CPI-M Koyilandy South LC

07/09/2026

കുടുംബ സംഗമം

07/09/2026

07/09/2026

സിപിഐ എം വിപുലീകൃത സംസ്ഥാന കമ്മിറ്റി, സെപ്റ്റംബർ 13-15, കോഴിക്കോട്

07/09/2026

Remembering Gauri Lankesh !

Gauri Lankesh was a fearless journalist who stood steadfast until her death for the progressive journalism that is being subverted and repressed for criticising the extreme right that is on the rise all over the world and especially in our country. Her strong voice against Hindutva was a threat to the ruling regime who derived their support from catering to religious and casteist loyalties. She would always be remembered for her political activism, inside and out of her Gauri Lankesh Patrike, for speaking up for the oppressed and the marginalised. She was shot dead in front of her house on 5th September 2017 by Hindutva indoctrinated men while returning from work.

19/08/2026

ഇന്ന് സഖാവ് പി. കൃഷ്ണപിള്ളയുടെ ഓർമ്മദിനം. കേരളത്തിലെ നവോത്ഥാന പ്രസ്ഥാനങ്ങളുടെ തുടർച്ച ഏറ്റെടുത്ത്, തൊഴിലാളിവർഗ രാഷ്ട്രീയത്തിലൂടെ നമ്മുടെ നാടിന്റെ വിമോചനത്തിനായി ജീവിതം ഉഴിഞ്ഞുവെച്ച മഹാനായ വിപ്ലവകാരിയാണ് സഖാവ്.

​ദേശീയ സ്വാതന്ത്ര്യസമര പോരാട്ടങ്ങളിൽ ആവേശജ്ജ്വലമായി പങ്കെടുത്തുകൊണ്ട് പൊതുരംഗത്തേക്ക് കടന്നുവന്ന സഖാവ് കൃഷ്ണപിള്ള, കമ്മ്യൂണിസ്റ്റ് പ്രസ്ഥാനത്തിന് കേരളത്തിൽ അടിത്തറയിടുന്നതിൽ നിർണായക പങ്കാണ് വഹിച്ചത്. കോൺഗ്രസ് സോഷ്യലിസ്റ്റ് പാർട്ടിയുടെ രൂപീകരണത്തിലും തുടർന്ന് 1939 ൽ പിണറായി-പാറപ്രത്ത് വെച്ച് കമ്മ്യൂണിസ്റ്റ് പാർട്ടിയുടെ കേരള ഘടകം നിലവിൽ വന്നപ്പോഴുണ്ടായ സംഘടനാ മുന്നേറ്റത്തിലും അദ്ദേഹം നൽകിയ നേതൃത്വം ചരിത്രപ്രധാനമാണ്.

​ജന്മിത്വത്തിനും സാമ്രാജ്യത്വ ഭരണത്തിനുമെതിരെ ജനങ്ങളെ ഒന്നിച്ചു അണിനിരത്താനും അവകാശബോധമുള്ള ഒരു തൊഴിലാളിവർഗത്തെ വാർത്തെടുക്കാനും അദ്ദേഹത്തിന് കഴിഞ്ഞു. നാടിന്റെ നാനാഭാഗങ്ങളിൽ അഹോരാത്രം സഞ്ചരിച്ച് പ്രസ്ഥാനത്തെ പടുത്തുയർത്തിയ അദ്ദേഹം, 'സഖാവ്' എന്ന വാക്കിനെ മനുഷ്യസ്നേഹത്തിന്റെയും നിസ്വാർത്ഥതയുടെയും പര്യായമാക്കി മാറ്റി. സംഘടനാപാടവം കൊണ്ടും അപാരമായ ജനകീയത കൊണ്ടും പ്രസ്ഥാനത്തിന്റെയും ജനങ്ങളുടെയും മനസ്സിൽ 'സഖാക്കളുടെ സഖാവായി' അദ്ദേഹം അമരത്വം നേടി.
​
വർഗീയ ശക്തികൾ നാടിന്റെ ഐക്യത്തെ തകർക്കാൻ ശ്രമിക്കുകയും നവലിബറൽ നയങ്ങൾ സാധാരണക്കാരുടെ ജീവിതം ദുസ്സഹമാക്കുകയും ചെയ്യുന്ന ഈ കാലഘട്ടത്തിൽ, സഖാവ് പി. കൃഷ്ണപിള്ള ഉയർത്തിപ്പിടിച്ച മനുഷ്യസ്നേഹത്തിന്റെയും മതനിരപേക്ഷതയുടെയും സമത്വത്തിന്റെയും മൂല്യങ്ങൾ കൂടുതൽ കരുത്തോടെ നാം നെഞ്ചിലേറ്റേണ്ടതുണ്ട്.

ചൂഷണരഹിതമായ ഒരു സമൂഹസൃഷ്ടിക്കായി മുൻപോട്ടുപോകാൻ സഖാവ് കൃഷ്ണപിള്ളയുടെ ഓർമ്മ നമുക്ക് വഴികാട്ടിയാകട്ടെ. സഖാവ് പി. കൃഷ്ണപിള്ളയുടെ അനശ്വര സ്മരണകൾക്ക് മുന്നിൽ വിപ്ലവാഭിവാദ്യങ്ങൾ.