14/09/2026
आपल्या विघ्नहर्त्या आणि बुद्धिदात्या श्री गणेशाच्या आगमनाने महाराष्ट्राच्या उत्सवपरंपरेत भक्ती आणि उत्साहाची अभूतपूर्व लाट उसळली आहे. आज घरोघरी झालेल्या मंगलमूर्ती श्री गणरायाच्या आगमनाने सर्वत्र एक अनोखा उत्साह, सकारात्मकता आणि आनंद संचारल्याचे जाणवत आहे.
गणेशोत्सव हा केवळ श्रद्धेचा उत्सव नसून, समाजाला एकत्र आणणाऱ्या लोकसहभागाची सुंदर परंपरा आहे. सार्वजनिक गणेशोत्सवाच्या निमित्ताने विविध स्तरांतील नागरिक एकत्र येतात, सामाजिक उपक्रमांना चालना मिळते आणि परस्परांमधील आपुलकी अधिक दृढ होते.
गणेशोत्सवातून निर्माण होणारी ही सकारात्मक ऊर्जा आपल्यातील बंधुभाव अधिक दृढ करो आणि प्रत्येकाच्या जीवनात आनंद, समृद्धी व समाधान नांदो, हीच श्री गणरायाच्या चरणी प्रार्थना.
श्री गणेश चतुर्थीनिमित्त सर्वांना मनःपूर्वक हार्दिक शुभेच्छा!
॥ गणपती बाप्पा मोरया ॥
॥ मंगलमूर्ती मोरया ॥
