഹനത്തിൽ നിന്ന് ഇറങ്ങി പ്രതിഷേധക്കാരെ പ്രകോപിപ്പിക്കുന്നതും കൈയ്യേറ്റം ചെയ്യാൻ ശ്രമിക്കുന്നതും കുഴപ്പം ഉണ്ടാക്കണമെന്ന താൽപ്പര്യത്തിന്റെ ഭാഗമാണ്. ഈ പ്രകോപനത്തിൽ വീഴാതെ സംയമനത്തോടെ പ്രതിഷേധിക്കുകയായിരുന്നു ഡിവൈഎഫ്ഐ . കരിങ്കൊടി പ്രതിഷേധം കേരളത്തിൽ ആദ്യമായി നടക്കുന്ന സംഭവവുമല്ല. അതിന്റെ പേരിൽ പയ്യന്നൂരിലും, സമാനമായി കരിങ്കൊടി പ്രതിഷേധം സംഘടിപ്പിച്ച തളിപ്പറമ്പിലും ഡിവൈഎഫ്ഐ പ്രവർത്തകരെ വീട്ടിൽ കയറി അടക്കം പോലീസ് വേട്ടയാടുകയും അറസ്റ്റ് ചെയ്യുകയുമാണ്. ഇത്തരം ജനാധിപത്യ വിരുദ്ധമായ പൊലീസ് വേട്ട തുടർന്നാൽ ശക്തമായി പ്രതിരോധിക്കാൻ തയ്യാറാകുമെന്നും ഡിവൈഎഫ്ഐ ജില്ലാ കമ്മിറ്റി പ്രസ്താവനയിൽ പറഞ്ഞു .

03/10/2026

DYFI കണ്ണൂർ ജില്ലാ കമ്മിറ്റി മെമ്പറും പെരിങ്ങോം ബ്ലോക്ക് പ്രസിഡന്റുമായ പി നിതിനെതിരെയുള്ള സംഘപരിവാറിന്റെ സൈബർ ആക്രമണത്തിനെതിരെ പ്രതിഷേധിക്കുക

പെരിങ്ങോം അരവഞ്ചാൽ കേന്ദ്രീകരിച്ച് RSS ശാഖയിൽ കലാപ ഉദ്യേശത്തോടെ പുറത്തുനിന്ന് എത്തിയ ആർ എസ് എസ് ക്രിമിനലുകളുടെ നേതൃത്വത്തിൽ നടത്തിയ ആയുധ പരിശീലനം ചോദ്യം ചെയ്ത സംഭവത്തിൽ സംഘപരിവാർ ഫേക്ക് സോഷ്യൽ മീഡിയ ഹാൻഡിലുകളിൽ നിന്നും വരുന്ന വെല്ലുവിളിയും ഭീഷണി സന്ദേശങ്ങളിലും DYFI ജില്ലാ കമ്മിറ്റി ശക്തമായി പ്രതിഷേധിക്കുന്നു.

സി.സി.ടി.വി ദൃശ്യങ്ങൾ എഡിറ്റ് ചെയ്താണ് പ്രചരിപ്പിക്കുന്നത്. പുറമേ നിന്നെത്തിയ RSS ക്രിമിനലുകൾ ആയുധമേന്തി പ്രകോപനം ശൃഷ്ട്രിക്കുന്നെണ്ടന്നറിഞ്ഞാണ് DYFI നേതാക്കൾ അവിടെ എത്തിയത് . എന്നാൽ ആ ഭാഗം ഒഴിവാക്കി എഡിറ്റ് ചെയ്ത വീഡിയോയാണ് പ്രചരിപ്പിക്കുന്നത്.

സമാധാനം നിലനിൽക്കുന്ന പ്രദേശത്ത് ബോധപൂർവ്വം കലാപം സൃഷ്ടിക്കുക എന്ന ലക്ഷ്യത്തിന്റെ ഭാഗമായിട്ടുള്ള ഇത്തരം ആയുധ പരിശീലനങ്ങളെ നാട് നേരത്തേയും പ്രതിരോധിച്ചിട്ടുണ്ട്.

വ്യാജ പ്രൊഫൈലിലൂടെയുള്ള സംഘ പരിവാർ വെല്ലുവിളികളും,ജൽപ്പനങ്ങളും സമൂഹം തള്ളികളയുക തന്നെ ചെയ്യും. ഇത്തരത്തിലുള്ള കലാപോദ്ധ്യേശത്തോടെയുള്ള ആയുധ പരിശീലന പരിപാടികളെ പ്രതിരോധിക്കാനും , വ്യാജ പ്രചാരണങ്ങളെ തള്ളി കളയാനും തയ്യാറാകണമെന്ന്
DYFI കണ്ണൂർ ജില്ലാ കമ്മറ്റി പ്രസ്താവനയിലൂടെ അറിയിച്ചു.

02/10/2026

മോദിയുടെയും അമിത് ഷായുടെയും നിരോധനാജ്ഞകൾ കാറ്റിൽപ്പറത്തിക്കൊണ്ട് ജന്തർ മന്തറിൽ മുഴങ്ങിയ പോരാട്ടവീര്യം.

ഗ്യാനേഷ് കുമാർ രാജിവെക്കും വരെ ഒരടി പിന്നോട്ടില്ല. ഭരണകൂടത്തിന്റെ വേട്ടയാടലുകൾ കൊണ്ടോ അറസ്റ്റുകൾ കൊണ്ടോ DYFI-യെ തളർത്താമെന്ന് കരുതേണ്ട!

ഡൽഹിയിൽ DYFI സമരത്തിന് നേരെയുണ്ടായ പോലീസ് ഭീകരതയിൽ ശക്തമായി പ്രതിഷേധിക്കുക!