What are the opening hours?

Monday 9am - 5pm Tuesday 9am - 5pm Wednesday 10am - 5pm Thursday 9am - 5pm Friday 9am - 5pm Saturday 9am - 5pm

https://www.facebook.com/103629950992128/

Food Safety Department Kasaragod, Civil station, Kasaragod (2026)

29/07/2026

കാസറഗോഡ്: ഓണക്കാലത്ത് സുരക്ഷിതവും
ശുചിത്വവുമുള്ള ഭക്ഷണം ഉറപ്പാക്കുന്നതിനായി
ഭക്ഷ്യസുരക്ഷാ വകുപ്പ് കാസറഗോഡ് ജില്ലയുടെ നേതൃത്വത്തിൽ 'ഈറ്റ് റൈറ്റ് കേരളം - സേഫ് ഓണം 2026' പരിപാടി സംഘടിപ്പിച്ചു ബുധനാഴ്ച രാവിലെ 11 മണിക്ക് കാസറഗോഡ് സിറ്റി ടവറിൽ വെച്ച് പരിപാടിയുടെ ഉദ്ഘാടനം കാസറഗോഡ് എം.എൽ.എ. ശ്രീ. കല്ലട്ര മാഹിൻ നിർവഹിച്ചു. ചടങ്ങിൽ കാസറഗോഡ് ഭക്ഷ്യസുരക്ഷാ അസിസ്റ്റൻറ് കമ്മീഷണർ ശ്രീ. സംഗീത് എസ്. അധ്യക്ഷത വഹിച്ചു ബേക്കേഴ്സ് അസോസിയേഷൻ ജില്ലാ പ്രസിഡൻ്റ് സി ചന്ദ്രൻ,കേരള ഹോട്ടൽ ആൻഡ് റെസ്റ്റോറന്റ്അസോസിയേഷൻ ജില്ലാ പ്രസിഡൻ്റ് രഘുവീർ പൈ, സെക്രട്ടറി ബിജു ചുള്ളിക്കാര തുടങ്ങിയവർ ആശംസകൾ അർപ്പിച്ചു സംസാരിച്ചു. ഉദ്ഘാടന ചടങ്ങിന് ശേഷം ജില്ലയിലെ വിവിധ മേഖലകളിലെ ഭക്ഷ്യസംരംഭകർക്കായി പ്രത്യേക ബോധവൽക്കരണ ക്ലാസുകൾ നടന്നു

ജില്ലയിലെ മുഴുവൻ മേഖലയിലുള്ള ഭക്ഷ്യസംരംഭകരും പരിപാടിയിൽ പങ്കെടുത്തു.

09/07/2026

ഓപ്പറേഷൻ മൺസൂൺ- ബോധവൽക്കരണ ക്ലാസ് സംഘടിപ്പിച്ചു☔☔☔

ഭക്ഷ്യ സുരക്ഷാ വകുപ്പ്, കാസർഗോഡ് ജില്ലയുടെ ആഭിമുഖ്യത്തിൽ സംഘടിപ്പിച്ച "ഓപ്പറേഷൻ മൺസൂൺ" പ്രത്യേക മഴക്കാല ഭക്ഷ്യസുരക്ഷാ ബോധവൽക്കരണ ക്ലാസ് 2026 ജൂലൈ 8-ന് കാസർഗോഡ് കളക്ടറേറ്റ് ഹാളിൽ നടന്നു.

പരിപാടിയിൽ കാസർഗോഡ് അസിസ്റ്റന്റ് കമ്മീഷണർ ഓഫ് ഫുഡ് സേഫ്റ്റി ശ്രീ. സംഗീത് എസ്. അധ്യക്ഷത വഹിച്ചു.

ഗവ. താലൂക്ക് ആശുപത്രി, നീലേശ്വരത്തെ പബ്ലിക് ഹെൽത്ത് വിദഗ്ധനും ശിശുരോഗ വിദഗ്ധനുമായ ഡോ. ടി. രഞ്ജിത് കുമാർ മഴക്കാലത്ത് ഉണ്ടാകുന്ന ജലജന്യ-ഭക്ഷ്യജന്യ രോഗങ്ങൾ, അവയുടെ പ്രതിരോധ മാർഗങ്ങൾ എന്നിവയെക്കുറിച്ച് വിശദമായ ബോധവൽക്കരണ ക്ലാസ് നയിച്ചു.

കൂടാതെ, ഭക്ഷ്യ സുരക്ഷാ നിയമം, 2006 (Food Safety and Standards Act, 2006), Schedule IV-ലെ വ്യവസ്ഥകൾ, ഭക്ഷ്യ സുരക്ഷാ നിയമം, 2006-ലെ പ്രധാന വകുപ്പുകളും വിവിധ നിയമലംഘനങ്ങൾക്ക് ബാധകമായ ശിക്ഷാ നടപടികളും, ഭക്ഷ്യ ബിസിനസുകളുടെ രജിസ്ട്രേഷനും ലൈസൻസിംഗുമായി ബന്ധപ്പെട്ട മാനദണ്ഡങ്ങൾ, ഫീസ് ഘടന, ഭക്ഷണത്തിലെ പ്രിസർവേറ്റീവുകളുടെയും നിറങ്ങളുടെയും ഉപയോഗപരിധി തുടങ്ങിയ വിഷയങ്ങളിൽ ജില്ലയിലെ ഭക്ഷ്യ സുരക്ഷാ ഓഫീസർമാർ ക്ലാസുകൾ നയിച്ചു.

ഭക്ഷ്യവ്യാപാരികൾ, ഭക്ഷ്യ ബിസിനസ് ഓപ്പറേറ്റർമാർ (FBOs), വിവിധ സ്ഥാപന പ്രതിനിധികൾ എന്നിവർക്കൊപ്പം ഭക്ഷ്യ സുരക്ഷാ വകുപ്പിലെ ജീവനക്കാരും പരിപാടിയിൽ സജീവമായി പങ്കെടുത്തു.

പരിപാടി ഭക്ഷ്യസുരക്ഷാ നിയമങ്ങളെക്കുറിച്ചും സുരക്ഷിത ഭക്ഷണരീതികളെക്കുറിച്ചും അവബോധം വർധിപ്പിക്കുന്നതിനും, ഭക്ഷ്യവ്യാപാരികളിൽ നിയമപാലനം ഉറപ്പാക്കുന്നതിനും, പൊതുജനാരോഗ്യ സംരക്ഷണത്തിന് കൂടുതൽ കരുത്തേകുന്നതിനും സഹായകമായി.☂️☂️

12/06/2026

ലോക ഭക്ഷ്യസുരക്ഷാ ദിനാചരണം: കാസർഗോഡിൽ പാനൽ ചർച്ചയും സെമിനാറും സംഘടിപ്പിച്ചു....📝

2026-ലെ ലോക ഭക്ഷ്യസുരക്ഷാ ദിനാചരണത്തിന്റെ ഭാഗമായി കാസർഗോഡ് ജില്ലാ ഭക്ഷ്യസുരക്ഷാ വകുപ്പിന്റെ നേതൃത്വത്തിൽ സിവിൽ സ്റ്റേഷനിലെ ജില്ലാ പ്ലാനിംഗ് ഓഫീസ് ഹാളിൽ പാനൽ ചർച്ചയും സെമിനാറും സംഘടിപ്പിച്ചു. ഭക്ഷ്യസുരക്ഷയെക്കുറിച്ചുള്ള അവബോധം ശക്തിപ്പെടുത്തുന്നതിനും പൊതുജനാരോഗ്യം സംരക്ഷിക്കുന്നതിൽ വിവിധ മേഖലകളുടെ പങ്കാളിത്തം ഉറപ്പുവരുത്തുന്നതിനുമാണ് പരിപാടി സംഘടിപ്പിച്ചത്.
"The Shigellosis Debacle" എന്ന വിഷയത്തെ ആസ്പദമാക്കി നടന്ന പാനൽ ചർച്ചയിൽ ഭക്ഷ്യജന്യ രോഗങ്ങൾ, അവയുടെ പ്രതിരോധ മാർഗങ്ങൾ, സുരക്ഷിത ഭക്ഷണശീലങ്ങളുടെ പ്രാധാന്യം എന്നിവ വിശദമായി ചർച്ച ചെയ്തു. ഭക്ഷ്യസുരക്ഷാ വകുപ്പ് റിട്ട. ഡെപ്യൂട്ടി കമ്മീഷണർ പ്രദീപ് കുമാർ വി.കെ, ICAR-CPCRI ശാസ്ത്രജ്ഞ ഡോ. ഹിമ ജോൺ, ജില്ലാ ഡെപ്യൂട്ടി മെഡിക്കൽ ഓഫീസർ ഡോ. അജയ്, KHRA ജില്ലാ സെക്രട്ടറി ശ്രീ ബിജു ചുള്ളിക്കര, ബേക്കേഴ്‌സ് അസോസിയേഷൻ ജില്ലാ സെക്രട്ടറി ശ്രീ അജിത്ത് എന്നിവർ പാനലിസ്റ്റുകളായി പങ്കെടുത്തു. ഭക്ഷ്യസുരക്ഷാ അസിസ്റ്റന്റ് കമ്മീഷണർ ശ്രീ സംഗീത് എസ്. ചർച്ചയുടെ മോഡറേറ്ററായിരുന്നു.....

തുടർന്ന്, ഉപയോഗിച്ച പാചക എണ്ണ വീണ്ടും ഉപയോഗിക്കുന്നതിലൂടെ ഉണ്ടാകുന്ന ആരോഗ്യപ്രശ്നങ്ങളും അത് തടയുന്നതിനായി നടപ്പിലാക്കുന്ന RUCO (Repurpose Used Cooking Oil) പദ്ധതിയുടെ പ്രാധാന്യവും സംബന്ധിച്ച് കാസർഗോഡ് നോഡൽ ഫുഡ് സേഫ്റ്റി ഓഫീസർ ഡോ. ആദിത്യൻ പി.ബി. സെമിനാർ നയിച്ചു. ഭക്ഷ്യസുരക്ഷാ ഉദ്യോഗസ്ഥർ, ആരോഗ്യപ്രവർത്തകർ, വ്യാപാരികൾ, NSS വോളന്റിയർമാർ, പൊതുജനങ്ങൾ എന്നിവർ പരിപാടിയിൽ പങ്കെടുത്ത് ഭക്ഷ്യസുരക്ഷയുമായി ബന്ധപ്പെട്ട വിഷയങ്ങളിൽ അറിവ് പങ്കുവെച്ചു......

12/06/2026

🏆🎨 ലോക ഭക്ഷ്യസുരക്ഷാ ദിനം 2026

ലോക ഭക്ഷ്യസുരക്ഷാ ദിനാചരണത്തിന്റെ ഭാഗമായി കാസർഗോഡ് ജില്ലാ ഭക്ഷ്യസുരക്ഷാ വകുപ്പിന്റെ നേതൃത്വത്തിൽ കാസർഗോഡ് കളക്ടറേറ്റിൽ ക്വിസ് മത്സരവും പോസ്റ്റർ ഡിസൈനിംഗ് മത്സരവും സംഘടിപ്പിച്ചു. ജില്ലയിലെ വിവിധ സ്കൂളുകളിലും കോളേജുകളിലും നിന്നുള്ള വിദ്യാർത്ഥികൾ ആവേശപൂർവം പങ്കെടുത്ത പരിപാടി അറിവും സർഗാത്മകതയും ഒരുമിച്ചുചേർന്ന വേദിയായി മാറി. മത്സരങ്ങളിൽ പങ്കെടുത്ത വിദ്യാർത്ഥികൾ മികച്ച പ്രകടനം കാഴ്ചവെച്ച് പരിപാടിക്ക് മാറ്റുകൂട്ടി.📝📝📝

വിദ്യാർത്ഥികളിൽ ഭക്ഷ്യസുരക്ഷയെക്കുറിച്ചുള്ള അവബോധം വളർത്തുന്നതിനും ആരോഗ്യകരമായ ഭക്ഷണശീലങ്ങളുടെ പ്രാധാന്യം പ്രചരിപ്പിക്കുന്നതിനുമാണ് മത്സരങ്ങൾ സംഘടിപ്പിച്ചത്. പോസ്റ്റർ മത്സരത്തിൽ വിദ്യാർത്ഥികൾ അവതരിപ്പിച്ച ആശയസമ്പന്നമായ സൃഷ്ടികൾ ശ്രദ്ധേയമായപ്പോൾ, ക്വിസ് മത്സരം പങ്കാളികളുടെ അറിവും ആത്മവിശ്വാസവും ഉയർത്തുന്നതിന് സഹായകമായി. ലോക ഭക്ഷ്യസുരക്ഷാ ദിനത്തിന്റെ സന്ദേശം യുവതലമുറയിലേക്ക് എത്തിക്കുന്നതിൽ പരിപാടി ശ്രദ്ധേയമായ പങ്കുവഹിച്ചു.📝📝📝

09/06/2026

🎨✨ നിറങ്ങൾ സംസാരിക്കട്ടെ, സന്ദേശം സമൂഹത്തെ സ്വാധീനിക്കട്ടെ!

ലോക ഭക്ഷ്യസുരക്ഷാ ദിനം 2026-ന്റെ ഭാഗമായി കാസർഗോഡ് ഭക്ഷ്യസുരക്ഷാ വകുപ്പ് സംഘടിപ്പിക്കുന്ന ജില്ലാതല പോസ്റ്റർ ഡിസൈനിംഗ് മത്സരത്തിലേക്ക് സ്വാഗതം ചെയ്യുന്നു.....

ഭക്ഷ്യസുരക്ഷയുടെ പ്രാധാന്യവും സുരക്ഷിത ഭക്ഷണത്തിന്റെ സന്ദേശവും നിങ്ങളുടെ കലാപാടവത്തിലൂടെ അവതരിപ്പിക്കാനുള്ള സുവർണ്ണാവസരം....✨

📅 11 ജൂൺ 2026
🕑 ഉച്ചയ്ക്ക് 2.00 മണി
📍 DDP ഓഫീസ് ഹാൾ, കളക്ടറേറ്റ്,
കാസർഗോഡ്

🏆 ആകർഷകമായ സമ്മാനങ്ങൾ...

* 🥇 ₹3,000/-
* 🥈 ₹2,000/-
* 🥉 ₹1,000/-

ഹൈസ്കൂൾ, ഹയർ സെക്കൻഡറി, കോളേജ് വിദ്യാർത്ഥികൾക്ക് പങ്കെടുക്കാം....👩‍🎓🧑🏻‍🎓

Theme 🖌️🎨 :

"From Burden to Solutions – Safe Food Everywhere"

നിങ്ങളുടെ ഭാവനയ്ക്ക് നിറം പകരൂ; സുരക്ഷിത ഭക്ഷണത്തിന്റെ സന്ദേശം ലോകത്തോട് പങ്കുവെക്കൂ! 🌱🍎

09/06/2026

😄😄...കേറി വാടാ മക്കളേ...😄😄

🏆 ലോക ഭക്ഷ്യസുരക്ഷാ ദിനം 2026 ക്വിസ് മത്സരം🏆

📢 വിദ്യാർത്ഥികൾക്കായി ഒരു മികച്ച അവസരം!

ലോക ഭക്ഷ്യസുരക്ഷാ ദിനം 2026-ന്റെ ഭാഗമായി കാസർഗോഡ് ഭക്ഷ്യസുരക്ഷാ വകുപ്പിന്റെ നേതൃത്വത്തിൽ ജില്ലാതല ക്വിസ് മത്സരം സംഘടിപ്പിക്കുന്നു.

🍎 ഭക്ഷ്യസുരക്ഷ, പൊതുജനാരോഗ്യം, ഭക്ഷ്യനിയമങ്ങൾ തുടങ്ങിയ വിഷയങ്ങളിലെ നിങ്ങളുടെ അറിവ് തെളിയിക്കാനുള്ള അവസരമാണിത്.

📅 തീയതി : 11 ജൂൺ 2026
🕙 സമയം : രാവിലെ 10.00 മണി മുതൽ
📍 വേദി : മിനി കോൺഫറൻസ് ഹാൾ,
കളക്ടറേറ്റ്, കാസർഗോഡ്

👨‍🎓 പങ്കെടുക്കാവുന്നവർ:
• ഹൈസ്കൂൾ വിദ്യാർത്ഥികൾ
• ഹയർ സെക്കൻഡറി വിദ്യാർത്ഥികൾ
• കോളേജ് വിദ്യാർത്ഥികൾ

👥 ടീം ഘടന:
ഒരേ വിദ്യാഭ്യാസ സ്ഥാപനത്തിൽ നിന്നുള്ള
രണ്ട് അംഗങ്ങൾ അടങ്ങുന്ന ടീം.

🎁 ആകർഷകമായ സമ്മാനങ്ങൾ
🥇 ഒന്നാം സമ്മാനം – ₹5,000
🥈 രണ്ടാം സമ്മാനം – ₹3,000
🥉 മൂന്നാം സമ്മാനം – ₹2,000
🎊 കൂടാതെ മറ്റ് പ്രോത്സാഹന സമ്മാനങ്ങളും!

📌 രജിസ്ട്രേഷൻ അവസാന തീയതി: 10 ജൂൺ 2026

ഭക്ഷ്യസുരക്ഷയെക്കുറിച്ചുള്ള അറിവ് വർധിപ്പിക്കാനും മികച്ച സമ്മാനങ്ങൾ നേടാനും ഈ അവസരം പ്രയോജനപ്പെടുത്തൂ.

"Safe Food Today, Healthy Tomorrow" 🌱

08/06/2026

പൊതുജനങ്ങള്‍ക്കിടയില്‍ സുരക്ഷിതമായ ഭക്ഷണശീലങ്ങളെയും ആരോഗ്യ സംരക്ഷണത്തെയും കുറിച്ചുള്ള അവബോധം വര്‍ധിപ്പിക്കുക എന്ന ലക്ഷ്യത്തോടെ ജില്ലാ ഭക്ഷ്യസുരക്ഷാ വകുപ്പും കാസര്‍ഗോഡ് പെഡലേഴ്‌സ് ക്ലബ്ബും സംയുക്തമായി സംഘടിപ്പിച്ച സൈക്ലത്തോണ്‍ വിജയകരമായി നടന്നു.

കാഞ്ഞങ്ങാട് പഴയ ബസ് സ്റ്റാന്‍ഡ് പരിസരത്ത് നടന്ന ചടങ്ങില്‍ കാഞ്ഞങ്ങാട് റവന്യൂ ഡിവിഷണല്‍ ഓഫീസര്‍ കെ.ആര്‍. മനോജ് സൈക്ലത്തോണിന് ഫ്‌ലാഗ് ഓഫ് നിര്‍വഹിച്ചു. കാസര്‍ഗോഡ് ഭക്ഷ്യസുരക്ഷാ അസിസ്റ്റന്റ് കമ്മീഷണര്‍ സംഗീത് എസ് അധ്യക്ഷത വഹിച്ചു.

കേരള ഹോട്ടല്‍ ആന്‍ഡ് റെസ്റ്റോറന്റ് അസോസിയേഷന്‍ (KHRA), ബേക്കേഴ്‌സ് അസോസിയേഷന്‍ പ്രതിനിധികള്‍, കാസര്‍ഗോഡ് ഭക്ഷ്യസുരക്ഷാ വകുപ്പ് ഉദ്യോഗസ്ഥര്‍ എന്നിവര്‍ ചടങ്ങില്‍ പങ്കെടുത്തു.✌️
Food Safety Department Kasaragod

06/06/2026

*സവാരി* *ഗിരി* *ഗിരി* ആരോഗ്യത്തിനായി ചവിട്ടാം..🚴‍♂️🚴‍♂️🚴‍♂️ ഭക്ഷ്യസുരക്ഷയ്ക്കായി കൈകോർക്കാം! 🍎🫕🍽️

ലോക ഭക്ഷ്യസുരക്ഷാ ദിനം 2026-ന്റെ ഭാഗമായി കാസർഗോഡ് ഭക്ഷ്യസുരക്ഷാ വകുപ്പും കാസർഗോഡ് പെഡല്ലേഴ്സും ചേർന്ന്

*World Food Safety Day - Cyclothon 2026*

സംഘടിപ്പിക്കുന്നു.

🏁 07 ജൂൺ 2026 | 🕖 രാവിലെ 7.00 മണി | 📍 കാഞ്ഞങ്ങാട് നഗരം

“From Burden to Solutions – Safe Food Everywhere” എന്ന സന്ദേശവുമായി നടത്തുന്ന ഈ ബോധവൽക്കരണ യാത്ര *കാഞ്ഞങ്ങാട് ആർ.ഡി.ഒ ശ്രീ. കെ. ആർ. മനോജ്* ഫ്ലാഗ് ഓഫ്ചെയ്യും.
🏳️🏳️🏳️

*എല്ലാവർക്കും സ്വാഗതം*

Food Safety Department, Kasaragod

Food Safety Department Kasaragod

29/07/2026

09/07/2026

12/06/2026

12/06/2026

09/06/2026

09/06/2026

08/06/2026

06/06/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	9am - 5pm
Tuesday	9am - 5pm
Wednesday	10am - 5pm
Thursday	9am - 5pm
Friday	9am - 5pm
Saturday	9am - 5pm