Palnadu Police

04/10/2026

04/10/2026

🚨 పల్నాడు పోలీస్ 🚨
🍺 మద్యం సేవించి వాహనం నడపవద్దు – మీ ప్రాణాలతో పాటు ఇతరుల ప్రాణాలను కూడా ప్రమాదంలో పెట్టవద్దు.

“Don’t Drink & Drive – Your Family Is Waiting For You.”
📞 అత్యవసర పోలీస్ సహాయం: 112
🚑 అంబులెన్స్: 108
పల్నాడు పోలీస్ – మీ భద్రతే మా బాధ్యత.

04/10/2026

🚨 OTP ఎవరికీ చెప్పొద్దు – మీ డబ్బును కాపాడుకోండి! 🚨
బ్యాంక్ ఉద్యోగి, పోలీస్ అధికారి, కస్టమర్ కేర్ ప్రతినిధి, డెలివరీ ఏజెంట్ అంటూ ఎవరైనా ఫోన్ చేసి OTP అడిగితే ఎట్టి పరిస్థితుల్లోనూ చెప్పవద్దు.
🔹 మీ OTP, ATM PIN, CVV, UPI PIN, Passwordలను ఎవరితోనూ పంచుకోవద్దు.
🔹 బ్యాంకులు లేదా ఇతర అధికారిక సంస్థలు ఫోన్ ద్వారా OTP అడగవు.
🔹 తెలియని వ్యక్తులు పంపే లింకులను క్లిక్ చేయవద్దు.
🔹 “KYC Update”, “Account Block”, “Reward”, “Refund” అంటూ వచ్చే మోసపూరిత కాల్స్/మెసేజ్‌ల పట్ల అప్రమత్తంగా ఉండండి.
🔹 అనుమానం ఉంటే సంబంధిత సంస్థ యొక్క అధికారిక నంబర్‌ను మాత్రమే సంప్రదించండి.
⚠️ ఒక్క OTP చెబితే మీ బ్యాంక్ ఖాతాలోని డబ్బు ప్రమాదంలో పడవచ్చు.
📞 సైబర్ ఆర్థిక మోసానికి గురైతే వెంటనే 1930కు కాల్ చేయండి.
అప్రమత్తతే సైబర్ మోసాలకు ఉత్తమ రక్షణ.
#పల్నాడు జిల్లా పోలీస్
#1930

04/10/2026

బండ్లమోటు, ఈపూరు, వినుకొండ టౌన్, ఐనవోలు, శావల్యాపురం పోలీస్ స్టేషన్‌ లు ను ఆకస్మికంగా తనిఖీ చేసిన పల్నాడు జిల్లా ఎస్పీ శ్రీ జగదీష్ ఆదహళ్లి ఐపీయస్ గారు.

రానున్న ఎన్నికలను ఆ అత్యంత పారదర్శకంగా, ప్రశాంత వాతావరణంలో నిర్వహించడమే లక్ష్యంగా ఆకస్మికంగా సందర్శించి, తనిఖీలు చేపట్టారు.
పోలీస్ స్టేషన్ లను మరియు చుట్టూ ఉన్న పరిసరాలను జిల్లా ఎస్పీ గారు పరిశీలించారు. అనంతరం స్టేషన్ లలో రికార్డ్స్ లను పరిశీలించి కేసుల నమోదు, వాటి యొక్క స్థితి గతులను తెలుసుకుని పెండింగ్ కేసులను త్వరగా పూర్తి చేయాలని ఆదేశించారు. స్టేషన్లులోని పరిధిలో శాంతి భద్రత ల గురించి ఆరాదిశారు.

రోడ్డు ప్రమాదాల నివారణకు ప్రత్యేక చర్యలు తీసుకుంటూ స్టేషన్లో పరిధిలో ఎలాంటి నేరాలు జరక్కుండా ముందస్తు జాగ్రత్తలు తీసుకోవాలని అధికారులను ఆదేశించారు.

ప్రజలకు నిత్యం అందుబాటులో ఉంటూ పోలీస్ శాఖపై మరింత నమ్మకం పెంపొందించేలా ఉత్తమ సేవలు అందించాలి.చట్టవ్యతిరేక, అసాంఘిక కార్యకలాపాలపై ప్రత్యేక నిఘా పెట్టి నివారించాలి.

రానున్న స్థానిక ఎన్నికల నిమిత్తం సిబ్బందికి కేటాయించిన గ్రామాలలో వార్డు లో సమాచారాన్ని క్షేత్రస్థాయిలో సేకరిస్తూ ఎప్పటికప్పుడు పై అధికారులకు తెలియజేయాలని సూచించారు.

03/10/2026

Bollapalli SI and Police Staff Save Young Man’s Life Through Timely Action
A 19-year-old youth, Sankayalapati Srinu, from Malapadu village in Bollapalli Mandal, became distressed after being reprimanded by his parents for not working and went into the Bollapalli forest. Later, he posted “I’m dying” as his status on WhatsApp and Instagram and switched off his mobile phone.
Around 50 villagers searched the forest but could not locate him, after which they informed the police. On receiving the information, SI Sameer Basha, along with police staff, immediately launched a search operation and found the young man lying unconscious among the trees.
He was immediately shifted to a Government Hospital and provided treatment. Doctors stated that his life was saved because he was brought to the hospital in time.
The villagers appreciated and thanked the Bollapalli SI and police personnel for their swift response and timely action in saving the young man’s life.

03/10/2026

బొల్లాపల్లి ఎస్సై, సిబ్బంది చాకచక్యంతో యువకుడి ప్రాణాలు కాపాడారు
బొల్లాపల్లి మండలం మాలపాడు గ్రామానికి చెందిన సంకాయలపాటి శ్రీను (19) తల్లిదండ్రులు పని చేయడం లేదని మందలించడంతో మనస్తాపానికి గురై బొల్లాపల్లి అడవిలోకి వెళ్లాడు. అనంతరం WhatsApp, Instagramలో “నేను చనిపోతున్నాను” అని స్టేటస్ పెట్టి తన ఫోన్ స్విచ్ ఆఫ్ చేశాడు.
గ్రామస్థులు సుమారు 50 మంది అడవిలో గాలించినప్పటికీ ఆచూకీ లభించకపోవడంతో పోలీసులకు సమాచారం అందించారు. విషయం తెలుసుకున్న ఎస్సై సమీర్ భాషా వెంటనే సిబ్బందితో కలిసి గాలింపు చేపట్టి, చెట్ల మధ్య స్పృహ తప్పి పడిపోయి ఉన్న యువకుడిని గుర్తించారు.
వెంటనే అతడిని ప్రభుత్వ ఆసుపత్రికి తరలించి చికిత్స అందించారు. సకాలంలో ఆసుపత్రికి తీసుకురావడంతో యువకుడికి ప్రాణహాని తప్పిందని వైద్యులు తెలిపారు.
యువకుడి ప్రాణాలను కాపాడిన బొల్లాపల్లి ఎస్సై మరియు పోలీస్ సిబ్బందిని గ్రామస్థులు అభినందించారు.

03/10/2026

🚨 అతివేగం ప్రమాదాలకు కారణం – వేగం తగ్గించండి, ప్రాణాలు కాపాడండి! 🚨
వాహనాలను అతివేగంగా నడపడం వల్ల డ్రైవర్ నియంత్రణ కోల్పోయి తీవ్రమైన రోడ్డు ప్రమాదాలు జరిగే అవకాశం ఉంది. కొన్ని క్షణాల తొందర జీవితాంతం బాధను మిగిల్చవచ్చు.
🏍️🚗 వాహనం నడిపేటప్పుడు తప్పనిసరిగా:
🔹 నిర్ణీత వేగ పరిమితిని పాటించండి.
🔹 ఓవర్ స్పీడింగ్‌కు దూరంగా ఉండండి.
🔹 మలుపులు, జంక్షన్లు, జనసంచారం ఉన్న ప్రాంతాల్లో వేగం తగ్గించండి.
🔹 ద్విచక్ర వాహనదారులు హెల్మెట్, కారులో ప్రయాణించే వారు సీట్‌బెల్ట్ తప్పనిసరిగా ధరించండి.
🔹 మద్యం సేవించి లేదా మొబైల్ ఫోన్ ఉపయోగిస్తూ వాహనం నడపవద్దు.
⚠️ గమ్యానికి త్వరగా చేరుకోవడం కంటే సురక్షితంగా చేరుకోవడం ముఖ్యం.
వేగం తగ్గించండి – ప్రమాదాలను నివారించండి.
పల్నాడు జిల్లా పోలీస్

03/10/2026

🚨 పల్నాడు జిల్లా పోలీస్ 🚨
ఆన్‌లైన్ ట్రేడింగ్ పేరుతో మోసాలు — అప్రమత్తంగా ఉండండి!

💸 మొదట చిన్న లాభాలతో నమ్మకం… ఆ తర్వాత భారీ పెట్టుబడుల పేరుతో మోసం!

🛑 ప్రజలు పాటించాల్సిన జాగ్రత్తలు:

WhatsApp, Telegramలో వచ్చే అధిక లాభాలు, హామీతో కూడిన రాబడి వంటి ప్రచారాలను నమ్మి డబ్బులు పంపవద్దు.

ప్రముఖ సంస్థ పేరు, లోగో కనిపించినంత మాత్రాన నమ్మవద్దు. ఆ సంస్థ అధికారిక మార్గాల ద్వారా వివరాలను స్వయంగా నిర్ధారించుకోండి.

పెట్టుబడి పెట్టే ముందు బ్రోకర్ SEBI నమోదు, ట్రేడింగ్ యాప్ అధికారికతను సంబంధిత అధికారిక వెబ్‌సైట్లలో తనిఖీ చేయండి.

గుర్తుతెలియని వ్యక్తుల ఖాతాలకు లేదా సంబంధంలేని సంస్థల ఖాతాలకు పెట్టుబడి డబ్బులు బదిలీ చేయవద్దు.

చిన్న లాభాలు రావడం, యాప్‌లో భారీ బ్యాలెన్స్ కనిపించడం నిజమైన ట్రేడింగ్‌కు రుజువు కాదు.

డబ్బు విడుదల చేయడానికి అదనపు ఫీజులు చెల్లించాలని ఒత్తిడి చేస్తే అప్రమత్తమవ్వండి. మరిన్ని చెల్లింపులు నిలిపివేసి వివరాలను ధృవీకరించండి.

📞 ఆర్థిక సైబర్ మోసానికి గురైతే వెంటనే 1930కు కాల్ చేయండి.
🌐 **cybercrime.gov.in**లో ఫిర్యాదు నమోదు చేయండి.

మీ బ్యాంకుకు వెంటనే సమాచారం అందించండి. చాట్‌లు, స్క్రీన్‌షాట్‌లు, లావాదేవీ రసీదులు, ఖాతా వివరాలను భద్రపరచి పోలీసులకు అందించండి.

🛡️ మీ కష్టార్జితాన్ని కాపాడుకోండి — పెట్టుబడి పెట్టే ముందు ధృవీకరించండి!

02/10/2026

*
అమరావతి, పెద్దకూరపాడు ,సత్తెనపల్లి టౌన్ పోలీస్ స్టేషన్‌ లు ను ఆకస్మికంగా తనిఖీ చేసిన పల్నాడు జిల్లా ఎస్పీ శ్రీ జగదీష్ ఆదహళ్లి ఐపీయస్ గారు.

రానున్న ఎన్నికలను అత్యంత పారదర్శకంగా, ప్రశాంత వాతావరణంలో నిర్వహించడమే లక్ష్యంగా ఆకస్మికంగా సందర్శించి, తనిఖీలు చేపట్టారు.

అమరావతి,పెద్దకూరపాడు, సత్తెనపల్లి టౌన్ పోలీస్ స్టేషన్ లను మరియు చుట్టూ ఉన్న పరిసరాలను జిల్లా ఎస్పీ గారు పరిశీలించారు. అనంతరం స్టేషన్ లలోరికార్డ్స్ లను పరిశీలించి కేసుల నమోదు, వాటి యొక్క స్థితి గతులను తెలుసుకుని పెండింగ్ కేసులను త్వరగా పూర్తి చేయాలని ఆదేశించారు. స్టేషన్లులోని పరిధిలో శాంతి భద్రత ల గురించి ఆరాదిశారు.

రోడ్డు ప్రమాదాల నివారణకు ప్రత్యేక చర్యలు తీసుకుంటూ స్టేషన్లో పరిధిలో ఎలాంటి నేరాలు జరక్కుండా ముందస్తు జాగ్రత్తలు తీసుకోవాలని అధికారులను ఆదేశించారు.

ప్రజలకు నిత్యం అందుబాటులో ఉంటూ పోలీస్ శాఖపై మరింత నమ్మకం పెంపొందించేలా ఉత్తమ సేవలు అందించాలి.చట్టవ్యతిరేక, అసాంఘిక కార్యకలాపాలపై ప్రత్యేక నిఘా పెట్టి నివారించాలి.

రానున్న స్థానిక ఎన్నికల నిమిత్తం సిబ్బందికి కేటాయించిన గ్రామాలలో వార్డు లో సమాచారాన్ని క్షేత్రస్థాయిలో సేకరిస్తూ ఎప్పటికప్పుడు పై అధికారులకు తెలియజేయాలని సూచించారు.
ఈ కార్యక్రమంలో సత్తెనపల్లి DSP చైతన్య గారు, అమరావతి CI Y. అచ్చయ్యా గారు, పెద్దకూరపాడు సర్కిల్ CI P. సురేష్ గారు, సత్తెనపల్లి టౌన్ CI నాగ మల్లేశ్వర రావు గారు, అమరావతి, పెద్దకూరపాడు, సత్తెనపల్లి టౌన్ SI లు మరియు సిబ్బంది పాల్గొనారు.

02/10/2026

//*స్వచ్ఛ ఆంధ్ర–స్వర్ణాంధ్ర కార్యక్రమంలో పల్నాడు జిల్లా పోలీస్ ప్రధాన కార్యాలయానికి అవార్డు అందజేత* //

పరిశుభ్రత కేవలం ప్రభుత్వ అధికారుల బాధ్యత కాదు... ప్రతి పౌరుడి సామాజిక బాధ్యత – పల్నాడు జిల్లా అదనపు ఎస్పీ శ్రీ రోహిత్ కుమార్ చౌదరి, ఐపీఎస్.

రాష్ట్ర ప్రభుత్వం ప్రతిష్టాత్మకంగా నిర్వహిస్తున్న “స్వచ్ఛ ఆంధ్ర–స్వర్ణాంధ్ర” కార్యక్రమంలో భాగంగా గాంధీ జయంతి సందర్భంగా శుక్రవారం నరసరావుపేట టౌన్ హాల్‌లో అవార్డుల ప్రదానోత్సవ కార్యక్రమం నిర్వహించారు. ఈ కార్యక్రమంలో పల్నాడు జిల్లా కలెక్టర్ శ్రీమతి కృతిక శుక్ల గారు, నరసరావుపేట శాసనసభ్యులు శ్రీ చదలవాడ అరవింద బాబు గారి చేతుల మీదుగా వివిధ విభాగాల్లో ఉత్తమ ప్రతిభ కనబరిచిన ప్రభుత్వ కార్యాలయాలకు అవార్డులు అందజేశారు.

ఈ సందర్భంగా “స్వచ్ఛ ప్రభుత్వ కార్యాలయం” విభాగంలో పరిశుభ్రత, పారిశుధ్య నిర్వహణ, కార్యాలయ పరిసరాల పరిశుభ్రత, వ్యర్థాల నిర్వహణ తదితర అంశాల్లో ఉత్తమ ప్రమాణాలు పాటించినందుకు పల్నాడు జిల్లా పోలీస్ ప్రధాన కార్యాలయానికి అవార్డు లభించింది.

జిల్లా పోలీస్ ప్రధాన కార్యాలయం తరఫున పల్నాడు జిల్లా ఎస్పీ జగదీష్ అదహళ్లి ఐపీఎస్ గారి ఆదేశాల మేరకు అదనపు ఎస్పీ శ్రీ రోహిత్ కుమార్ చౌదరి, ఐపీఎస్ గారు ఈ అవార్డును స్వీకరించారు.

ఈ సందర్భంగా అదనపు ఎస్పీ శ్రీ రోహిత్ కుమార్ చౌదరి ఐపీఎస్ గారు మాట్లాడుతూ,

👉 పరిశుభ్రత అనేది కేవలం ప్రభుత్వ అధికారులు, సిబ్బంది మాత్రమే నిర్వహించాల్సిన బాధ్యత కాదని, సమాజంలోని ప్రతి పౌరుడి బాధ్యత అని తెలిపారు.

👉 పరిశుభ్రమైన పరిసరాలు ఆరోగ్యకరమైన సమాజానికి పునాది వంటివని పేర్కొన్నారు.

👉ఆంధ్రప్రదేశ్ ప్రభుత్వం ప్రతిష్టాత్మకంగా చేపట్టిన స్వచ్ఛ ఆంధ్ర–స్వర్ణాంధ్ర కార్యక్రమాన్ని ప్రజలందరూ తమ కార్యక్రమంగా భావించి భాగస్వాములు కావాలని ఆయన పిలుపునిచ్చారు. ప్రతి ఇంటి నుంచి, ప్రతి కార్యాలయం నుంచి, ప్రతి గ్రామం, పట్టణం నుంచి పరిశుభ్రత కార్యక్రమాలు ప్రారంభమైనప్పుడే రాష్ట్రాన్ని మరింత పరిశుభ్రంగా తీర్చిదిద్దడం సాధ్యమవుతుందని తెలిపారు.

👉ప్రజా భాగస్వామ్యంతోనే స్వచ్ఛ పల్నాడు
దేశంలోనే పరిశుభ్రతకు ప్రత్యేక గుర్తింపు పొందిన ఇండోర్ నగరం తరహాలో పల్నాడు జిల్లాలోని ప్రతి ప్రాంతం పరిశుభ్రంగా, ఆరోగ్యకరంగా ఉండేలా చర్యలు చేపట్టాల్సిన అవసరం ఉందని అదనపు ఎస్పీ గారు తెలిపారు. ఇందుకు ప్రభుత్వ శాఖల సమన్వయంతో పాటు ప్రజల భాగస్వామ్యం అత్యంత కీలకమని పేర్కొన్నారు.

👉 ప్రభుత్వ కార్యాలయాలలో పరిశుభ్రతను నిరంతరం కొనసాగిస్తూ, సిబ్బందిలోనూ పరిశుభ్రతపై అవగాహన పెంపొందించాల్సిన అవసరం తెలిపారు.

మార్పు మన ఇంటి నుంచే ప్రారంభం కావాలి
మహాత్మా గాంధీ గారి ఆశయాలను స్ఫూర్తిగా తీసుకుని సమాజంలో మనం చూడాలనుకునే మార్పును ముందుగా మన ఇంటి నుంచే ప్రారంభించాలని అదనపు ఎస్పీ గారు తెలిపారు.

👉వ్యక్తిగత పరిశుభ్రతతో పాటు పరిసరాల పరిశుభ్రతకు కూడా ప్రతి ఒక్కరూ ప్రాధాన్యత ఇవ్వాలని సూచించారు.
స్వచ్ఛతను ఒకరోజు కార్యక్రమంగా కాకుండా నిత్య జీవితంలో భాగంగా మార్చుకోవాలని ఆయన కోరారు. ప్రభుత్వ శాఖలు చేపట్టే కార్యక్రమాలకు ప్రజలు సహకరిస్తే పరిశుభ్రమైన, ఆరోగ్యకరమైన, సుందరమైన పల్నాడు జిల్లాను నిర్మించుకోవచ్చని తెలిపారు.

ఈ కార్యక్రమంలో పల్నాడు జిల్లా కలెక్టర్ శ్రీమతి కృతిక శుక్ల గారు, నరసరావుపేట శాసనసభ్యులు చదలవాడా అరవింద బాబు గారు, అదనపు ఎస్పీ శ్రీ రోహిత్ కుమార్ చౌదరి ఐపీఎస్ గారు, డీఆర్వో అద్దయ్య, ఆర్డీవో బాలకృష్ణ, మున్సిపల్ కమిషనర్ రమ్య కీర్తన, డీపీఓ నాగేశ్వర్ నాయక్ తదితర జిల్లా అధికారులు పాల్గొన్నారు.