http://www.kollamrural.keralapolice.gov.in/

Kollam Rural Police, Kottarakkara, Kollam (Quilon) (2026)

08/10/2026

🚨 ഇരുമ്പ് / GI പൈപ്പ് ഓൺലൈൻ പരസ്യ തട്ടിപ്പുകൾക്കെതിരെ ജാഗ്രത പാലിക്കുക!
സോഷ്യൽ മീഡിയ വഴിയുള്ള വ്യാജ പരസ്യങ്ങൾ ഉപയോഗിച്ച് ലക്ഷക്കണക്കിന് രൂപ കവരുന്ന പുതിയ തരം സൈബർ തട്ടിപ്പ് രീതികൾക്കെതിരെ ജാഗ്രതാ പാലിക്കുക!

എങ്ങനെയാണ് ഈ തട്ടിപ്പ് നടക്കുന്നത്? (Modus Operandi)
വ്യാജ പരസ്യങ്ങൾ: ഫെയ്സ്ബുക്ക് പോലെയുള്ള സോഷ്യൽ മീഡിയ പ്ലാറ്റ്‌ഫോമുകളിൽ ഇരുമ്പ്, GI പൈപ്പുകൾ, മറ്റ് നിർമ്മാണ സാമഗ്രികൾ എന്നിവ കമ്പോള വിലയേക്കാൾ വളരെ കുറഞ്ഞ നിരക്കിൽ ലഭ്യമാണെന്ന് കാണിച്ച് തട്ടിപ്പുകാർ ആകർഷകമായ പരസ്യങ്ങൾ നൽകുന്നു.
ഇടനിലക്കാരനായി അഭിനയിക്കൽ: ഉപഭോക്താക്കൾ പരസ്യത്തിലെ നമ്പറിൽ ബന്ധപ്പെടുമ്പോൾ തട്ടിപ്പുകാരൻ ഒരു വിശ്വസ്തനായ കച്ചവടക്കാരനായി അല്ലെങ്കിൽ ഇടനിലക്കാരനായി സംസാരിക്കുന്നു.
യഥാർത്ഥ വ്യാപാരികളെ തെറ്റിദ്ധരിപ്പിക്കൽ: തട്ടിപ്പുകാരൻ പ്രദേശത്തെ യഥാർത്ഥ കട ഉടമകളെയോ ഡെലിവറി വ്യക്തികളെയോ ബന്ധപ്പെട്ട് ഉപഭോക്താവിന്റെ സ്ഥലത്തേക്ക് സാധനങ്ങൾ അയക്കാൻ ആവശ്യപ്പെടുന്നു.
പണം കൈമാറ്റം: സാധനങ്ങൾ സ്ഥലത്ത് എത്തുമ്പോൾ, വ്യാപാരിയുടെ അക്കൗണ്ടിലേക്ക് എന്ന വ്യാജേന തട്ടിപ്പുകാരൻ തന്റെ സ്വന്തം ബാങ്ക് അക്കൗണ്ടിലേക്കോ UPI ഐഡിയിലേക്കോ പണം അയക്കാൻ ഉപഭോക്താവിനോട് ആവശ്യപ്പെടുന്നു.
മുങ്ങൽ: പണം ലഭിച്ചയുടൻ തട്ടിപ്പുകാരൻ ഫോൺ നമ്പർ ബ്ലോക്ക് ചെയ്യുകയും അപ്രത്യക്ഷനാവുകയും ചെയ്യുന്നു. യഥാർത്ഥ വ്യാപാരിക്കും ഡെലിവറി നടത്തുന്ന വ്യക്തിക്കും തട്ടിപ്പിൽ പങ്കില്ലെങ്കിലും, പണം നഷ്ടപ്പെടുന്നത് സാധനം വാങ്ങിയ വ്യക്തിക്കാണ്.
🛡️ ശ്രദ്ധിക്കേണ്ട മുൻകരുതലുകൾ:
മുൻകൂറായി പണം അയക്കരുത്: സോഷ്യൽ മീഡിയയിലെ അവിശ്വസനീയമാംവിധം കുറഞ്ഞ വിലയ്ക്കുള്ള പരസ്യങ്ങളിൽ വിശ്വസിച്ച് അപരിചിതർക്ക് പണം കൈമാറരുത്.
സ്ഥാപനങ്ങൾ നേരിട്ട് സന്ദർശിക്കുക: നിർമ്മാണ സാമഗ്രികൾ വാങ്ങുമ്പോൾ സ്ഥാപനത്തിന്റെ വിലാസവും ഫോൺ നമ്പറും ബാങ്ക് അക്കൗണ്ട് വിവരങ്ങളും നേരിട്ട് ഉറപ്പുവരുത്തുക.
ഡെലിവറി വ്യക്തിയുമായി ഉറപ്പുവരുത്തുക: സാധനങ്ങളുമായി എത്തുന്ന വ്യക്തിയോട് പണം നൽകേണ്ടത് ആരുടെ അക്കൗണ്ടിലേക്കാണെന്ന് നേരിട്ട് ചോദിച്ചറിയുക.
വ്യാജ അക്കൗണ്ടുകൾ തിരിച്ചറിയുക: വ്യക്തിഗത UPI ഐഡികളിലേക്കോ മുൻപരിചയമില്ലാത്ത അക്കൗണ്ടുകളിലേക്കോ തുക കൈമാറാതിരിക്കുക.
⚠️ സൈബർ സാമ്പത്തിക തട്ടിപ്പിനിരയായാൽ എന്തുചെയ്യണം?
തട്ടിപ്പിനിരയായാൽ ആദ്യത്തെ 1 മണിക്കൂറിനുള്ളിൽ (Golden Hour) തന്നെ 1930 എന്ന സൗജന്യ ഹെൽപ്പ് ലൈൻ നമ്പറിലോ www.cybercrime.gov.in എന്ന നാഷണൽ സൈബർ ക്രൈം റിപ്പോർട്ടിംഗ് പോർട്ടൽ വഴിയോ ഉടൻ പരാതിപ്പെടുക.

07/10/2026

സോഷ്യൽ പോലീസിംഗ് ഡിവിഷൻ കൊല്ലം റൂറലിന്റെ ആഭിമുഖ്യത്തിൽ HOPE പ്രവേശനോത്സവം സംഘടിപ്പിച്ചു.

സോഷ്യൽ പോലീസിംഗ് കൊല്ലം റൂറലിന്റെ ആഭിമുഖ്യത്തിൽ ഗാന്ധിജയന്തി ദിനത്തിൽ ഒക്ടോബർ രണ്ടിന് പ്രതീക്ഷോൽസവം 2026 എന്ന പേരിൽ 2026-2027 അധ്യയന വർഷത്തിലേക്കുള്ള പഠന ആരംഭവും ഗാന്ധിജയന്തി ദിനാഘോഷവും സംഘടിപ്പിച്ചു. ബഹു. കൊല്ലം റൂറല്‍ ജില്ല അഡീഷണല്‍ എസ് പി .ശ്രീ സന്തോഷ് കുമാര്‍ R ഉദ്‌ഘാടനവും മുഖ്യ പ്രഭാഷണവും നിര്‍വ്വഹിച്ചു.കടയ്ക്കൽ ആല്‍ഫാ കോളേജ് പ്രിൻസിപ്പാൾ ശ്രീ ഹരീഷ് അധ്യക്ഷനായ ചടങ്ങില്‍ SPC ADNO സബ് ഇൻസ്‌പെക്ടർ ശ്രീ KS വിജയകുമാര്‍ സ്വാഗതം ആശംസിച്ചു.സോഷ്യൽ പോലീസിംഗ് ADNO സബ് ഇൻസ്‌പെക്ടർ ശ്രീ ലാലു പദ്ധതി വിശദീകരണം നടത്തി അധ്യാപകരായ ശ്രീ വാഹിദ് കുട്ടികള്‍ക്ക് മോട്ടിവേഷൻ ക്ലാസും ശ്രീ മനോജ് ഗാന്ധി ജയന്തി സന്ദേശവും നല്‍കി.ചടങ്ങില്‍ സി പി ഓ മാരായ കൃഷ്ണകുമാര്‍, അനൂപ് എന്നിവർ നന്ദിയും രേഖപ്പെടുത്തി.കുട്ടികള്‍ക്ക് പുറമെ അധ്യാപകരും രക്ഷിതാക്കളും പങ്കെടുത്ത ചടങ്ങില്‍ കുട്ടികള്‍ക്ക് പഠനോപകരണ വിതരണവും ഉപഹാര സമര്‍പ്പണവും നടന്നു .

06/10/2026

കൊല്ലം റൂറൽ ജില്ലയിലെ പോലീസ് ഉദ്യോഗസ്ഥരുടെ സർവീസ് സംബന്ധമായ പരാതികൾ ജില്ലാ പോലീസ് മേധാവി "DPC TALKS WITH COPS" എന്ന പേരിൽ അദാലത്ത് നടത്തി വരുന്നു. 2026 ഒക്ടോബർ മാസം 15 നു ഓൺലൈനായി നടക്കുന്ന അദാലത്തിലേക്ക് പോലീസ് ഉദ്യോഗസ്ഥർക്ക് ജില്ലാ പോലീസ് മേധാവിയുടെ പരിഗണനയിലേക്ക് എന്തെങ്കിലും അപേക്ഷകളോ പരാതികളോ ഉണ്ടെങ്കിൽ, ആയവ 14/10/2026 തീയതിക്ക് മുൻപായി സമർപ്പിക്കേണ്ടതാണ്. പരാതികൾ നൽകുമ്പോൾ പരാതിക്കാരന്റെ പേര്, തസ്തിക, സ്റ്റേഷൻ, മൊബൈൽ നമ്പർ, E-Mail, PEN എന്നിവ ഉൾപ്പെടുത്താൻ പ്രത്യേകം ശ്രദ്ധിക്കേണ്ടതാണ്. "[email protected]" എന്ന ഇ-മെയിൽ ഐഡിയിൽ കൂടിയോ, iAPS ലൂടെയോ, തപാൽ മുഖേനയോ, നേരിട്ട് DPO G1 സെക്ഷനിലോ പരാതി നൽകാവുന്നതാണ്. സമയപരിധിക്കുള്ളിൽ ലഭിക്കാത്ത പരാതികൾ / അപേക്ഷകൾ അദാലത്തിൽ പരിഗണിക്കുന്നതല്ല എന്ന വിവരം അറിയിക്കുന്നു.

04/10/2026

എഴുകോൺ പട്ടണത്തിലെ വ്യാപാരസ്ഥാപനത്തിൽ നടന്ന വൻ കവർച്ചയിലെ പ്രതികൾ പിടിയിൽ

എഴുകോൺ പോലീസ് സ്റ്റേഷൻ പരിധിയിലെ മാക് മെറ്റൽ കമ്പനി, മാക് ട്രേഡിംഗ് കമ്പനി എന്നീ സ്ഥാപനങ്ങളിൽ നടന്ന വൻ കവർച്ചയിലെ പ്രതികളെ എഴുകോൺ പേലീസ് പഴുതടച്ച അന്വേഷണത്തിലൂടെ അറസ്റ്റ് ചെയ്തു. കൊല്ലം വാളത്തുംഗൽ ആക്കോലിൽ എന്ന സ്ഥലത്ത് കോട്ടുവാത്തൊടി വീട്ടിൽ രവി മകൻ അനന്തു രവി (25), കൊല്ലം വാളത്തുംഗൽ ആക്കോലിൽ എന്ന സ്ഥലത്ത് എ.ബി ഭവനത്തിൽ സുനിൽ മകൻ പക്രു എന്നു വിളിക്കുന്ന സുധീഷ് (22), കൂട്ടിക്കട എന്ന സ്ഥലത്ത് പീടിക മുക്കിൽ പടിയിൽ വീട്ടിൽ നസറുദീൻ മകൻ മുബാറക് (25 ) എന്നിവരാണ് പോലീസ് പിടിയിലായത്.

കഴിഞ്ഞമാസം 14-ആം തീയതി വെളുപ്പിനായിരുന്നു എഴുകോണിലെ വ്യാപാരികളെയും മറ്റും ഞെട്ടിപ്പിച്ച മോഷണം നടന്നത്. മോഷണവിവരം അറിഞ്ഞയുടൻ സ്ഥലത്തെത്തിയ എഴുകോൺ പോലീസ് ഫിംഗർപ്രിന്റ് ഉദ്യോഗസ്ഥരുടെയും, സയിന്റിഫിക് ഉദ്യോഗസ്ഥരുടെയും ,കൊല്ലം റൂറൽ ജില്ലാ ഡോഗ് സ്കോഡിന്റയും സേവനം ഉപയോഗിച്ച് അന്വേഷണം ആരംഭിക്കുകയായിരുന്നു.

ബഹു കൊല്ലം റൂറൽ ജില്ലാപോലീസ് മേധാവി ശ്രീ ഷാജി സുഗുണൻ ഐ.പി.എസ് ന്റെ നിർദ്ദേശാനുസരണം കൊട്ടാരക്കര DYSP ശ്രീ ഷെറീഫിന്റെ മേൽനോട്ടത്തിൽ മൂന്ന് സ്ക്വാഡുകളായിട്ടാണ് അന്വേഷണം നടത്തിയത്. സംഭവസ്ഥലത്തിന് മൂന്ന് കിലോമീറ്റർ ചുറ്റളവിലുള്ള നൂറിലധികം CCTV കൾ പരിശോധിച്ചും മറ്റ് ശാസ്ത്രീയ അന്വേഷണങ്ങളിലൂടെയും പോലീസ് പ്രതികളിലേക്ക് എത്തിചേരുകയായിരുന്നു. പ്രതികൾ മോഷണം നടത്തുന്നതിനായി രണ്ട് കിലേമീറ്റർ ദൂരത്തിൽ റെയിൽവേ പാളത്തിലൂടെ നടന്നുവന്നതിന്റെയും, മോഷണത്തിനു ശേഷം റെയിൽവേ പാളത്തിലൂടെ തിരികെ നടന്നു പോയതിന്റയും CCTV ദൃശ്യങ്ങൾ എഴുകോൺ പോലീസിന് ലഭിച്ചത് കേസ്സിന് വഴിതെളിവാകുകയായിരുന്നു. തുടർന്ന് സമാനരീതിയിലുള്ള മോഷണങ്ങളെ കുറിച്ച് അന്വേഷിച്ചതിൽ അടുത്തിടയായി കൊല്ലം നഗരത്തിലെ ഒരു വ്യാപാരസ്ഥാപനത്തിൽ നടന്ന മോഷണത്തിനുശേഷം പ്രതികൾ സമാനരീതിയിൽ രക്ഷപെട്ടത് ശ്രദ്ധയിൽ പെട്ടിരുന്നതും തുടർന്ന് കൊല്ലം നഗരത്തിൽ നടന്ന മോഷണത്തിന്റെ CCTV പരിശോധിച്ച എഴുകോൺ പോലീസിന് രണ്ടു മോഷണങ്ങൾക്കും സാമ്യമുള്ളതായി മനസ്സിലാക്കി. കൊല്ലം നഗരത്തിലെ മോഷണ കേസ്സിലെ പ്രതികളുടെ വിവരങ്ങൾ ശേഖരിച്ച് നടത്തിയ അന്വേഷണത്തിൽ ടി കേസിലെ പ്രതികളിൽ ചിലരിലേക്കു സൂചനകൾ ലഭിക്കുകയും. അവരെ കണ്ടെത്തി അന്വേഷണം നടത്തിയതിൽ പ്രതി കളെ കണ്ടെത്തുകയായിരുന്നു. പോലീസിന്റെ കൃത്യമായ ചോദ്യം ചെയ്യലിൽ പ്രതികൾ കുറ്റം സമ്മതിക്കുകയായിരുന്നു. 13-ആം തീയതി രാത്രി ഒരു കാറിൽ വാളത്തുങ്കലിൽ നിന്നും തിരിച്ച പ്രതികൾ രാത്രി സമയം കൊട്ടാരക്കരയിലും പരിസര പ്രദേശങ്ങളിലും മറ്റും കറങ്ങി നടന്ന ശേഷം നെടുമ്പായിക്കുളം വഴി കോട്ടകുഴി പള്ളിക്കു സമീപം എത്തി കാർ പാർക്ക് ചെയ്തശേഷം മൂന്ന് പ്രതികൾ മോഷണത്തിനായി മുൻപേ കണ്ട് വച്ചിരുന്ന മാക് മെറ്റൽ കമ്പനിയിലേക്ക് റെയിൽവേ പാളം വഴി രണ്ട് കിലോമീറ്ററോളം നടന്നുവന്ന് ദേശീയ പാതയ്ക് അടിയിലൂടെയുള്ള തോടു വഴി മാക് മെറ്റൽ കമ്പനിയുടെ പിൻവശം ഷീറ്റ് പൊളിച്ച് അകത്തുകയറി മോഷണം നടത്തുകയായിരുന്നു. അര മണിക്കൂറോളം അവിടെ ചിലവഴിച്ച പ്രതികൾ പുറത്തിറങ്ങി ടി തോടുവഴി മാക് ട്രേഡിംഗ് കമ്പനിയുടെ പിൻവശത്തെത്തി സമീപം നിന്ന ഒരു മരത്തിലൂടെ സ്ഥാപനത്തിനുള്ളിൽ ഇറങ്ങി ആസ്ബറ്റോസ് ഷീറ്റ് പൊളിച്ച് ഓഫീസ് മുറിയിൽ കയറി ലോക്കറിൽ സൂക്ഷിച്ചിരുന്ന 6,13,570-രൂപ കവരുകയായിരുന്നു. മോഷണശേഷം പ്രതികൾ റെയിൽ വേ പാളത്തിലൂടെ തന്നെ നെടുമ്പായികുളം വരെയെത്തി കാറിൽ കയറി രക്ഷപെടുകയായിരുന്നു. എഴുകോൺ പോലീസിന്റ മികവുറ്റ അന്വേഷണമായിരുന്നു പ്രതികളെ അറസ്റ്റ്ചെയ്തത്. ബഹു കൊല്ലം റൂറൽ ജില്ലാപോലീസ് മേധാവി ശ്രീ.ഷാജിസുഗുണന്റെ നിർദ്ദേശാനുസരണം കൊട്ടാരക്കര DYSP ശ്രീ ഷെറീഫിന്റെയും പൂയപ്പള്ളി സർക്കിൾ ഇൻസ്പെക്ടർ ശ്രീ മനോജിന്റയും മേൽ നോട്ടത്തിൽ എഴുകോൺ പോലീസ് സ്റ്റേഷൻ SHO രാജേഷ്കുമാർ മുൻ SHO ദീപുപിള്ള, SI മാരായ അഭിജിത്ത്, ഹരിഹരൻ, ബിനുജോർജ്ജ് ,ASI സുനിൽ കുമാർ, CPO മാരായ നജീബ്, വിനോദ്, അനന്തു, സനൽ കൊട്ടാരക്കര പോലീസ് സ്റ്റേഷനിലെ CPO ശ്യാം കൃഷ്ണൻ, കിരൺ, പൂയപ്പള്ളി പോലീസ് സ്റ്റഷനിലെ CPO രാജേഷ്, കൊല്ലം റൂറൽ സൈബർ സെല്ലിലെ SCPO മഹേഷ് മോഹൻ, കൊല്ലം റൂറൽ ഡാൻസാഫ് എസ്.ഐ.മാരായ മനീഷ് എം, ഷാനവാസ്‌, എ.എസ്.ഐ വിനോദ് കുമാർ, എസ്.സി.പി.ഒ മാരായ സജുമോൻ റ്റി, അനീഷ് കുമാർ, ദിലീപ് എസ്, വിഷ്ണു, സി.പി.ഒ മാരായ വിപിൻ ക്‌ളീറ്റസ്, നഹാസ്, അനൂപ് , ആകാശ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്

02/10/2026

പൂയപ്പള്ളിയിൽ വൻ ലഹരിവേട്ട: 403.940 ഗ്രാം എംഡിഎംഎയുമായി ഒരാൾ പിടിയിൽ

കൊട്ടാരക്കര: പൂയപ്പള്ളി പോലീസും കൊല്ലം റൂറൽ ഡാൻസാഫ് (DANSAF) ടീമും ചേർന്ന് നടത്തിയ പരിശോധനയിൽ വൻ ലഹരിമരുന്ന് ശേഖരം പിടികൂടി. നിരോധിത ലഹരിവസ്തുവായ 403.940 ഗ്രാം എംഡിഎംഎയുമായി (M**A) പെരുമ്പുഴ സെറ്റിൽമെന്റ് കോളനിയിൽ വാസുദേവന്റെ മകൻ 'പൊടിമോൻ' എന്ന് വിളിക്കുന്ന ദുഷ്യന്തൻ (53) ആണ് അറസ്റ്റിലായത്.
ലഹരിമാഫിയയ്ക്കെതിരെ സംസ്ഥാനത്തുടനീളം നടക്കുന്ന 'ഓപ്പറേഷൻ തൂഫാൻ' നടപടികളുടെ ഭാഗമായാണ് അറസ്റ്റ്. കൊല്ലം റൂറൽ ജില്ലാ പോലീസ് മേധാവി ശ്രീ ഷാജി സുഗുണൻ ഐപിഎസിന്റെ നിർദ്ദേശപ്രകാരം കൊട്ടാരക്കര ഡിവൈഎസ്പി ശ്രീ ഷെരീഫ് എസ് ന്റെ നേതൃത്വത്തിൽ പ്രത്യേക അന്വേഷണസംഘം രൂപീകരിച്ച് പരിശോധന ശക്തമാക്കിയിരുന്നു.
2026 ഒക്ടോബർ 1-ന് രാത്രി പരുത്തിയറ സ്കൂളിന് സമീപം നടത്തിയ പരിശോധനയിലാണ് ലഹരി മരുന്നുമായി പ്രതിയെ അറസ്റ്റ് ചെയ്തത്. പൂയപ്പള്ളി സർക്കിൾ ഇൻസ്പെക്ടർ മനോജ് മാത്യു, എസ്‌എച്ച്‌ഒ വിഷ്ണു ജി, എസ്.ഐമാരായ ഹരി, സന്തോഷ്, എ.എസ്.ഐ വിനോദ് ബാലകൃഷ്ണൻ, സീനിയർ സിവിൽ പോലീസ് ഓഫീസർമാരായ ബിനീഷ്, മെൽവിൻ, ഗോകുൽ, അഭിലാഷ് എന്നിവരും കൊല്ലം റൂറൽ ഡാൻസാഫ് ടീമും ഉൾപ്പെട്ട സംഘമാണ് പ്രതിയെ പിടികൂടിയത് .
ജില്ലയിൽ ലഹരി വിൽപനയ്ക്കും ലഹരി കടത്തിനുമെതിരെ കർശന നടപടികൾ തുടരുമെന്ന് കൊല്ലം റൂറൽ ജില്ലാ പോലീസ് മേധാവി ശ്രീ ഷാജി സുഗുണൻ ഐപിഎസ് അറിയിച്ചു.

02/10/2026

🇮🇳✨ **ഒക്ടോബർ 2 — ഗാന്ധിജയന്തി** ✨🇮🇳

🕊️ സത്യത്തിന്റെയും
🤍 അഹിംസയുടെയും
🌿 സമാധാനത്തിന്റെയും
🤝 ഐക്യത്തിന്റെയും സന്ദേശം ലോകത്തിന് പകർന്ന മഹാത്മാവിന്റെ സ്മരണയിൽ…

💫 **“നമ്മൾ ലോകത്തിൽ കാണാൻ ആഗ്രഹിക്കുന്ന മാറ്റം ആദ്യം നമ്മളിൽ നിന്നുതന്നെ ആരംഭിക്കട്ടെ.”**

🙏🌼 എല്ലാവർക്കും ഹൃദയം നിറഞ്ഞ
🇮🇳 **ഗാന്ധിജയന്തി ആശംസകൾ** 🇮🇳

🇮🇳 🕊️ 🌿 🤍

01/10/2026

ശാസ്താംകോട്ടയിൽ 2.100 കിലോ കഞ്ചാവുമായി 2 പേർ പിടിയിൽ.

ശാസ്താംകോട്ട: വില്പന നടത്തുന്നതിനായി നിരോധിത ലഹരി വസ്തുവായ 2.100കിലോഗ്രാം കഞ്ചാവ് കടത്തികൊണ്ടുവന്ന 2 പേരെ കൊല്ലം റൂറൽ ഡാൻസാഫും ശാസ്താംകോട്ട പോലീസും ചേർന്ന് അറസ്റ്റ് ചെയ്തു. ശാസ്താംകോട്ട റെയിൽവേ സ്റ്റേഷന് സമീപം നടത്തിയ പരിശോധനയിൽ ആണ് കഞ്ചാവ് പിടിച്ചെടുത്തത് .വെള്ളിമൺ പി ഓ യിൽ തേവരഴിയത്തു വീട്ടിൽ ബിജു മകൻ 29 വയസുള്ള ഫൈസൽ ,കൊറ്റങ്കര വില്ലേജിൽ ഷഫീഖ് മൻസിൽ വീട്ടിൽ റഷീദ് മകൻ 33 വയസുള്ള മുഹമ്മദ് കൈസ് എന്നിവരാണ് പിടിയിലായത്. ശാസ്താംകോട്ട പോലീസ് സ്റ്റേഷൻ സബ് ഇൻസ്‌പെക്ടർ ശ്രീ അനന്തു കൃഷ്ണൻ ,സബ് ഇൻസ്‌പെക്ടർ ശ്രീ രഘു ,സിവിൽ പോലീസ് ഓഫീസർ മാരായ പ്രിൻസ് ,കൃഷ്ണലാൽ ,സ്വാതി ,വിശാൽ എന്നിവരും ഡാൻസാഫ് ടീം അംഗങ്ങളും അടങ്ങുന്ന സംഘമാണ് അന്വേഷണം നടത്തി പ്രതികളെ അറസ്റ്റ് ചെയ്തത് . ജില്ലയിൽ ലഹരി മാഫിയയ്ക്കെതിരെ കർശന നടപടി തുടരുമെന്നു കൊല്ലം റൂറൽ ജില്ലാ പോലീസ് മേധാവി ശ്രീ ഷാജി സുഗുണൻ ഐ പി എസ് അറിയിച്ചു .

Kollam Rural Police

08/10/2026

07/10/2026

06/10/2026

04/10/2026

02/10/2026

02/10/2026

01/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request