06/10/2026
മഞ്ചേരിയിൽ ഇടിമിന്നലിൽ വീട് തകർന്നു; ഗൃഹോപകരണങ്ങൾ കത്തിനശിച്ചു, 2 ലക്ഷം രൂപയുടെ നഷ്ടം.!!
അർധരാത്രിയിലുണ്ടായ കനത്ത ഇടിമിന്നലിൽ വീടിന് വലിയ തോതിൽ നാശനഷ്ടം. മഞ്ചേരി പയ്യനാട് അമയംകോട് സ്വദേശി മാഞ്ചേരി അബ്ദുല്ലയുടെ വീടാണ് മിന്നലേറ്റ് ഭാഗികമായി തകർന്നത്.ഞായറാഴ്ച രാത്രി 2.30 ഓടെ പ്രദേശത്ത് പെയ്ത ശക്തമായ കാറ്റിലും മഴയിലുമാണ് നാടിനെ നടുക്കിയ അപകടം സംഭവിച്ചത്.
വൻ ശബ്ദത്തോടെ പതിച്ച മിന്നലിന്റെ ആഘാതത്തിൽ വീടിന്റെ വൈദ്യുതി ബന്ധം പൂർണമായി തകരാറിലാവുകയും വയറിങ് മുഴുവനായി കത്തിനശിക്കുകയും ചെയ്തു. വിതരണ ബോർഡ്, മെയിൻ സ്വിച്ച്, സ്വിച്ച് ബോർഡുകൾ, ലൈറ്റുകൾ എന്നിവ പൂർണമായും കരിഞ്ഞുണങ്ങിയ നിലയിലാണ്. മിന്നലിന്റെ തീവ്രതയിൽ മുകളിലത്തെ നിലയിലെ ഓടുകൾ തകരുകയും ചുമരുകൾക്കും സീലിങ്ങുകൾക്കും വിള്ളലുകൾ വീഴുകയും ചെയ്തു.
വീട്ടിലുണ്ടായിരുന്ന ഫ്രിഡ്ജ്, എ.സി, വാഷിങ് മെഷീൻ, ഇൻവെർട്ടർ, മോട്ടോർ തുടങ്ങിയ പ്രധാന ഗൃഹോപകരണങ്ങളും മറ്റ് ഇലക്ട്രോണിക് സാധനങ്ങളും പൂർണമായി നശിച്ചിട്ടുണ്ട്. ഏകദേശം രണ്ടു ലക്ഷം രൂപയുടെ നഷ്ടം സംഭവിച്ചതായാണ് പ്രാഥമിക കണക്കുകൂട്ടൽ. അപകടസമയത്ത് പ്രദേശത്ത് വൈദ്യുതി ബന്ധവും തടസ്സപ്പെട്ടിരുന്നു. വീട്ടുകാർ അത്ഭുതകരമായാണ് പരിക്കേൽക്കാതെ രക്ഷപ്പെട്ടത്...
____________________________________________
© Credit Owned By Respective Content Creators
(Please Contact For Credit Issues)
● Since 2016
● Manjerikaar Official updated insta profile of Manjeri
● The No 1 And Largest Instagram Page In Manjeri
● [email protected] 📩
____________________________________________
