AITUC Maharashtra

26/09/2026

नवनिर्माचित पदाधिकाऱ्यांचे हार्दिक अभिनंदन!

#गोंदिया #आयटक

26/09/2026

आयटक गोंदिया जिल्हा अधिवेशन उत्साहात संपन्न!

कामगारांच्या हक्कांसाठीचा संघर्ष अधिक व्यापक आणि मजबूत करण्याचा निर्धार करत ऑल इंडिया ट्रेड युनियन काँग्रेस (AITUC) गोंदिया जिल्हा अधिवेशन आज उत्साहपूर्ण वातावरणात संपन्न झाले.
कामगारांच्या प्रश्नांवर चर्चा, संघटनात्मक आढावा, आगामी आंदोलनांची दिशा आणि हक्कांच्या लढ्याला अधिक बळ देण्याचा संकल्प या अधिवेशनातून करण्यात आला.
संघटन मजबूत करूया, संघर्ष तीव्र करूया आणि कामगारांच्या हक्कांचा आवाज बुलंद करूया!
✊✊✊

#कामगारचळवळ #कामगारएकजूट

26/09/2026

आशांच्या सामाजिक योगदानापासून हक्कांच्या संघर्षापर्यंत…

आरोग्य व्यवस्थेची तळागाळातील महत्त्वाची कडी म्हणून काम करणाऱ्या आशा गटप्रवर्तक कार्यकर्त्यांच्या प्रश्नांना संघटित चळवळीची ताकद देत, त्यांच्या हक्कांसाठीचा संघर्ष पुढे नेण्याचा निर्धार...
ऑल इंडिया ट्रेड युनियन काँग्रेस (AITUC) चे २० वे महाराष्ट्र राज्य अधिवेशन दि. ३–४ ऑक्टोबर २०२६, नागपूर येथे होत आहे. या अधिवेशनाच्या माध्यमातून आशा कार्यकर्त्यांसह योजना कर्मचारी, महिला कामगार आणि कष्टकरी वर्गाच्या प्रश्नांवर व्यापक चर्चा, संघर्षाचा आढावा आणि पुढील लढ्याची दिशा निश्चित केली जाणार आहे.

25/09/2026

25/09/2026

🔴 ग्रामरोजगार सेवकांच्या एकजुटीचा विजय!

दि. २२ सप्टेंबर २०२६ रोजीच्या जाचक शासन निर्णयाविरोधात महाराष्ट्रातील ग्रामरोजगार सेवकांनी आयटक च्या वतीने एकजुटीने आवाज उठवत मा. रोजगार हमी मंत्री श्री. भरतशेटजी गोगावले साहेब यांच्याकडे सदर शासन निर्णय रद्द करण्याची मागणी केली. ग्रामरोजगार सेवकांच्या या एकजुटीच्या आणि सातत्यपूर्ण संघर्षाची दखल घेत सदर निर्णय रद्द करण्याच्या दिशेने शासनाकडून सकारात्मक कार्यवाही करण्यात आली आहे. या संघर्षात सहभागी झालेल्या महाराष्ट्रातील सर्व ग्रामरोजगार सेवकांचे AITUC महाराष्ट्राच्या वतीने मनःपूर्वक अभिनंदन आणि आभार.
मात्र, अटी-शर्ती लादणारा नवीन शासन निर्णय आम्हाला मान्य नाही. ग्रामरोजगार सेवकांच्या हिताचा, त्यांच्या मागण्यांचा आणि हक्कांचा विचार करून नवीन शासन निर्णय तातडीने काढण्यात यावा, अशी मागणी महाराष्ट्र राज्य ग्रामरोजगार सेवक संघटना आयटक (AITUC) यांच्या वतीने करण्यात येत आहे. एकजूट कायम ठेवा, संघर्ष सुरू ठेवा!

ग्रामरोजगार सेवक एकजूट जिंदाबाद!
कामगार एकजूट जिंदाबाद! आयटक जिंदाबाद! 🔴✊

#ग्रामरोजगार #कामगारएकजूट

25/09/2026

#कामगारएकता #कामगारएकजूट

24/09/2026

भारताच्या पूर्ण स्वातंत्र्याची मागणी १९२१ मध्ये मांडणाऱ्या AITUC च्या ऐतिहासिक कामगार चळवळीचा वारसा पुढे नेत…
कामगारांच्या श्रमाला सन्मान, हक्कांना न्याय आणि प्रत्येकाच्या जगण्याला प्रतिष्ठा मिळावी यासाठीचा संघर्ष आजही सुरू आहे. संघर्षाची परंपरा जपत, बदलत्या काळातील कामगार प्रश्नांना आवाज देत, संघटित शक्तीच्या बळावर न्याय्य आणि शोषणमुक्त समाजाच्या दिशेने वाटचाल करूया...
चलो नागपूर | चलो नागपूर
📅 ३–४ ऑक्टोबर २०२६
कामगार एकजुटीच्या बळावर हक्कांचा लढा अधिक तीव्र करूया!

#अमरजीतकौर

24/09/2026

अंगणवाडी कर्मचाऱ्यांना सरसकट प्रोत्साहन भत्ता मिळावा यासाठी आयटकचा पाठपुरावा!

महाराष्ट्र राज्य अंगणवाडी बालवाडी कर्मचारी युनियन, आयटक व कृती समितीच्या वतीने अंगणवाडी कर्मचाऱ्यांना सरसकट प्रोत्साहन भत्ता देण्यात यावा, या मागणीसाठी आयुक्त कार्यालय, मुंबई येथे बैठक घेण्यात आली.
या बैठकीस कॉ. नयन गायकवाड उपस्थित होते. मागणीवर सकारात्मक चर्चा करत मा.आयुक्तांनी त्वरित कायदेशीर प्रस्ताव तयार करून वरिष्ठांकडे पाठविण्याचे आश्वासन दिले.अंगणवाडी कर्मचाऱ्यांच्या हक्कांसाठी आयटकचा संघर्ष आणि पाठपुरावा सुरूच राहणार!

24/09/2026

घराघरात कष्ट करून कुटुंब आणि समाजाच्या दैनंदिन जीवनाचा महत्त्वाचा आधार बनलेल्या घरकामगार महिलांच्या सामाजिक योगदानापासून त्यांच्या हक्कांच्या लढ्यापर्यंतचा प्रवास मांडणारा हा विशेष व्हिडिओ.
घरकामगार महिलांना संघटित करण्यापासून त्यांच्या सामाजिक सुरक्षा, पेन्शन, विमा, सन्मानजनक मानधन, साप्ताहिक सुट्टी, घरकुल आणि विविध शासकीय योजनांसाठी संघर्ष उभा करण्यापर्यंत घरकामगार मोलकरीण युनियन, आयटक सातत्याने कार्यरत आहे.

आयटक जिंदाबाद! ✊✊✊