Anikethana Seva trust

28/09/2026

🌹ಮನುಷ್ಯ ಮತ್ತು ವಿವೇಕ 🌹************----*****ಒಂದು ವಿಶ್ಲೇಷಣೆ ❤️
ಬುದ್ಧ ಬಸವಣ್ಣ ಅಂಬೇಡ್ಕರ್ ಮತ್ತೂ ಕುವೆಂಪು ವಿಚಾರಧಾರೆಗಳು ಹಿಂದೆಂದಿಗಿಂತ ಇಂದು ಅತ್ಯಾಗತ್ಯವಾಗಿ ಬೇಕು. ಇವರ ತತ್ವ ಮರೆತು ರಾಜಕಾರಣಿಗಳ ಸ್ವಾರ್ಥದ ಮಾತಿಗೆ ಬಲಿಯಾಗುತ್ತಿದ್ದೇವೆ. ವಿವೇಕ ಕಳೆದುಕೊಂಡ ಮನುಷ್ಯ ಏನಾಗ ಬಲ್ಲ ಎಂಬುದಕ್ಕೆ ಇಂದು ಜಗತ್ತು ಭಯೋತ್ಪಾದನೆ ಮತ್ತ್ತು ಬಾಂಬುಗಳ ಸುರಿಮಳೆಯಲ್ಲಿ ನಲುಗುತ್ತಿರುವುದೇ ಸಾಕ್ಷಿ.
ಮನುಷ್ಯತನ ಬೆಳೆಯಲು ಶಿಕ್ಷಣ ಬೇಕು. ಶಿಕ್ಷಣದಿಂದ ಮಾತ್ರ ವಿವೇಕ ಬೆಳೆಯುತ್ತೆ. ಆ ಶಿಕ್ಷಣ ಯೂನಿವಾರ್ಸಿಟಿಗಳಿಂದಲೇ ಬರಬೇಕು ಅಂತಾ ಏನಿಲ್ಲ. ನಾವು ನಿತ್ಯ ಬದುಕುವ ರೀತಿ ನೀತಿಯಿಂದಲೇ ಕಲಿಯ ಬಹುದು. ಅದೂ ವಿವೇಕಯುತವಾಗಿದ್ದರೆ, ಬಹಳಷ್ಟು ಜನರಿಗೆ ಅನುಕೂಲವಾಗುತ್ತೆ. ಅದೂ ಅವಿವೇಕವಾದರೆ, ದೊಡ್ಡ ಮಟ್ಟದಲ್ಲಿ ಅನಾನುಕೂಲವಾಗುತ್ತೆ. ಇಂದು ಜಗತ್ತಿನಲ್ಲಿ ನಡೆಯುತ್ತಿರುವ ಕುಟಿಲ -ಕುಹಕ -ಕುಯುಕ್ತ ಹಿಂಸೆಗಳೇ ಸಾಕ್ಷಿಯಾಗಿದೆ.
ಬುದ್ದನಿಗೆ ಜ್ಞಾನೋದಯವಾಗಿದ್ದು, ಇನ್ನೊಬ್ಬರ ನೋವು ತಿಳಿದು, ಅವರ ಕಷ್ಟ ಪರಿಹರಿಸಬೇಕು ಅನ್ನೋ ವಿವೇಕ ಮೂಡಿದಾಗ. ಬಸವಣ್ಣ ನವರಿಗೆ ಸಮ ಸಮಾಜದ ಪರಿ ಕಲ್ಪನೆ ಬಂದಿದ್ದು ತಮ್ಮ ಸುತ್ತ ನಡೆಯುತ್ತಿದ್ದ ಅಮಾನವೀಯ ಜಾತಿ ತಾರತಮ್ಯ ನೋಡಿದಾಗ, ಅಂಬೇಡ್ಕರ್ ಮಹಾನ್ ಮನವತಾವಾದಿಯಾಗಿ ಜಾತ್ಯತೀತತೆ ಪ್ರತಿಪಾದನೆ ಮಾಡಿದ್ದೂ, ತಮಗಾದ ಅಪಮಾನಗಳಿಂದ. ಕುವೆಂಪು ಮೇಧಾವಿ ಕವಿಯಾಗಿ ಬೆಳೆಯಲು ಆ ಕಾಲದಲ್ಲಿ ಅನುಭವಿಸಿದ ಜಾತಿ ತಾರತಮ್ಯಗಳು. ಇವರು ಮೇಲ್ ಮಧ್ಯಮ ಕುಲದಲ್ಲಿ ಹುಟ್ಟಿದರೂ ಸಹ, ಇತರೆ ಮೇಲ್ವರ್ಗದ ಜನ ತಮ್ಮ ವಿದ್ವತ್ತನ್ನು ಹೀಗಳೆಯುತ್ತಿದ್ದಾಗ, ಜಗತ್ತಿನಲ್ಲೇ ಸರ್ವ ಶ್ರೇಷ್ಠ ಕವಿಯಾಗಬೇಕು ಅನ್ನೋ ಛಲ ಹುಟ್ಟಿತು. ಅದಕ್ಕಾಗಿ ಹೀನ ಕುಲದಲ್ಲಿ ಹುಟ್ಟಿದರೂ, ಮಹಾ ಋಷಿ ಅನ್ನಿಸಿಕೊಂಡ ವಾಲ್ಮೀಕಿಯನ್ನೇ ದೃಷ್ಟಿಯಲ್ಲಿಟ್ಟುಕೊಂದು ಶ್ರೀ ರಾಮಾಯಣ ದರ್ಶನಂ ಎಂಬ ಮಹಾ ಕಾವ್ಯ ರಚಿಸಿದರು. ಎಷ್ಟೋ ಜನಕ್ಕೆ ಗೊತ್ತಿಲ್ಲ, ಕುವೆಂಪು ರಾಮಾಯಣವನ್ನೇ ಏಕೆ ಆಯ್ದುಕೊಂಡರು ಅನ್ನೋದು.
ರಾಮನ ಆದರ್ಶ ಗುಣಗಳನ್ನು ಎಲ್ಲರೂ ಕಲಿಯಲಿ ಅನ್ನೋದಷ್ಟೇ ಅವರ ಉದ್ದೇಶ ವಾಗಿರಲಿಲ್ಲ. ರಾಮಾಯಣ ಬರೆದ ಬೇಡ ಕುಲದ ವಾಲ್ಮೀಕಿಯಂತೆ ತಾವು ಮಹಾ ಋಷಿ ಆಗಲಿಕ್ಕೆ ಸಾಧ್ಯವಿಲ್ಲದಿದ್ದರೂ, ಮಹಾಕವಿಯಾದರೂ ಆಗಬೇಕು ಅಂತ ಭಾವಿಸಿ, ಅದನ್ನು ಹಳಗನ್ನಡದಲ್ಲೇ, ಉನ್ನತ ಛoದಸ್ಸಿನ ಚಂದದಲ್ಲಿ ಬರೆದರು.ಮನುಷ್ಯ ಶಿಕ್ಷಣ ಕಲಿತರಷ್ಟೇ ಸಾಲುವುದಿಲ್ಲ, ಶಿಕ್ಷಣದಿಂದ ವಿವೇಕ ಬೆಳೆಸಿಕೊಳ್ಳಬೇಕು. ಶಿಕ್ಷಣದಿಂದ ವಿವೇಕ ಬೆಳೆದರೆ ಬುದ್ಧ ಬಸವಣ್ಣ, ಅಂಬೇಡ್ಕರ್, ಕುವೆಂಪು ರಂತೆ ಸಮಾಜದಲ್ಲಿ ಆದರ್ಶ ಪುರುಷರಂತೆ ಪ್ರಸಿದ್ಧರಾಗ ಬಹುದು. ವಿವೇಕ ಬೆಳೆಯದಿದ್ದರೆ, ಆತ ಅದೆಷ್ಟು ಯೂನಿವರ್ಸಿಟಿ ಪದವಿ ಪಡೆದರೂ ವ್ಯರ್ಥ. ಹೀಗಾಗಿ, ನಮ್ಮ ಆದರ್ಶ ಮಹಾ ಪುರುಷರಾಗಬೇಕು ಅಂದರೆ, ನಾವು ಸರಿಯಾವುದು, ತಪ್ಪು ಯಾವುದೂ ಅಂತ ಮನುಷ್ಯತ್ವದಿಂದ ತಿಳಿದು ಮುನ್ನಡೆಯಬೇಕು. ನನ್ನ ದೃಷ್ಟಿಯಲ್ಲಿ ಭೂಮಿ ಮೇಲೇ ಹುಟ್ಟಿದ ಪ್ರತಿಯೊಬ್ಬ ಮಹಾತ್ಮಾನೇ. ಆದರೇ ಅವನು ಗುಣ ಮೌಲ್ಯ ಬೆಳೆಸಿಕೊಳ್ಳುತ್ತಾ ಹೋದರೆ, ಮಹಾತ್ಮಾನಾಗೇ ಇರುತ್ತಾನೆ. ಅವನು ಗುಣ ಮೌಲ್ಯ ಕಳೆದುಕೊಳ್ಳುತ್ತಾ ಹೋದರೆ, ಆತ ನಿಕೃಷ್ಟನಾಗುತ್ತಾ ಹೋಗುತ್ತಾನೆ. ಅದಕ್ಕೆ ನಮ್ಮ ಹಿರಿಯರು ಮನುಷ್ಯನಾಗಿ ಹುಟ್ಟಿದರೆ ಸಾಲುವುದಿಲ್ಲ, ವಿವೇಕ ಮೂಡಿಸಿಕೊಳ್ಳಬೇಕು ಅನ್ನೋದು. ಆ ಕಾರಣದಿಂದ, ಈ ಭೂಮಿ ಮೇಲೇ ಹುಟ್ಟಿದ ಪ್ರತಿಯೊಬ್ಬ ವಿವೇಕವಂತನಾಗಬೇಕು., ಮನುಷ್ಯತನ ಮೈಗೂಡಿಸಿ ಕೊಳ್ಳುತ್ತಾ ಹೋಗಬೇಕು. ಹೃದಯದಲ್ಲಿ ಮನುಷ್ಯತ್ವವೇ ಇಲ್ಲದಿದ್ದರೆ, ಆತ ಪ್ರಧಾನಿ, ಮುಖ್ಯ ಮಂತ್ರಿ, ವೈದ್ಯ, ಪತ್ರಕರ್ತ ಆಗಿದ್ದರೇನು ಪ್ರಯೋಜನ. ಅದೂ ನಾಯಿ ಮೊಲೆಯಲ್ಲಿ ಹಾಲಿದ್ದಷ್ಟೇ ನಿಷ್ಪ್ರಯೋಜಕ. ಈಗ ಜಗತ್ತಿನಲ್ಲಿ ಆಗಿರುವ ತಪ್ಪೇ ಅಂಥದ್ದು. ನಾಯಿಗಳು ನಾಯಕರಾಗುತ್ತಿವೆ. ಆ ನಾಯಿ ಮೊಲೆ ಹಾಲು ನಾಯಿಗಳಿಗಷ್ಟೇ ಉಪಯೋಗವಾಗುತ್ತಿದೆ.
🙏ಎಸ್. ಪ್ರಕಾಶ್ ಬಾಬು
ಪತ್ರಕರ್ತ -ಗ್ರಂಥ ಕರ್ತ
ಮೈಸೂರು -ಬೆಂಗಳೂರು

26/09/2026

17/09/2026

ಗೆ,
ಮಾನ್ಯ ಆಯುಕ್ತರು
ಮೈಸೂರು ಮಹಾನಗರ ಪಾಲಿಕೆ,
ಮೈಸೂರು.

ಮಾನ್ಯರೇ,

ವಿಷಯ: ಮೈಸೂರು ನಗರದ ಬಸವೇಶ್ವರ ವೃತ್ತದ ಸಮೀಪದ ಬಸವ ಪುತ್ಥಳಿ ಇರುವ ಉದ್ಯಾನದಲ್ಲಿ ಸಾರ್ವಜನಿಕ ಶೌಚಾಲಯ ನಿರ್ಮಿಸಿಕೊಡುವ ಕುರಿತು ಮನವಿ.

ಮೇಲ್ಕಂಡ ವಿಷಯಕ್ಕೆ ಸಂಬಂಧಿಸಿದಂತೆ, ಮೈಸೂರು ನಗರದ ಬಸವೇಶ್ವರ ವೃತ್ತದ ಸಮೀಪದಲ್ಲಿರುವ ಬಸವ ಪುತ್ಥಳಿ ಇರುವ ಉದ್ಯಾನವು ನಗರದ ಪ್ರಮುಖ ಸ್ಥಳವಾಗಿದ್ದು, ಪ್ರತಿದಿನ ನೂರಾರು ಸಾರ್ವಜನಿಕರು ಹಾಗೂ ಬಸವ ಭಕ್ತರು ಭೇಟಿ ನೀಡುತ್ತಾರೆ. ಆದರೆ, ಈ ಉದ್ಯಾನದಲ್ಲಿ ಸಾರ್ವಜನಿಕ ಶೌಚಾಲಯದ ವ್ಯವಸ್ಥೆ ಇಲ್ಲದಿರುವುದರಿಂದ ಮಹಿಳೆಯರು, ವೃದ್ಧರು, ಮಕ್ಕಳು ಸೇರಿದಂತೆ ಸಾರ್ವಜನಿಕರು ತೀವ್ರ ತೊಂದರೆ ಅನುಭವಿಸುವಂತಾಗಿದೆ.
ವಿಶೇಷವಾಗಿ ಬಸವ ಜಯಂತಿ ಸಂದರ್ಭದಲ್ಲಿ ಈ ಸ್ಥಳದಲ್ಲಿ ಹಲವು ದಿನಗಳ ಕಾಲ ವಿವಿಧ ಕಾರ್ಯಕ್ರಮಗಳು ನಡೆಯಲಿದ್ದು, ಸಾವಿರಾರು ಸಂಖ್ಯೆಯಲ್ಲಿ ಸಾರ್ವಜನಿಕರು ಹಾಗೂ ಬಸವ ಭಕ್ತರು ಭಾಗವಹಿಸಲಿದ್ದಾರೆ. ಇಂತಹ ಸಂದರ್ಭದಲ್ಲಿ ಶೌಚಾಲಯದ ವ್ಯವಸ್ಥೆ ಇಲ್ಲದಿರುವುದು ಸಾರ್ವಜನಿಕರಿಗೆ ಮತ್ತಷ್ಟು ಸಮಸ್ಯೆಯನ್ನು ಉಂಟುಮಾಡಲಿದೆ.
ಶೌಚಾಲಯದ ಕೊರತೆಯಿಂದ ಕೆಲವರು ಅನಿವಾರ್ಯವಾಗಿ ಉದ್ಯಾನದ ಸುತ್ತಮುತ್ತಲಿನ ಖಾಲಿ ಜಾಗಗಳಲ್ಲಿ ಮೂತ್ರವಿಸರ್ಜನೆ ಮಾಡುತ್ತಿರುವುದರಿಂದ ಸ್ವಚ್ಛತೆ ಹಾಗೂ ಪರಿಸರಕ್ಕೆ ಧಕ್ಕೆಯಾಗುವುದರ ಜೊತೆಗೆ, ನಗರದ ಸೌಂದರ್ಯಕ್ಕೂ ಕಳಂಕ ಉಂಟಾಗುತ್ತಿದೆ.
ಆದ್ದರಿಂದ, ಸಾರ್ವಜನಿಕರ ಹಿತದೃಷ್ಟಿಯಿಂದ ಬಸವ ಪುತ್ಥಳಿ ಇರುವ ಉದ್ಯಾನದೊಳಗೆ ಸೂಕ್ತ ಸ್ಥಳವನ್ನು ಗುರುತಿಸಿ, ಅಗತ್ಯ ಮೂಲಸೌಕರ್ಯಗಳೊಂದಿಗೆ ಸಾರ್ವಜನಿಕ ಶೌಚಾಲಯವನ್ನು ನಿರ್ಮಿಸಿಕೊಡಲು ಕ್ರಮ ಕೈಗೊಳ್ಳಬೇಕಾಗಿ ವಿನಮ್ರವಾಗಿ ಮನವಿ ಮಾಡಿಕೊಳ್ಳುತ್ತೇನೆ.
ಮುಂದಿನ ಬಸವ ಜಯಂತಿಯೊಳಗಾಗಿ ಶೌಚಾಲಯ ನಿರ್ಮಾಣದ ಕಾಮಗಾರಿಯನ್ನು ಪೂರ್ಣಗೊಳಿಸಿ, ಸಾರ್ವಜನಿಕರು ಹಾಗೂ ಬಸವ ಭಕ್ತರಿಗೆ ಅನುಕೂಲ ಕಲ್ಪಿಸಿಕೊಡಬೇಕಾಗಿ ತಮ್ಮಲ್ಲಿ ಕಳಕಳಿಯ ಮನವಿ ಮಾಡಿಕೊಳ್ಳುತ್ತೇನೆ. ಶೌಚಾಲಯವನ್ನು ನಿರ್ಮಿಸಿಕೊಡುವ ಮೂಲಕ ಬಸವ ಭಕ್ತರ ಪ್ರೀತಿಗೆ ಪಾತ್ರರಾಗುವುದರ ಜೊತೆಗೆ, ಅವರ ಹೃದಯದಲ್ಲಿ ತಮ್ಮ ಮೇಲಿನ ಗೌರವ ಮತ್ತು ಅಭಿಮಾನ ಮತ್ತಷ್ಟು ಹೆಚ್ಚಲು ತಾವು ಕಾರಣೀಭೂತರಾಗುತ್ತೀರಿ.

ವಂದನೆಗಳೊಂದಿಗೆ,

ದಿನಾಂಕ: 17-9-2026
ಸ್ಥಳ: ಮೈಸೂರು

ಇಂತಿ ತಮ್ಮ ವಿಶ್ವಾಸಿ

ಕೆ.ವಿ. ಮಲ್ಲೇಶ್‌
ಉಪಾಧ್ಯಕ್ಷ, ಮೈಸೂರು ನಗರ (ಜಿಲ್ಲಾ) ಕಾಂಗ್ರೆಸ್‌
ಸದಸ್ಯ, ಮೈಸೂರು ಮಹಾನಗರ ಪಾಲಿಕೆ 2008-2018
ಅಧ್ಯಕ್ಷ, ಅನಿಕೇತನ ಸೇವಾ ಟ್ರಸ್ಟ್

07/09/2026

ಹಸಿರೇ ಉಸಿರು... ಸೇವೆಯೇ ಸಂಕಲ್ಪ!

ನಮಸ್ಕಾರ
ನಿಸ್ವಾರ್ಥ ಸೇವೆಯ ಸಂಕಲ್ಪದೊಂದಿಗೆ ಸದಾ ಸಾರ್ವಜನಿಕರ ಮಧ್ಯದಲ್ಲಿದ್ದು ಜನಪರ ಸೇವೆಯಲ್ಲಿ ತೊಡಗಿಸಿಕೊಂಡಿರುವ ಶ್ರೀ ಎಚ್.ವಿ. ರಾಜೀವ್ ಅವರ ಹುಟ್ಟುಹಬ್ಬದ ಅಂಗವಾಗಿ ಉಚಿತ ಬೃಹತ್ ಆರೋಗ್ಯ ತಪಾಸಣಾ ಶಿಬಿರವನ್ನು ಆಯೋಜಿಸಲಾಗಿದೆ.
ದಿನಾಂಕ: ಸೆಪ್ಟೆಂಬರ್ 16, 2026 ಬುಧವಾರ, ಸಮಯ: ಬೆಳಗ್ಗೆ 9 ಗಂಟೆಯಿಂದ ಮಧ್ಯಾಹ್ನ 2 ಗಂಟೆಯವರೆಗೆ
ಸ್ಥಳ: ಭೂತಾಳೆ ಮೈದಾನ, ವಿದ್ಯಾರಣ್ಯಪುರಂ, ಮೈಸೂರು

ಎಚ್.ವಿ. ರಾಜೀವ್ ಸ್ನೇಹ ಬಳಗದ ವತಿಯಿಂದ ಆಯೋಜಿಸಿರುವ ಈ ಬೃಹತ್ ಆರೋಗ್ಯ ತಪಾಸಣಾ ಶಿಬಿರದಲ್ಲಿ ಸಾರ್ವಜನಿಕರಿಗೆ ವಿವಿಧ ಆರೋಗ್ಯ ತಪಾಸಣೆ ಹಾಗೂ ಅಗತ್ಯ ವೈದ್ಯಕೀಯ ಸೇವೆಗಳನ್ನು ಉಚಿತವಾಗಿ ಒದಗಿಸಲಾಗುತ್ತದೆ. ಆದ್ದರಿಂದ ಕ್ಷೇತ್ರದ ಎಲ್ಲ ಮತದಾರ ಬಂಧುಗಳು ಹಾಗೂ ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ, ಈ ಉಚಿತ ಆರೋಗ್ಯ ತಪಾಸಣಾ ಶಿಬಿರದ ಸದುಪಯೋಗ ಪಡೆದುಕೊಳ್ಳಬೇಕಾಗಿ ಸವಿನಯವಾಗಿ ವಿನಂತಿಸಿಕೊಳ್ಳುತ್ತೇವೆ.
ಬನ್ನಿ... ಆರೋಗ್ಯ ಕಾಪಾಡಿಕೊಳ್ಳಿ
ಸೇವೆಯೊಂದಿಗೆ ಹುಟ್ಟುಹಬ್ಬದ ಸಂಭ್ರಮವನ್ನು ಅರ್ಥಪೂರ್ಣಗೊಳಿಸೋಣ.

ಎಚ್.ವಿ. ರಾಜೀವ್ ಸ್ನೇಹ ಬಳಗ

05/09/2026

ಡಾ. ಸರ್ವಪಲ್ಲಿ ರಾಧಾಕೃಷ್ಣನ್ — ಒಬ್ಬ ಮಹಾನ್ ಶಿಕ್ಷಕ, ತತ್ವಜ್ಞಾನಿ ಮತ್ತು ರಾಷ್ಟ್ರನಾಯಕ

ಡಾ. ಸರ್ವಪಲ್ಲಿ ರಾಧಾಕೃಷ್ಣನ್ ಅವರು ಭಾರತದ ಶ್ರೇಷ್ಠ ತತ್ವಜ್ಞಾನಿಗಳು, ಶಿಕ್ಷಣತಜ್ಞರು ಹಾಗೂ ರಾಷ್ಟ್ರನಾಯಕರಲ್ಲಿ ಒಬ್ಬರು. ಅವರು 1888ರ ಸೆಪ್ಟೆಂಬರ್ 5ರಂದು ತಮಿಳುನಾಡಿನ ತಿರುಟ್ಟಣಿಯಲ್ಲಿ ಜನಿಸಿದರು.

ಅವರ ಜನ್ಮದಿನವಾದ ಸೆಪ್ಟೆಂಬರ್ 5ನ್ನು ಭಾರತದಲ್ಲಿ ಶಿಕ್ಷಕರ ದಿನಾಚರಣೆಯಾಗಿ ಆಚರಿಸಲಾಗುತ್ತದೆ. ಶಿಕ್ಷಕರ ಮೇಲಿನ ಅವರ ಅಪಾರ ಗೌರವ ಮತ್ತು ಶಿಕ್ಷಣದ ಮೇಲಿನ ಅವರ ಗಾಢ ನಂಬಿಕೆಯೇ ಇದಕ್ಕೆ ಪ್ರಮುಖ ಕಾರಣ.

🎓 ಶಿಕ್ಷಣ ಕ್ಷೇತ್ರಕ್ಕೆ ಕೊಡುಗೆ

ರಾಧಾಕೃಷ್ಣನ್ ಅವರು ಹಲವು ಪ್ರತಿಷ್ಠಿತ ವಿಶ್ವವಿದ್ಯಾಲಯಗಳಲ್ಲಿ ತತ್ವಶಾಸ್ತ್ರದ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿದರು. ಭಾರತೀಯ ತತ್ವಶಾಸ್ತ್ರ, ವಿಶೇಷವಾಗಿ ವೇದಾಂತ ಮತ್ತು ಭಾರತೀಯ ಆಧ್ಯಾತ್ಮಿಕ ಚಿಂತನೆಗಳನ್ನು ಜಗತ್ತಿನ ಮಟ್ಟದಲ್ಲಿ ಪರಿಚಯಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದರು.

ಅವರು ಶಿಕ್ಷಣವೆಂದರೆ ಕೇವಲ ಪದವಿ ಪಡೆಯುವ ಮಾರ್ಗವಲ್ಲ; ವಿದ್ಯಾರ್ಥಿಯ ವ್ಯಕ್ತಿತ್ವ, ವಿವೇಕ, ನೈತಿಕತೆ ಮತ್ತು ಮಾನವೀಯತೆಯನ್ನು ಬೆಳೆಸುವ ಸಾಧನ ಎಂದು ನಂಬಿದ್ದರು.

🇮🇳 ರಾಷ್ಟ್ರಸೇವೆಯಲ್ಲಿ

ಅವರು ಭಾರತದ ಮೊದಲ ಉಪರಾಷ್ಟ್ರಪತಿಯಾಗಿ (1952–1962) ಸೇವೆ ಸಲ್ಲಿಸಿದರು. ನಂತರ 1962ರಿಂದ 1967ರವರೆಗೆ ಭಾರತದ ಎರಡನೇ ರಾಷ್ಟ್ರಪತಿಯಾಗಿ ದೇಶದ ಅತ್ಯುನ್ನತ ಸಾಂವಿಧಾನಿಕ ಹುದ್ದೆಯನ್ನು ಅಲಂಕರಿಸಿದರು.

🏅 ಗೌರವಗಳು

ಅವರ ಅಪಾರ ಜ್ಞಾನ ಮತ್ತು ರಾಷ್ಟ್ರಸೇವೆಯನ್ನು ಗುರುತಿಸಿ ಭಾರತ ಸರ್ಕಾರವು 1954ರಲ್ಲಿ ‘ಭಾರತ ರತ್ನ’ ಪ್ರಶಸ್ತಿಯನ್ನು ನೀಡಿ ಗೌರವಿಸಿತು.

📚 ಪ್ರಮು

04/09/2026

*ಕಳ್ಳತನಕ್ಕೆ ಮುನ್ನ ಎಚ್ಚರವಹಿಸುವುದು ಚೆನ್ನ*

ಇಂದಿನ ಒತ್ತಡದ ಬದುಕಿನಲ್ಲಿ ಮಧ್ಯಮ ಹಾಗೂ ಬಡ ವರ್ಗದ ಜನರಿಗೆ ‘ಚಿನ್ನ’ ಕೇವಲ ಅಲಂಕಾರದ ವಸ್ತುವಲ್ಲ, ಕಷ್ಟಕಾಲದ ಜೀವನಾಡಿ. ಆದರೆ, ಜನನಿಬಿಡ ಪ್ರದೇಶಗಳು ಹಾಗೂ ಬಸ್‌ಗಳಲ್ಲಿ ಹೆಚ್ಚುತ್ತಿರುವ ನೂಕುನುಗ್ಗಲಿನ ಲಾಭ ಪಡೆಯುತ್ತಿರುವ ಕಳ್ಳರು, ಮಹಿಳೆಯರ ಮೈಮೇಲಿನ ಚಿನ್ನಾಭರಣಗಳನ್ನು ದೋಚುತ್ತಿರುವುದು ಆತಂಕಕಾರಿ ಸಂಗತಿ.
ರಾಜ್ಯ ಸರ್ಕಾರದ ‘ಶಕ್ತಿ ಯೋಜನೆ’ಯಿಂದ ಮಹಿಳೆಯರಿಗೆ ಉಚಿತ ಬಸ್ ಪ್ರಯಾಣದ ಸೌಲಭ್ಯ ಸಿಕ್ಕಿರುವುದು ಶ್ಲಾಘನೀಯ. ಆದರೆ, ಬಸ್ ಹತ್ತುವ ಹಾಗೂ ಇಳಿಯುವ ಆತುರದಲ್ಲಿ ಮೈಮರೆಯುವ ಮಹಿಳೆಯರ ಲಕ್ಷಾಂತರ ರೂ. ಮೌಲ್ಯದ ಒಡವೆಗಳು ಕಳ್ಳರಪಾಲಾಗುತ್ತಿವೆ. ಮಕ್ಕಳ ವಿದ್ಯಾಭ್ಯಾಸ, ಮದುವೆ ಹಾಗೂ ತುರ್ತು ಅವಶ್ಯಕತೆಗಾಗಿ ಕೂಡಿಟ್ಟ ಬಂಗಾರ ಕಳೆದುಕೊಂಡು ಬಡ ಕುಟುಂಬಗಳು ಕಣ್ಣೀರುಹಾಕುವಂತಾಗಿದೆ.
ಈ ಸಮಸ್ಯೆಗೆ ಪೊಲೀಸ್ ಗಸ್ತಿನ ಜೊತೆಗೆ ಸಾರ್ವಜನಿಕರಲ್ಲಿ ನಿರಂತರ ಜಾಗೃತಿ ಮೂಡುವುದು ಅತ್ಯಂತ ಅವಶ್ಯಕ. ಇದಕ್ಕಾಗಿ ಆಡಳಿತ ಯಂತ್ರವು ಕಸ ಸಂಗ್ರಹ ವಾಹನಗಳ ಮೂಲಕ "ಒಡವೆ ಜೋಪಾನ, ಎಚ್ಚರವಿರಲಿ" ಎಂಬ ಧ್ವನಿಮುದ್ರಿತ ಸಂದೇಶವನ್ನು ಪ್ರಸಾರ ಮಾಡಬೇಕು. ಅಲ್ಲದೆ, ನಗರ ಹಾಗೂ ತಾಲ್ಲೂಕು ಕೇಂದ್ರಗಳ ಬಸ್ ನಿಲ್ದಾಣಗಳು ಮತ್ತು ಜನನಿಬಿಡ ಪ್ರದೇಶಗಳಲ್ಲಿ ಧ್ವನಿವರ್ಧಕಗಳ ಮೂಲಕ ಮಹಿಳೆಯರಿಗೆ ನಿರಂತರ ಎಚ್ಚರಿಕೆ ನೀಡಬೇಕು. ದೈನಂದಿನ ಓಡಾಟದಲ್ಲಿ ಅಪರಿಚಿತರು ವಿಳಾಸ ಕೇಳುವ, ನೀರು ಕೇಳುವ ಅಥವಾ ಗಮನ ಬೇರೆಡೆ ಸೆಳೆಯುವ ನಾಟಕವಾಡಬಹುದು; ಅಂತಹವರ ಬಗ್ಗೆ ಅತ್ಯಂತ ಎಚ್ಚರದಿಂದಿರಿ. ಒಬ್ಬಂಟಿಯಾಗಿ ಓಡಾಡುವಾಗ ಒಡವೆಗಳು ಎಲ್ಲರಿಗೂ ಕಾಣುವಂತೆ ಧರಿಸಬೇಡಿ.
ಮೈಮರೆವಿನಿಂದ ಕಷ್ಟದ ಒಡವೆಗಳು ಕಳ್ಳರಪಾಲಾಗುವುದನ್ನು ತಡೆಯಲು "ಜಿಲ್ಲಾಡಳಿತ ಹಾಗೂ ಸ್ಥಳೀಯ ಸಂಸ್ಥೆಗಳು ಕೂಡಲೇ ಎಚ್ಚೆತ್ತುಕೊಂಡು ಜಾಗೃತಿ ಮೂಡಿಸಲಿ ಎಂಬುದು ಸಂತ್ರಸ್ತರ ಅಳಲಾಗಿದೆ"
ಬಿ. ಗಣೇಶ
ಕೆ.ಜಿ.ಕೊಪ್ಪಲು,ಮೈಸೂರು.
ಮೊ:9964760090

01/09/2026

ಡಾ. ಬಂಜಗೆರೆ ಜಯಪ್ರಕಾಶ್‌ ಅವರಿಗೆ
ಕುವೆಂಪು ಭಾಷಾ ಭಾರತಿ ಗೌರವ ಪ್ರಶಸ್ತಿ

ಬೆಂಗಳೂರು; ನಾಡಿನ ಕುವೆಂಪು ಭಾಷಾ ಭಾರತಿ ಪ್ರಾಧಿಕಾರದ 2026ನೇ ಸಾಲಿನ ವಾರ್ಷಿಕ ಗೌರವ ಪ್ರಶಸ್ತಿಗೆ ಡಾ.ಬಂಜಗೆರೆ ಜಯಪ್ರಕಾಶ್. ಆಯ್ಕೆ ಆಗಿದ್ದಾರೆ.
ಡಾ.ಬಂಜಗೆರೆ ಜಯಪ್ರಕಾಶ್ ಕೇವಲ ಒಂದು ಹೆಸರಲ್ಲ, ಅದೊಂದು ನುಡಿದಂತೆ ನಡೆದ ಜನಪರ ಕಾಳಜಿಯ ಜೀವಂತ ಸಾಕ್ಷಿ. ಕೋಟೆನಾಡು ಚಿತ್ರದುರ್ಗದ ಮಣ್ಣಿನಿಂದ ಬಂದು, ಇಡೀ ಕರ್ನಾಟಕದ ಸಾಮಾಜಿಕ, ಸಾಂಸ್ಕೃತಿಕ ಹಾಗೂ ಸಾಹಿತ್ಯಿಕ ವಲಯದಲ್ಲಿ ತಮ್ಮದೇ ಆದ ವಿಶಿಷ್ಟ ಛಾಪೊತ್ತಿದ ಈ ನೆಲದ ಗಟ್ಟಿ ದನಿ.
ಜನಪರ ಚಳುವಳಿಗಳ ಭಾಗವಾಗಿ ಸಮುದಾಯಗಳ ಅಧ್ಯಯನ ಮಾಡುತ್ತಾ ಬಂದಿರುವ ಡಾ.ಬಂಜಗೆರೆ ಜಯಪ್ರಕಾಶ್ ಅವರು ತೆಲುಗು ಮತ್ತು ಇಂಗ್ಲಿಷ್ ನಿಂದ ಮಹತ್ವದ ಕೃತಿಗಳನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಸಾಂಸ್ಕೃತಿಕ- ಸಾಮಾಜಿಕ ಅಧ್ಯಯನ ಕೃತಿಗಳು; ಕನ್ನಡ ರಾಷ್ಟ್ರೀಯತೆ (2000) ಇದೇ ರಾಮಾಯಣ (1994), ಆನು ದೇವಾ ಹೊರಗಣವನು (2007), ಕರ್ನಾಟಕತ್ವ ಸಮಾಜೋ ಆರ್ಥಿಕ ತಳಹದಿ (2006), ಬಂಡಾಯ ಸಾಹಿತ್ಯ ಸಂದರ್ಭ, ಬಾಗ್ ಬಹಾದುರ್ ನ ಸಾವು (2003), ಉಲಿಯ ಉಯ್ಯಲೆ (2005), ನಿಲ-ವರ್ತಮಾನ ಮುಖಾಬಿಲೆ (2009) ಮತ್ತು ಪಿಳ್ಳಂಗೋವಿ (2009) ಮುಂತಾದವು. ಕವನ ಸಂಕಲನಗಳು
ಕಳೆದ ಕಾಲದ ಪ್ರೇಯಸಿಯರಿಗೆ (ಸಂಯುಕ್ತ ಸಂಕಲನ - 2001), ನಾಳೆಗಾದರೂ ಸಿಗದೆ ನಿನ್ನ ತಾವಿನ ಗುರುತು (1998), ಮಹೂವಾ (1992), ಪದಾರ್ಪಣ (1983) ಅನುವಾದಗಳು,
ಮತ್ತೊಂದು ಪ್ರಸ್ಥಾನ (1991), ಸಮುದ್ರ ಮತ್ತು ಇತರ ಕವಿತೆಗಳು (1995) ಹಾಗೂ ಅಗೆತವಿಲ್ಲದ ತೋಟಗಾರಿಕೆ (1996), ತಲೆಮಾರು ( ಅಲೆಕ್ಸ್ ಹೆಲಿ), ಭೂಮಿ ( ಎಮಿಲ್ ಜೋಲಾ) ಬೇಗಂಪುರ ( ಗೇಲ್ ಓಮ್ವೆಟ್)ಮುಂತಾದವು.
ಬಂಜಗೆರೆ ಜಯಪ್ರಕಾಶ್ ಅವರಲ್ಲಿ ಹೋರಾಟದ ಕಿಚ್ಚು ರಕ್ತಗತವಾಗಿ ಬಂದದ್ದು, ಕರ್ನಾಟಕದ ಮೂಲೆ ಮೂಲೆಯಲ್ಲೂ ಶೋಷಿತರು, ರೈತರು, ಕಾರ್ಮಿಕರು ಮತ್ತು ಅಂಚಿಗೆ ತಳ್ಳಲ್ಪಟ್ಟ ಸಮುದಾಯಗಳ ಪರವಾಗಿ ಅವರು ನಡೆಸಿದ ಚಳುವಳಿಗಳು ಸಣ್ಣದೇನಲ್ಲ. ಆಡಳಿತಶಾಹಿ ಮತ್ತು ಸಾಮಾಜಿಕ ಅಸಮಾನತೆಯ ವಿರುದ್ಧ ಧ್ವನಿ ಎತ್ತಿದಾಗಲೆಲ್ಲಾ ಅವರ ದನಿ ಜನಸಾಮಾನ್ಯರ ಆಶೋತ್ತರಗಳಿಗೆ ಕನ್ನಡಿ ಹಿಡಿಯುತ್ತಿತ್ತು. ತತ್ವ ಸಿದ್ಧಾಂತಗಳನ್ನು ಕೇವಲ ವೇದಿಕೆಯ ಭಾಷಣಕ್ಕೆ ಸೀಮಿತಗೊಳಿಸದೆ, ಬೀದಿಗಿಳಿದು ಹೋರಾಡಿದ ಅಪರೂಪದ ಕ್ರಿಯಾಶೀಲ ಚಿಂತಕ ಇವರು. ಅವರ ಸಾಹಿತ್ಯಿಕ ಕೊಡುಗೆ ಅತ್ಯಂತ ಅನನ್ಯವಾದದ್ದು. ಅವರ ಬರವಣಿಗೆಯಲ್ಲಿ ಈ ನೆಲದ ಮೂಲ ಸಂಸ್ಕೃತಿ, ಜಾನಪದ ಸೊಗಡು ಮತ್ತು ಶ್ರಮಜೀವಿಗಳ ಬದುಕಿನ ನೈಜ ಮಿಡಿತಗಳು ಒಡಮೂಡಿವೆ. ರಾಜಿಯಿಲ್ಲದ ಹೋರಾಟದ ಬದುಕು ಮುಂದಿನ ಪೀಳಿಗೆಗೆ ಮಾರ್ಗದರ್ಶಕ. ಸಾಹಿತ್ಯ ಮತ್ತು ಹೋರಾಟವನ್ನು ಒಂದೇ ನಾಣ್ಯದ ಎರಡು ಮುಖಗಳಂತೆ ಜೀವಿಸಿದ ಬಂಜಗೆರೆ ಜಯಪ್ರಕಾಶ್ ಅವರಿಗೆ ʼ ಬೆವರ ಹನಿʼ ತಂಡದ ಅಭಿನಂದನೆಗಳು.

27/08/2026

ಕನ್ನಡಕ್ಕೆ `ಶಾಸ್ತ್ರೀಯ' ಅನುದಾನ ನೀಡಿ
* ಕೇಂದ್ರ ಶಿಕ್ಷಣ ಸಚಿವ ಪ್ರಲ್ಹಾದ್ ಜೋಷಿಗೆ ಕೆ.ವಿ. ಮಲ್ಲೇಶ್ ಆಗ್ರಹ
* ಶಾಸ್ತ್ರೀಯ ಸ್ಥಾನಮಾನ ನೆಪಮಾತ್ರಕ್ಕೆ ಸೀಮಿತವಾಗದಿರಲಿ
* ವರ್ತಮಾನದ ಸಮಸ್ಯೆಗಳನ್ನು ನಿವಾರಿಸಲಿ

ಕನ್ನಡಕ್ಕೆ ಶಾಸ್ತ್ರೀಯ ಸ್ಥಾನಮಾನ ದೊರೆತು 17 ವರ್ಷಗಳಾದರೂ ವರ್ತಮಾನ ಮತ್ತು ಭವಿಷ್ಯ ಭಾಷಾಭಿವೃದ್ಧಿಗೆ ಯಾವುದೇ ಪ್ರಯೋಜನಕಾರಿ ಯೋಜನೆಗಳು ಕಾಣದಾಗಿವೆ. ಸ್ಥಾನಮಾನವು ಕನ್ನಡದ ಇತಿಹಾಸಕ್ಕೆ ಸಿಕ್ಕ ಗೌರವ ಮಾತ್ರ ಎಂಬಂತಾಗಿದ್ದು, ಅನುಷ್ಠಾನದ ಕೊರತೆ ಎದ್ದುಕಾಣುತ್ತಿದೆ.

ಸ್ಥಾನಮಾನ ಸಿಕ್ಕರೂ ನಾಡಿನಲ್ಲಿ ಕನ್ನಡದ ಬಳಕೆ ಕಡಿಮೆಯಾಗುತ್ತಿದೆ. ಇಂಗ್ಲಿಷ್‌ ವ್ಯಾಮೋಹ ಜಾಸ್ತಿ ಆಗಿದೆ. ಸ್ಥಾನಮಾನವು ಹಳೆಯ ಕಾಲದ ಹಿರಿಮೆಯ ಗೌರವಕ್ಕಷ್ಟೇ ಸೀಮಿತವಾಯಿತೇ ಹೊರತು ಇಂದಿನ ಕನ್ನಡದ ಉಳಿವಿಗೆ ಹೆಚ್ಚು ಸಹಾಯವಾಗಲಿಲ್ಲ. ಇದೀಗ ಕರ್ನಾಟಕದವರೇ ಆದ ಕೇಂದ್ರ ಸಚಿವ ಪ್ರಲ್ಹಾದ್‌ ಜೋಷಿ ಅವರು ಉನ್ನತ ಶಿಕ್ಷಣ ಸಚಿವರಾಗಿದ್ದು, ಈ ಬಗ್ಗೆ ಮುತುವರ್ಜಿವಹಿಸಿ ಶಾಸ್ತ್ರೀಯ ಸ್ಥಾನಮಾನದ ಸರಿಯಾದ ನಿರ್ವಹಣೆಗೆ ಗಮನಹರಿಸಬೇಕು.

ಜೋಷಿ ಅವರೇ ಗಮನಹರಿಸಿ :
ಕನ್ನಡ ನಾಡಿನ ಪುತ್ರರಾದ ತಾವು ಕೇಂದ್ರ ಸಚಿವರಾಗಿರುವುದು ನಮಗೆಲ್ಲರಿಗೂ ಹೆಮ್ಮೆಯ ವಿಷಯ. ಕನ್ನಡಕ್ಕೆ 2008 ರಲ್ಲೇ ಶಾಸ್ತ್ರೀಯ ಭಾಷೆಯ ಸ್ಥಾನಮಾನ ಸಿಕ್ಕಿದ್ದರೂ ಅಭಿವೃದ್ಧಿ ನಿರೀಕ್ಷಿತ ಮಟ್ಟದಲ್ಲಿ ಆಗಿಲ್ಲ ಎಂಬುದು ನಮ್ಮೆಲ್ಲರ ನೋವು.
ಮೈಸೂರಿನಲ್ಲಿರುವ ಶಾಸ್ತ್ರೀಯ ಕನ್ನಡ ಉತ್ಕೃಷ್ಟತಾ ಕೇಂದ್ರಕ್ಕೆ ಇಂದಿಗೂ ಸ್ವಂತ ಕಟ್ಟಡವಿಲ್ಲ, ಖಾಯಂ ಸಿಬ್ಬಂದಿ ಇಲ್ಲ. ಇದಕ್ಕೆ ಪೂರ್ಣ ಪ್ರಮಾಣದ ಸ್ವಾಯತ್ತತೆ ಮತ್ತು ಕೇಂದ್ರೀಯ ವಿಶ್ವವಿದ್ಯಾಲಯದ ಸ್ಥಾನಮಾನ ನೀಡಬೇಕು. ತಾವು ಕನ್ನಡದ ನೆಲದಿಂದಲೇ ಬಂದವರು. ಕನ್ನಡದ ಈ ನ್ಯಾಯಯುತ ಬೇಡಿಕೆಗೆ ತಾವು ಧ್ವನಿಯಾಗುತ್ತೀರಿ ಎಂಬ ನಂಬಿಕೆ ಕನ್ನಡಿಗರಿಗಿದೆ.
ಈ‌ ಬಗ್ಗೆ ತಾವು ಗಮನಹರಿಸಿ‌ ಕನ್ನಡಮ್ಮನ ಋಣ ತೀರಿಸಬೇಕು ಎಂದು ಕೇಳಿಕೊಳ್ಳುತ್ತೇವೆ.

ಅನುದಾನದ ಕೊರತೆಯಾಗದಿರಲಿ :
ಕೆಂದ್ರ ಸರಕಾರ ಶಾಸ್ತ್ರೀಯ ಭಾಷೆಗಳ ಅಭಿವೃದ್ಧಿಗೆ ನೀಡುವ ಅನುದಾನದಲ್ಲಿ ತಾರತಮ್ಯ ಮಾಡದೆ ಎಲ್ಲಾ ಶಾಸ್ತ್ರೀಯ ಭಾಷೆಗಳ ಸಮಾನ ಅಭಿವೃದ್ಧಿಗೆ ಸಮಾನ ಅನುದಾನ ನೀಡಬೇಕು. ಈ ವಿಚಾರದಲ್ಲಿ ಕನ್ನಡಕ್ಕೆ ಮೊದಲಿನಿಂದಲೂ ಅನ್ಯಾಯವಾಗುತ್ತಲೇ ಬಂದಿರುವುದು ಅತ್ಯಂತ ವಿಷಾದನೀಯ ಸಂಗತಿ. ಕೇಂದ್ರ ಸರಕಾರ ಘೋಷಿಸಿದ ಅನುದಾನ ಪೂರ್ಣ ಪ್ರಮಾಣದಲ್ಲಿ ಬರುತ್ತಿಲ್ಲ. ತಮಿಳು ಭಾಷೆಗೆ ಸಿಗುವಷ್ಟು ಅನುದಾನ ಕನ್ನಡಕ್ಕೆ ಸಿಗುತ್ತಿಲ್ಲ. ಕಳೆದ 10 ವರ್ಷಗಳಲ್ಲಿ ತಮಿಳುಭಾಷೆ 500 ಕೋಟಿ ರೂ.ಗೂ ಹೆಚ್ಚು ಅನುದಾನ ನೀಡಿದ್ದರೆ ಕನ್ನಡಕ್ಕೆ ದೊರೆತಿರುವುದು ಕೇವಲ 30ರಿಂದ 40 ಕೋಟಿ ರೂ. ಮಾತ್ರ. ಕೇಂದ್ರ ಸರಕಾರ ಇಂತಹ ಮಲತಾಯಿ ಧೋರಣೆಯನ್ನು ಬಿಡಬೇಕು. ಭಾಷೆ ಎಂದರೆ ಕೇವಲ ಸಂವಹನದ ಮಾಧ್ಯಮವಲ್ಲ, ಅದು ಒಂದು ಜನಾಂಗದ ಸಂಸ್ಕೃತಿ, ಇತಿಹಾಸ ಮತ್ತು ಅಸ್ಮಿತೆ. ಶಾಸ್ತ್ರೀಯ ಸ್ಥಾನಮಾನ ದೊರೆತಿರುವುದು ಭಾಷೆಗಳ ಸಂಸ್ಕೃತಿ, ಇತಿಹಾಸ ಅತ್ಯಂತ ಹಿರಿಮೆಯದ್ದು ಎಂದು. ಅಂತಹ ಭಾಷೆಗಳ ಸಮಾನ ಪೋಷಣೆ ಕೇಂದ್ರ ಸರಕಾರದ ಹೊಣೆ.

ವರ್ತಮಾನದ ನಿರ್ಲಕ್ಷ್ಯ :
ನಮ್ಮ ಭಾಷೆ 2000 ವರ್ಷ ಹಳೆಯದು, ನಮ್ಮ ಭಾಷೆಗೆ ಶಾಸ್ತ್ರೀಯ ಸ್ಥಾನಮಾನ ದೊರೆತಿದೆ ಎಂದು ಒಂದೆಡೆ ಖುಷಿಪಡುತ್ತಿದ್ದರೆ, ಮತ್ತೊಂದೆಡೆ ರಾಜಧಾನಿ ಬೆಂಗಳೂರಿನಲ್ಲಿ ಕನ್ನಡದಲ್ಲಿ ವ್ಯವಹಾರ ಮಾಡುವವರ ಸಂಖ್ಯೆ ಕಡಿಮೆಯಾಗುತ್ತಿದೆ. ಅಂಗಡಿ ನಾಮಫಲಕಗಳಲ್ಲಿ, ಖಾಸಗಿ ಶಾಲೆಗಳಲ್ಲಿ, ಉದ್ಯೋಗಗಳಲ್ಲಿ ಕನ್ನಡಕ್ಕೆ ಎರಡನೇ ಸ್ಥಾನ ನೀಡಲಾಗುತ್ತಿದೆ. ಶಾಸ್ತ್ರೀಯ ಸ್ಥಾನಮಾನವು ಕೇವಲ ಇತಿಹಾಸಕ್ಕೆ ಸಿಕ್ಕ ಮನ್ನಣೆಯಾಗಬಾರದು. ಭಾಷೆಯ ಸಮಗ್ರ ಅಭಿವೃದ್ಧಿಯಾಗಬೇಕು.
ಪ್ರಸ್ತುತ ಜಗತ್ತು ಎಐ ತಂತ್ರಜ್ಞಾನದ ಜತೆ ಓಡುತ್ತಿದೆ. ಆದರೆ, ಕನ್ನಡ ಭಾಷೆ ತಂತ್ರಜ್ಞಾನದ ಜತೆ ಹೆಜ್ಜೆ ಹಾಕುವಲ್ಲಿ ವಿಫಲವಾಗಿದೆ. ಒಂದು ಭಾಷೆ ಉಳಿಯಬೇಕಾದರೆ ಗೂಗಲ್‌‍ನಲ್ಲಿ ಆ ಭಾಷೆ ಇರಬೇಕು. ತಂತ್ರಜ್ಞಾನದ ಜತೆಗೆ ಭಾಷೆಯನ್ನು ಜೋಡಿಸುವ ಕೆಲಸವಾಗಬೇಕು. ಆದರೆ, ಕನ್ನಡದ ವಿಷಯದಲ್ಲಿ ಅದು ಸಾಧ್ಯವಾಗಿಲ್ಲ. ಶಾಸ್ತ್ರೀಯ ಸ್ಥಾನಮಾನದ ಹಣವನ್ನು ಪ್ರಾಚೀನ ಗ್ರಂಥಗಳ ಸಂರಚನೆ ಜತೆಗೆ ತಂತ್ರಜ್ಞಾನದ ಅಭಿವೃದ್ಧಿಗೂ ಬಸಬೇಕಿತ್ತು. ಕನ್ನಡದಲ್ಲಿ ಉತ್ತಮ ಅನುವಾದ ತಂತ್ರಾಂಶ, ದನಿ ಗುರುತಿಸುವಿಕೆ, ಕನ್ನಡ ಕೀಬೋರ್ಡ್‌ ಅಭಿವೃದ್ಧಿಗೆ ಬಳಸಿದ್ದರೆ ಇಂದು ಕನ್ನಡದ ಗಮ್ಮತ್ತು ಬೇರೇಯೇ ಇರುತ್ತಿತ್ತು. ಆದರೆ, ಇಂದಿಗೂ ಆ ಬಗ್ಗೆ ಯೋಚಿಸದಿರುವುದು ಅತ್ಯಂತ ನೋವಿನ ಸಂಗತಿ.

ಭಾಷಣದಿಂದ ಪ್ರಯೋಜನವಿಲ್ಲ :
ಪ್ರತಿ ನವೆಂಬರ್‌ 1ರಂದು ಶಾಸ್ತ್ರೀಯ ಸ್ಥಾನಮಾನದ ಬಗ್ಗೆ ದೊಡ್ಡ ಭಾಷಣ ಮಾಡುತ್ತೇವೆ. ಆದರೆ, ಆಡಳಿತದಲ್ಲಿ ಕನ್ನಡ ಕಡ್ಡಾಯ, ಕನ್ನಡ ಮಾಧ್ಯಮ ಶಾಲೆಗಳ ಬಲವರ್ಧನೆ ಬಗ್ಗೆ ಗಂಭೀರ ಕ್ರಮ ಕೈಗೊಳ್ಳುತ್ತಿಲ್ಲ. ನಮ್ಮ ಅಭಿಮಾನ ಕೇವಲ ಭಾಷಣಗಳಿಗೆ, ಫೇಸ್‌ಬುಕ್‌, ವಾಟ್ಸಾಪ್‌ ಸ್ಟೇಟಸ್‌ಗಳಿಗೆ ಮಾರತ್ರ ಸೀಮಿತವಾಗುತ್ತಿದೆ.
ಕನ್ನಡದ ಭವಿಷ್ಯ ಉಳಿಯಬೇಕಾದರೆ ಶಾಲೆಗಳಲ್ಲಿ ಕನ್ನಡ ಮಾಧ್ಯಮ ಬಲಪಡಿಸುವುದು, ತಂತ್ರಜ್ಞಾನದಲ್ಲಿ ಕನ್ನಡ ತರುವುದು, ಉದ್ಯೋಗದಲ್ಲಿ ಕನ್ನಡಕ್ಕೆ ಆದ್ಯತೆ ಕೊಡುವುದು ಹೆಚ್ಚು ಮುಖ್ಯ. ಮೈಸೂರಿನಲ್ಲಿ ಸ್ಥಾಪನೆಯಾಗಿರುವ ಶಾಸ್ತ್ರೀಯ ಕನ್ನಡ ಉತ್ಕೃಷ್ಟತಾ ಕೇಂದವನ್ನು ಬಲಪಡಿಸಬೇಕು. ಶಾಸ್ತ್ರೀಯ ಸ್ಥಾನಮಾನದಿಂದ ಸಾಮಾನ್ಯ ಜನರಿಗೆ, ಐಟಿ ಉದ್ಯೋಗಿಗೆ, ವಿದ್ಯಾರ್ಥಿಗೆ ನೇರ ಉದ್ಯೋಗ ಸಿಗುವುದಿಲ್ಲ. ಕನ್ನಡದಲ್ಲಿ ತಂತ್ರಜ್ಞಾನ, ಅನುವಾದ ಪರಿಕರಗಳ ಅಭಿವೃದ್ಧಿಗೆ ಆ ಹಣ ಬಳಕೆಯಾಗಬೇಕಿತ್ತು. ಆದರೆ, ಅದು ಆಗುತ್ತಿಲ್ಲ.

ಶಾಸ್ತ್ರೀಯ ಸ್ಥಾನಮಾನವು ಕನ್ನಡಕ್ಕೆ ಸಿಕ್ಕ ಕಿರೀಟವಿದ್ದಂತೆ ನಿಜ. ಆದರೆ, ಕಿರೀಟ ಇದ್ದ ಮಾತ್ರಕ್ಕೆ ರಾಜ್ಯಭಾರ ಚೆನ್ನಾಗಿ ನಡೆಯುವುದಿಲ್ಲ. ಆ ಕಿರೀಟದ ಗೌರವವನ್ನು ಉಳಿಸಿಕೊಳ್ಳಲು ನಾವು ಕೆಲಸ ಮಾಡಬೇಕು. ಕೇವಲ ಪ್ರಾಚೀನತೆಯನ್ನು ನೆನೆಯುತ್ತಾ ಕೂರದೆ, ಕನ್ನಡವನ್ನು ಉದ್ಯೋಗದ ಭಾಷೆ, ತಂತ್ರಜ್ಞಾನದ ಭಾಷೆ, ಆಡಳಿತದ ಭಾಷೆ ಮಾಡಿದಾಗ ಮಾತ್ರ ಶಾಸ್ತ್ರೀಯ ಸ್ಥಾನಮಾನಕ್ಕೆ ನಿಜವಾದ ಅರ್ಥ ಬರುತ್ತದೆ. ಕನ್ನಡವು ಶಾಸ್ತ್ರೀಯ ಭಾಷೆ ಎಂಬುದು ನಮ್ಮ ಹೆಮ್ಮೆ, ಆದರೆ, ಅದನ್ನು ಜೀವಂತ ಭಾಷೆಯಾಗಿ ಉಳಿಸಿಕೊಳ್ಳುವುದು ನಮ್ಮ ಹೊಣೆ ಎಂಬುದನ್ನು ಯಾರೂ ಮರೆಯಬಾರದು.
ಈ ಬಗ್ಗೆ ಕೇಂದ್ರದಲ್ಲಿ ಉನ್ನತ ಶಿಕ್ಷಣ ಇಲಾಖೆಯ ಜವಾಬ್ದಾರಿ ಹೊತ್ತಿರುವ ಕರ್ನಾಟಕದವರೇ ಆದ ಪ್ರಲ್ಹಾದ್‌ ಜೋಷಿ ಅವರು ಶಾಸ್ತ್ರೀಯ ಭಾಷೆಯ ಸಮಗ್ರ ಅಭಿವೃದ್ಧಿ ಕಡೆಗೂ ಗಮನಹರಿಸಬೇಕು. ರಾಜ್ಯಕ್ಕೆ ನ್ಯಾಯಯುತವಾಗಿ ಬರಬೇಕಿರುವ ಅನುದಾನವನ್ನು ಕೊಡಿಸುವ ಜತೆಗೆ ತಂತ್ರಜ್ಞಾನದಲ್ಲಿ ಕನ್ನಡದ ಅಭಿವೃದ್ಧಿಗೆ ಅಗತ್ಯ ಕ್ರಮವಹಿಸಬೇಕು.

ಕೆ.ವಿ. ಮಲ್ಲೇಶ್
ಉಪಾಧ್ಯಕ್ಷ, ಮೈಸೂರು ನಗರ ಕಾಂಗ್ರೆಸ್
ಮಾಜಿ ಸದಸ್ಯ, ಮೈಸೂರು ಮಹಾನಗರ ಪಾಲಿಕೆ
ಅಧ್ಯಕ್ಷ, ಅನಿಕೇತನ ಸೇವಾ ಟ್ರಸ್ಟ್
9845218453