Shree Prarthna Yuva Group

*🌷જય જય આરતી આદિ જિણંદા, નાભીરાયા મરુદેવી કો નંદા...*

*👉જિન મંદિરમાં રોજ સંધ્યા સમયે જે પાવન આરતી ગવાય છે તેની સત્યકથા જાણો।...*

*✍️આચાર્યશ્રી વાત્સલ્યદીપ સૂરિજી*
➖➖➖➖➖➖➖➖➖
વસંતઋતુ હોય, આસોપાલવનું વૃક્ષ હોય, પ્રાત:કાળની વેળા હોય અને કોયલનો ટહૂકો ઉમેરાય ત્યારે સવાર કેવી સરસ બની જાય !

ભગવાનનો દરબાર હોય, ભક્તનું હૃદય હોય, વૃક્ષ પરથી પર્ણનો મર્મર ધ્વની ગૂંજતો હોય અને પૂજારીના હોઠમાંથી ભક્તિનો સૂર રેલાય તો એ દૃશ્ય કેવું પાવન હોય !

*કેસરિયાજી તીર્થમાં એ સાંજે એવી જ એક પાવન ઘટના બની...*

કેસરિયાજી તીર્થમાં લાખો ભક્તો પ્રતિવર્ષ આવે અને પ્રભુના દર્શન કરીને જીવન ધન્ય બનાવે. કેસરિયાજી તીર્થમાં બિરાજતા શ્રી આદિનાથ ભગવાન એટલે વિશ્વના લાખો જૈનોનું શ્રદ્ધા સ્થાન. યુગોથી પૂજાતી પ્રતિમાની પૂજા કરીને કેટલાય આત્માઓ સંસાર તર્યા હશે એ કેસરિયાજી તીર્થમાં એક પૂજારી ભગવાનની વર્ષોથી પૂજા કરે....

સવારથી સાંજ સુધીમાં અગણિત યાત્રિકો ત્યાં આવે, ભગવાનને પૂજે અને ભજે. એ સૌ યાત્રિકો કેટલાંય વર્ષોથી આ પૂજારીને જોયાં કરે. એ પૂજારી આજે તો વાર્ધક્યને આરે પહોંચ્યા પણ બાળવયથી અહીં પૂજારી તરીકે આવ્યા અને પૂરું જીવન ભક્તિમાં વીતી ગયું...

મૂળ એ વડનગરના
મૂળચંદદાસ એમનું નામ...

સૌ એમને મૂળચંદ કહે, લગ્ન થયા બે દિકરીઓ થઈ, સૌ વડનગર રહે, મૂળચંદ અવારનવાર ત્યાં જાય પણ પાછા જલદી કેસરિયાજી આવી જાય એમને થાય કે જન્મોજન્મથી મારું વતન કેસરિયાજી તીરથ જ છે. એ કેસરિયાજી આવી જાય ત્યારે એમને શાંતિ થાય....

સવારથી સાંજ સુધી ભગવાનની પૂજા, પ્રક્ષાલ, આરતી, મંગળદીવો વગેરે કાર્યો હેતથી કરે. એ તમામ કાર્યોમાં પૂજારીનું દિલ રેડાય. જે જુએ તે પણ સમજે કે પૂજારી ભગવાનની ભક્તિ ખરા દિલથી કરે છે. યાત્રિકોને પણ તેમાંથી પ્રેરણા મળે....

મૂળચંદ સવારના ઉઠે ત્યારે ભગવાનની ભક્તિમાં લયલીન હોય એ ચોતરફ દોડાદોડી કરીને સુંદર પુષ્પો ચૂંટી લાવે. સુગંધિત પુષ્પોથી ભગવાનની આંગી કરે અને પછી સામે ચામર લઈને નાચે. લોકો કહે કે, મૂળચંદનું એ નૃત્ય જોવા દેવતાઓ આવતા હશે પણ મૂળચંદ કહેકે, કોઈઆવે કે ન આવે પણ મારી ભક્તિ મારા ભગવાન જુએ એટલે ઘણું !...

એ મૂળચંદની હવે અવસ્થા થવા આવી હતી...

દિકરીઓ વારંવાર આવીને કહેતી કે બાપા હવે વડનગર ચાલો, હવે તમારી ઉંમર થઈ, તમારાથી એકલા ન રહેવાય. મૂળચંદ એ વાત ટાળ્યા કરે કેસરિયાજી તીર્થ છોડીને જવાનો જીવ ન ચાલે. મનમાં થાય કે મારાથી ભગવાન વિના કેમ જીવાય...

કિંતુ એક દિવસ એવો આવ્યો કે, દિકરીઓની હઠ સામે મૂળચંદનું ન ચાલ્યું દિકરીઓએ કહ્યું કે હવે તો વડનગર ચાલો જ, મૂળચંદને થયું કે હવે તો જવું પડશે....

મન માનતું નહોતું. દિલમાં અપાર પીડા થતી હતી. ત્રણ જગતના નાથનો આ દરબાર એ તો પોતાનું જીવન હતું એ છોડીને જવું કેટલું વસમું લાગતું હતું. તે તો માત્ર મૂળચંદ જ જાણે....

મૂળચંદ સવારના ભગવાનના દરબારમાં ભગવાનની સામે હાથ આંખમાંથી આંસુની ધાર વહી ભગવાનની સામે હાથ જોડીને કહ્યું,..

*ભગવાન સમજણો થયો ત્યારે આપના ચરણોમાં આવેલો. આજે હવે અવસ્થાને કારણે જવું જ પડશે. મારાથી કંઈ ભૂલ થઈ ગઈ હોય તો માફ કરજો....😭*

મૂળચંદે દેરાસરમાંથી પાછા પગે બહાર નીકળવાની શરૂઆત કરી અને એ બેભાન થઈને ઢળી પડયો...

નજીકમાં ઉભેલી મૂળચંદની બંને દિકરીઓ અને બીજા પૂજારીઓ ધ્રુજી ગયા. સૌએ મૂળચંદને પવન વિંઝવા માંડયો...

થોડી પળો પછી મૂળચંદને ભાન આવ્યું એ જોરથી રડવા માંડયો. એ જ સ્થિતિમાં એના મુખમાંથી એક ગીત સરી પડયું...

*જય જય આરતી આદિ જિણંદા;નાભીરાયા મરુદેવી કો નંદા. જય૦ ૧*

*પહેલી આરતી પૂજા કીજે; નરભવ પામીને લ્હાવો લીજે. જય૦ ૨*

*દૂસરી આરતી દીનદયાળા; ધૂળેવા મંડપમાં જગ અજવાળા. જય૦ ૩*

*તીસરી આરતી ત્રિભુવન દેવા; સુર નર ઇંદ્ર કરે તારી સેવા. જય૦ ૪*

*ચોથી આરતી ચઉગતિ ચૂરે; મનવાંછિત ફળ શિવસુખ પૂરે. જય૦ ૫*

*પંચમી આરતી પુણ્ય ઉપાયા; મૂલચંદે રિષભ ગુણ ગાયા જય૦ ૬*

એક પવિત્ર પળે બોલાયેલું એ ગીત આજે તો સમગ્ર વિશ્વના જૈનો પ્રત્યેક જિનમંદિરમાં આરતીરૂપે ગાય છે અને મૂળચંદને યાદ કરે છે....

પૂજારી મૂળચંદદાસનો જન્મ અને અવસાન વિષે કોઈ ઉલ્લેખ મળતો નથી. તે વડનગરના હતા અને વડનગરમાં અવસાન પામ્યા તેટલું જાણવા મળે છે. તે કવિ પણ નહોતા પણ કેસરિયાજી તીર્થમાં જીવનભર રહીને જે પ્રભુભક્તિ કરેલી તે ગીત સ્વરૂપે સ્ફૂટ થઈ અને આરતીરૂપે અમર થઈ ગઈ. હૃદયમાંથી નીકળે તે સમયની પેલે પાર પહોંચી જાય છે...

*સાભાર:- ગુજરાત સમાચાર*
➖➖➖➖➖➖➖➖➖

ચાલો કરીયે સામૂહિક તપ.

*શ્રી શત્રુંજય તીર્થાધિરાજ આદિનાથાય નમઃ*
*શ્રી મનમોહન પાર્શ્વનાથાય નમઃ*
*શ્રી સુવિધિનાથાય નમ:*

સર્વેને પ્રણામ

શ્રી *શત્રુંજય* *ગિરિરાજની* *493* *મી* *વર્ષગાંઠ* નિમિત્તે આપણે સૌએ *પ પૂ દર્શનરક્ષિતવિજયજી મહારાજ સાહેબ* ની નિશ્રામાં _શ્રી સ્મિતભાઈ કોઠારી_ અને _શ્રી મીતભાઈ શાહ_ સાથે મળીને ભવાનીપુર દેરાસર મધ્યે બહુ જ સરસ ભક્તિની રમઝટ સાથે _ગિરિ વધામણા_ કર્યા.

પંડિતવર્ય શ્રી મેહુલભાઈ એ ગિરિ વધામણા ની રૂપરેખા બનાવી શરૂઆતથી અંત સુધી માર્ગદર્શન આપ્યું.

આ આરાધના ના લાભાર્થીઓ ની ખૂબ ખૂબ અનુમોદના...

અષ્ટ પ્રકારી પૂજાની સામગ્રી નો લાભ લેનાર પુણ્યશાળી
* ભાનુબેન પ્રદ્યુતરાય શાહ

ગિરિ વધામણા નો લાભ લેનાર ભાગ્યશાળીઓ

* મોહનલાલજી પ્રવિણકુમાર ગૌતમ કુમાર બાફનાજી
* શૈલેષભાઈ રમણીકાલ શાહ
* લીલમબેન મધુકરભાઈ પારેખ
* સુશીલાબેન મનસુખલાલ દોશી
* પિયુષભાઈ વાડીલાલ મહેતા
* વર્ષાબેન પ્રફુલભાઈ સંઘવી

નીરૂબેન સંઘવી, કાજલબેન દોશી અને હિનલબેન મહેતા એ ખૂબ જ સરસ ગિરિરાજની રંગોલી બનાવી...

દેવ, અર્હમ, અર્ણવ અને આરુષ એ ઢોલ વગાડી ,ચામર નૃત્ય કરી, થાળી ડંકા વગાડી, વગેરેથી શ્રાવક શ્રાવિકા ના ભાવોમાં અભિવૃદ્ધિ કરી.

બંટી ભાઈ એ તોરણ શણગાર, પુષ્પવૃષ્ટિ ,પુષ્પમાળા નું આરોહણ વગેરેનું ખૂબ જ સરસ રીતે સજાવટ કરી આપ્યું.

બધાનો ખૂબ જ સાથ અને સહકાર મળ્યો. તે બદલ ખુબ ખુબ આભાર.

આશા છે કે દર વર્ષે આપણે 500 મી વર્ષગાંઠ સુધી આવી જ રીતે પરમાત્માની આરાધના આ ઉપલક્ષે કરશું .

🙏શ્રી પ્રાર્થના યુવા ગ્રુપ🙏

*Siddhachal Na Shikharo ne Vandan*
Event hosted by Anchor Smitbhai Shah and Bhakti songs by Meetbhai Shah on 2nd June at Bhawanipore Jain Derasar