AIYF Thrikkarippur MC

ലഹരിക്കെതിരെ ജനങ്ങൾ ഒന്നിക്കണം - എം. ശ്രീജിത്ത്.
തൃക്കരിപ്പൂർ: കേരളം നേരിട്ടു കൊണ്ടിരിക്കുന്ന ഏറ്റവും വലിയ വിപത്തായ ലഹരി ഉപയോഗത്തിനെതിരെ ജനങ്ങൾ ഒറ്റക്കെട്ടായി അണി നിരക്കണമെന്ന് എഐവൈഎഫ് കാസറകോട് ജില്ലാ സെക്രട്ടറി എം. ശ്രീജിത്ത് പറഞ്ഞു. സംസ്ഥാന കമ്മറ്റി ആഹ്വാന പ്രകാരം വളരുന്ന ലഹരി തകരുന്ന കൗമാരം എന്ന മുദ്രാവാക്യമുയർത്തി എ ഐ വൈ എഫ് തൃക്കരിപ്പൂർ മണ്ഡലം കമ്മറ്റി തൃക്കരിപ്പൂരിൽ സംഘടിപ്പിച്ച ലഹരി വിരുദ്ധ ക്യാമ്പയിൻ ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം. മണ്ഡലം പ്രസിഡന്റ് ജിതിൻ വെങ്ങാട്ട് അധ്യക്ഷത വഹിച്ചു. എ. ഐ വൈ എഫ ജില്ലാ ജോ.സെക്രട്ടറി ധനീഷ് ബിരിക്കുളം, സി പി ഐ മണ്ഡലം സെക്രട്ടറി എം ഗംഗാധരൻ , മുകേഷ് ബാലകൃഷ്ണൻ , ശ്രീ ജേഷ് മാണിയാട്ട്, നസീർ തൃക്കരിപ്പൂർ എന്നിവർ സംസാരിച്ചു.
വൈശാഖ് മുഴക്കോം സ്വാഗതം പറഞ്ഞു. പ്രദീഷ് . ടി.കെ, ഭജിത്ത് ഈയ്യക്കാട്,അരുൺ എം.ആർ, ലിജേഷ് മുണ്ടക്കണ്ടം, കെ.വി. ദിലീഷ് എന്നിവർ നേതൃത്വം നൽകി.