08/10/2026
आज नांदेड येथे इंडिया आघाडीच्या वतीने डॉ. बाबासाहेब आंबेडकर यांच्या पुतळ्यापासून महात्मा गांधी पुतळा, जिल्हाधिकारी कार्यालयापर्यंत निषेध मोर्चा काढून निवेदन देण्यात आले. निवडणूक आयुक्त ज्ञानेश कुमार यांच्या विरोधात जोरदार निदर्शने करून SIR प्रक्रिया व इतर निवडणूक संबंधित प्रकरणाच्या पार्श्वभूमीवर ज्ञानेश कुमार यांनी तातडीने राजीनामा द्यावा, अशी मागणी यावेळी करण्यात आली.
याप्रसंगी नांदेड लोकसभा मतदारसंघाचे खासदार मा. रविंद्र चव्हाण, माजी मंत्री श्री. माधवराव किन्हाळकर, श्री. हनमंतराव पाटील बेटमोगरेकर, श्री. माधवराव पाटील जळगावकर, श्री. रोहीदास चव्हाण, जिल्हाध्यक्ष डॉ. विठ्ठल पावडे, जिल्हाध्यक्ष शहर अब्दुल गफ्फार, जिल्हाध्यक्ष राष्ट्रवादी (शरद पवार) श्री. भगवानराव पाटील आलेगावकर, जिल्हाध्यक्ष शिवसेना (उद्धव बाळासाहेब ठाकरे) श्री. बबन बारसे, भारतीय कम्युनिस्ट पक्ष, मार्क्सवादी कम्युनिस्ट पक्षाचे नेते, सर्व नगरसेवक, तालुकाध्यक्ष, सामाजिक व विविध चळवळीचे कार्यकर्ते, वकील, पदाधिकारी, युवक व विद्यार्थी कार्यकर्ते मोठ्या संख्येने उपस्थित होते.
