ZPM Southern Headquarters, Lunglei

Home
India
Lunglei
ZPM Southern Headquarters, Lunglei

Directions Website

Kalphung thar, Mipui sorkar

06/11/2026

*ZORAM PEOPLE’S MOVEMENT(ZPM).*
_Southern Hqrs : Lunglei – 796701._

*PRESS RELEASE NO. 3 OF 2026-2028.*

*KAN RAMAH PATHIAN RAM A THLEN ZEL THEIH NA’N PATHIAN HMANRUA NI TURA KAN INBUATSAIH ZEL A TUL.*
-Chief Minister Lalduhoma

Lunglei: 6th November 2026. Vawiin dar 12:30 Noon khan ZPM Party President Pu Lalduhoma Chief Minister nibawk chuan ZPM Southern Hqrs Lunglei Office tlawhin a puala Vantlang Inkhawm buatsaih Pu Lalramliana Papuia MLA, President ZPM Southern Hqrs Lunglei kaihhruai-ah hian mithar lawmluhna neiin Chief Minister hian thu a sawi.

ZPM Party President Pu Lalduhoma Chief Minister ni bawk chuan Mizoramah Sorkar hmasa lama la kalpui ngai lem loh Sorkar Departmental Meeting Chief Minister hovin neih thin anih thu leh hetah hian District a Sorkar Office a thawktute nen thlenga neih chhoh mek zel a nih thu a sawi a, hei hi thil tha leh pawimawh tak harsatna awm te chin fel thuaina leh hnathawh kawnga hmasawnna siamtu anih thu a sawi a, k*mthar 2027 February thla-ah a remchan chuan Lunglei khawpuia Sorkar Department hrang hrang aiawh te nen Review Meeting neih tum anih thu a sawi bawk.

Chief Minister Pu Duhoma chuan Khawvel hmasawn mekah Digitisation ah kan luh mek thu leh Sorkar pawh hemi kawngah a inbuatsaih zel thu sawiin kan ramin nasa takin hma kan sawnpui mek a ni’ a ti a, Digitisation System kalpui ang hian ZPM Party pawh hma kan sawn zel theih nan kalpui turin a inbuatsaih tih a sawi a, hetah hian kan Unit dinhmun leh Political Party dangte dinhmun thlenga hriat theih turin hma kan la dawn a, khawi lai Block pawh an din hmun kan hre zung zung tawh ang a, Political Party a Digitise hmasa ber nih kan tum mek a ni’ a ti.

Chief Minister Pu Lalduhoma President ZPM Party chuan ZPM Southern Hqrs Lunglei hnuaia MLA bial hrang hrang atanga ZPM Party zawm thar mi 644 te lawm takin a lawm lut a, ZPM hi Policy avanga ding leh kal kan ni a, kan Policy hi min hruaitu a ni tiin, hei hi kan inzirtirna pawh a ni a, kalsual theihna awm thei lakah hei hian min veng hle a ni tiin Party a lawmluh te chu ram tan, kan hnam tana theih tawp chhuah turin a sawm bawk.

Pu Lalduhoma Chief Minister chuan ZPM Party chu MLA inthlanpui leh tur atan a inbuatsaih mek thu sawiin, hemi kawngah hian ZPM Party chu neutral te’n min thawhpui leh support kan nih theih nan tan kan lak zel a pawimawh tiin, Party ruhrel lian tak ni tura kan Party zawm duh te pawh kuah khawm zel turin Party worker te a chah a, MLA inthlanpui hmain Lunglei Municipal Council kan inthlang dawn a, theih tawp kan chhuah zel a pawimawh a, mahni in theihnghilh a, ram leh hnam tana ke pen zel turin Party mipuite a chah bawk.

Mizoram Chief Minister Pu Lalduhoma chuan Reformation an kalpui mek zel tih sawiin, hei hi a sawt hle a, tunah chuan bukna pawh a dik tawh hle a, Pension dan lova la te pawhin an surrender tih sawiin, mipuite rilruah dikna a lut mek a, Handholding a loan la te zingah pawh rul tha lo an awm lova, Medical re-imbursement bill thlengin a tlahniam ta hle a, kan ramah Pathian ram a thlen zel theih nan Pathian hmanrua ni tura keini Party hi kan inbuatsaih zel a tul a ni Chief Minister chuan tiin kan Sorkar pawhin hemi kawngah hian hma ala zel dawn a, Chhiah awl ruk avanga Chhiah tam tak lut tur a luh lohnaah pawh Sorkarin hma ala chhunzawm zel dawn tiin, Mizoramah Kalphung thlak danglamtu Party kan ni a, he hmalakna hi kan bawhchhiat chuan kan kal zelna tur kan nei dawn lo a ni a ti a, Mal min sawmtu theih nghilh a mahni hamthatna leh nawmsak tumna hian rei a daih thei lo’ Chief Minister chuan a ti bawk.

Chief Minister Pu Lalduhoma chuan Sorkar hnathawk te pawh Rulling a piang thawhpui thiam a tawiawm turin a chah thin tih a sawi a, keini Party pawh hian kan Sorkar hnathawk te hi kan thawhpui thiam a, kan kuangkuah thiam a ngai tiin, kan ram kan hnam hmasawnna tur leh ke pen zelna tur ngaihtuah hi thil hlawk a ni tiin, thil kan tih reng rengin awmze nei a kan tih thin a pawimawh Chief Minister chuan a ti a, ram leh mipui tana hnathawk tur kan nihna hi kan hriat reng a pawimawh a ni’ tiin ZPM Party mipuite a chah a ni.

Vawiin he inkhawmah hian Party mipui kal an thahnem hle a, Mipui lam atangin zawhna leh chhanna hriat duh pawimawh zawhna hun te hman a ni bawk.

*Kalphung thar, Mipui sorkar.*

*No. ZPM-02/ZPM/SL/MEDIA/2026-28/3.*

Sd/-
(RODINGLIANA KHIANGTE)
General Secretary.
Media, Information & Publicity.
ZPM Southern Hqrs, Lunglei.
Dated Lunglei : 6th Nov. 2026 (Zirtawpni).

05/11/2026

HPC Vice Chairman Pu V Malsawmtluanga, Councillor Pi Lalmuanpuii Renthlei leh ZPM Southern Headquarters hruaitute'n Christian Hospital Serkawn to DIET Lunglei kawng siam mek a hmunah an tlawh.

Dt. 05.November.2026 khan Lunglei a Music Festival lian 'Leitlangpui Music Festival' nghahna hmun tur Lena Sports Stadium, Serkawn panna kawng Christian Hospital Serkawn to DIET kawng siam mek chu HPC Vice Chairman Pu V Malsawmtluanga, Ward Councillor Pi Lalmuanpuii Renthlei, ZPM Southern Headquarters hruaitute, ZPM Ṭhalai Southern Headquarters leh PWD Lunglei te chuan a hmunah an tlawh.
Helai kawng siam hi SLT Company khawih niin, a siamna tur hian Rs. 1.14 Crore dah a ni.
Kawng siam mek hi SLT te hian an insawi aia muang a thawh anih avangin Lunglei North Bialtu MLA, HPC Vice Chairman ni bawk hian Company thuneitute leh Engineer-te chu kovin, an kawng siam mek leh an muanchan chhan chu an hnathawhna hmunah ko khawmin a zawtfiah a ni. SLT Company te hian khawl lama an harsatna tawh leh kawngpui repair tur chu laih zau thar a nih avangin kawngpui tihfai hi an tum aia a harsat thu an lo sawi a ni.
MLA, Pu MSTA chuan SLT Company-te chu an sawi ang leh an hun tiam anga kawng an siam lo chu a ngaihdan a nih loh thu a hrilh a. Councillor, Local Council Serkawn te leh NGO hruaitute hnena thu dik tawklo an sawi fo chu ti tawhlo turin a hrilh a, an kawng siam mek chu Leitlangpui Music Festival 2026 neih ṭan a nih hma ngeia zo turin a chah a ni.
Hemi pah hian Mizoram State University hmun tur Melte, Serkawn panna kawng widening khawih mek te chu a hmunah hian enhona neih nghal a ni a. HPC Vice Chairman Pu Msta chuan High Powered Committee, Lunglei chuan Lungleia MzSU nghah a nih ngei theihna tur atana theihtawp a chhuahna chu a tawp thlenpui a tum thu a sawi a. Hemi atan hian HPC Fund hmang pawhin MzSU hmun tur panna kawng hi sum an neih ang angin a tihzau leh cheiṭhat hna nasa taka an thawh thu a sawi a, an la chhunzawm zel tur thu a sawi bawk a ni.

03/11/2026

*ZORAM PEOPLE’S MOVEMENT (ZPM)*
_Southern Hqrs : Lunglei – 796701. Mizoram._

*Issue no 12 of 2026-28.*

UPC MULTIPURPOSE CENTRE THA TAK MAI DINTU KOHHRAN HRUAITUTE LEH MEMBER TE IN FAKAWM-IN, LUNGLEI MIPUI TEN TANGKAI TAKA AN HMAN NGEI KA BEISEI A NI

_Lalramliana Papuia, MLA_

3rd .Nov.2026 (Thawhlehni) : - Vawiin khan Pu Lalramliana Papuia MLA, ZPM Southern Hqrs. President chuan UPC Multipurpose Centre Farm veng, Lunglei a, an hawnna chu khuallian niin a hmanpui.

He hunah hian Pu Lalramliana Papuia chuan thu a sawi a. UPC North East India, Lunglei ten Multipurpose Centre mi 3000 lai lenna tur insual chhuak thei hi, Kohhran hruaitute leh member inpekna thuk tak a niin ka hria a. Ka lawmpui em em che u a. Lunglei mipui te tan pawh a tangkai dawn hle a ni, a ti a.

Pu Papuia MLA chuan, Hetiang hmun tha tak mai pawl tin te pawhin-a, kan hman theih tur, traffic jam awm lohna lai-a inhan buatsaih hi, Lunglei mipui aiawh pawhin lawmthu ka sawi a. Hetiang hall lian tha leh him hi kan neih belh zel a tul dawn a, Kohhran dangte pawh a ngaihna hriat kawngah min bengharhtu anih ngei ka beisei a ni, a tibawk.

He hunah hian LMC Chairman Pu Lalzuithanga pawhin thu a sawi bawk a. Multipurpose hall lian tha tak dintu UPC North East, Lunglei te chungah a lawmthu a sawi a. LMC pawhin kan rilru-a lian ber pakhat chu Multipurpose lian tha tak Lunglei-ah din ngei hi kan beiseiin, kan sawi tam ber pakhat a ni a. Chutihlaiin hmunhma tha kan hmuh thei loh lain rin loh taka Multipurpose lian tha tak mai Lunglei khawpui cchunga kan nei thei ta hi thil ropui leh chhinchhiah tlak tak a ni a. A hmangtuten tangkai leh hlim taka hmanga, Pathian ropuina puan chhuahna anih zel theih nan duhsakna ka hlan che u a ni, a tibawk.

Pu Lalramliana Papuia MLA hi ZPM Southern Hqrs. hotute leh LMC councillor ten an tawiawm a ni.

*Kalphung thar, Mipui Sorkar.*

Issued by :
Media, Information & Publicity
ZPM Southern Hqrs. Lunglei
Issue No. 12 of 26-28.
Dated Lunglei : the 3rd. Nov 2026 (Thawhlehni).

02/11/2026

*ZORAM PEOPLE’S MOVEMENT (ZPM)*
_Southern Hqrs : Lunglei – 796701. Mizoram._

*Issue no 11 of 2026-28.*

*MNF LEH CONGRESS SORKARAH KHAN PATHIAN RAM A THLENG LO. ZPM SORKAR HI PATHIAN RUAT LEH PATHIAN RAM THLEN MEKNA A NI.

-H Thangrenga Consultant, ZPM Southern Hqrs,Lunglei

2nd.Nov.2026 (Thawhtan) : - Vawiin chawhma dar 11:00 khan ZPM Southern Hqrs Lunglei Chhung Inkhawm chu Party Office Venglai, Lungleiah Lalthanliana Zongte Sr Vice President, ZPM Thalai Southern Hqrs Lunglei kaihhruainain hman a ni a, hunserh H Darzinga General Secretary ZPM Southern Hqrs Lunglei chuan a hmang a ni.

Chhung Inkhawmah hian Pu H Thangrenga Consultant, ZPM Southern Hqrs Lunglei chuan thusawiin, kan ram rorelnaah Pathian ram tungding turin ZPM Party hian rilru kan put zel a pawimawh tiin, hei hi min beitute leh kan Party tana kan chak zelna tur leh kan ram damna tur a ni a ti.

Pu H Thangrenga chuan MNF Party ah hun rei tak a awm tawh thu leh hruaitu chanvo pawimawh tak President hial term hnih alo chelh tawh thu sawiin, MNF Party hian k*m 17 vel zet Sorkarna an lo chang tawh a, an Sorkar chhung khan ram damna a awm loh thu leh an Party chhung inenkawlna thlenga felfai lo an nih thu sawiin, vawiinah chuan an pherh zo ta hle a, Pathian leh kan ram tan titute ah hian Pathian a awm lova, an ding chhuak leh tawh lovang Pu H Thangrenga Consultant chuan a ti a, Congress Party pawh Mizoramah hun rei tak Sorkarna chelhtu an ni tawh a, an Party hi Hindu thuhnuaia awm an ni a, kan ramah hian Pathian ram tungding turin ruat an ni tawh lo tiin, heng Party pahnih te hian kan ram tan awmze neiin an ding chhuak thei tawh lovang a ti bawk.

Covid hripui lenlai chungchang sawiin, ZPM Southern Hqrs Consultant Pu H Thangrenga chuan MNF Sorkar lai anih thu leh Chhim lam mipui hripui laka kan himna turin Pu Zodintluanga MLA in RTPCR min rawn pe a, function thuai anih theih nan Lunglei a MNF President anih angin an hotuteah an nawr zui tih sawiin, mithiam rawn tirh an ni a, Civil Hospital Lunglei a bun a nih theihna tur endikin an kir leh a, hmalak zawmna a awm lova, khatih laia Health Ministerah an nawr zui leh thu leh awmzia a awm zui loh thu sawiin, Lunglei leh Chhim lam mipui hripui laka thih puk theihnaah khan min ngaihsak lova, ram hruaitu ni tlak an ni lo a a ngaih thu leh thil dang Engineering College chungchang bakah Lunglei Politechnic thlenga buaina awm te pawh chin fel anih loh thu sawiin, MNF chhungkaw inrelbawlna leh in awpna thleng khan sawi danglam hial a ni zui tih a sawi.

Pu H Thangrenga chuan ZPM Party Sorkar Pu Lalduhoma Chief Minister kaihhruai alo ding ta hi Pathian ruat a nih thu leh ram rorelnaah Pathian ram a thlen mek thu a sawi a, ZPM Party hruaitu in singsakna tute emawin sawisawp an tum viau laiin Pathian a tel a, Aizawl leh Lunglei a ZPM Party hriaitu in ruatna ah hemi kawnga roreltuten ro an rel a, hetah hian Pu Lalduhoma Chief Minister hian awka engmah a nei lova, hmala tura ruat ten hruaitu an siam fel mai a, kan in relbawlnaah hian Pathian a tel a, Party worker te pawhin lawm takin kan pawm tlang zawk a ni’ a ti.

Tunhnaiah MNF hruaituten Lunglei leh Lawngtlai a an hruaitu ruat thar dan chuan boruak tha lo a thlen mek nia alan thu sawiin, Pu H Thangrenga chuan MNF Party chu a kehchhe mek nia a hriat thu leh Pathian leh Kan ram tan titute hian ram an hmangaih lova, Pu Lalduhoma Chief Minister kaihhruai ZPM Party Sorkar chu ram hmangaihtu zawk an nih thu sawiin, ZPM Party a in lungrualna leh Organisation leh Administration kalpui dan hian nghehna leh din nghehna a siam a, in lungrualna leh thawhhona tha nena ke kan pen zel a pawimawh a, hei hian K*m 2028 a MLA inthlanpui lo awm turah pawh Sorkarna min siam sak lehna tura thil pawimawh a nih avangin ZPM Party Worker te chu ram rorelna a Pathian ram thlen tir zel a, hemi kawnga ke pen zel turin a sawm a ni.

*Kalphung thar, Mipui Sorkar.*

Issued by :
Media, Information & Publicity
ZPM Southern Hqrs. Lunglei
Issue No. 11 of 26-28.
Dated Lunglei : the 2nd Nov 2026 (Thawhtanni).

27/10/2026

*ZORAM PEOPLE’S MOVEMENT (ZPM)*
_Southern Hqrs : Lunglei – 796701. Mizoram._

*Issue no 10 of 2026-28.*

*PI LALRINPUII MINISTER CHUAN VAWIIN KHAN A BIALCHHUNG RALVAWNG KHUA TLAWHIN HUN A HMANG.*

Dated Lunglei: the 27th October 2026 (Thawhlehni) Vawiin khan Pi Lalrinpuii Minister chuan a bialchhung Lunglei East Ralvawng khua tlawhin a kalloh chhung a boralta te an inah tlawh chhuakin ralna hun a hman bakah NREGS hall ah khawtlang mipui te nen inkawm khawmna hun an hmang bawk.

Vawiin NREGS Hall-a inkawmkhawmna hun an hmanah hian Pu P. Lalmuanpuia VCP Ralvawng chuan kaihruaiin Pi Lalrinpuii Minister/MLA Lunglei East chuan thu a sawi a. MUHCS chungchangah lawmthu sawi an banglo hi a lawmna anih thu a sawi a, Ruang phurh chungchangah MLA te tihbuai ngai tawhlo in thlamuang takin khual khua a boral te pawh Sorkarin a phurh sak tawh ani tiin, hetiang hun ṭha nei a damna te a nei a mipui tan a rawngbawl thei a a awm chu lawmthu a sawi a, Ralvawng khua a hmasawnna hrang hrang an thawh tawhte sawi langin a bialchhung hmun hrang hrangah zirtirtu indaihlohna khuaah te MLA Fund hmang a an chhawr nasat thu a sawi.

Pi Rinpuii Minister/MLA Lunglei East chuan Ralvawng khua an hnathawh danah in itsikna leh rilru ṭhalo engmah awmlo a lungrual tak a hna an thawk ṭhin chu lungawi thlak a tih thu leh lawmawm a tih hle thu a sawia, VC thlengin Ralvawng khuaah ZPM in an la fai vek chu lawmawm a tih thu a sawi a.

Hruaitu an nih pawhin rinawm leh ṭha takin hna thawk tur leh Unit te nen pawh lungrual leh ṭha tak a thawk ho turin a chah a, Ralvawng khua chu Model village a a thlan angin hmasawnna thawh kawngah pawh theihtawp a chhuah reng thu sawiin, khaw mawi tak leh mi te tlawh hlawh anih a duh thu a sawi a, a khaw mite pawh faina kawngah te khawchhung chei mawi kawngah te ṭan la turin kalkhawmte chu a fuih a, Ralvawng khua chu ruihhlo leh zuk leh hmuam a fihlim tum turin a chah bawk a ni.

Vawiin he hun hmannaah hian MHIP te chuan MHIP Rûn Pi Rinpuii bialtu MLA hmalakna in an neih theih avang a lawmthu sawina hun hmangin thilpek an pe a, Ralvawng ZPM Party Unit lam aṭangin Report ngaihthlak niin, Mipui lam aṭangin Sorkar hmalakna hrang hrang zawhna leh chhanna hun a hmang bawk a ni.

Vawiin hian Pi Lalrinpuii Minister/MLA Lunglei East hi ZPM Southern Hqrs aṭangin General Secretary 2 leh Adviser leh Zonu hruaitu ṭhenkhat ten an ṭawiawm a ni.

*Kalphung thar, Mipui Sorkar.*

Issued by :
Media, Information & Publicity
ZPM Southern Hqrs. Lunglei
Issue No. 10 of 26-28.
Dated Lunglei : the 27th Oct 2026 (Thawhlehni).

26/10/2026

*ZORAM PEOPLE’S MOVEMENT(ZPM)*
_Southern Hqrs : Lunglei – 796701._

*PRESS RELEASE NO 2 OF 2026-2028.*

*MIZORAM UNIVERSITY CHUNGCHANGAH SAWRKAR HMASAIN RTPCR CHUNGCHANG POLITICAL ISSUE A A CHHUAH ANG KHA CHU KAN NILO TURAH NGAI ANG.*
-Lalrinpuii, Minister

Dated Lunglei: the 26th October 2026 (Thawhtanni), Vawiin khan ZPM Southern Hqrs, Lugnlei chuan Party chhung inkhawm leh Political Session hun hmangin Pu Lalduhawma Sr. Vice President chuan a kaihruai a, Rev. R. Lalbiakliana BCM chuan Hunserh a hmang a, Pu C. Lalnunnema. Consultant. ZPM General Hqrs, Aizawl leh Pi Lalrinpuii Minister Health & Family Welfare, Women & Child Development, Social Welfare chuan thusawina hun a hmang bawk.

Vawiin chhung inkhawm a Hunserh hmangtu Rev. R. Lalbiakliana chuan, Jeriko chu Israel ram khawpui ber a nilo a, mahse israel ram pawimawh tak a ni tiin, Lunglei nen pawh a tehkhin thin thu a sawi a, Lunglei Khawpui atang hian Mizoram Pum huap ang pawh a, mi ropui tak tak Ram hruaitu leh Pathian thu lamah pawh Evangelical Movement ang a lo chhuahna zawng zawng pawh helam pang zel a ni tiin, Lunglei chu tunhma kan phak tawhlo hle ni a a hriat thu a sawi a tan kan lak nasat angaih thu a sawi a, Ram hruaitu kalkhawmte fuihna thu tha tak a sawi bawk a ni.

Pu C. Lalnunnema Consultant. General Hqrs, Aizawl chuan, Mipui nawlpui hian ZPM hi Sorkar lo se Mizoram chhung a thiltha tamtak lo thleng hi 100 a 90 hi chu a thlenglo ang tih hi an ngaihdan a ni a ti a, Sorkar hmasa ang a kal a rem tawhlo a, Kalphung thar in kan kal tawh a, heihi Mipui leh Party mi te pawhin kan hriatthiam a pawimawh hle a ni a ti a, 2028 inthlanah pawh ZPM chu a sawrkar leh ngei ngei angai ani a ti a, Thorang bial ZPM Official Candidate a lo nih tawhnah mun Thorang bial chungchang pawh Report pe in, Thorang bial chu 2028-ah chuan bial him ani ngei tawh dawn a, tupawh he bialah hian lo ding se ZPM bial a ni ngei tawh dawn a ni a ti bawk.

Vawiin Political Session hun a thusawi tu Pi Lalrinpuii Minister chuan, Party hruaitu Chatuan ram min pansan ta te a uina thu sawiin, chutih rualin Southern Headquarters hruaitu tur Pathianin hruaitu tha tak tak, mi puitling tak tak min pe chho zel a, lawmawm a tih thu sawiin. Thil tha duhna avanga kalphung thar sawrkar dintute hi Pathianin min hlatsan dawn lo a ni a ti.

Kar hmasa lam a Siaha a zin Report pe in Pi Lalrinpuii Minister chuan ZPM zawm thar mi 503 a lawmlut tih sawiin, a lawmawm hle a ni a ti a, Nak*m 2027 MADC inthlan leh hunah chuan MADC ah ZPM in sawrkarna an siam theih ngei a beisei thu a sawi bawk.

Pi Lalrinpuii Minister H&FW, Social Welfare, WCD chuan, Tun hnaia Chief Minister zahawmtak Pu Lalduhoma champhai a a thusawinaah, Champhai College chu Mizoram State University a lo puitlin hunah State University Campus a nih zui ngei a beisei thu a sawi khan Lunglei lamah boruak eng eng emaw siam tumna a awm chho nia a hriat thu sawiin Nagaland University khuan campus hi hmun thum laiah an nei a. Meghalaya University hi Tura ah a awm bawk a. Chuvang chuan Mizoram State University hi single site campus nei tur nge multiple site campus neitur tih thu velah opposition ho chu lo inhnial kual se la, keini erawh hi chuan kan party leadership ah rinna i nghat ngam i la tiin, Sawrkar hmasa in RTPCR chungchang political issue a a chhuah ang kha chu kan ni lo turah i ngai ang u a ti bawk.

Health Minister chuan, Damloh ni khua a Lunglei mipuite innghahna pui ber Civil Hospital pawh theihtawp a an thuam that chhoh zel thu sawiin, tun hma lam a Lung doctor awm si, khawl an neih loh avanga anih tur anga hna thawk hleithei thinlo kha, mipuite chhiah tlingkhawm Cess atangin khawl lei tawh a ni a ti a, tunah chuan mipuiin an tangkai puiin, an pan nasat thu sawiin a lawmawm hle a ni a ti a, Cess sum hmang hian Civil hospital lift chhia, a thar a thlak mek pawh mipui hman theih a peihfel thuai anih a beisei thu sawiin, Damlo chaklo tak tak ten step thui tak kal ngai lo a, lift ah awlsam zawka an kal theih thuai a beisei thu sawi bawkin, Doctor leh Nurse leh thawktu dang mamawh pawh theih ang ang a indah belh zel ani tiin, tun dinhmunah chuan kan hospital khum neih zat leh thawktu neihdan hi a inmil tawk viau thu a sawi bawk.

MUHCS chungchang pawh sawiin Pi Lalrinpuii Health Minister chuan Mipui in an chhawr tangkai hle a ni tih a hriat in lawmawm a tih thu a sawi a, Tunah hian MUHCS Empanelled Hospital hi Mizoram pawhin Hospital 50 chuang kan nei tawh ani a ti a, Mizoram chhungah pawh Empanelled Hospital nilo hi Hospital 9 emaw chauh an awm tawh thu a sawi a. Sawrkar hmasa lamah khan pawl angin an duhthusam an lo nawr hlawhtling tawh a. Mahse Sawrkar hmasa Health Care chu mipuiten in hre vek a ni tiin, Khatiang dinhmun a luh ve kha kan duh lo a, Theihtawp kan chhuah a ni a ti. Tun hnaiah pawh mizo te pan nasat CMC Vellore chu cashless turin inremna ziahpui anih tawh thu sawiin Christian Hospital an ni a, an hospital rate hi MUHCS rate ai pawha a tlawm avangin an hospital rate kha kan pawmpui nghal a ni a ti.

Pi Lalrinpuii Minister chuan Social Welfare in an chhinchhiah dan in tun dinhmunah Mizoram chhungah ruihhlo ngai enkawlna hmun centre/home hi 48 a awm tih sawiin, hetah hian nu leh pa enkawltu tur zawk thalai rual an awm nasa hle ani a ti a, hemi ringawt pawh hian kan ram economic development tur a pawthniam hle ani a ti a. Mizoram chuan pawl ropui tak mai YMA kan nei a, an ni hi hmalakna kawng engkimah an tangkai hle ani tiin, Kan ram hmelma ruihhlo do tur pawh hian Kohhran, Sorkar leh Tlawmngai Pawl te kan tan ho tawh thin angin tangho leh zel ila hma kan sawn zelin a rinawm bawk a ni a ti. Kan sorkar chuan ruihhlovin kan ram min rûn nasat zia hria in, ruihhlo hmansual leh a tawlhruk dona kawngah hma kan la nasa hle ani a ti a. Kan Chief Minister zahawm tak thlawpna hnuaiah kan thalai ruihhlovin a tihbuaite chhanchhuahna atan nik*m June thla atang khan ‘Hulhliap –Short Stay Centre’ chu batch kua (9) lai kan lo buatsaih tawh a ni a ti a, Pathian khawngaihna avangin mi 2,254 zet chuan he camping atang hian taksa, rilru leh thlarau enkawlna an dawng a; tin, eizawnna mumal tak an lo neih ve theihna turin thiam thil zirna (Skills Development) thlengin an kalpui thu a sawi bawk. Heng Skill Development Training chhuakte hian eizawnna bul an tan theih nan Bana Kaih: Chief Minister Special Package dil sak an ni tiin, mi 20 lai min pawm sakin anni hian eizawnna bul tan nan cheng singnga (Rs.50,000/-) theuh an dawng dawn a ni a ti a, min phalsaktu kan Chief Minister zahawm tak chungah pawh lawmthu ka sawi a. Hetianga Sorkar department hrang hrang, Kohhran hrang hrang, NGO, YMA leh tlawmngai pawl hrang hrangin inthurual tak maia ruihhlo ngai chhanchhuahna camping an buatsaih hi India ramah pawh la awm ngailo a ni a ti

Ruihhlo ngaite’n damna kawng an lo zawh chhoh theihna tur atan a hmanraw pawimawh tak, ramdanga ruihhlongaiten damna kawng zawh phah nana an lo chhawr em em ‘Narcotics Anonymous’ chu Mizoram Synod te nena tangkawpin Kohhran hrang hrangah vawi 28 hmang turin ruahmanna siam anih thu sawiin, an hmang chho mek zel a, Nak*m March thla thlengin programme duan vek tawh a ni a ti.

Social Welfare Minister chuan BCM, ECM leh LIKBK te nen Skill Training lama hmalakna tur an duan mek thu pawh sawiin. Tunah hian district 5- Mamit, Lawngtlai, Saitual, Hnahthial leh Khawzawlahte De-AddicEon Center thar sakna tur Ministry of Tribal Affairs in min sanction tawh a ni a ti a, hmalakna a kal chhoh mek thu a sawi bawk.

Vawiin hian Pi Lalrinpuii Minister hian Party mipui inkhawm kalte fuihna thu pawh sawiin, Kalphung thar, Mipui Sorkarah hian hmasawnna rotling an neih ngei theihna turin ngaihtuahna te sen pui a, finna an neih theihna atan a tawngtaipui bakah thurawn emaw rawtna an nei duh anih chuan an in hawng em em reng ani a ti bawk.

*Kalphung thar, Mipui sorkar.*

*No. ZPM-02/ZPM/SL/MEDIA/2026-28/2*

Sd/-
(C. LALRAMROPUIA)
Secretary
Media, Information & Publicity.
ZPM Southern Hqrs, Lunglei.
Dated Lunglei : 26th Oct. 2026(Thawhtanni).

25/10/2026

*ZORAM PEOPLE'S MOVEMENT(ZPM)*
_Southern Hqrs. Lunglei - 796701_
Mizoram

Issue no. 9 of 2026-2028

Tukin zing dar 9:30 khan Lunglei Beautification Committee te chuan welcome gate siamna tur hmun an en ho.
LBC chairman Pu V Malsawmtluanga,Pi Lalrinpuii Minister, LMC Exe.Councillor Pu Zorinsanga Hmar, Councillor Pu R.Lalremsiama leh Pi Lalmuanpuii Renthlei ten a hmunah kalchilhin Pukpui LC aiawhte leh ZPM party block leh unit hruaituten an lo dawngsawng a ni.
Lunglei Beautification Comt ah hian Lunglei a MLA 4 te bakah LMC councillors zawng zawngte member niin an hmalakna hmasaber atan Welcome Gate hi an siam dawn a ni.

Pi Lalrinpuii chuan he welcome gate siamna atana senso tur hi member ten an thawhkhawm thu sawiin hemi bakah hian lunglei khawpui chhung hi mawi taka a lan theihna turin retaining wall awmte mahni bial theuhah a bialtu MLA leh councillor tangho a hnawih thar leh an tum thu leh hmun thenkhatah pawh hma an lak tan tawh thu a sawi a ni.

Pu V Malsawmtluanga LBC Chairman chuan ATL Road siam mek chu zpm sorkar chuan kawng tha leh tlo tak an siam mek mek thu sawiin kawngpui tha neih leh welcome gate thar siam tur chu a inhmeh thu sawiin Pukpui daia tawngtaina hmun ah ngei hmar lam atanga khawpui luhka a siam a ni tur chu lawmawm a tih thu leh khualzin te chawlh hahdamna hmun nuam tak anih tur thu leh welcome gate siam hi India ram khawpui lian ah te pawh an uar thu a sawi a ni.

He gate hi Architect Tukin zing dar 9:30 khan Lunglei Beautification Committee te chuan welcome gate siamna tur hmun an en ho.
LBC chairman Pu V Malsawmtluanga,Pi Lalrinpuii Minister, LMC Exe.Councillor Pu Zorinsanga Hmar, Councillor Pu R.Lalremsiama leh Pi Lalmuanpuii Renthlei ten a hmunah kalchilhin Pukpui LC aiawhte leh ZPM party block leh unit hruaituten an lo dawngsawng a ni.
Lunglei Beautification Comt ah hian Lunglei a MLA 4 te bakah LMC councillors zawng zawngte member niin an hmalakna hmasaber atan Welcome Gate hi an siam dawn a ni.

Pi Lalrinpuii chuan he welcome gate siamna atana senso tur hi member ten an thawhkhawm thu sawiin hemi bakah hian lunglei khawpui chhung hi mawi taka a lan theihna turin retaining wall hnawih that ngai awm ang ang te bialtu MLA leh councillor ten an bial theuhah hnawih thar leh an tum thu sawiin hmun thenkhatah chuan hma an lak tan tawh thu a sawi a ni.

Pu V Malsawmtluanga LBC Chairman chuan ATL Road siam mek chu zpm sorkar chuan kawng tha leh tlo tak an siam mek thu sawiin kawngpui tha neih leh welcome gate thar siam tur chu a inhmeh thu sawiin Pukpui daia tawngtaina hmun ah ngei hmar lam atanga khawpui luhka a siam a ni tur chu lawmawm a tih thu leh khualzin te chawlh hahdamna hmun nuam tak anih tur thu leh welcome gate siam hi India ram khawpui lian ah te pawh an uar thu a sawi a ni.

Lunglei Beautification Comt thukhawm in a lo rel tawh angin Lunglei khawpui cheimawina kawnga hma an lak zel na atan NGO te leh hetiang lama tui mi te nen consultative meeting LMC Chairman Pu Lalzuithanga kaihhruaina hnuaiah neih thuai an tum thu an sawi bawk.

He gate hi Arch. C.Lalhmangaihzuala CCK architecture Salem Veng design niin a siam dan tur ruahmanna sawifiahna a nei a ni.
He Leitlangpui welcome gate atan hian estimated project cost hi Rs.11.73 lakhs ani.

• Gate clear height (a liang san zawng) ft18 leh a chanve.
• ⁠A chhip ah ft27 leh a chanve.
• ⁠A zau zawng a chhung lam ah ft31.
• ⁠RCC hmanga siam tur.
• ⁠Stone claddings hman tur
• ⁠exterior grade wooden texture boards hman tur
• ⁠LED Signage
• ⁠design reflecting the surroundings
• ⁠monument and a landmark, creating a warm welcome for visitors
• ⁠tawlhloh puan texture to signify strength and to show a piece of culture

*Kalphung thar, Mipui Sawrkar*

Issued by :
Media, Information & Publicity
ZPM Southern Hqrs. Lunglei
Issue No. 9 of 26 - 28
Dated Lunglei : the 24th.oct. 2026 (Saturday)

25/10/2026

*ZORAM PEOPLE’S MOVEMENT (ZPM)*
_Southern Hqrs : Lunglei – 796701. Mizoram._

*Issue no 8 of 2026-28.*

*SASCI SUM ₹20 LAKH HMANG A SIAM RAMLAITUI VOLLEYBALL COURT CHU VAWIIN KHAN BIALTU MLA PU V. MALSAWMTLUANGA VICE CHAIRMAN HPC CHUAN HAWNNA HUN A HMANG.*

Dated Lunglei. The 24th Oct. 2026 (Inrinni) Vawiin khan Pu V. Malsawmtluanga Vice Chairman High Powered Committee, Lunglei leh Lunglei North bialtu MLA ni bawk chuan Ramlaitui Volleyball court SASCI sum Cheng Nuai 20 seng a an sak chu hawnna hun a hmang.

He Volleyball Court hawnna huna hian Pu V. Malsawmtluanga Vice Chairman HPC leh Bialtu MLA ni bawk chuan thusawiin, Ramlaitui khua in an duh ang a volleyball court ṭha tak a nei ta chu a lawmpui thu a sawi a, infiammi tam zawk, Mizoram aiawh mai nilo, India aiawh pawh a chhuak thei tura an in chher chhuahna hmun ni tura a duh thu a sawi a, ṭangkai tak leh dimdawi takin mahni ta ang a a hmangtu te pawhin hmang turin a duh tih a sawi a, Infiammite chu ruihhlo lak a fihlim tur leh an taksa sawizawi nasa turin a chah a, Mizote ṭhalai te hriselna leh taksa vawn uluk lamah kan ṭhangharh chho zel a, ṭhangthar zuk leh hmuam ti pawh an tlem zel ani tiin, infiamna lam uar a taksa sawizawi leh hriselna chu uar zual deuh deuh turin a chah bawk a ni.

Helai hmun hi Ramlaitui Volleyball court hi a khua Ramlaitui mai bakah khaw ṭhenawm te pawhin an hmang ṭangkai em em a, tlai tin practice nan an hmang ṭhin a ni.

Vawiin hian Pu Msta Vice Chairman High Powered Committee, Lunglei hian Health and wellness centre Ramlaitui chu tlawh nghalin, harsatna an neihte chu Pu Msta hi lo hrilh in, chin fel dan tur ngaihtuahpui nghalin theih ang ang a, bawhzui nghal anih tur thu thawk tute chu a hrilh bawk a ni.

Pu Msta Vice Chairman HPC hi ZPM Southern Hqrs Vice President Pu C. Lalfakzuala chuan ṭawiawm a ni.

*Kalphung thar, Mipui Sorkar.*

Issued by :
Media, Information & Publicity
ZPM Southern Hqrs. Lunglei
Issue No. 8 of 26-28.
Dated Lunglei : the 24. Oct 2026 (Inrinni).

23/10/2026

WCD Minister Pi Lalrinpuii'n Lungsen ICDS Office building thar a hawng
2799/2026-2027

Lunglei, 2026 Khuangchawi Thla ni 23: Cheng nuai 44.75 senga sak, Lungsen ICDS Office building thar chu vawiin khan Women & Child Development (WCD) Minister Pi Lalrinpuii'n a hawng.

Lungsen ICDS Office building thar hawn puala inkhawm buatsaihah Khuallian, WCD Minister Pi Lalrinpuii chuan a hranpaa sum hmuh awm lova CDPO leh WCD hotute hma laknaa Lungsena ICDS Office building thar ṭha tak mai sak zawh leh hawn theih a ni chu lawmawm a tih thu sawiin, mi tih dan phung leh tih ṭhin tawh dan ang zui mai lo va, mipuite tana thil ṭha zawk a thlen theih nana hma thar la ngam officer leh sawrkar hna thawk an awm ṭhin chu lawmawm a tih thu leh a chhuan thu a sawi a. Mizoram chuan WCD hma laknaah India ram pum huap pawhin a ti ṭha thawkhat viau tih sawiin, inkaihhruaina (guidelines) khauh tak, phai ram mila duan hmang chungin department hotute leh thawktute'n ngaihtuahna thar senga hma an lak ṭhin thu a sawi a. Chu'ng hma laknate chu sawrkar laipui lam pawhin ṭha an tih thu leh state dangte entawn tur leh tih ve tura hma an lak hial thu a sawi a. Tun hnai lawka Poshan Maah – Nutrition Month hnuaia ei leh in tur ṭha pawimawhna inzirtirnaah pawh Mizo nunphung nena inmil tak – "Wadi Makpa" chin chhuah thar a nih thu sawiin, sawrkar leh mipui vantlang thawh hona ṭha nei tura hma lakna a nih thu leh mipui vantlangin sawrkar hma laknaa neitu nihna tam zawk an neih a, ta neihna tak tak an neih theihna tur a nih thu a sawi a. Hma lakna pawimawh leh ṭha tak a nih angin uar zawka kalpui chhoh zel a nih a beisei thu a sawi.

WCD Minister Pi Lalrinpuii chuan damdawi tel lo, hlo tur tel lo thlai chi hrang hrang thar chhuah a nih theih nan department-in Poshan Vatika hnuaiah chuktuah huan, "Nutri Garden" siam an kalpui tih sawiin, Anganwadi Centre-a naupang leh nau paite tana chaw ṭha sem ṭhinah pawh a theih chin chinah chuan khawtuala thar chhuahte sem ngei tura ruahmanna siam ṭhin a nih thu a sawi a. Rannung thahna hlo leh hlo tur chi hrang hrang hmanga enkawl thlai ei chu hriselnain a tuar theih thu sawiin, mahni thar ngei chawhmeh thianghlim, damdawi pawlh loh nei thei turin khaw tinin intodelh turin hma la thar zel se a duh thu a sawi.

Khual Zahawm, WCD Director Pi Zoramthangi Chhangte chuan Lungsen ICDS Office building thar hawn chu WCD tana mellung pawimawh tak a nih thu sawiin, building sak nana eng scheme aṭang maha sum hmuh hranpa awm lova sak puitlin a ni chu a hlutna leh a danglam em emna a nih thu a sawi a. CDPO leh thawktute inpekna leh ṭhahnem ngaihnaah lawm thu sawiin, Lungsen ICDS Project hma lakna hrang hrangah mipuite pawhin theih tawpa thawhpui a, ṭawiawm zel turin a ngen.

Lungsen ICDS Office building hawnna inkhawm hi Social Welfare, Women & Child Development (SW&WCD) Joint Secretary Pi Zonunthari chuan a kaihruai a. Lungsen Child Development Project Officer (CDPO) Pu Vanlalsanga chuan building saknaa an hma lak dan tlangpui sawiin, Lungsen-II VCP Pu J. Dengkunga pawhin thu a sawi a. WCD Deputy Director (W) Pi Flora Lalṭanpuii'n lawm thu sawiin hun a khar.

Lungsen ICDS Project hi 1983-a din a ni a. Tuna office building thar hi office-in fund an hmuhte renchem taka hmang a, office sakna tur atana tlem tlema sum an khawl hmang leh Directorate aṭanga puihna hmanga sak niin, a sak nan hian cheng 44,75,248/- sen a ni a. Office sak hna hi November 2025-ah ṭanin, October 2026-ah thawh zawh a ni a. A building hi Zopa chhiara chhawng thum niin, a dung fit 48 leh a vang fit 34-a zau a ni a. First Floor hi Office atana hman tur niin, Office chungah hian CDPO Quarters (36 x 24 sq. ft) awm a. Ground floor hi 44 x 36 sq. ft-a zau niin, Training Hall atana hman tur leh Store Room ṭha tawk tak a awm bawk.

Address

Venglai
Lunglei
796701

Website

http://youtube.com/zpmlunglei

Alerts

Be the first to know and let us send you an email when ZPM Southern Headquarters, Lunglei posts news and promotions. Your email address will not be used for any other purpose, and you can unsubscribe at any time.