https://krishnadistrictpolice.in/

Krishna District Police, Police Head Quarters, Machilipatnam (2026)

10/10/2026

ఆపరేషన్ త్రిశూల్‌లో భాగంగా గంజాయి అక్రమ నెట్‌వర్క్‌లపై EAGLE, స్థానిక పోలీసుల సంయుక్త తనిఖీలు

8 మందికి పరీక్షలు నిర్వహించగా ఐదుగురికి పాజిటివ్‌ – తదుపరి విచారణ కొనసాగింపు

గంజాయి వినియోగం, విక్రయం, సరఫరా, అక్రమ రవాణాను అరికట్టడంతో పాటు వీధి స్థాయిలో కొనసాగుతున్న గంజాయి అక్రమ నెట్‌వర్క్‌లను గుర్తించి నిర్మూలించే లక్ష్యంతో, EAGLE IGP శ్రీ ఆకే రవికృష్ణ, IPS గారు, కృష్ణా జిల్లా ఎస్పీ శ్రీ వి. విద్యాసాగర్ నాయుడు, IPS గారు మరియు శ్రీ K.M. మహేశ్వర రాజు, IPS గారి ఆదేశాల మేరకు, EAGLE విభాగం మరియు బందరు సబ్‌ డివిజన్ పోలీసులు సంయుక్తంగా ప్రత్యేక తనిఖీలు నిర్వహించారు.

మచిలీపట్నం డీఎస్పీ శ్రీ ఆవుల శ్రీనివాసరావు గారి ఆధ్వర్యంలో మచిలీపట్నం టౌన్ పోలీస్ స్టేషన్ పరిధిలోని ఇందిరమ్మ కాలనీ, రాబర్ట్‌సన్‌పేట పోలీస్ స్టేషన్ పరిధిలోని బాలరామునిపేట, చిలకలపూడి పోలీస్ స్టేషన్ పరిధిలో ప్రత్యేక డ్రైవ్ చేపట్టారు.

రాష్ట్రవ్యాప్తంగా గంజాయి అక్రమ కార్యకలాపాలను అరికట్టేందుకు చేపట్టిన **ఆపరేషన్ త్రిశూల్**లో భాగంగా నిర్వహించిన ఈ డ్రైవ్‌లో అనుమానిత వ్యక్తులను తనిఖీ చేసి, వారి వివరాలు, కదలికలను పరిశీలించారు. అవసరమైన చోట గంజాయి డిటెక్షన్ కిట్ల ద్వారా పరీక్షలు నిర్వహించారు. ఈ క్రమంలో మొత్తం 8 మందికి పరీక్షలు నిర్వహించగా, ఐదుగురికి పాజిటివ్‌గా నిర్ధారణ అయింది. వారి నుంచి సంబంధిత సమాచారాన్ని సేకరిస్తూ తదుపరి విచారణ కొనసాగిస్తున్నారు. అలాగే వారి ఐదుగురికి కౌన్సిలింగ్ నిర్వహించారు.

గంజాయి వినియోగం, విక్రయం, సరఫరా, అక్రమ రవాణాకు పాల్పడే వ్యక్తులపై చట్టప్రకారం కఠిన చర్యలు తీసుకుంటామని పోలీసులు హెచ్చరించారు. గంజాయి అక్రమ నెట్‌వర్క్‌ల మూలాలను గుర్తించి, వాటిని పూర్తిస్థాయిలో అరికట్టేందుకు ప్రత్యేక తనిఖీలు, నిఘా, దర్యాప్తు నిరంతరం కొనసాగుతాయని స్పష్టం చేశారు.

*BREAK THE SILENCE – CALL EAGLE 1972*

ప్రజలు తమ పరిసరాల్లో గంజాయి విక్రయం, వినియోగం, సరఫరా లేదా అక్రమ రవాణాకు సంబంధించిన సమాచారం తెలిస్తే భయపడకుండా EAGLE హెల్ప్‌లైన్ నంబర్ 1972కు తెలియజేయాలని పోలీసులు కోరారు. ప్రజల సహకారంతో యువతను మాదకద్రవ్యాల బారిన పడకుండా కాపాడేందుకు పోలీసు శాఖ నిరంతరం కృషి చేస్తుందని తెలిపారు.

ఈ ప్రత్యేక తనిఖీల్లో మచిలీపట్నం డీఎస్పీ శ్రీ ఆవుల శ్రీనివాసరావుగారు చిలకలపూడి పోలీస్ స్టేషన్ సీఐ శ్రీ నభి గారు, రాబర్ట్‌సన్‌పేట పోలీస్ స్టేషన్ సీఐ శ్రీ యేసోబు గారు, మచిలీపట్నం టౌన్ పోలీస్ స్టేషన్ ఎస్‌ఐ, EAGLE RI శ్రీ D. నాగార్జున, నార్కోటిక్ డాగ్ రీటా, డ్రోన్ బృందం, కృష్ణా జిల్లా EAGLE సిబ్బంది పాల్గొన్నారు.

09/10/2026

కృష్ణా జిల్లా ఎస్పీ శ్రీ వి. విద్యాసాగర్ నాయుడు, ఐపీఎస్ గారి ఆదేశాల మేరకు కోడూరు పోలీస్ స్టేషన్ ఎస్ఐ కె. చాణక్య ఆధ్వర్యంలో గొల్లపాలెం రోడ్డులో చైతన్యం అవగాహన కార్యక్రమం నిర్వహించారు. ఈ సందర్భంగా ప్రజలకు చట్టాలపై అవగాహన కల్పిస్తూ, నేరాల నివారణలో ప్రజల భాగస్వామ్యం మరియు పోలీసుల సహకారం యొక్క ప్రాముఖ్యతను వివరించారు.

ఈ కార్యక్రమంలో సైబర్ నేరాలు, మాదకద్రవ్యాల వినియోగం, మహిళలు మరియు బాలికల భద్రత, పోక్సో చట్టం, బాల్య వివాహాల నిరోధం తదితర అంశాలపై అవగాహన కల్పించారు. సైబర్ నేరగాళ్ల మోసపూరిత ఫోన్ కాల్స్, సందేశాలు, తెలియని లింకుల పట్ల అప్రమత్తంగా ఉండాలని, వ్యక్తిగత మరియు బ్యాంకింగ్ వివరాలను ఇతరులతో పంచుకోవద్దని సూచించారు. మహిళలు, బాలికలకు ఏదైనా సమస్య ఎదురైతే భయపడకుండా పోలీసులను సంప్రదించాలని తెలిపారు.

అదేవిధంగా రహదారి భద్రతా నియమాలను పాటించాలని, మద్యం సేవించి వాహనాలు నడపడం, హెల్మెట్ లేకుండా ప్రయాణించడం వంటి ప్రమాదకర చర్యలకు దూరంగా ఉండాలని సూచించారు. అత్యవసర పరిస్థితుల్లో డయల్ 112 ద్వారా పోలీసుల సహాయం పొందవచ్చని వివరించారు. ప్రజలు చట్టాలపై అవగాహన పెంపొందించుకొని, నేరాల నివారణకు పోలీసులకు సహకరించాలని ఎస్ఐ కె. చాణక్య కోరారు.

09/10/2026

రాబోయే స్థానిక సంస్థల ఎన్నికల నేపథ్యంలో సమస్యాత్మక పోలింగ్ కేంద్రాలను పరిశీలిస్తున్న కృష్ణా జిల్లా పోలీసులు

కృష్ణా జిల్లా ఎస్పీ శ్రీ వి. విద్యాసాగర్ నాయుడు, ఐపీఎస్ గారి ఆదేశాల మేరకు రాబోయే పంచాయతీ, మున్సిపల్ మరియు స్థానిక సంస్థల ఎన్నికలను ప్రశాంతంగా, పారదర్శకంగా నిర్వహించేందుకు జిల్లా వ్యాప్తంగా పోలీస్ అధికారులు ముందస్తు చర్యలు చేపడుతున్నారు. ఇందులో భాగంగా తమ తమ పోలీస్ స్టేషన్ పరిధిలో ఉన్న సమస్యాత్మక, అత్యంత సమస్యాత్మక మరియు సున్నితమైన పోలింగ్ కేంద్రాలను సందర్శించి, క్షేత్రస్థాయిలో పరిస్థితులను పరిశీలిస్తున్నారు.

పోలింగ్ కేంద్రాల పరిసర ప్రాంతాలు, భద్రతా ఏర్పాట్లు, గతంలో చోటుచేసుకున్న అవాంఛనీయ సంఘటనలు తదితర అంశాలను పరిశీలిస్తూ, ఎన్నికల సమయంలో ఎలాంటి అవాంఛనీయ ఘటనలు జరగకుండా తీసుకోవాల్సిన చర్యలపై దృష్టి సారిస్తున్నారు. సంబంధిత శాఖల అధికారులతో సమన్వయం చేసుకుంటూ పోలింగ్ కేంద్రాలు, స్ట్రాంగ్ రూమ్‌లను సందర్శించి, అవసరమైన భద్రతా ఏర్పాట్లపై సమీక్షిస్తున్నారు.

పంచాయతీ, మున్సిపల్ మరియు స్థానిక సంస్థల ఎన్నికల ప్రక్రియలో శాంతిభద్రతల పరిరక్షణకు పటిష్టమైన చర్యలు చేపడుతూ, ఓటర్లు ఎటువంటి భయం, ఒత్తిడి లేకుండా తమ ఓటు హక్కును వినియోగించుకునేలా పోలీసులు కృషి చేస్తున్నారు. ఎన్నికల నియమావళిని ప్రతి ఒక్కరూ పాటించాలని, ప్రశాంతమైన ఎన్నికల నిర్వహణకు ప్రజలు పోలీసులకు సహకరించాలని కృష్ణా జిల్లా పోలీసులు విజ్ఞప్తి చేస్తున్నారు.

09/10/2026

కృష్ణా జిల్లా ఎస్పీ శ్రీ వి. విద్యాసాగర్ నాయుడు, ఐపీఎస్ గారి ఆదేశాల మేరకు జిల్లాలోని వివిధ పోలీస్ స్టేషన్ల పరిధిలో విధులు నిర్వహిస్తున్న పోలీస్ అధికారులు తమ తమ పోలీస్ స్టేషన్ పరిధిలో ప్రజలు, విద్యార్థులు, యువతకు వివిధ అంశాలపై సమగ్ర అవగాహన కల్పిస్తూ ‘చైతన్యం’ అవగాహన కార్యక్రమాలను నిర్వహించారు. ఈ కార్యక్రమాల్లో సైబర్ నేరాలు, మాదకద్రవ్యాల వినియోగం వల్ల అనార్ధాలు మరియు అక్రమ రవాణా, శక్తి యాప్, మహిళలు మరియు బాలికల భద్రత, మహిళలపై జరిగే నేరాల నియంత్రణ, పోక్సో చట్టం, బాల్య వివాహాల నిరోధక చట్టం తదితర అంశాలపై అవగాహన కల్పించారు. మహిళలు, బాలికలు తమకు ఎదురయ్యే సమస్యలను ధైర్యంగా పోలీసుల దృష్టికి తీసుకురావాలని సూచించారు.

సైబర్ నేరాల పట్ల ప్రతి ఒక్కరూ అప్రమత్తంగా ఉండాలని, తెలియని వ్యక్తుల నుంచి వచ్చే ఫోన్ కాల్స్, మెసేజ్‌లు, లింకులు, పెట్టుబడుల పేరుతో వచ్చే మోసపూరిత ఆఫర్లకు స్పందించవద్దని సూచించారు. బ్యాంకు ఖాతా వివరాలు, ఓటీపీలు, పాస్‌వర్డ్‌లు, ఏటీఎం/క్రెడిట్ కార్డు వివరాలు వంటి వ్యక్తిగత సమాచారాన్ని ఇతరులతో పంచుకోవద్దని తెలిపారు. సైబర్ మోసానికి గురైన వెంటనే ఆలస్యం చేయకుండా 1930కు ఫోన్ చేసి ఫిర్యాదు చేయాలని, అత్యవసర పరిస్థితుల్లో డయల్ 112ను సంప్రదించాలని సూచించారు. అదేవిధంగా మాదకద్రవ్యాల వల్ల కలిగే అనర్థాలను వివరిస్తూ యువత వాటికి దూరంగా ఉండాలని, మాదకద్రవ్యాల విక్రయాలు, నిల్వలు లేదా సరఫరాకు సంబంధించిన సమాచారం ఉంటే పోలీసులకు తెలియజేయాలని కోరారు.

అదేవిధంగా రహదారి భద్రతపై అవగాహన కల్పిస్తూ ద్విచక్ర వాహనదారులు తప్పనిసరిగా హెల్మెట్ ధరించాలని, కారులో ప్రయాణించే వారు సీటు బెల్ట్ ధరించాలని, మైనర్లు వాహనాలు నడపకూడదని, మద్యం సేవించి వాహనాలు నడపడం ప్రమాదకరమని వివరించారు. ట్రాఫిక్ నిబంధనలను ప్రతి ఒక్కరూ పాటిస్తూ తమతో పాటు ఇతరుల ప్రాణ భద్రతకు బాధ్యత వహించాలని సూచించారు. ప్రజల భద్రత, నేరాల నియంత్రణ, సైబర్ మోసాల నివారణ మరియు చట్టాలపై అవగాహన పెంపొందించడమే ‘చైతన్యం’ కార్యక్రమాల ప్రధాన ఉద్దేశ్యమని పోలీసు అధికారులు తెలిపారు.

08/10/2026

శక్తి పటాల నిర్వాహకులు నవరాత్రి ఉత్సవాలను ప్రశాంత వాతావరణంలో నిర్వహించాలి – బందరు డిఎస్పి ఆవుల శ్రీనివాసరావు.

కృష్ణా జిల్లా ఎస్పీ శ్రీ వి. విద్యాసాగర్ నాయుడు, ఐపీఎస్ గారి ఆదేశాల మేరకు మచిలీపట్నం సబ్ డివిజన్ పరిధిలో శక్తి పటాల నిర్వాహకులు, కమిటీ సభ్యులతో బందరు డిఎస్పి ఆవుల శ్రీనివాసరావు గారు ఈరోజు సమీక్షా సమావేశం నిర్వహించారు.

ఈ సందర్భంగా ఆయన మాట్లాడుతూ నవరాత్రి ఉత్సవాలను భక్తిశ్రద్ధలతో, ప్రశాంత వాతావరణంలో నిర్వహించుకోవాలని, ప్రజలకు ఎటువంటి ఇబ్బందులు కలగకుండా నిర్వాహకులు బాధ్యతాయుతంగా వ్యవహరించాలని సూచించారు. కుటుంబ సభ్యులతో కలిసి ప్రజలు ఆనందంగా ఉత్సవాలను జరుపుకునేలా సహకరించాలని కమిటీ సభ్యులకు తెలిపారు.

శక్తి పటాలను అడ్డుపెట్టుకుని గొడవలు, ఘర్షణలకు పాల్పడే వారిపై కఠిన చర్యలు తప్పవని హెచ్చరించారు. ఎవరైనా శాంతిభద్రతలకు విఘాతం కలిగించే విధంగా వ్యవహరిస్తే, వారిపై చట్టపరమైన క్రిమినల్ కేసులు నమోదు చేసి కఠిన చర్యలు తీసుకుంటామని స్పష్టం చేశారు.

ఉత్సవాల సందర్భంగా ఎటువంటి అవాంఛనీయ సంఘటనలు చోటుచేసుకోకుండా పోలీసు శాఖకు నిర్వాహకులు, కమిటీ సభ్యులు సహకరించాలని కోరారు.

ఈ సమావేశంలో చిలకలపూడి సీఐ ఎస్.కె. నభి, ఆర్.పేట సీఐ కె. యేసుబాబు తదితరులు పాల్గొన్నారు.

08/10/2026

నేరాల నివారణే లక్ష్యంగా జిల్లా వ్యాప్తంగా పోలీసుల ముమ్మర రాత్రి గస్తీ.

జిల్లా ఎస్పీ శ్రీ వి. విద్యా సాగర్ నాయుడు గారి ఆదేశాల మేరకు జిల్లాలో నేరాల నివారణే లక్ష్యంగా పోలీసు యంత్రాంగం రాత్రివేళ పకడ్బందీగా గస్తీ విధులు నిర్వహిస్తోంది. శాంతిభద్రతల పరిరక్షణలో భాగంగా పోలీసు అధికారులు క్షేత్రస్థాయిలో నైట్ రౌండ్స్ నిర్వహిస్తూ బీట్ పాయింట్లను నిరంతరం తనిఖీ చేస్తున్నారు.

ముఖ్యంగా ప్రార్థన మందిరాలు, ఏటిఎంలు, మరియు ప్రధాన వ్యాపార సముదాయాల వద్ద నిఘాను పెంచి, అక్కడ విధుల్లో ఉన్న సిబ్బందిని అప్రమత్తం చేస్తూ ఎటువంటి అవాంఛనీయ సంఘటనలు జరగకుండా కట్టుదిట్టమైన చర్యలు చేపడుతున్నారు.
మరోవైపు హైవేలపై రోడ్డు ప్రమాదాల నివారణకు పోలీసులు ప్రత్యేక ప్రాధాన్యతనిస్తున్నారు. డయల్ 100 మరియు హైవే మొబైల్ వాహనాల ద్వారా నిరంతరం పెట్రోలింగ్ నిర్వహిస్తూ, రాత్రి వేళల్లో డ్రైవర్లు నిద్రమత్తు కారణంగా ప్రమాదాలకు గురికాకుండా ఉండటానికి 'వాష్ అండ్ గో' కార్యక్రమాన్ని నిర్వహిస్తున్నారు.

ఇందులో భాగంగా వాహనాలను నిలిపి, డ్రైవర్లు ముఖం కడుక్కునేలా చేసి, వారికి ప్రమాదాల పట్ల అవగాహన కల్పించి పంపిస్తున్నారు. వీటికి తోడు జిల్లా వ్యాప్తంగా ప్రధాన కూడళ్లలో డ్రంక్ అండ్ డ్రైవ్ పరీక్షలు నిర్వహిస్తూ మద్యం సేవించి వాహనాలు నడిపే వారిపై కఠిన చర్యలు తీసుకుంటున్నారు.

ప్రజల భద్రత దృష్ట్యా పోలీసు వారు చేపడుతున్న ఈ తనిఖీలకు ప్రజలు, వాహనదారులు పూర్తిస్థాయిలో సహకరించాలని పోలీసు యంత్రాంగం కోరుతోంది.

08/10/2026

పాత వస్తువుల స్క్రాప్ వ్యాపారులకు ఉయ్యూరు టౌన్ పోలీసుల గట్టి హెచ్చరిక

పిల్లల వద్ద వస్తువులు కొనుగోలు చేయవద్దు — ఉయ్యూరు టౌన్ సీఐ టి.వి.వి. రామారావు

ఉయ్యూరు: పాత ఇనుము, ఇతర పాత వస్తువులను కొనుగోలు చేసే వ్యాపారులు సామాజిక స్పృహతో, బాధ్యతగా వ్యవహరించాలని ఉయ్యూరు టౌన్ సీఐ టి.వి.వి. రామారావు హెచ్చరించారు. గురువారం వ్యాపారులతో నిర్వహించిన సమావేశంలో వస్తువుల కొనుగోలు విషయంలో పాటించాల్సిన జాగ్రత్తలను వివరించారు.

ఎవరు తీసుకొచ్చినా వివరాలు తెలుసుకోకుండా వస్తువులను కొనుగోలు చేయడం వల్ల దొంగతనాలను పరోక్షంగా ప్రోత్సహించినట్లవుతుందని ఆయన పేర్కొన్నారు. కొందరు పిల్లలు కనిపించిన వస్తువులను దొంగిలించి, వాటిని విక్రయించగా వచ్చిన సొమ్ముతో వ్యసనాలకు బానిసలయ్యే ప్రమాదం ఉందన్నారు.

పిల్లల వద్ద ఎట్టి పరిస్థితుల్లోనూ వస్తువులు కొనుగోలు చేయకూడదని, గుర్తింపు తెలియని వ్యక్తుల నుంచి కూడా కొనుగోళ్లు జరపకూడదని స్పష్టం చేశార

07/10/2026

కృష్ణాజిల్లా పోలీస్ శాఖ ఆధ్వర్యంలో బాలల అక్రమ రవాణా నిరోధం, పోక్సో చట్టం పటిష్ట అమలుపై ఒకరోజు శిక్షణా సదస్సు

కృష్ణా జిల్లా ఎస్పీ శ్రీ వి. విద్యాసాగర్ నాయుడు, ఐపీఎస్., గారి ఆదేశాల మేరకు బాలల భద్రత, అక్రమ రవాణా నిరోధం, పోక్సో చట్టం సమర్థవంతమైన అమలుపై జిల్లా పోలీస్ కార్యాలయ ఆవరణలోని సమావేశ మందిరంలో ఒకరోజు శిక్షణా సదస్సు నిర్వహించారు.

కృష్ణా జిల్లా పోలీస్ శాఖ, వాసవ్య మహిళా మండలి, జస్ట్ రైట్స్ ఫర్ చిల్డ్రన్ సంస్థల సంయుక్త ఆధ్వర్యంలో నిర్వహించిన ఈ సదస్సులో పోలీస్ అధికారులు, మహిళా సిబ్బంది, సంబంధిత ప్రభుత్వ శాఖలు, న్యాయ సేవా సంస్థలు మరియు స్వచ్ఛంద సంస్థల ప్రతినిధులు పాల్గొన్నారు.

DLSA న్యాయమూర్తి శ్రీమతి వరలక్ష్మి గారు పోక్సో చట్టం అమలు, దర్యాప్తు మరియు న్యాయ ప్రక్రియ, బాధితులకు అందే ఉచిత న్యాయ సహాయం, పరిహారం తదితర అంశాలపై అవగాహన కల్పించారు. ప్రతి మహిళకు అండగా చట్టం ఎప్పుడు తోడుగా ఉంటుందని తెలియజేశారు.న్యాయవాది శ్రీ ముసలయ్య గారు బాలలపై జరిగే నేరాల నియంత్రణకు విశిష్ట కృషి చేస్తున్నామని, పొక్సో చట్టాన్ని అమలు పరచడంలో అందరూ సమన్వయంతో పనిచేయాలని తెలిపారు.

వాసవ్య మహిళా మండలి అధ్యక్షురాలు డాక్టర్ బొల్లినేని కీర్తి గారు మాట్లాడుతూ

బాలల హక్కుల పరిరక్షణ, హింస మరియు అక్రమ రవాణా నివారణకు పోలీస్, ప్రభుత్వ శాఖలు, స్వచ్ఛంద సంస్థలు సమన్వయంతో పనిచేయాల్సిన అవసరాన్ని వివరించారు.

అడిషనల్ ఎస్పీ శ్రీ వి.వి. నాయుడు గారు మాట్లాడుతూ..

బాలల అక్రమ రవాణా కేసుల్లో సమర్థవంతమైన దర్యాప్తు, సాంకేతిక ఆధారాల సేకరణ, అంతర్రాష్ట్ర ముఠాల కదలికలపై నిఘా తదితర అంశాలపై పోలీసు సిబ్బందికి దిశానిర్దేశం చేశారు. బాలల భద్రతకు సంబంధించిన ప్రతి ఫిర్యాదుపై తక్షణ స్పందనతో పాటు, అక్రమ రవాణాకు పాల్పడే ముఠాలపై కఠిన చర్యలు తీసుకోవాలని సూచించారు. మహిళలు బాలికలపై జరిగే వ్యాప్తంగా అవగాహన సదస్సులను విస్తృతం చేస్తున్నామని తెలిపారు

మహిళా శిశు సంక్షేమ శాఖ ప్రాజెక్ట్ డైరెక్టర్ శ్రీమతి ఐ. విమల గారు బాలల రక్షణలో DCPU, చైల్డ్ హెల్ప్‌లైన్, సంక్షేమ శాఖ మరియు స్వచ్ఛంద సంస్థల పాత్రను వివరించారు.

మహిళా పోలీస్ స్టేషన్ సీఐ వాసా వెంకటేశ్వరరావు రక్షించబడిన చిన్నారుల పట్ల బాధ్యతాయుతమైన, స్నేహపూర్వక దృక్పథంతో వ్యవహరించాలని సూచించారు. బాలల అక్రమ రవాణా నివారణలో GMSKలు, శక్తి టీమ్స్ ద్వారా బస్టాండ్లు, రైల్వే స్టేషన్లలో చేపడుతున్న నిఘా చర్యలను వివరించారు.

పోక్సో కోర్టు స్పెషల్ పబ్లిక్ ప్రాసిక్యూటర్ శ్రీ ఎం. నరసింహారావు గారు బాలలకు అనుకూలమైన వాతావరణంలో దర్యాప్తు నిర్వహణ, సాక్షాధారాలు సేకరణ, కోర్టు విచారణలో తీసుకోవాల్సిన చట్టపరమైన జాగ్రత్తలను వివరించారు.

సైబర్ క్రైమ్ విభాగం రవీంద్రనాథ్ ఠాగూర్ గారు సోషల్ మీడియా, ఇంటర్నెట్ ద్వారా చిన్నారులపై జరుగుతున్న ఆన్‌లైన్ లైంగిక వేధింపులు, సైబర్ బెదిరింపులు, డిజిటల్ భద్రతకు సంబంధించిన అంశాలపై అవగాహన కల్పించారు.

బాలల భద్రత, అక్రమ రవాణా నివారణ, పోక్సో కేసుల దర్యాప్తులో సంబంధిత అన్ని శాఖలు సమన్వయంతో పనిచేస్తూ, బాధిత చిన్నారులకు సత్వర న్యాయం మరియు అవసరమైన రక్షణ కల్పించేలా చర్యలు తీసుకోవాలని ఈ శిక్షణా సదస్సులో సూచించారు.

ఈ కార్యక్రమంలో జిల్లాలోని పోలీస్ అధికారులు, మహిళా సిబ్బంది, సంబంధిత శాఖల ప్రతినిధులు , విద్యార్థులు ఈ శిక్షణా సదస్సులో పాల్గొన్నారు.

Andhra Pradesh Police

07/10/2026

బైకులు, సెల్‌ఫోన్ల చోరీ కేసుల్లో ముగ్గురు బాలుర ప్రమేయం గుర్తింపు.

జువైనల్ హోమ్‌కు తరలించాలని బాలల న్యాయమండలి ఉత్తర్వులు.

ఉయ్యూరు: కృష్ణా జిల్లా ఎస్పీ శ్రీ వి. విద్యాసాగర్ నాయుడు ఐపీఎస్ గారి ఆదేశాల మేరకు, గన్నవరం డీఎస్పీ శ్రీ కే. జయకృష్ణ గారి పర్యవేక్షణలో ఉయ్యూరు టౌన్ పోలీసులు బైకులు, సెల్‌ఫోన్ల చోరీ కేసుల్లో ముగ్గురు బాలుర ప్రమేయాన్ని గుర్తించారు. వారిని అదుపులోకి తీసుకుని, చోరీ సొత్తును స్వాధీనం చేసుకున్నారు. బాలల న్యాయమండలి ఎదుట హాజరుపరచగా, వారిని జువైనల్ హోమ్‌కు తరలించాలని ఉత్తర్వులు జారీ చేసింది.

ఈ సందర్భంగా సీఐ టి.వి.వి. రామారావు మాట్లాడుతూ, తల్లిదండ్రులు తమ పిల్లల స్నేహాలు, అలవాట్లు, ప్రవర్తనలో మార్పులను గమనించాలని కోరారు. చెడు సావాసాలు, వ్యసనాల వల్ల పిల్లలు నేరాల బాట పట్టే ప్రమాదం ఉందన్నారు. “పిల్లల్ని ప్రేమించడం అంటే వారి తప్పులను సమర్థించడం కాదు. వారితో మాట్లాడి, సమస్యలను తెలుసుకుని, ప్రేమతో సర

Krishna District Police

10/10/2026

09/10/2026

09/10/2026

09/10/2026

08/10/2026

08/10/2026

08/10/2026

07/10/2026

07/10/2026

Address

Website

Alerts

Contact The Organization

Shortcuts

Share

Category

Listing takedown request