04/10/2026
ਅੱਜ ਤੋਂ ਦੋ ਕੁ ਦਹਾਕੇ ਪਹਿਲਾਂ ਦੀਆਂ ਗੱਲਾਂ ਨੇ ਜਦੋਂ ਮੋਟਰ ਗੱਡੀਆਂ ਘੱਟ ਹੀ ਹੁੰਦੀਆਂ ਸੀ ਤੇ ਜਿਆਦਾਤਰ ਸਾਂਤਮਈ ਮਹੌਲ ਹੁੰਦਾ ਸੀ ।ਤਰੱਕੀ ਬਹੁਤ ਤੇਜ਼ੀ ਨਾਲ ਹੋਈ ਤੇ ਬਹੁਤ ਕੁਝ ਹੋਰ ਵੀ ਲੈਕੇ ਆਈ ਹਵਾ ਪ੍ਰਦੂਸ਼ਣ,ਪਾਣੀ ਪ੍ਰਦੂਸ਼ਣ,ਮਿੱਟੀ ਪ੍ਰਦੂਸ਼ਣ ,ਅਵਾਜ਼ ਪ੍ਰਦੂਸ਼ਣ ਤੇ ਕਾਫੀ ਹੋਰ ਪ੍ਰਦੂਸ਼ਣ ।ਹਰੀ ਕ੍ਰਾਂਤੀ ਉਸ ਸਮੇਂ ਤੱਕ ਜਵਾਨ ਹੋ ਚੁੱਕੀ ਸੀ ਕਿਉਂਕਿ ਬਚਪਨ ਵਿੱਚ ਮੈਂ ਪੰਜ ਪੰਜ ਲੀਟਰ ਆਲੇ ਲੋਹੇ ਦੇ ਗੇਲਨ ਖਤਰੇ ⚠️ਲਾਲ ਨਿਸ਼ਾਨ ਲੱਗੇ ਆਲੇ ਖੁਦ ਦੇਖੇ ਨੇ।ਖੇਤੀ ਵਿੱਚ ਵਰਤੀਆਂ ਜਾਣ ਵਾਲੀਆਂ ਜ਼ਹਿਰੀਲੀਆਂ ਦਵਾਈਆਂ ਸਬੰਧੀ ਕੋਈ ਵੀ ਜਾਗਰੂਕਤਾ ਉਸ ਸਮੇਂ ਨਹੀਂ ਫੈਲਾਈ ਗਈ ਤੇ ਨਾ ਹੀ ਅਸੀਂ ਲੋਕਾਂ ਨੇ ਜਰੂਰੀ ਸਮਝਿਆ ਜੋ ਚੀਜ਼ਾਂ ਅਸੀਂ ਆਪਣੀ ਹਵਾ,ਪਾਣੀ ਤੇ ਮਿੱਟੀ ਵਿੱਚ ਮਿਲਾ ਰਹੇਂ ਉਹਨਾਂ ਦੇ ਕੀ ਮਾੜੇ ਪ੍ਰਭਾਵ ਨੇ ਤੇ ਕੋਈ ਜਿਆਦਾ ਧਿਆਨ ਹੁਣ ਵੀ ਨਹੀਂ ਦੇ ਰਹੇ ।ਸਾਡੀ ਹਮੇਸ਼ਾ ਕੋਸ਼ਿਸ਼ ਰਹਿੰਦੀ ਹੈ ਕਿ ਅਸੀਂ ਸਾਰੇ ਰਲ ਮਿਲਕੇ ਘੱਟੋ ਘੱਟ ਆਪਣੀ ਰਸੋਈ ਲਈ ਉਹ ਸਾਰੀਆਂ ਚੀਜ਼ਾਂ ਉਗਾ ਸਕੀਏ ਜੋ ਅਸੀਂ ਰੋਜ਼ ਭੋਜਨ ਦੇ ਰੂਪ ਵਿੱਚ ਖਾਣੇ ਆ।ਅਸੀਂ ਹਰ ਸਮੇਂ ਤੁਹਾਡੇ ਲਈ ਹਾਜ਼ਰ ਹਾਂ,ਹਰ ਸੰਭਵ ਕੋਸ਼ਿਸ਼ ਕਰ ਰਹੇ ਹਾਂ ਮਦਦ ਲਈ।ਬਾਕੀ ਤੁਹਾਡੇ ਸਾਰਿਆਂ ਦੇ ਸਾਥ ਨਾਲ ਇਸ ਟੀਚੇ ਤੱਕ ਜਰੂਰ ਪਹੁੰਚ ਕੇ ਰਹਾਂਗੇ ਕਿ ਅਸੀਂ ਆਪਣੇ ਪਰਿਵਾਰ ਲਈ ਸ਼ੁੱਧ ਭੋਜਨ ਤਿਆਰ ਕਰ ਸਕੀਏ ।ਧੰਨਵਾਦ ਜੀ ।
