MyNmc

जागतिक सायकल दिवस
एका निरोगी आरोग्याकडे आणि प्रदूषणमुक्त निसर्गाकडे पाऊल टाकूया.
नियमित सायकलिंगचे फायदे ओळखून आजपासूनच एक नवी सुरुवात करुया..

स्वच्छता ही केवळ मोहीम नाही, ती आपली जबाबदारी आहे!

नुकतीच टाळकुटेश्वर पूल आणि लक्ष्मीनारायण घाट परिसरात विशेष स्वच्छता मोहीम राबवण्यात आली होती. पण काही बेजबाबदार नागरिकांमुळे तिथे पुन्हा अस्वच्छता पसरवली जात असल्याचे समोर आले . यामुळेच गोदावरी संवर्धन कक्ष, सुरक्षा रक्षक आणि पोलीस दल यांच्याकडून संयुक्तपणे दंडात्मक कारवाई केली गेली.

जबाबदार नागरिक बना, प्रशासनाला सहकार्य करा.

एक पाऊल नंदिनी नदी महास्वच्छता अभियानाकडे, एक पाऊल समृद्ध नाशिककडे!

नंदिनी नदी आपल्या नाशिकच्या पर्यावरणीय वारशाचा एक अत्यंत महत्त्वाचा भाग आहे. नदीला तिचे वैभव परत मिळवून देणे हे आपले कर्तव्य आहे!
५ जून 'जागतिक पर्यावरण दिन' निमित्त आयोजित महास्वच्छता अभियानात आपला सहभाग नोंदवा.
आपल्या जवळच्या १० ठिकाणांपैकी एका ठिकाणी उपस्थित राहा आणि नंदिनी नदी महास्वच्छता अभियानात सहभागी व्हा..

आपली नदी, नाशिकची समृद्धी!

'कन्नमवार पूल ते कपिला संगम' स्वच्छता मोहीम यशस्वीरित्या राबवण्यात आली.
यावेळी नदीतील घातक असलेले घटक हटवण्यात आले असून ही स्वच्छता जपणे आपले कर्तव्य आहे.

आगामी सिंहस्थ कुंभमेळ्याच्या अनुषंगाने नाशिक शहरातील नदी संवर्धन व पर्यावरण संरक्षणाला चालना देण्यासाठी जागतिक पर्यावरण दिनानिमित्त ५ जून २०२६ रोजी उन्नत नाशिक अभियानांतर्गत “नंदिनी नदी स्वच्छता महाअभियान” राबविण्यात येणार आहे. या अभियानाच्या नियोजनाबाबत कै. सदाशिव गंगाराम भोरे नाट्यगृह, पंचवटी येथे महापौर सौ.हिमगौरी आहेर-आडके यांच्या नेतृत्वात आढावा बैठक संपन्न झाली.

नाशिक महानगरपालिका, विविध शासकीय विभाग, सामाजिक संस्था, स्वयंसेवी संघटना आणि नागरिकांच्या संयुक्त सहभागातून हे महाअभियान राबविण्यात येणार असून नाशिककरांनी सहकुटुंब सहभागी होऊन स्वच्छ, सुंदर आणि पर्यावरणपूरक नाशिक
घडविण्याच्या या लोकचळवळीत योगदान द्यावे, असे आवाहन करण्यात आले.

यावेळी महापौर सौ. हिमगौरी आहेर-आडके, स्थायी समिती सभापती मच्छिंद्र सानप, कुंभमंत्री मा. गिरीशभाऊ महाजन यांचे ओएसडी संदीप जाधव, भाजप प्रदेश प्रवक्ते लक्ष्मण सावजी, भाजप शहराध्यक्ष सुनील केदार, प्रभाग सभापती रोहिणी पिंगळे, मंगला नन्नावरे, समाधान देवरे, बाळकृष्ण शिरसाठ,नगरसेविका रंजना भानसी, राजेश पंडित,मनोज साठे, तसेच इतर नगरसेवक, नगरसेविका, मनपा अधिकारी उपस्थित होते.

नाशिकमधील पथविक्रेत्यांच्या प्रगतीला मिळणार नवी गती!

नाशिक महानगरपालिका आणि केंद्र सरकारच्या 'पंतप्रधान पथविक्रेता आत्मनिर्भर निधी' योजनेच्या माध्यमातून आयोजित 'लोक कल्याण मेळावा'!

कालावधी: १ जून ते ३० जून २०२६
ठिकाण: नाशिक महानगरपालिका हद्दीतील विविध बाजारपेठ क्षेत्र

₹१५,००० ते ₹५०,००० पर्यंत सुलभ कर्ज
७% व्याज अनुदान आणि डिजिटल व्यवहारांवर आकर्षक कॅशबॅक मिळवण्याची हीच सुवर्णसंधी!

अधिक माहितीसाठी राजीव गांधी भवन, पीएम स्वनिधी विभाग, महानगरपालिका यांच्याशी संपर्क साधा.

बोलतेय गोदामाई..
ऐकताय ना नाशिककर..

आपली जीवनवाहिनी असलेल्या गोदावरी नदीला प्रदूषणापासून मुक्त ठेवण्यासाठी आजच स्वतःशी एक प्रामाणिक वचन देऊया.
स्वच्छ गोदामाई, सुंदर नाशिक..