Kasaragod Municipality

കാസർകോട്: കാസർകോട് നഗരസഭയുടെയും കൃഷിഭവന്റെയും സംയുക്ത ആഭിമുഖ്യത്തിൽ ഞാറ്റുവേല ചന്തയും കർഷകസഭയും സംഘടിപ്പിച്ചു. നഗരസഭാ വനിത ഹാളിൽ വെച്ച് സംഘടിപ്പിച്ച പരിപാടി നഗരസഭാ ചെയർമാൻ ആഡ്വ. വി.എം. മുനീർ ഉദ്ഘാടനം ചെയ്തു. വൈസ് ചെയർപേഴ്സൺ ഷംസീദ ഫിറോസ് അദ്ധ്യക്ഷത വഹിച്ചു. വികസന കാര്യ സ്റ്റാൻഡിങ് കമ്മിറ്റി ചെയർമാനും കൃഷി വർക്കിംഗ്‌ ഗ്രൂപ്പ് കൺവീനറുമായ അബ്ബാസ് ബീഗം, ആരോഗ്യ കാര്യ സ്റ്റാൻഡിങ് കമ്മിറ്റി ചെയർമാൻ ഖാലിദ് പച്ചക്കാട്, മുൻ നഗരസഭാ ചെയർ പേഴ്സൺ ബീഫാത്തിമ ഇബ്രാഹിം, മുതിർന്ന കർഷകൻ പപ്പൻ സംസാരിച്ചു. കൃഷി ഫീൽഡ് ഓഫീസർ എം.പി. ശ്രീജ സ്വാഗതവും കൃഷി അസിസ്റ്റന്റ് കെ.സി. വിജയകുമാരി നന്ദിയും പറഞ്ഞു. കൗൺസിലർമാർ, നഗരസഭാ പരിധിയിലെ കർഷകർ ചടങ്ങിൽ സംബന്ധിച്ചു. കർഷകർക്ക് തങ്ങളുടെ കാർഷിക ഉത്പ്പന്നങ്ങൾ പ്രദർശിപ്പിക്കുവാനും പൊതുജനങ്ങൾക്കു ഗുണമെന്മയുള്ള ഉത്പന്നങ്ങൾ കർഷകരിൽ നിന്ന് നേരിട്ട് വാങ്ങുന്നതിനുമുള്ള സൗകര്യം ഇവിടെ ഒരുക്കിയിരുന്നു.

കാസർകോട് നഗരസഭയുടെ മാലിന്യ സംഭരണ - അനൗൺസ്മെന്റ് ഇ - ഓട്ടോ ഫ്ലാഗ് ഓഫ് ചെയ്തു

കാസർകോട്: കാസർകോട് നഗരസഭ വാർഷിക പദ്ധതിയിൽ ഉൾപ്പെടുത്തി വാങ്ങിയ മാലിന്യം സംഭരിക്കുന്നതിനും നഗരസഭ അറിയിപ്പുകൾ ജനങ്ങളിലെക്ക് എത്തിക്കുന്നതിനും വേണ്ടിയുള്ള ഇ - ഓട്ടോ നഗരസഭാ ചെയർമാൻ അഡ്വ. വി.എം. മുനീർ ഫ്ലാഗ് ഓഫ് ചെയ്തു. ആരോഗ്യ സ്റ്റാന്റിംഗ് കമ്മിറ്റി ചെയർമാൻ ഖാലിദ് പച്ചക്കാട്, നഗരസഭാ സെക്രട്ടറി സുരേഷ് കുമാർ എൻ, പി.എ. ടു സെക്രട്ടറി ഷർമിള, എച്ച്.എസ്. രഞ്ജിത് കുമാർ, എച്ച്.ഐ. രാജേഷ്, ജെ.എച്ച്.ഐമാരായ രൂപേഷ്, മധു, ആഷാമേരി, പ്ലാൻ ക്ലർക്ക് അനിക തുടങ്ങിയവർ സംബന്ധിച്ചു.

കാസർകോട് നഗരസഭ പട്ടിക ജാതി വിദ്യാർത്ഥികൾക്ക് ലാപ്‌ടോപ്പുകൾ കൈമാറി
കാസർകോട് നഗരസഭ 2022-23 വാർഷിക പദ്ധതിയിൽ ഉൾപ്പെടുത്തി നടപ്പിലാക്കിയ പട്ടിക ജാതി വിദ്യാർത്ഥികൾക്കുള്ള ലാപ്‌ടോപ്പുകൾ നഗരസഭാ ചെയർമാൻ അഡ്വ. വി.എം. മുനീർ കൈമാറി.

കാസറഗോഡ് നഗരസഭയിൽ അന്താരാഷ്ട്ര യോഗദിനത്തോടനുബന്ധിച്ച് '' യോഗ പരിശീലനം നടത്തി. ഡോ :വൃന്ദാ മാധവൻ, ഡോ: മുനവ്വർ യാക്കൂബ് പരിശീലനത്തിന് നേതൃത്വം നൽകി.കൗൺസിൽ അംഗങ്ങൾ, ഉദ്യോഗസ്ഥർ, ഹരിതകർമ സേനാഗം ങ്ങൾ പങ്കെടുത്തു.

ഇന്ന് വായന ദിനം: കാസറഗോഡ് നഗരസഭയിലെ സ്കൂൾ വിദ്യാർത്ഥികൾക്കായി മലയാളം - കന്നഡ മീഡിയമിൽ പ്രത്യേകമായി LP, UP, HS വിഭാഗത്തിൽ വായന മത്സരം, കയ്യെഴുത്ത് മത്സരം,ക്വിസ് മത്സരം എന്നിവ സംഘടിപ്പിച്ചു.MEC സെക്രട്ടറി യശോദ ടീച്ചറുടെ നേതൃത്വത്തിലുള്ള ഒരു കൂട്ടം ടീച്ചർമാരുടെയും, ബി.ആർ.സി കോർഡിനേറ്റർമാരുടെയും, അജ്മൽ തളങ്കരയുടെ നേതൃത്വത്തിലുള്ള വർക്കിംങ്ങ് ഗ്രൂപ്പ് അംഗങ്ങളുടെയും ആത്മാർത്ഥമായ സഹകരണത്തോട് കൂടി 18 സ്കൂളിൽ നിന്നും 210 വിദ്യാർത്ഥികൾ പങ്കെടുക്കുകയും പരിപാടി വലിയ വിജയമാക്കുകയും ചെയ്തു.മത്സരത്തിൽ പങ്കെടുത്ത മുഴുവൻ വിദ്യാർത്ഥികൾക്കും, സഹകരിച്ചവർക്കും നന്ദി അറിയിക്കുന്നു.

ആയത് ക്ലോത്തിങ്ങ് സ്പോൺസർ ചെയ്യുന്ന വിജയികൾക്കുള്ള സമ്മാനം വായന മാസാചരണത്തിന്റെ സമാപന വേളയിൽ നടത്തുന്ന സാഹിത്യ സംഗമത്തിൽ വെച്ച് നൽകും.മത്സരത്തിൽ വിജയിച്ച വിദ്യാർത്ഥികൾക്ക് അഭിനന്ദനങ്ങൾ......

കാസറഗോഡ് നഗരസഭ മാലിന്യ നിർമ്മാർജ്ജന സംവിധാനങ്ങൾ ഒരുക്കുന്നതിന്റെ ഭാഗമായി 2022-2023 വാർഷിക പദ്ധതിയിൽ ഉൾപ്പെടുത്തിയ "അനൗൺസ്മെന്റ് ഉൾപ്പടെയുള്ള ഓട്ടോ" യുടെ താക്കോലും, രേഖകളും കമ്പനി അധികൃതർ മുഖേന കൈപ്പറ്റി.

ഓപ്പൺ ജിം

ജൂൺ 5, ലോക പരിസ്ഥിതി ദിനം.
ഓൾ കേരള ഫോട്ടോഗ്രാഫേർസ് അസോസിയേഷൻ കാസറഗോഡ് വെസ്റ്റ് യൂണിറ്റ് GHSS കാസറഗോഡിൽ തൈ നടൽ ചടങ്ങ് ഉദ്ഘാടനം ചെയ്തു.

ജി.എച്ച്.എസ്.എസ്. സ്കൂളിന് മനോഹര പ്രവേശന കവാടമൊരുക്കി കാസർകോട് നഗരസഭ

കാസർകോട് നഗരസഭ 2022 - 23 വാർഷിക പദ്ധതിയിൽ ഉൾപ്പെടുത്തി കാസർകോട് ജി.എച്ച്.എസ്.എസ്. സ്കൂളിൽ നിർമ്മിച്ച മനോഹര പ്രവേശന കവാടം സ്കൂളിന് സമ്മാനിച്ചു. സ്കൂൾ പ്രവേശനോത്സവ ദിവസമാണ് പ്രവേശന കവാടം സ്കൂളിന് സമ്മാനിച്ചത്. സ്കൂൾ പ്രവേശന കവാടവും നഗരസഭാ തല സ്കൂൾ പ്രവേശനോത്സവവും നഗരസഭാ ചെയർമാൻ അഡ്വ. വി.എം. മുനീർ ഉദ്‌ഘാടനം ചെയ്തു.