SUCI - C Ernakulam

05/08/2026

*ആഗസ്റ്റ് 5 സഖാവ് ശിബ്‌ദാസ് ഘോഷ് അനുസ്മരണ സമ്മേളനം*
ഓൺലൈനിൽ.വൈകുന്നേരം 6മണി മുതൽ.

അദ്ധ്യക്ഷൻ : *സഖാവ് ജയ്സൺ ജോസഫ്* (സംസ്ഥാന സെക്രട്ടറി, SUCI(C)

മുഖ്യപ്രസംഗം :
*സഖാവ് സുഭാഷ്ദാസ് ഗുപ്ത*

യൂട്യൂബ് ചാനൽ ലിങ്ക് : https://www.youtube.com/

04/08/2026

08/07/2026

അമേരിക്കൻ കോർപ്പറേറ്റ് കമ്പനിയായ കോറോ ഹെൽത്തിൻ്റെ കേരളത്തിലെ കൊച്ചി, കോഴിക്കോട് ശാഖകളിലെ 900 ത്തോളം ജീവനക്കാരെ 2026 ജൂലൈ 3 ന് യാതൊരു മുന്നറിയിപ്പും കൂടാതെ, എല്ലാ തൊഴിൽ നിയമങ്ങൾ ലംഘിച്ചുകൊണ്ട് മാനേജ്മെൻറ് പിരിച്ചുവിട്ടു. ഇതിനെതിരെ ശക്തമായ ജനവികാരം ഉയർന്നിട്ടും കമ്പനി ധിക്കാരപൂർവ്വം മുന്നോട്ടു പോവുകയാണ്. രാജ്യത്ത് നരേന്ദ്രമോദി സർക്കാരിൻ്റെ നേതൃത്വത്തിൽ കോർപ്പറേറ്റ് മുതലാളിമാർക്ക് അനുകൂലമായി തൊഴിൽ നിയമങ്ങൾ പൊളിച്ചടുക്കി രാജ്യത്തെ അധ്വാനശേഷിയെ അടിമ സമാനം അവരുടെ മുമ്പിൽ കാഴ്ചവയ്ക്കുകയാണ്. ലേബർ കോഡുകൾ പോലുള്ള തൊഴിലാളി വിരുദ്ധമായ നയത്തിൽ പോലും പറയുന്ന വ്യവസ്ഥകൾ പാലിക്കാൻ ഇന്ന് ഈ മുതലാളിമാർ തയ്യാറാകുന്നില്ല.

അന്യായമായി പിരിച്ചുവിട്ട മുഴുവൻ ജീവനക്കാരെയും ഉടൻ തിരിച്ചെടുക്കുക എന്നാവശ്യപ്പെട്ടുക്കൊണ്ട് എറണാകുളം പാലാരിവട്ടത്തുള്ള കോറോ ഹെൽത്ത് ഓഫീസിലേക്ക് എസ് യു സി ഐ (കമ്മ്യുണിസ്റ്റ്) സംഘടിപ്പിച്ച തൊഴിലാളി-ബഹുജന മാർച്ച് സംസ്ഥാന കമ്മിറ്റി അംഗം സഖാവ് എസ്. സീതിലാൽ ഉദ്ഘാടനം ചെയ്തു. ജില്ലാ സെക്രട്ടറി സഖാവ് എൻ ആർ മോഹൻകുമാർ അധ്യക്ഷത വഹിച്ച യോഗത്തിൽ പാർട്ടി സംസ്ഥാന സെക്രട്ടറിയേറ്റംഗം സഖാവ് എസ് രാജീവൻ, എ ഐ യു ടി യു സി സംസ്ഥാന പ്രസിഡൻറ് സഖാവ് വി കെ സദാനന്ദൻ, സംസ്ഥാന സെക്രട്ടറി ബി വിനോദ്, എസ്.യു.സി.ഐ (കമ്മ്യൂണിസ്റ്റ്) ജില്ലാ കമ്മിറ്റി അംഗം കെ പി സാൽവിൻ തുടങ്ങിയവർ പ്രസംഗിച്ചു.

08/07/2026

*"തൊഴിലാളികൾ വരേണ്യരുടെ സന്തോഷം സാധ്യമാക്കുന്ന മനോഹരമായ വസ്തുക്കൾ നിർമ്മിച്ചു. അതേ പ്രക്രിയ തൊഴിലാളിയുടെ പരാധീനത വർധിപ്പിക്കുന്നതായിരുന്നു. തൊഴിലാളികൾ കൊട്ടാരങ്ങൾ നിർമ്മിച്ചു; എന്നാൽ അവർ ജീവിക്കാൻ നിർമ്മിച്ചത് ചെറ്റപ്പുരകളും. തൊഴിൽ ശക്തിയിൽ നിന്ന് അഴകും അലങ്കാരങ്ങളുമുണ്ടാകുമ്പോൾ തൊഴിലാളികൾ വിരൂപരാക്കപ്പെട്ടു. യന്ത്രങ്ങളുടെ വരവ് അവരെ പുറംതള്ളി. എന്നാൽ പുറംതള്ളപ്പെട്ട വലിയൊരു വിഭാഗം ഏറ്റവും ഹീനമായ തൊഴിൽ സാഹചര്യങ്ങളിൽ ഉപജീവന മാർഗം തേടേണ്ടിവന്നു. ബാക്കിയുള്ളവർ മനുഷ്യത്വമെടുത്തുകളയപ്പെട്ട യന്ത്രങ്ങളായി. തൊഴിലാളി ബൗദ്ധികമായ പ്രവൃത്തികളിൽ നിരന്തരം ഏർപ്പെടുന്നു; എന്നാൽ അവരുടെ ജീവിതത്തിൽ ബാക്കിയാവുന്നത് ജഡത്വവും ബുദ്ധിഭ്രമവുമാണ്."*

(കാൾ മാർക്സ്, Economic and Philosophical manuscript)

25/04/2026

ഇന്ന് ഏപ്രിൽ 24 !
വിപ്ലവ സംഘടനയായ എസ്‌.യു.സി.ഐ (കമ്മ്യൂണിസ്റ്റ്‌) പാർട്ടിയുടെ രൂപീകരണ ദിനം ! പ്രമുഖ മാർക്സിസ്റ്റ് ദാർശനികനായ ശിബ്‌ദാസ് ഘോഷ് 79 വർഷം മുമ്പ് ഏതാനും സഖാക്കളോടൊപ്പം 1948 ഏപ്രിൽ 24-ന് സോഷ്യലിസ്റ്റ് യൂണിറ്റി സെന്റർ എന്ന വിപ്ലവ സംഘടനയ്ക്ക് അടിത്തറയിട്ടു.

​സി.പി.ഐ-യുടെ ചരിത്രപരമായ പശ്ചാത്തലം !

1920 കളിൽ കമ്മ്യൂണിസ്റ്റ് പാർട്ടി ഓഫ് ഇന്ത്യ (സി.പി.ഐ) എന്ന പേരിൽ ഒരു സംഘടന രൂപീകരിക്കപ്പെട്ടുവെങ്കിലും, മാർക്സിന്റെ ആഹ്വാനം ചെവിക്കൊണ്ട് തൊഴിലാളിവർഗത്തെ ഒന്നിപ്പിക്കുക എന്ന ചരിത്ര
ദൗത്യം മറന്ന് സ്വയം ഒന്നിച്ച് നിൽക്കാൻ പോലും കഴിയാതെ ആ സംഘടന പല ഗ്രൂപ്പുകളായി ചിതറിയിരിക്കയാണ്.

​തിരുത്തൽവാദത്തിന് (Revisionism) അധീനരായി അവരിലെ പ്രധാന ഗ്രൂപ്പുകൾ വർഗസമരത്തിന്റെ പാത ഉപേക്ഷിച്ച് , സ്വന്തം നിലനിൽപ്പിനായി ബൂർഷ്വാ ഗ്രൂപ്പുകളുമായി മുന്നണികൾ രൂപീകരിച്ച്, ചില സംസ്ഥാനങ്ങളിൽ പ്രാദേശികമായി അധികാരത്തിൽ വന്ന് മുതലാളിത്ത സേവകരായി മാറിയിരിക്കയാണ്.

​പാർലമെന്ററി രാഷ്ട്രീയവും ബൂർഷ്വാ കൂട്ടുകെട്ടും :

ബൂർഷ്വാ പാർലമെന്ററി രാഷ്ട്രീയത്തിന് വിധേയരായി
ജനസംഖ്യയുടെ 99 ശതമാനത്തിലധികം വരുന്ന തൊഴിലാളികൾ പല ഗ്രൂപ്പുകളായി
വിഭജിക്കപ്പെട്ടിരിക്കുന്നതിനാൽ, തൊഴിലാളികളെ മാത്രം വിശ്വസിച്ച് തങ്ങൾക്ക് അധികാരത്തിൽ വരാൻ കഴിയില്ലെന്ന് തിരുത്തൽവാദികളായ ഈ പാർട്ടികളുടെ നേതാക്കൾക്കറിയാം. അതിനാൽ, ബൂർഷ്വാ പാർട്ടി സ്പ്ളിന്റർ ഗ്രൂപ്പുകൾ, വിമതർ എന്നിവരോട് സഹകരിച്ചാണ് ഇത്തരം ഇടതെന്ന് പറയുന്ന സ്പ്ളിന്റർ ഗ്രൂപ്പുകൾ അധികാരത്തിൽ വരുന്നത് .

​തൊഴിലാളിവർഗ വഞ്ചന :

തൊഴിലാളിവർഗത്തെ വഞ്ചിച്ചുകൊണ്ട് മുതലാളിത്തത്ത വികസനം തുടരുക എന്നതാണ് ഇത്തരം പാർട്ടികളുടെ നേതാക്കൾ പിന്തുടരുന്ന നയം.

വിദേശരാജ്യങ്ങളിലെന്നപോലെ ഇന്ത്യയിൽ മാർക്സിസം പ്രായോഗികമല്ലെന്നും മുതലാളിത്തത്തെ മനസ്സിലാക്കുന്നതിൽ മാർക്സിന് തെറ്റ് പറ്റിയെന്നും മറ്റും പ്രചരിപ്പിച്ച്
മുതലാളിവർഗ്ഗത്തിന്റെ കയ്യടി നേടുന്ന ഇവർക്ക്, അതേ മാർക്സിസത്തിന്റെ ലേബലിൽത്തന്നെ സ്വന്തം നിലനിൽപ്പ് തുടരുന്നതിൽ
യാതൊരു ലജ്ജയുമില്ല !

​കേരളത്തിലെ സാഹചര്യം !

ഇന്ത്യയിലെ, പ്രത്യേകിച്ച് കേരളത്തിലെ ദരിദ്ര ജനതയിൽ വലിയൊരു വിഭാഗം ഇവരെ പിന്തുണയ്ക്കുന്നത്, ഇവർ തങ്ങളുടെ ഇപ്പോഴത്തെ നിലപാട് മാറ്റുമെന്ന (വൃഥാ) പ്രതീക്ഷയിലും, തൊഴിലാളിവർഗത്തിന് വേണ്ടി സമരങ്ങൾ നടത്തിയിരുന്ന ഭൂതകാല പാരമ്പര്യത്തെക്കുറിച്ചുള്ള സ്മരണയിലും മാത്രമാണ്.

​പെറ്റി-ബൂർഷ്വാ സ്വഭാവത്തെക്കുറിച്ചുള്ള ശാസ്ത്രീയ വിശകലനം !

മാർക്സിസ്റ്റ്, കമ്മ്യൂണിസ്റ്റ് എന്നീ വാക്കുകൾ ഇവർ ഉപയോഗിക്കുന്നുണ്ടെങ്കിലും, ജാതി, മതം, ഭാഷ, രാഷ്ട്രീയ വ്യത്യാസങ്ങൾ എന്നിവയെ അവഗണിച്ച് ഇന്ത്യയിലെ തൊഴിലാളിവർഗത്തെ ഒന്നിപ്പിക്കാൻ ഇത്തരം ഗ്രൂപ്പുകൾക്ക് ഒരിക്കലും കഴിയില്ലെന്ന് ശിബ്‌ദാസ് ഘോഷും സഖാക്കളും ശാസ്ത്രീയ വിശകലനത്തിലൂടെ വിലയിരുത്തി. 1964 മുതൽ അവർ പിളരാൻ തുടങ്ങുന്നതിന് വളരെ മുമ്പ് തന്നെ, അവരുടെ പ്രവർത്തനങ്ങളിൽ പെറ്റി-ബൂർഷ്വാ സ്വഭാവം പ്രകടമായിരുന്നത് ശിബ്‌ദാസ് ഘോഷിന് ബോദ്ധ്യമായിരുന്നു.

​"വോട്ട് ബാങ്ക്" തന്ത്രം !

പെറ്റി-ബൂർഷ്വാ പാർലമെന്ററി തന്ത്രങ്ങൾ ഉപയോഗിച്ച് അധികാരത്തിൽ വരുന്ന ഇത്തരം നേതാക്കൾക്ക് മുതലാളിത്ത ചൂഷണത്തിൽ നിന്ന് സമൂഹത്തെ മോചിപ്പിക്കാൻ ഉദ്ദേശമില്ല. പകരം, പൊതുഫണ്ടിൽ നിന്ന് ചില ആനുകൂല്യങ്ങൾ സ്വന്തം പോക്കറ്റിൽ നിന്നുള്ള സമ്മാനങ്ങൾ എന്നപോലെ നൽകിക്കൊണ്ട്, തൊഴിലാളി ഗ്രൂപ്പുകളെ തങ്ങളുടെ വോട്ട് ബാങ്കുകളായി അവർ നിലനിർത്തുന്നു.

​1964-ലെയും 1968-ലെയും പിളർപ്പുകൾ !

1964-ൽ പിളർന്ന് സി.പി.ഐ (എം) എന്നറിയപ്പെട്ട ഗ്രൂപ്പ് 1968-ൽ വീണ്ടും പിളർന്നു.

സ്വയം ആയുധമെടുത്താൽ വിപ്ലവം നടത്താമെന്ന് വ്യാമോഹിച്ച നക്സൽബാരി മാതൃകയിലുള്ള ഈ ഗ്രൂപ്പുകൾ, ബഹുജന-വർഗ സമരങ്ങളിലൂടെ തൊഴിലാളിവർഗ സർവ്വാധിപത്യത്തിന് അനുയോജ്യമായ വിധത്തിലുള്ള സംഘടനകൾക്ക് ജന്മം നൽകുകയും ശക്തിപ്പെടുത്തുകയും ചെയ്യുക എന്ന കമ്മ്യൂണിസ്റ്റുകളുടെ കഠിനവും ദീർഘവുമായ ചരിത്രദൗത്യത്തെ അവഗണിച്ച് ഇവർ ചെഗുവേരയെപ്പോലെ മുതലാളിത്ത ഭരണകൂടത്തോട് ഏറ്റുമുട്ടി നശിച്ചുകൊണ്ടിരിക്കുന്നു. പലരും പിന്നീട്
കീഴടങ്ങി ബൂർഷ്വാ പാർലമെന്ററി രാഷ്ട്രീയത്തിൽ അഭയം തേടുകയും ചെയ്യുന്നു.

​ശാസ്ത്രീയ വീക്ഷണത്തിന്റെ അഭാവം !

ശാസ്ത്രീയമായ ഒരു സൈദ്ധാന്തിക വീക്ഷണത്തെയും ആ വീക്ഷണത്തെ അടിസ്ഥാനമാക്കിയുള്ള സംഘടനാപരമായ കേന്ദ്രീകരണത്തെയും നിഷേധിച്ച് ഇവരിൽ പലരും പെറ്റി-ബൂർഷ്വാ വ്യക്തിവാദത്തിനും അരാജകത്വത്തിനും ഇരയായി,
തൊഴിലാളിവർഗത്തിന്റെ ഐക്യത്തിനോ അവരുടെ വർഗസമരത്തിനോ യാതൊരു സംഭാവനയും നൽകാതെ ലെനിന്റെയും മാവോയുടെയും പേരുകൾ മാത്രം വഹിക്കുന്ന ഒറ്റപ്പെട്ട ഗ്രൂപ്പുകളായി, കമ്മ്യൂണിസ്റ്റുകളാണെന്ന് സ്വയം നടിച്ച് ആത്മസംതൃപ്തി നേടുന്നു.

​പാർട്ടിയിൽ സാമൂഹിക ജീവിതത്തിന്റെ അനിവാര്യത!

ഒരു സംഘടനയ്ക്ക് കമ്മ്യൂണിസ്റ്റ് സ്വഭാവം കൈവരണമെങ്കിൽ പാർട്ടിയുടെ ഉന്നത നേതാക്കളും സാധാരണ പ്രവർത്തകരും സാമൂഹിക ജീവിതം നയിക്കേണ്ടത് അത്യാവശ്യമാണെന്ന് സഖാവ് ശിബ്‌ദാസ് ഘോഷിന് ബോദ്ധ്യമായിരുന്നു.

എസ്‌.യു.സി.ഐ-യുടെ അടിത്തറ !

പെറ്റി-ബൂർഷ്വാ സംഘടനകളെ വിപ്ലവ സംഘടനകളാക്കി മാറ്റാൻ കഴിയില്ലെന്ന് മാർക്സിസ്റ്റ് പണ്ഡിതന്മാർ സ്വന്തം അനുഭവങ്ങളിലൂടെ തെളിയിച്ചിട്ടുള്ളതാണ്.
പെറ്റി-ബൂർഷ്വാ ജീവിതരീതികളിൽ നിന്ന് മുക്തമായ, തൊഴിലാളിവർഗ വിപ്ലവത്തിനായി ജനങ്ങളെ സംഘടിപ്പിക്കാൻ അർപ്പണബോധമുള്ള, സാമൂഹിക ജീവിതം നയിക്കുന്ന നേതാക്കളും പ്രവർത്തകരും നയിക്കുന്ന സുസംഘടിതമായ ഒരു പാർട്ടിക്ക് മാത്രമേ തൊഴിലാളി വിപ്ലവത്തെ നയിക്കാനും സംരക്ഷിക്കാനും കഴിയൂ എന്ന ശാസ്ത്രീയ ധാരണയുടെ അടിസ്ഥാനത്തിലാണ് ശിബ്‌ദാസ് ഘോഷ് സോഷ്യലിസ്റ്റ് യൂണിറ്റി സെന്റർ ഓഫ് ഇന്ത്യ (എസ്‌.യു.സി.ഐ) രൂപീകരിച്ചത്.

​ആദ്യകാല ജീവിതവും കൊളോണിയൽ വിരുദ്ധ സമരവും !

സി.പി.ഐ രൂപീകരണകാലത്ത് 1923-ൽ ജനിച്ച ശിബ്‌ദാസ് ഘോഷ്, ബ്രിട്ടീഷ് കൊളോണിയലിസത്തിനെതിരെ പോരാടുന്നതിനായി 1936-ൽ തന്റെ പതിമൂന്നാം വയസ്സിൽ അന്നത്തെ ഏറ്റവും തീവ്ര വിപ്ലവ സംഘടനകളിലൊന്നായ അനുശീലൻ സമിതിയിൽ ചേർന്നു.

​ജയിൽവാസവും ലെനിനിസ്റ്റ് കാഴ്ചപ്പാടും !

1942-ൽ തന്റെ 19-ാം വയസ്സിൽ ക്വിറ്റ് ഇന്ത്യാ സമരത്തിൽ പങ്കെടുത്തതിന് അദ്ദേഹം തടവിലാക്കപ്പെടുകയും മൂന്ന് വർഷത്തോളം ജയിലിൽ കഴിയുകയും ചെയ്തു. ജയിലിൽ കഴിയുമ്പോൾ
അദ്ദേഹം മാർക്സിസ്റ്റ്-ലെനിനിസ്റ്റ് പ്രത്യയശാസ്ത്രം ആഴത്തിൽ ഉൾക്കൊള്ളുകയും,
തൊഴിലാളിവർഗത്തിന്റെ മോചനത്തിനായി ഒരു യഥാർത്ഥ വിപ്ലവ സംഘടനയുടെ അടിസ്ഥാനവും രാഷ്ട്രീയ കാഴ്ചപ്പാടും രൂപീകരിക്കുകയും ചെയ്തു. ലെനിനിസ്റ്റ് മാതൃകയിൽ, പ്രത്യയശാസ്ത്രത്തിലും രൂപത്തിലും വിട്ടുവീഴ്ചയില്ലാത്ത ഒരു യഥാർത്ഥ തൊഴിലാളിവർഗ പാർട്ടിയെ സൃഷ്ടിക്കുക എന്നതായിരുന്നു അദ്ദേഹത്തിന്റെ ലക്ഷ്യം.

​പ്രത്യയശാസ്ത്ര കേന്ദ്രീകരണം (Ideological Centralism)

എന്നാൽ, മാർക്സിസ്റ്റ്-ലെനിനിസ്റ്റ് സിദ്ധാന്തത്തിന്റെ അടിസ്ഥാനത്തിൽ,
സമൂഹത്തിന്റെ സാമ്പത്തിക, രാഷ്ട്രീയ, സാംസ്കാരിക ജീവിതത്തിന്റെ എല്ലാ വശങ്ങളെയും സംയോജിപ്പിച്ചുകൊണ്ടുള്ള ഒരു ശാസ്ത്രീയ പഠനത്തിലൂടെ നേടിയ അറിവിനെ ആധാരമാക്കി, സഖാക്കൾക്കിടയിൽ പ്രത്യയശാസ്ത്ര കേന്ദ്രീകരണം സാദ്ധ്യമാവാതെ, തൊഴിലാളിവർഗത്തിന്റെ മോചനത്തിനായുള്ള സമരങ്ങളെ നയിക്കാൻ കഴിവുള്ള "പല ശരീരം -ഒരു മനസ്സ്" എന്ന രീതിയിലുള്ള ഒരു ഉറച്ച സംഘടന കെട്ടിപ്പടുക്കാൻ കഴിയില്ലെന്ന് അദ്ദേഹം മനസ്സിലാക്കി.

മാർക്സിസത്തോടൊപ്പം, ക്ഷുദിരാം ബോസ്, ഭഗത് സിംഗ്, സുഭാഷ് ചന്ദ്രബോസ് തുടങ്ങിയ ഉജ്വല വിപ്ലവകാരികളുടെ വിട്ടുവീഴ്ചയില്ലാത്ത കൊളോണിയൽ വിരുദ്ധ സമരങ്ങളിൽ നിന്ന് ശിബ്‌ദാസ് ഘോഷും സഖാക്കളും തങ്ങളുടെ രാഷ്ട്രീയ പ്രബുദ്ധതയ്ക്കും വിപ്ലവ പ്രവർത്തനങ്ങൾക്കും പ്രചോദനം ഉൾക്കൊണ്ടു.

ഇത്, എസ്‌.യു.സി.ഐ കമ്മ്യൂണിസ്റ്റ് പാർട്ടിയുടെ രാഷ്ട്രീയ അടിത്തറയെ,
ഫാസിസ്റ്റുകൾക്ക് കീഴ്പ്പെട്ട യൂറോപ്പിലെ ലെനിൻ വിരുദ്ധ സോഷ്യൽ ഡെമോക്രാറ്റിക് പാർട്ടികളുടെ അനുരഞ്ജന രാഷ്ട്രീയം പിന്തുടർന്ന ഇന്ത്യയിലെ ഇടത് പാർട്ടികളുടെ അവസരവാദ രാഷ്ട്രീയത്തിൽ നിന്ന് പ്രത്യയശാസ്ത്രപരമായി തികച്ചും വ്യത്യസ്തമാക്കി.

​ശാസ്ത്രീയമായ ചിന്താ പ്രക്രിയകൾ !

ഒരു ചിന്താ പ്രക്രിയ (One process of thinking), ചിന്തയിലെ ഏകീകൃത സ്വഭാവം (Uniformity of thinking), സമീപനത്തിലെ ഏകത്വം (Oneness in approach), ലക്ഷ്യത്തിലെ ഏകത (Singleness of purpose) എന്നിവയെ അടിസ്ഥാനമാക്കി ഭൗതികശാസ്ത്രങ്ങൾ വെളിപ്പെടുത്തുന്ന സത്യങ്ങൾക്ക് സമാനമായി സമൂഹത്തിലെ പ്രശ്നങ്ങൾ പരിഹരിക്കുന്നതിനുള്ള ഒരു ശാസ്ത്രീയ വീക്ഷണത്തിലെത്തുക എന്നതായിരുന്നു അദ്ദേഹത്തിന്റെ ലക്ഷ്യം.

​തീവ്രമായ സൈദ്ധാന്തിക സമരം !

നിരന്തരമായ സഹവർത്തിത്വം (Constant Association), പഠനം (Study), ചർച്ച (Discussion), പ്രയോഗം (Practice) എന്നീ ഘടകങ്ങൾ സംയോജിപ്പിച്ചുകൊണ്ടുള്ള ആറ് വർഷം നീണ്ട തീവ്രമായ സൈദ്ധാന്തിക സമരത്തിന്റെ ഫലമായി അദ്ദേഹവും സഖാക്കളും പര്യാപ്തമായ നിലവാരത്തിലുള്ള പ്രത്യയശാസ്ത്ര കേന്ദ്രീകരണം കൈവരിച്ചതിന് ശേഷമാണ് 1948-ൽ തന്റെ 25-ാം വയസ്സിൽ അദ്ദേഹം സോഷ്യലിസ്റ്റ് യൂണിറ്റി സെന്ററിന് സംഘടനാപരമായ അടിത്തറയിട്ടത്.

​കമ്മ്യൂണുകളും ഭാവി മാതൃകകളും !

താനും സഖാക്കളും ശീലിച്ച അതേ ശാസ്ത്രീയ രീതി പിന്തുടരുന്നതിനായി, ഭാവിയിലെ കമ്മ്യൂണിസ്റ്റ് ജീവിതത്തിന്റെ മാതൃകയായി പാർട്ടി നേതാക്കളും പ്രവർത്തകരും ഒരു കുടുംബത്തെപ്പോലെ ഒന്നിച്ച് താമസിക്കുകയും ചർച്ച ചെയ്യുകയും ജോലി ചെയ്യുകയും ചെയ്യുന്ന പാർട്ടി കേന്ദ്രങ്ങളും കമ്മ്യൂണുകളും അദ്ദേഹം സ്ഥാപിച്ചു.

​പാർട്ടി സ്ഥാപിച്ചതിന് ശേഷം, 28 വർഷത്തെ കഠിനമായ വിപ്ലവപ്രവർത്തനത്തിലൂടെ,
1976 ഓഗസ്റ്റ് 5-ന്, 53-ാം വയസ്സിൽ ഹൃദയാഘാതം മൂലം അന്തരിക്കുന്നതിന് മുമ്പ്, അഖിലേന്ത്യാ തലത്തിൽ അത്തരമൊരു സംഘടനയ്ക്ക് അദ്ദേഹം വളരെ ശക്തമായ അടിത്തറ പാകി.

​മാർക്സിസ്റ്റ് ആചര്യന്മാർ കാണിച്ചുതന്ന വർഗസമരത്തിന്റെ പാത പിന്തുടർന്ന്, ബൂർഷ്വാസിക്കും അവരുടെ സേവകർക്കും മുന്നിൽ മുട്ടുകുത്താത്ത അഭിമാനികളായ തൊഴിലാളിവർഗ സംഘടനകൾക്ക് ജന്മം നൽകുക എന്ന ലക്ഷ്യത്തോടെ എസ്‌.യു.സി.ഐ (കമ്മ്യൂണിസ്റ്റ്‌) ഇന്ന് ഇന്ത്യയിലുടനീളം വ്യാപിച്ചുകൊണ്ട്, നിലവിലെ
സാമ്പത്തികവും രാഷ്ട്രീയവുമായ അരാജകത്വത്തിൽ നിന്നുള്ള
മോചനത്തിനായി ജനങ്ങൾക്ക് പ്രചോദനം നൽകിക്കൊണ്ട് മുന്നേറുന്നു.
----------------------------------------------
കീഴെമഠത്തിൽ ഉണ്ണികൃഷ്ണൻ
24/04/2026
-----------------------------------------------