21/08/2026
తెలంగాణలో ప్రభుత్వ విద్యా వ్యవస్థ తీవ్ర సంక్షోభంలో ఉంది. తెలంగాణ విద్యా వ్యవస్థను కాపాడాలి. ప్రత్యేక పూర్తి స్థాయి విద్యాశాఖ మంత్రిని వెంటనే నియమించాలని ఆమ్ ఆద్మీ పార్టీ తెలంగాణ రాష్ట్ర కన్వీనర్ మిస్ Hemaa Sudarshan Jilloju రు డిమాండ్ చేశారు.
ప్రభుత్వ పాఠశాలల్లో ఉపాధ్యాయుల కొరత, బెంచీలు, తాగునీరు, మరుగుదొడ్లు, విద్యుత్, మధ్యాహ్న భోజనం, ఆట స్థలాలు, ల్యాబ్‌లు, లైబ్రరీలు, సురక్షితమైన భవనాలు వంటి కనీస సౌకర్యాలు కూడా అనేక చోట్ల లేకపోవడం ఆందోళనకరమని ఆప్ తెలంగాణ కన్వీనర్ మిస్ హేమా సుదర్శన్ జిల్లోజు గారు అన్నారు. ప్రభుత్వ పాఠశాలల మూసివేత, విద్యార్థుల డ్రాపౌట్‌పై ప్రభుత్వం సమగ్ర సమీక్ష చేయాలని ఆప్ రాష్ట్ర కన్వీనర్ మిస్ హేమా గారు డిమాండ్ చేశారు. ఇటీవల నల్గొండలో 10వ తరగతి విద్యార్థులు ప్రిన్సిపాల్ హత్య కేసులో నిందితులుగా ఉండటం విద్యార్థుల కౌన్సెలింగ్, మానసిక ఆరోగ్యం, క్రమశిక్షణ, డ్రగ్స్/గంజాయి నియంత్రణ, పాఠశాల భద్రతపై ప్రభుత్వం తక్షణ చర్యలు తీసుకోవాల్సిన అవసరాన్ని తెలియజేస్తోందని మిస్ హేమా గారు పేర్కొన్నారు. ఆప్ తెలంగాణ రాష్ట్రవ్యాప్తంగా ప్రభుత్వ పాఠశాలలపై ప్రత్యేక సర్వే నిర్వహించనుంది అని ఆమె తెలిపారు. మౌలిక వసతులు, ఉపాధ్యాయుల ఖాళీలు, విద్యార్థుల నమోదు, మధ్యాహ్న భోజనం, భద్రత, డ్రగ్స్ నియంత్రణ, పాఠశాల భవనాల పరిస్థితి తదితర అంశాలను పరిశీలించి సమగ్ర నివేదిక రూపొందిస్తామని ఆమె తెలిపారు. సర్వే అనంతరం విద్యావేత్తలు, ఉపాధ్యాయులు, తల్లిదండ్రులు, విద్యార్థుల ప్రతినిధులు, ప్రజా సంఘాలు, అన్ని రాజకీయ పార్టీలతో రౌండ్ టేబుల్ సమావేశం నిర్వహించి తెలంగాణ విద్యా వ్యవస్థపై సమగ్ర చర్చ చేపడతామని ఆమె వెల్లడించారు. ఆప్ ప్రధాన డిమాండ్లు:
1. ప్రత్యేక పూర్తి స్థాయి విద్యాశాఖ మంత్రిని వెంటనే నియమించాలి.
2. ప్రభుత్వ పాఠశాలల్లో ఖాళీగా ఉన్న ఉపాధ్యాయ పోస్టులను భర్తీ చేయాలి.
3. ప్రతి పాఠశాలకు అవసరమైన అన్ని మౌలిక వసతులు కల్పించాలి.
4. మధ్యాహ్న భోజనం నాణ్యతను మెరుగుపరచాలి.
5. విద్యార్థులకు కౌన్సెలింగ్, డ్రగ్స్ వ్యతిరేక అవగాహన కార్యక్రమాలు నిర్వహించాలి.
6. పాఠశాలల భద్రత, భవనాల పరిస్థితిపై ప్రత్యేక ఆడిట్ నిర్వహించాలి.
7. మూసివేతకు గురవుతున్న ప్రభుత్వ పాఠశాలలను రక్షించి బలోపేతం చేయాలి.
8. జీవో 97 వెంటనే రద్దు చేయాలి. పాలిటెక్నికల్ విద్యార్థులకు ఆప్ మద్దతుగా ఉంటుంది.
తెలంగాణ భవిష్యత్తు తరగతి గదుల్లో తయారవుతుంది. ప్రభుత్వ పాఠశాలలను నిర్లక్ష్యం చేస్తే రాష్ట్ర భవిష్యత్తును నిర్లక్ష్యం చేసినట్టే. వెంటనే చర్యలు తీసుకోకపోతే ఆప్ ప్రజా ఉద్యమాన్ని చేపట్టి, అవసరమైతే అసెంబ్లీ ముట్టడి కార్యక్రమం నిర్వహిస్తుంది” అని ఆమె హెచ్చరించారు.
