Sada Nihal Singh Wala

🚨 ਗੁਰੂ ਹਰਸਹਾਏ ਨਗਰ ਕੌਂਸਲ ਚੋਣਾਂ ਦੇ ਨਤੀਜੇ ਆ ਗਏ ਹਨ।

ਕਾਂਗਰਸ ਨੇ 15 ਵਿੱਚੋਂ 13 ਵਾਰਡਾਂ ’ਚ ਜਿੱਤ ਦਰਜ ਕਰਕੇ ਨਗਰ ਕੌਂਸਲ ’ਤੇ ਆਪਣਾ ਦਬਦਬਾ ਕਾਇਮ ਕੀਤਾ।

🔹 ਕਾਂਗਰਸ – 13 ਸੀਟਾਂ
🔹 ਸ਼੍ਰੋਮਣੀ ਅਕਾਲੀ ਦਲ – 2 ਸੀਟਾਂ
🔹 ਆਮ ਆਦਮੀ ਪਾਰਟੀ – ਕੋਈ ਵੀ ਸੀਟ ਨਹੀਂ

ਇਨ੍ਹਾਂ ਨਤੀਜਿਆਂ ਨੂੰ ਕਈ ਸਿਆਸੀ ਵਿਸ਼ਲੇਸ਼ਕ ਪੰਜਾਬ ਦੀ ਸਿਆਸਤ ਲਈ ਇੱਕ ਮਹੱਤਵਪੂਰਨ ਸੰਕੇਤ ਵਜੋਂ ਦੇਖ ਰਹੇ ਹਨ, ਖ਼ਾਸ ਕਰਕੇ 2027 ਦੀਆਂ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ।

ਤੁਹਾਡੇ ਮੁਤਾਬਕ, ਕੀ ਇਹ ਨਤੀਜੇ ਪੰਜਾਬ ਦੀ ਬਦਲਦੀ ਸਿਆਸੀ ਹਵਾ ਦਾ ਇਸ਼ਾਰਾ ਹਨ?
ਆਪਣੀ ਰਾਏ ਕਮੈਂਟ ਕਰਕੇ ਜ਼ਰੂਰ ਦੱਸੋ।

🎯 ਸਵਾਲ ਤਾਂ ਬਣਦੇ ਨੇ…

ਚੋਣਾਂ ਵੇਲੇ ਕਿਹਾ ਗਿਆ ਸੀ…

“ਗਰੰਟੀਆਂ ਪੂਰੀਆਂ ਕਰਾਂਗੇ।”

ਹੁਣ ਸਾਢੇ ਚਾਰ ਸਾਲ ਬਾਅਦ ਸਰਕਾਰ ਕਹਿੰਦੀ ਹੈ—

“ਸਾਰੀਆਂ ਗਰੰਟੀਆਂ ਪੂਰੀਆਂ ਕਰਕੇ ਤੁਹਾਡੇ ਵਿੱਚ ਖੜੇ ਹਾਂ।”

ਫਿਰ ਲੋਕ ਪੁੱਛ ਰਹੇ ਹਨ…

🔹 ਸ਼ਕਤੀਸ਼ਾਲੀ ਲੋਕਪਾਲ ਕਿੱਥੇ ਹੈ?
ਵਾਅਦਾ ਤਾਂ ਮਜ਼ਬੂਤ ਲੋਕਪਾਲ ਦਾ ਸੀ।

🔹 ਚੋਣ ਫੰਡਾਂ ਦੀ ਪਾਰਦਰਸ਼ਤਾ ਕਿੱਥੇ ਹੈ?
ਜਨਤਾ ਨੂੰ ਹਿਸਾਬ ਕਦੋਂ ਮਿਲੇਗਾ?

🔹 ਲਾਲ ਬੱਤੀਆਂ, ਸਕਿਊਰਿਟੀ ਅਤੇ ਸਹੂਲਤਾਂ ਦਾ ਕੀ ਬਣਿਆ?
ਜਾਂ ਇਹ ਵਾਅਦਾ ਵੀ ਭਾਸ਼ਣਾਂ ਤੱਕ ਹੀ ਸੀਮਤ ਰਿਹਾ?

🔹 ਕਰਜ਼ਾ ਘਟਣਾ ਸੀ ਜਾਂ ਵਧਣਾ?
ਅੱਜ ਪੰਜਾਬ ਦਾ ਕਰਜ਼ਾ ਕਿੱਥੇ ਪਹੁੰਚ ਗਿਆ?

🔹 ਮਹਿੰਗੀ ਬਿਜਲੀ ਵਾਲੇ ਸਮਝੌਤਿਆਂ ਦਾ ਕੀ ਹੋਇਆ?
ਰੱਦ ਹੋਏ ਜਾਂ ਜਾਰੀ ਹਨ?

🔹 ਰੇਤ ਅਤੇ ਸਰਕਾਰੀ ਟੈਂਡਰਾਂ ਰਾਹੀਂ ਵਧੀ ਆਮਦਨ ਕਿੱਥੇ ਹੈ?

🔹 ਪੁਰਾਣੀ ਪੈਨਸ਼ਨ ਸਕੀਮ…
ਐਲਾਨ ਹੋਇਆ, ਨੋਟੀਫਿਕੇਸ਼ਨ ਵੀ ਆਇਆ… ਪਰ ਕੀ ਮੁਲਾਜ਼ਮਾਂ ਨੂੰ ਪੂਰਾ ਲਾਭ ਮਿਲਿਆ?

🔹 ਸਿਹਤ ਤੇ ਸਿੱਖਿਆ ਕ੍ਰਾਂਤੀ…
ਵਾਅਦੇ ਵੱਡੇ ਸਨ। ਲੋਕ ਪੁੱਛ ਰਹੇ ਹਨ—ਜ਼ਮੀਨੀ ਹਕੀਕਤ ਕੀ ਹੈ?

🔹 ਕੱਚੇ ਮੁਲਾਜ਼ਮਾਂ ਨੂੰ ਪੱਕਾ ਕਰਨ ਦਾ ਵਾਅਦਾ…
ਕੀ ਹਰ ਵਾਅਦਾ ਪੂਰਾ ਹੋਇਆ?

⸻

ਜਨਤਾ ਨੂੰ ਜਵਾਬ ਚਾਹੀਦੇ ਨੇ, ਨਾਅਰੇ ਨਹੀਂ।

ਤੁਹਾਡੇ ਮੁਤਾਬਕ ਸਭ ਤੋਂ ਵੱਡਾ ਅਧੂਰਾ ਵਾਅਦਾ ਕਿਹੜਾ ਹੈ?

ਕਮੈਂਟ ਕਰਕੇ ਆਪਣੀ ਰਾਏ ਦਿਓ।

🚨 ਵੱਡੀ ਖ਼ਬਰ | ਪੰਜਾਬ ਕਾਂਗਰਸ ਨੇ 2027 ਵਿਧਾਨ ਸਭਾ ਚੋਣਾਂ ਲਈ ਸੰਗਠਨਾਤਮਕ ਢਾਂਚੇ ਦਾ ਐਲਾਨ ਕਰ ਦਿੱਤਾ ਹੈ।

ਮੁੱਖ ਫ਼ੈਸਲੇ:

✅ ਚਰਨਜੀਤ ਸਿੰਘ ਚੰਨੀ – ਕੈਂਪੇਨ ਕਮੇਟੀ ਦੇ ਚੇਅਰਪਰਸਨ

✅ ਅਮਰਿੰਦਰ ਸਿੰਘ ਰਾਜਾ ਵੜਿੰਗ – ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਵਜੋਂ ਜਾਰੀ

✅ ਪ੍ਰਤਾਪ ਸਿੰਘ ਬਾਜਵਾ – ਕਾਂਗਰਸ ਵਿਧਾਇਕ ਦਲ ਦੇ ਆਗੂ ਵਜੋਂ ਜਾਰੀ

✅ ਵਿਜੈ ਇੰਦਰ ਸਿੰਗਲਾ – ਇਲੈਕਸ਼ਨ ਮੈਨੇਜਮੈਂਟ ਅਤੇ ਕੋਆਰਡੀਨੇਸ਼ਨ ਕਮੇਟੀ ਦੇ ਚੇਅਰਪਰਸਨ

✅ ਸੁਖਜਿੰਦਰ ਸਿੰਘ ਰੰਧਾਵਾ – ਕੋਰ ਕਮੇਟੀ ਦੇ ਚੇਅਰਪਰਸਨ

ਹੁਣ ਸਭ ਦੀ ਨਜ਼ਰ 2027 ਦੀਆਂ ਵਿਧਾਨ ਸਭਾ ਚੋਣਾਂ ਲਈ ਕਾਂਗਰਸ ਦੀ ਰਣਨੀਤੀ ਅਤੇ ਮੈਦਾਨੀ ਤਿਆਰੀਆਂ ’ਤੇ ਰਹੇਗੀ।

🎭 ਜਨ ਸੰਵਾਦ ਜਾਂ ਪਹਿਲਾਂ ਤੋਂ ਲਿਖੀ ਪਟਕਥਾ?

ਪਿੰਡ ਵਿੱਚ ਮੁੱਖ ਮੰਤਰੀ ਦੇ ਦੌਰੇ ਦੀ ਖ਼ਬਰ ਆਉਣ ਤੋਂ ਪਹਿਲਾਂ ਹੀ ਅਸਲ ਰੌਣਕ ਸ਼ੁਰੂ ਹੋ ਜਾਂਦੀ ਹੈ। ਪ੍ਰਸ਼ਾਸਨਿਕ ਅਧਿਕਾਰੀ, ਪੁਲਿਸ ਅਤੇ ਪ੍ਰਬੰਧਾਂ ਵਿੱਚ ਲੱਗੀਆਂ ਟੀਮਾਂ ਪਹਿਲਾਂ ਹੀ ਮੋਰਚਾ ਸੰਭਾਲ ਲੈਂਦੀਆਂ ਹਨ।

ਮਾਹੌਲ ਕਈ ਵਾਰ ਅਜਿਹਾ ਬਣ ਜਾਂਦਾ ਹੈ ਜਿਵੇਂ ਕਿਸੇ ਫ਼ਿਲਮ ਦੀ ਸ਼ੂਟਿੰਗ ਹੋਣੀ ਹੋਵੇ—ਪਹਿਲਾਂ ਸੈੱਟ ਤਿਆਰ ਹੁੰਦਾ ਹੈ, ਫਿਰ ਹਰ ਕਿਰਦਾਰ ਆਪਣੀ ਥਾਂ ’ਤੇ ਨਜ਼ਰ ਆਉਂਦਾ ਹੈ।

ਵਿਰੋਧੀ ਧਿਰ ਅਤੇ ਆਲੋਚਕ ਅਕਸਰ ਦੋਸ਼ ਲਗਾਉਂਦੇ ਹਨ ਕਿ ਦਰਸ਼ਕਾਂ ਦੀ ਚੋਣ ਤੋਂ ਲੈ ਕੇ ਸਵਾਲ ਪੁੱਛਣ ਵਾਲਿਆਂ ਤੱਕ ਹਰ ਚੀਜ਼ ਪਹਿਲਾਂ ਤੋਂ ਤੈਅ ਹੁੰਦੀ ਹੈ। ਉਨ੍ਹਾਂ ਦਾ ਇਹ ਵੀ ਕਹਿਣਾ ਹੈ ਕਿ ਕੁਝ ਲੋਕਾਂ ਨੂੰ ਪਹਿਲਾਂ ਹੀ ਦੱਸ ਦਿੱਤਾ ਜਾਂਦਾ ਹੈ ਕਿ ਕੀ ਪੁੱਛਣਾ ਹੈ, ਤਾਂ ਜੋ ਪ੍ਰੋਗਰਾਮ ਦੌਰਾਨ ਕੋਈ ਅਣਚਾਹੀ ਸਥਿਤੀ ਪੈਦਾ ਨਾ ਹੋਵੇ।

ਕਈ ਵਾਰ ਪ੍ਰੋਗਰਾਮ ਵਿੱਚ “ਆਮ ਪਿੰਡ ਵਾਸੀ” ਵਜੋਂ ਸਵਾਲ ਪੁੱਛਣ ਵਾਲੇ ਵਿਅਕਤੀ ਬਾਰੇ ਬਾਅਦ ਵਿੱਚ ਵੱਖ-ਵੱਖ ਦਾਅਵੇ ਸਾਹਮਣੇ ਆਉਂਦੇ ਹਨ ਕਿ ਉਹ ਕਿਸੇ ਰਾਜਨੀਤਿਕ ਪਾਰਟੀ ਨਾਲ ਜੁੜਿਆ ਹੋਇਆ ਹੈ ਜਾਂ ਕਿਸੇ ਹੋਰ ਭੂਮਿਕਾ ਵਿੱਚ ਸਰਗਰਮ ਹੈ। ਹਾਲਾਂਕਿ, ਅਜਿਹੇ ਦਾਅਵਿਆਂ ਦੀ ਹਰ ਮਾਮਲੇ ਵਿੱਚ ਸੁਤੰਤਰ ਪੁਸ਼ਟੀ ਨਹੀਂ ਹੁੰਦੀ।

ਇਸੇ ਕਰਕੇ ਲੋਕਾਂ ਦੇ ਮਨ ਵਿੱਚ ਸਵਾਲ ਉੱਠਦੇ ਹਨ—ਕੀ ਇਹ ਖੁੱਲ੍ਹਾ ਜਨ ਸੰਵਾਦ ਸੀ ਜਾਂ ਪਹਿਲਾਂ ਤੋਂ ਯੋਜਨਾਬੱਧ ਇੱਕ ਸਿਆਸੀ ਪ੍ਰੋਗਰਾਮ?

ਆਲੋਚਕ ਇਹ ਵੀ ਕਹਿੰਦੇ ਹਨ ਕਿ ਜਿਨ੍ਹਾਂ ਲੋਕਾਂ ਤੋਂ ਅਸਲ ਅਤੇ ਔਖੇ ਸਵਾਲਾਂ ਦੀ ਉਮੀਦ ਹੁੰਦੀ ਹੈ, ਉਹ ਅਕਸਰ ਅਜਿਹੇ ਪ੍ਰੋਗਰਾਮਾਂ ਵਿੱਚ ਨਜ਼ਰ ਨਹੀਂ ਆਉਂਦੇ। ਇਸ ਬਾਰੇ ਵੱਖ-ਵੱਖ ਦਾਅਵੇ ਕੀਤੇ ਜਾਂਦੇ ਹਨ, ਜਦਕਿ ਸਰਕਾਰ ਹਮੇਸ਼ਾ ਅਜਿਹੇ ਦੋਸ਼ਾਂ ਨੂੰ ਰੱਦ ਕਰਦੀ ਰਹੀ ਹੈ।

ਤੇ ਹਾਂ…

ਬਾਕੀ ਸਾਰੀਆਂ ਗੱਲਾਂ ਆਪਣੀ ਜਗ੍ਹਾ, ਪਰ ਬਿਜਲੀ ਦੇ ਕੱਟਾਂ ਨੇ ਤਾਂ ਲੋਕਾਂ ਦਾ ਜੀਣਾ ਮੁਸ਼ਕਲ ਕੀਤਾ ਹੋਇਆ ਹੈ। ਰਾਤ ਨੂੰ ਘੰਟਿਆਂ ਬਿਜਲੀ ਗਾਇਬ ਰਹਿੰਦੀ ਹੈ, ਤੇ ਸ਼ਿਕਾਇਤ ਕਰੋ ਤਾਂ ਜਵਾਬ ਮਿਲਦਾ ਹੈ—

“ਜੀ, ਤੁਹਾਡੀ Complaint ਦਰਜ ਕਰ ਲਈ ਗਈ ਹੈ।”

ਬੱਸ… ਉਸ ਤੋਂ ਅੱਗੇ ਕੀ ਹੁੰਦਾ ਹੈ, ਇਹ ਹਰ ਪੀੜਤ ਖਪਤਕਾਰ ਚੰਗੀ ਤਰ੍ਹਾਂ ਜਾਣਦਾ ਹੈ।

🚧 ਵਿਕਾਸ ਦੀ ਹਕੀਕਤ | Reality Check #1

📍 ਨਿਹਾਲ ਸਿੰਘ ਵਾਲਾ ਵਿਧਾਨ ਸਭਾ ਹਲਕਾ

ਕਾਗਜ਼ਾਂ ਵਿੱਚ ਵਿਕਾਸ ਦੇ ਵੱਡੇ-ਵੱਡੇ ਦਾਅਵੇ ਕੀਤੇ ਜਾਂਦੇ ਹਨ, ਪਰ ਜ਼ਮੀਨੀ ਹਕੀਕਤ ਕੁਝ ਹੋਰ ਹੀ ਬਿਆਨ ਕਰਦੀ ਹੈ।

ਹਲਕੇ ਦੇ ਕਈ ਪਿੰਡਾਂ ਅਤੇ ਮੁੱਖ ਸੜਕਾਂ ਦੀ ਹਾਲਤ ਅੱਜ ਵੀ ਬਹੁਤ ਖਰਾਬ ਹੈ। ਟੁੱਟੀਆਂ ਸੜਕਾਂ, ਡੂੰਘੇ ਖੱਡੇ ਅਤੇ ਖਸਤਾ ਹਾਲ ਰਸਤੇ ਹਰ ਰੋਜ਼ ਹਜ਼ਾਰਾਂ ਲੋਕਾਂ ਨੂੰ ਪਰੇਸ਼ਾਨ ਕਰ ਰਹੇ ਹਨ। ਸਕੂਲ ਜਾਣ ਵਾਲੇ ਬੱਚੇ, ਕਿਸਾਨ, ਵਪਾਰੀ ਅਤੇ ਆਮ ਯਾਤਰੀ ਹਰ ਰੋਜ਼ ਇਸ ਮੁਸ਼ਕਲ ਦਾ ਸਾਹਮਣਾ ਕਰਦੇ ਹਨ।

ਸਵਾਲ ਇਹ ਹੈ ਕਿ ਜੇਕਰ ਵਿਕਾਸ ਹੋਇਆ ਹੈ, ਤਾਂ ਫਿਰ ਸੜਕਾਂ ਦੀ ਇਹ ਹਾਲਤ ਕਿਉਂ ਹੈ?

ਸਾਡਾ ਮਕਸਦ ਸਿਰਫ਼ ਸਵਾਲ ਪੁੱਛਣਾ ਨਹੀਂ, ਸਗੋਂ ਲੋਕਾਂ ਦੀ ਆਵਾਜ਼ ਨੂੰ ਸਾਹਮਣੇ ਲਿਆਉਣਾ ਹੈ।

📸 ਜੇ ਤੁਹਾਡੇ ਪਿੰਡ ਜਾਂ ਇਲਾਕੇ ਦੀ ਸੜਕ ਵੀ ਖਸਤਾ ਹਾਲ ਹੈ, ਤਾਂ ਫੋਟੋ ਜਾਂ ਵੀਡੀਓ ਕਮੈਂਟ ਵਿੱਚ ਸਾਂਝੀ ਕਰੋ ਜਾਂ ਸਾਨੂੰ ਇਨਬਾਕਸ ਕਰੋ।

#ਵਿਕਾਸ_ਦੀ_ਹਕੀਕਤ #ਸਾਡਾ_ਨਿਹਾਲ_ਸਿੰਘ_ਵਾਲਾ

ਫਰਕ ਤਾਂ ਹੈ…👉 ਤਰਲੇ ਮਿੰਨਤਾਂ ਨਾਲ ਕਿਸੇ ਨੂੰ ਕਹਿਣਾ ਕਿ ਤੁਸੀਂ ਬੈਠੋ .. ਬੈਠੋ ਤੁਸੀਂ ਬੈਠੋ.. ਪਰ ਕੋਈ ਨੀ ਬਹਿੰਦਾ…!!

ਪਰ ਫਰਕ ਤਾਂ ਹੈ …👉👉 ਦਬਕੇ ਨਾਲ ਕਹਿਣਾ…ਥੱਲੇ ਬਹੁ ..! ਬਹਿ ਜੋ ਸਾਰੇ….!!

ਨਾਲ ਦੀ ਨਾਲ ਹੀ ਸੁਸਰੀ ਵਾਂਗ ਕੱਠੇ ਹੋ ਕੇ ਬਹਿ ਗਏ..


🪯 ਅਕਾਲ ਤਖਤ ਮਹਾਨ ਹੈ, ਸਿੱਖ ਪੰਥ ਦੀ ਸ਼ਾਨ ਹੈ 🪯

🚨 ਪੰਜਾਬ ਕਾਂਗਰਸ ਦਾ ਨਵਾਂ ਪ੍ਰਧਾਨ ਕੌਣ? ਆਖ਼ਿਰ ਕਿਉਂ ਰੁਕਿਆ ਹਾਈਕਮਾਨ ਦਾ ਫ਼ੈਸਲਾ!

ਪੰਜਾਬ ਵਿਧਾਨ ਸਭਾ ਚੋਣਾਂ ਨੂੰ ਹੁਣ ਕਰੀਬ ਅੱਠ ਮਹੀਨੇ ਦਾ ਸਮਾਂ ਬਾਕੀ ਹੈ। ਸੂਬੇ ਦੀਆਂ ਸਿਆਸੀ ਪਾਰਟੀਆਂ ਚੋਣੀ ਤਿਆਰੀਆਂ ਵਿੱਚ ਪੂਰੀ ਤਰ੍ਹਾਂ ਸਰਗਰਮ ਹੋ ਚੁੱਕੀਆਂ ਹਨ। ਇਸ ਦਰਮਿਆਨ ਪੰਜਾਬ ਕਾਂਗਰਸ ਵਿੱਚ ਸੰਗਠਨਾਤਮਕ ਰੱਦੋਬਦਲ ਨੂੰ ਲੈ ਕੇ ਲਗਾਤਾਰ ਚਰਚਾ ਜਾਰੀ ਹੈ, ਪਰ ਹਾਈਕਮਾਨ ਵੱਲੋਂ ਅਜੇ ਤੱਕ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ। ਇਸ ਦੇਰੀ ਕਾਰਨ ਸਿਆਸੀ ਹਲਕਿਆਂ ਵਿੱਚ ਕਈ ਤਰ੍ਹਾਂ ਦੀਆਂ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ।

ਪਿਛਲੇ ਕੁਝ ਹਫ਼ਤਿਆਂ ਦੌਰਾਨ ਪੰਜਾਬ ਕਾਂਗਰਸ ਦੇ ਸੀਨੀਅਰ ਆਗੂਆਂ ਨੇ ਦਿੱਲੀ ਵਿੱਚ ਹਾਈਕਮਾਨ ਨਾਲ ਕਈ ਦੌਰ ਦੀਆਂ ਮੀਟਿੰਗਾਂ ਕੀਤੀਆਂ। ਇਨ੍ਹਾਂ ਵਿੱਚ ਚਰਨਜੀਤ ਸਿੰਘ ਚੰਨੀ, ਪ੍ਰਤਾਪ ਸਿੰਘ ਬਾਜਵਾ, ਅਮਰਿੰਦਰ ਸਿੰਘ ਰਾਜਾ ਵੜਿੰਗ, ਸੁਖਜਿੰਦਰ ਸਿੰਘ ਰੰਧਾਵਾ, ਵਿਜੈ ਇੰਦਰ ਸਿੰਗਲਾ ਸਮੇਤ ਹੋਰ ਆਗੂਆਂ ਨਾਲ ਸੰਗਠਨ ਅਤੇ ਚੋਣੀ ਰਣਨੀਤੀ ਬਾਰੇ ਵਿਸਥਾਰ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਗਿਆ।

ਇਸ ਤੋਂ ਬਾਅਦ ਹਾਈਕਮਾਨ ਨੇ ਅਜੇ ਮਾਕਨ, ਮੀਨਾਕਸ਼ੀ ਨਟਰਾਜਨ ਅਤੇ ਭਜਨ ਲਾਲ ਜਾਟਵ ਦੀ ਤਿੰਨ ਮੈਂਬਰੀ ਕਮੇਟੀ ਬਣਾਈ, ਜਿਸ ਨੇ ਪੰਜਾਬ ਦੇ ਪ੍ਰਮੁੱਖ ਆਗੂਆਂ ਨਾਲ ਮੁਲਾਕਾਤ ਕਰਕੇ ਉਨ੍ਹਾਂ ਦੀ ਰਾਏ ਲਈ। ਸੂਤਰਾਂ ਅਨੁਸਾਰ, ਇਸ ਪੂਰੀ ਕਵਾਇਦ ਤੋਂ ਬਾਅਦ ਕਾਂਗਰਸ ਦੇ ਜਨਰਲ ਸਕੱਤਰ (ਸੰਗਠਨ) ਕੇ.ਸੀ. ਵੇਣੂਗੋਪਾਲ ਨੇ ਪਹਿਲਾਂ ਚਰਨਜੀਤ ਸਿੰਘ ਚੰਨੀ ਅਤੇ ਫਿਰ ਸੁਖਜਿੰਦਰ ਸਿੰਘ ਰੰਧਾਵਾ ਨਾਲ ਵੱਖ-ਵੱਖ ਮੀਟਿੰਗਾਂ ਕੀਤੀਆਂ।

ਸਿਆਸੀ ਸੂਤਰਾਂ ਦਾ ਦਾਅਵਾ ਹੈ ਕਿ ਚੰਨੀ ਨੂੰ ਚੋਣ ਪ੍ਰਚਾਰ ਕਮੇਟੀ ਦੀ ਕਮਾਨ ਸੌਂਪਣ ਅਤੇ ਪੰਜਾਬ ਕਾਂਗਰਸ ਦੇ ਪ੍ਰਧਾਨ ਵਜੋਂ ਵਿਜੈ ਇੰਦਰ ਸਿੰਗਲਾ ਦੇ ਨਾਂ ’ਤੇ ਵਿਚਾਰ ਕੀਤਾ ਗਿਆ। ਹਾਲਾਂਕਿ, ਇਸ ਸਬੰਧੀ ਕਾਂਗਰਸ ਵੱਲੋਂ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਗਈ।

ਚਰਚਾਵਾਂ ਮੁਤਾਬਕ, ਇਸ ਫਾਰਮੂਲੇ ਦਾ ਉਦੇਸ਼ ਸਮਾਜਿਕ ਅਤੇ ਸਿਆਸੀ ਸੰਤੁਲਨ ਬਣਾਈ ਰੱਖਣਾ ਸੀ। ਪਾਰਟੀ ਦੇ ਕੁਝ ਆਗੂਆਂ ਦਾ ਮੰਨਣਾ ਹੈ ਕਿ ਅਨੁਸੂਚਿਤ ਜਾਤੀ ਭਾਈਚਾਰੇ ਦੀ ਵੋਟ ਗਿਣਤੀ ਵਿੱਚ ਵੱਡੀ ਹੋਣ ਦੇ ਬਾਵਜੂਦ ਇੱਕਜੁੱਟ ਨਹੀਂ ਰਹਿੰਦੀ, ਜਦਕਿ ਜੱਟ ਸਿੱਖ ਵੋਟ ਬੈਂਕ ਸੰਖਿਆ ਵਿੱਚ ਘੱਟ ਹੋਣ ਦੇ ਬਾਵਜੂਦ ਪੰਜਾਬ ਦੀ ਰਾਜਨੀਤੀ ਵਿੱਚ ਪ੍ਰਭਾਵਸ਼ਾਲੀ ਮੰਨਿਆ ਜਾਂਦਾ ਹੈ। ਇਸ ਲਈ ਹਾਈਕਮਾਨ ਕੋਈ ਵੀ ਅਜਿਹਾ ਫ਼ੈਸਲਾ ਨਹੀਂ ਲੈਣਾ ਚਾਹੁੰਦਾ ਜੋ ਕਿਸੇ ਇੱਕ ਵਰਗ ਵਿੱਚ ਨਾਰਾਜ਼ਗੀ ਦਾ ਕਾਰਨ ਬਣੇ।

ਸੂਤਰਾਂ ਮੁਤਾਬਕ, ਚਰਨਜੀਤ ਸਿੰਘ ਚੰਨੀ ਨੇ ਚੋਣ ਪ੍ਰਚਾਰ ਕਮੇਟੀ ਦੀ ਜ਼ਿੰਮੇਵਾਰੀ ਸੰਭਾਲਣ ਲਈ ਸਹਿਮਤੀ ਜਤਾਈ ਸੀ। ਉਨ੍ਹਾਂ ਦੇ ਸਮਰਥਕਾਂ ਦਾ ਮੰਨਣਾ ਸੀ ਕਿ ਇਸ ਨਾਲ ਚੋਣੀ ਮੁਹਿੰਮ ਦੀ ਅਗਵਾਈ ਵੀ ਚੰਨੀ ਹੀ ਕਰਨਗੇ, ਭਾਵੇਂ ਪ੍ਰਦੇਸ਼ ਪ੍ਰਧਾਨ ਕੋਈ ਹੋਰ ਹੋਵੇ। ਪਰ ਬਾਅਦ ਵਿੱਚ ਪੰਜਾਬ ਤੋਂ ਮਿਲੀ ਫੀਡਬੈਕ ਵਿੱਚ ਕਿਹਾ ਗਿਆ ਕਿ ਮੌਜੂਦਾ ਸਿਆਸੀ ਹਾਲਾਤਾਂ ਵਿੱਚ ਪਾਰਟੀ ਨੂੰ ਅਜਿਹਾ ਪ੍ਰਧਾਨ ਚਾਹੀਦਾ ਹੈ ਜੋ ਸੰਗਠਨ ਨੂੰ ਹਮਲਾਵਰ ਢੰਗ ਨਾਲ ਲੀਡ ਕਰਨ ਦੇ ਨਾਲ-ਨਾਲ ਜੱਟ ਸਿੱਖ ਭਾਈਚਾਰੇ ਵਿੱਚ ਵੀ ਮਜ਼ਬੂਤ ਪਕੜ ਰੱਖਦਾ ਹੋਵੇ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਫੀਡਬੈਕ ਤੋਂ ਬਾਅਦ ਨਵੇਂ ਪ੍ਰਧਾਨ ਦੇ ਐਲਾਨ ਨੂੰ ਫਿਲਹਾਲ ਟਾਲ ਦਿੱਤਾ ਗਿਆ।

ਸਾਲ 2022 ਦੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਕਾਂਗਰਸ ਨੂੰ ਮਿਲੀ ਹਾਰ ਵੀ ਹਾਈਕਮਾਨ ਦੇ ਫ਼ੈਸਲਿਆਂ ਨੂੰ ਪ੍ਰਭਾਵਿਤ ਕਰ ਰਹੀ ਹੈ। ਉਸ ਵੇਲੇ ਚੋਣਾਂ ਤੋਂ ਠੀਕ ਪਹਿਲਾਂ ਚਰਨਜੀਤ ਸਿੰਘ ਚੰਨੀ ਨੂੰ ਮੁੱਖ ਮੰਤਰੀ ਦਾ ਚਿਹਰਾ ਐਲਾਨਿਆ ਗਿਆ ਸੀ, ਪਰ ਪਾਰਟੀ 77 ਸੀਟਾਂ ਤੋਂ ਘਟ ਕੇ ਸਿਰਫ਼ 18 ਸੀਟਾਂ ’ਤੇ ਸਿਮਟ ਗਈ। ਇਸ ਤਜਰਬੇ ਤੋਂ ਬਾਅਦ ਹਾਈਕਮਾਨ ਹੁਣ ਹਰ ਫ਼ੈਸਲਾ ਕਾਫ਼ੀ ਸੋਚ-ਵਿਚਾਰ ਤੋਂ ਬਾਅਦ ਲੈਣਾ ਚਾਹੁੰਦਾ ਹੈ।

ਇਸੇ ਦੌਰਾਨ ਪੰਜਾਬ ਕਾਂਗਰਸ ਦੇ ਇੱਕ ਵੱਡੇ ਵਰਗ ਦਾ ਮੰਨਣਾ ਹੈ ਕਿ ਮੌਜੂਦਾ ਸਮੇਂ ਵਿੱਚ ਚਰਨਜੀਤ ਸਿੰਘ ਚੰਨੀ ਹੀ ਪਾਰਟੀ ਦਾ ਸਭ ਤੋਂ ਲੋਕਪ੍ਰਿਯ ਚਿਹਰਾ ਹਨ ਅਤੇ ਆਉਣ ਵਾਲੀਆਂ ਚੋਣਾਂ ਵਿੱਚ ਉਨ੍ਹਾਂ ਦੀ ਭੂਮਿਕਾ ਅਹਿਮ ਰਹੇਗੀ। ਦੂਜੇ ਪਾਸੇ ਆਮ ਆਦਮੀ ਪਾਰਟੀ ਅਤੇ ਹੋਰ ਸਿਆਸੀ ਧਿਰਾਂ ਲਗਾਤਾਰ ਆਪਣੇ ਸੰਗਠਨ ਨੂੰ ਮਜ਼ਬੂਤ ਕਰਨ ਵਿੱਚ ਲੱਗੀਆਂ ਹੋਈਆਂ ਹਨ, ਜਦਕਿ ਕਾਂਗਰਸ ਅਜੇ ਵੀ ਆਪਣੇ ਸੰਗਠਨਾਤਮਕ ਫ਼ੈਸਲਿਆਂ ਨੂੰ ਅੰਤਿਮ ਰੂਪ ਦੇਣ ਦੀ ਉਡੀਕ ਵਿੱਚ ਹੈ।

ਫਿਲਹਾਲ ਹਾਈਕਮਾਨ ਵੱਲੋਂ ਕਿਸੇ ਵੀ ਨਿਯੁਕਤੀ ਜਾਂ ਸੰਗਠਨਾਤਮਕ ਤਬਦੀਲੀ ਬਾਰੇ ਕੋਈ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ। ਅਜਿਹੇ ਵਿੱਚ ਪ੍ਰਦੇਸ਼ ਪ੍ਰਧਾਨ ਜਾਂ ਹੋਰ ਅਹੁਦਿਆਂ ਨੂੰ ਲੈ ਕੇ ਚੱਲ ਰਹੀਆਂ ਸਾਰੀਆਂ ਚਰਚਾਵਾਂ ਸਿਰਫ਼ ਸਿਆਸੀ ਸੂਤਰਾਂ ਅਤੇ ਅਟਕਲਾਂ ’ਤੇ ਆਧਾਰਿਤ ਹਨ। ਹੁਣ ਸਭ ਦੀਆਂ ਨਜ਼ਰਾਂ ਕਾਂਗਰਸ ਹਾਈਕਮਾਨ ਦੇ ਅਗਲੇ ਫ਼ੈਸਲੇ ’ਤੇ ਟਿਕੀਆਂ ਹੋਈਆਂ ਹਨ।

ਸਾਡੇ ਹਲਕਾ ਨਿਹਾਲ ਸਿੰਘ ਵਾਲਾ ਦੇ ਵਿਧਾਇਕ ਮਨਜੀਤ ਸਿੰਘ ਬਿਲਾਸਪੁਰ ਨੇ ਅੱਜ ਸ਼੍ਰੀ ਆਕਾਲ ਤਖਤ ਸਾਹਿਬ ਤੇ ਕਸਟੋਡੀਅਨ ਦੀ ਪ੍ਰੀਭਾਸ਼ਾ ਦੱਸ ਕੇ ਹਲਕੇ ਦਾ ਨਾਮ ਉੱਚਾ ਕੀਤਾ, ਸਰਕਾਰ ਜਲਦ ਤੋਂ ਜਲਦ ਇਹਨਾਂ ਨੂੰ ਕੈਬਨਿਟ ਵਿੱਚ ਜਗਾ ਦੇਕੇ ਇਹਨਾਂ ਦੀ ਮਿਹਨਤ ਦਾ ਮੁੱਲ ਮੋੜੇ! 🙏