District Administration Majuli

07/10/2026

ৰাজ্যজুৰি চলি থকা অভিলাষী ‘সেৱা সংকল্প অভিযান’ৰ অংশস্বৰূপে আজি উত্তৰ কমলাবাৰী সত্ৰৰ প্ৰেক্ষাগৃহত এক বিশেষ অনুষ্ঠান অনুষ্ঠিত হয়। এই অনুষ্ঠানত মাজুলী জিলাৰ বিভিন্ন বিদ্যালয়ত সেৱা আগবঢ়োৱা মুঠ ১,১১৯ গৰাকী ৰান্ধনী তথা সহায়িকা (Cook-cum-Helpers)-ক মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াৰ স্বাক্ষৰিত প্ৰশস্তি পত্ৰ আৰু আৰ্থিক সাহায্যৰ চেক আনুষ্ঠানিকভাৱে প্ৰদান কৰা হয়।

​উক্ত অনুষ্ঠানত মাজুলী বিধানসভা সমষ্টিৰ মাননীয় বিধায়ক শ্ৰী ভুবন গাম ডাঙৰীয়া, মাজুলীৰ মাননীয় জিলা আয়ুক্ত শ্ৰী ৰাতুল চন্দ্ৰ পাঠক, ACS মহোদয়, অতিৰিক্ত জিলা আয়ুক্ত শুভ্ৰম আদিত্য বৰা, অতিৰিক্ত জিলা আয়ুক্ত অপৰূপা বৰগোহাঁই আৰু বিদ্যালয়সমূহৰ পৰিদৰ্শক শ্ৰীমতী লিপিকা বুঢ়াগোহাঁই উপস্থিত থাকি হিতাধিকাৰীসকলক এই সন্মান আৰু সাহায্য বিতৰণ কৰে।

​বিদ্যালয়সমূহত শিক্ষাৰ্থীসকলৰ পুষ্টি নিশ্চিত কৰাৰ ক্ষেত্ৰত অহোপুৰুষাৰ্থ কৰি অহা ৰান্ধনী আৰু সহায়িকাসকলৰ নিষ্ঠাপূৰ্ণ সেৱাক চৰকাৰৰ এই পদক্ষেপে বিশেষভাৱে উৎসাহিত কৰিব।

CMO Assam
Sushanta Borgohain
Bhuban Gam
Directorate of Information and Public Relations, Assam

07/10/2026

07/10/2026

CMO Assam
Bimal Borah
Sushanta Borgohain
Directorate of Cultural Affairs, Rabindra Bhawan, Assam
Directorate of Information and Public Relations, Assam

06/10/2026

অসম চৰকাৰৰ স্বাস্থ্য আৰু পৰিয়াল কল্যাণ বিভাগৰ উদ্যোগত তথা মাজুলী জিলা প্ৰশাসনৰ সহযোগত ৰাজ্যজুৰি চলি থকা ‘সেৱা সংকল্প অভিযান’ৰ অংশস্বৰূপে আজি, ৬ অক্টোবৰ ২০২৬ তাৰিখে শ্ৰীমন্ত শংকৰদেৱ উচ্চতৰ মাধ্যমিক বিদ্যালয়, পটীয়া, চুমৈমাৰী প্ৰাংগণত এক বৃহৎ ‘স্বাস্থ্য আৰু কল্যাণ শিবিৰ’ সফলতাৰে অনুষ্ঠিত হয়। ‘সুস্থ জনগণ, সুস্থ অসম’ৰ বাৰ্তাৰে তৃণমূল পৰ্যায়ৰ ৰাইজক উন্নত চিকিৎসা সেৱা প্ৰদান কৰাৰ উদ্দেশ্যে আয়োজিত এই শিবিৰটি আনুষ্ঠানিকভাৱে উদ্বোধন কৰে মাজুলী বিধানসভা সমষ্টিৰ মাননীয় বিধায়ক শ্ৰী ভুবন গাম ডাঙৰীয়াই।

​শিবিৰস্থলীত মাজুলীৰ মাননীয় জিলা আয়ুক্ত শ্ৰী ৰাতুল চন্দ্ৰ পাঠক, ACS মহোদয়ে উপস্থিত থাকি যাৱতীয় কাম-কাজ তদাৰক কৰে।
তেখেতৰ সৈতে অতিৰিক্ত জিলা আয়ুক্ত (স্বাস্থ্য) অপৰূপা বৰগোহাঁই মহোদয়া, সহকাৰী আয়ুক্ত দীপ্তিমণি টায়ে মহোদয়া, স্বাস্থ্য সেৱাৰ যুটীয়া সঞ্চালক ডাঃ কিশোৰ কুমাৰ কামান আৰু স্বাস্থ্য বিভাগ তথা জিলা প্ৰশাসনৰ বিষয়াবৃন্দ উপস্থিত থাকি শিবিৰটি সফল কৰি তোলাত সম্পূৰ্ণ সহযোগিতা আগবঢ়ায়।

​আজিৰ এই বিশেষ শিবিৰত মেডিচিন, নাক-কাণ-ডিঙি (ENT), স্ত্ৰী আৰু প্ৰসূতি ৰোগ (O&G), চকু চিকিৎসা (Ophthalmology), মেডিচিন, অস্থি চিকিৎসা (Orthopaedics), শিশু চিকিৎসা (Paediatrics), ছালৰোগ (Dermatology) আৰু মনোৰোগ (Psychiatry) বিভাগৰ মুঠ ৮ গৰাকী অভিজ্ঞ বিশেষজ্ঞ চিকিৎসকৰ লগতে আয়ুষ চিকিৎসকে উপস্থিত থাকি ৰোগীসকলক সুক্ষ্ম স্বাস্থ্য পৰীক্ষা তথা পৰামৰ্শ আগবঢ়ায়।

​নাগৰিকসকলৰ সুবিধাৰ্থে শিবিৰস্থলীতে ইচিজি (ECG), এক্স-ৰে’ (X-ray), তেজৰ পৰীক্ষাগাৰ সেৱা, বিনামূলীয়া ঔষধ বিতৰণ, বিশেষভাৱে সক্ষম ব্যক্তিসকলৰ বাবে ইউডি-আইডি (UD-ID), জন্ম আৰু মৃত্যু পঞ্জীয়ন, আয়ুষ্মান ভাৰত (PM-JAY), যোগ আৰু এইচ আই ভি (HIV) পৰীক্ষা আদি সকলো স্বাস্থ্য আৰু সহায়ক সেৱা একেখন চালিৰ তলতে বিনামূলীয়াকৈ প্ৰদান কৰা হয়।

জিলাখনৰ বিভিন্ন প্ৰান্তৰ পৰা অহা প্ৰায় ৫৫০ গৰাকী লোকে শিবিৰত পঞ্জীয়ন কৰি এই উন্নত চিকিৎসা সেৱাৰ সুবিধা গ্ৰহণ কৰে।

CMO Assam
Sushanta Borgohain
Bhuban Gam
Directorate of Information and Public Relations, Assam

06/10/2026

CMO Assam
Bimal Borah
Sushanta Borgohain
Bhuban Gam
Directorate of Cultural Affairs, Rabindra Bhawan, Assam
Directorate of Information and Public Relations, Assam

05/10/2026

ভাৰত ৰত্ন সন্মানেৰে বিভূষিত সুধাকণ্ঠ ড° ভূপেন হাজৰিকাদেৱৰ পৱিত্ৰ জন্ম-শতবার্ষিকী (২০২৫–২০২৬)ৰ সৈতে সংগতি ৰাখি অসম চৰকাৰৰ সাংস্কৃতিক পৰিক্ৰমা বিভাগৰ উদ্যোগত এক আকৰ্ষণীয় ‘ইনষ্টাৰীল প্ৰতিযোগিতা’ৰ আয়োজন কৰা হৈছে। নিজৰ সৃষ্টিশীলতাৰে সুধাকণ্ঠৰ অমৰ সৃষ্টিৰাজি আৰু কৰ্মৰাজিক তুলি ধৰি আকৰ্ষণীয় নগদ পুৰস্কাৰ লাভ কৰাৰ এইয়া এক সুবৰ্ণ সুযোগ।

​প্ৰতিযোগিতাৰ মূল বিষয়বস্তু: ‘সুধাকণ্ঠ ড° ভূপেন হাজৰিকাদেৱৰ অমৰ সৃষ্টি, কৰ্মৰাজী আৰু অৱদান’।

​প্ৰতিযোগিতাৰ প্ৰধান চৰ্তাৱলী আৰু পুৰস্কাৰ:
​বয়সৰ সীমা: ১৬-ৰ পৰা ৪৫ বছৰ বয়সৰ যিকোনো ব্যক্তিৰ বাবে উন্মুক্ত।

​পঞ্জীয়ন মাচুল: অংশগ্ৰহণৰ বাবে কোনো মাচুল দিব নালাগে (সম্পূৰ্ণ বিনামূলীয়া)।

​ৰীলৰ নিৰ্দেশনা: সৰ্বাধিক সময়সীমা ৩০ ছেকেণ্ড। বিশ্বৰ যিকোনো ভাষাতে ৰীল প্ৰস্তুত কৰিব পাৰিব, কিন্তু ইংৰাজী ছাবটাইটেল (Subtitles) থকাটো বাধ্যতামূলক। ৰীলটো নিজৰ ব্যক্তিগত ইনষ্টাগ্ৰাম একাউণ্টত আপলোড কৰিব লাগিব।

​আকৰ্ষণীয় পুৰস্কাৰসমূহ:
​প্ৰথম পুৰস্কাৰ (শ্ৰেষ্ঠ ৰীল): ₹২,০০,০০০
​দ্বিতীয় পুৰস্কাৰ: ₹১,৫০,০০০
​তৃতীয় পুৰস্কাৰ: ₹১,০০,০০০
​নিচুকণি পুৰস্কাৰ (১৫ গৰাকীক): প্ৰতিজনকে ₹২৫,০০০-কৈ

​অংশগ্ৰহণৰ প্ৰক্ৰিয়া:
প্ৰতিযোগীসকলে প্ৰথমে নিজৰ ৰীলটো ব্যক্তিগত Google Drive-ত আপলোড কৰি লিংকটো ‘View’ অনুমতিসহ সক্ৰিয় কৰিব লাগিব। তাৰ পিছত নিৰ্ধাৰিত Google Form লিংক: https://forms.gle/2fpZf63U9kdEo8c58 -ৰ জৰিয়তে আবেদন দাখিল কৰিব লাগিব।

​অংশগ্ৰহণৰ অন্তিম তাৰিখ হৈছে ১৫ অক্টোবৰ ২০২৬ (নিশা ১১:৫৯ বজালৈকে)। এই সন্দৰ্ভত বিতং নিয়মাৱলী জানিবলৈ
https://directorculture.assam.gov.in/ বা
https://dbhrgfti.assam.gov.in/latest
পৰিদৰ্শন কৰিব পাৰে, অথবা [email protected] আৰু ফোন নম্বৰ +91 94011 83996 / +91 99573 60672-ত যোগাযোগ কৰিব পাৰিব। পলম নকৰি আজিই প্ৰস্তুত হওক আৰু নিজৰ প্ৰতিভা তুলি ধৰক!

CMO Assam
Sushanta Borgohain
Bimal Borah
Bhuban Gam
Directorate of Cultural Affairs, Rabindra Bhawan, Assam
Directorate of Information and Public Relations, Assam

05/10/2026

Sushanta Borgohain
Bhuban Gam
Majuli Police
Directorate of Information and Public Relations, Assam

05/10/2026

ৰাজ্যজুৰি অনুষ্ঠিত হোৱা অভিলাষী ‘সেৱা সংকল্প অভিযান’ৰ অংশস্বৰূপে, ৪ অক্টোবৰ ২০২৬ তাৰিখে উজনি মাজুলী উন্নয়ন খণ্ডৰ অন্তৰ্গত ফুলনি গাঁও পঞ্চায়ত প্ৰাংগণত এক বৃহৎ সেৱা শিবিৰ সফলতাৰে সম্পন্ন হয়। চৰকাৰী বিভিন্ন জনকল্যাণমূলক আঁচনিৰ সুবিধা আৰু সেৱাসমূহ একেখন চালিৰ তলতে ক্ষিপ্ৰ, স্বচ্ছ আৰু নিকাভাৱে ৰাইজৰ দুৱাৰদলিলৈ লৈ যোৱাৰ লক্ষ্যৰে এই শিবিৰ আয়োজন কৰা হয়। প্ৰতিকূল বতৰক নেওচি উজনি মাজুলী উন্নয়ন খণ্ডৰ বিভিন্ন প্ৰান্তৰ কৃষক, মহিলা, বৃদ্ধ, বিশেষভাৱে সক্ষম ব্যক্তি আৰু ছাত্ৰ-ছাত্ৰীসকলে স্বতঃস্ফূৰ্তভাৱে শিবিৰস্থলীত উপস্থিত হয়।

​ এই জনমুখী শিবিৰত মাজুলী বিধানসভা সমষ্টিৰ মাননীয় বিধায়ক শ্ৰী ভূৱন গাম ডাঙৰীয়া, মাজুলীৰ মাননীয় জিলা আয়ুক্ত শ্ৰী ৰাতুল চন্দ্ৰ পাঠক, ACS মহোদয় আৰু মাজুলী জিলা পৰিষদৰ মাননীয় সভানেত্ৰী শ্ৰীমতী নৱনীতা দাস ডাঙৰীয়ানী, জিলা পৰিষদৰ মুখ্য কাৰ্যবাহী বিষয়া শ্ৰী সঞ্জীৱ বৰা মহোদয়, উপস্থিত থাকি যাৱতীয় কাম-কাজ পৰিদৰ্শন কৰে।

​শিবিৰস্থলীত নাগৰিকসকলৰ বাবে পঞ্জীয়ন ডেস্কৰ ব্যৱস্থা কৰাৰ লগতে ৰাজহ আৰু দুর্যোগ ব্যৱস্থাপনা, পঞ্চায়ত আৰু গ্ৰামোন্নয়ন, কৃষি, স্বাস্থ্য, খাদ্য আৰু ৰাজহুৱা বিতৰণ, এ পি ডি চি এল (PM Surya Ghar), উচ্চ শিক্ষা (Nijut Moina), বিত্ত (Orunodoi) আৰু সেৱা সেতু আদি বিভাগৰ সেৱাসমূহ সুচাৰুৰূপে আগবঢ়াবলৈ কাউণ্টাৰ স্থাপন কৰা হয়। শিবিৰত সহস্রাধিক ৰাইজে নতুন আৱেদন দাখিল, অভিযোেগ নিষ্পত্তি আৰু তথ্য লাভৰ সুযোগ গ্ৰহণ কৰে।

উল্লেখ্য যে, ৩ অক্টোবৰ তাৰিখেও এই অভিযানৰ অংশস্বৰূপে মাজুলী উন্নয়ন খণ্ডৰ অধীনস্থ কমলাবাৰীস্থিত মাজুলী সাংস্কৃতিক কেন্দ্ৰ প্ৰেক্ষাগৃহত এনে এক বিশাল সেৱা শিবিৰ সফলতাৰে সম্পন্ন হৈছিল।

CMO Assam
Sushanta Borgohain
Bhuban Gam
Directorate of Information and Public Relations, Assam