CPIM Nedumangad Local Committe

10/10/2026

"ഇന്ത്യൻ
സമര ചരിത്രത്തിലെ
പുതിയ അദ്ധ്യായം രചിക്കുന്ന പോരാട്ടം"

09/10/2026

നാളെ വൈകുന്നേരം 6മണിക്ക് നെടുമങ്ങാട്ട്

05/10/2026

പ്രമുഖ ട്രേഡ്‌ യൂണിയൻ–കമ്യൂണിസ്റ്റ്‌ പാർടി നേതാവായിരുന്ന സഖാവ്‌ ആനത്തലവട്ടം ആനന്ദൻ നമ്മെ വിട്ടുപിരിഞ്ഞിട്ട്‌ ഒക്‌ടോബർ അഞ്ചിന്‌ മൂന്നുവർഷം പൂർത്തിയാകുകയാണ്‌. സിപിഐ എം സംസ്ഥാന സെക്രട്ടറിയറ്റ്‌ അംഗം, സിഐടിയു അഖിലേന്ത്യ വൈസ്‌ പ്രസിഡന്റ്‌, സംസ്ഥാന പ്രസിഡന്റ്‌, കയർ തൊഴിലാളി സെന്റർ നേതാവ്‌ എന്നീ നിലകളിലെല്ലാം പ്രവർത്തിച്ച അദ്ദേഹം തൊഴിലാളികളുടെ പ്രിയ നേതാവായിരുന്നു. മൂന്നുവട്ടം ആറ്റിങ്ങലിൽനിന്ന്‌ നിയമസഭയിലെത്തിയ സഖാവ്‌ പാർലമെന്ററി രംഗത്തും മാതൃകാപരമായ പ്രവർത്തനം കാഴ്‌ചവച്ചു. തിരുവനന്തപുരത്തെ ചിറയിൻകീഴ്‌ താലൂക്കിലെ കയർ ഗ്രാമമായ ആനത്തലവട്ടത്ത്‌ ജനിച്ച സഖാവ്‌ നന്നേ ചെറുപ്പത്തിൽ കയർത്തൊഴിലാളികൾക്കിടയിൽ പ്രവർത്തിച്ച്‌ കമ്യൂണിസ്റ്റ്‌ പാർടി, തൊഴിലാളി സംഘടനാ പ്രവർത്തകനും നേതാവുമായി വളർന്നു. നീതിനിഷേധങ്ങൾക്കെതിരെ പതർച്ചയില്ലാത്ത ചെറുത്തുനിൽപ്പ്‌ സഖാവിനെ വ്യത്യസ്‌തനാക്കി.
തൊഴിലാളികൾക്കൊപ്പം ഇഴുകിച്ചേർന്നായിരുന്നു ആനത്തലവട്ടത്തിന്റെ സംഘടനാപ്രവർത്തനം. രോഗം ബാധിച്ച്‌ ചികിത്സയിൽ കഴിഞ്ഞ അവസാനനാളുകളിലും അദ്ദേഹം സംഘടനാകാര്യങ്ങളിലും തൊഴിലാളികളുടെ അവകാശങ്ങളുമായി ബന്ധപ്പെട്ട വിഷയങ്ങളിലും സജീവമായി ഇടപെട്ടു. കേരളത്തിൽ കമ്യൂണിസ്റ്റ് പ്രസ്ഥാനം രൂപംകൊണ്ട കാലയളവിലാണ് സഖാവിന്റെ ജനനം. 1937 ഏപ്രിൽ 22ന്‌. 1956ൽ കമ്യൂണിസ്റ്റ്‌ പാർടി അംഗമായി. കയർത്തൊഴിലാളികളുടെ വിശ്വസ്‌ത സഖാവും സംരക്ഷകനുമായിരുന്നു ആനന്ദൻ. സ്‌കൂളിൽ എൻസിസി കേഡറ്റായിരുന്ന ആനന്ദന്‌ പട്ടാളത്തിൽ ചേരാൻ ഉത്തരവ്‌ ലഭിച്ചെങ്കിലും അമ്മ സമ്മതിക്കാത്തതിനാൽ പോയില്ല. പിന്നീട്‌ റെയിൽവേയിൽ ടിടിഇയായി ജോലി ലഭിച്ചപ്പോൾ കയർത്തൊഴിലാളികളുടെ സമരം നടക്കുകയിരുന്നു. ജോലിക്കുപോകാൻ എല്ലാവരുടെയും സമ്മർദമുണ്ടായെങ്കിലും തൊഴിലാളികളെ സമരത്തിൽ വിട്ടിട്ട്‌ താൻ ജോലിക്ക്‌ പോകുന്നത്‌ ശരിയല്ലെന്ന്‌ തോന്നിയതിനാൽ വേണ്ടെന്നുവച്ചു. 1971-ൽ സി എച്ച്‌ കണാരനെ പരിചയപ്പെട്ടതോടെ മുഴുവൻസമയ പാർടി പ്രവർത്തകനായി. 1975 മാർച്ച്‌ 31ന്‌ കാസർകോട്ടുനിന്ന്‌ തിരുവനന്തപുരത്തേക്ക്‌ നടത്തിയ കയർത്തൊഴിലാളികളുടെ പട്ടിണിജാഥയ്‌ക്ക്‌ നേതൃത്വം നൽകി. അടിയന്തരാവസ്ഥയിൽ ജയിൽവാസവും അനുഭവിച്ചു. ആശയപ്രചാരകൻ, പ്രഭാഷകൻ, സംഘാടകൻ, നിയമസഭാ സമാജികൻ എന്നിങ്ങനെ നിരവധി തലങ്ങളിൽ നടത്തിയ പ്രവർത്തനങ്ങൾ സമാനതകളില്ലാത്തതാണ്. തൊഴിലാളിവർഗ പ്രസ്ഥാനത്തിനുവേണ്ടി ജീവിതം സമർപ്പിച്ച ത്യാഗധനനായ നേതാവായിരുന്നു സഖാവ് ആനത്തലവട്ടം ആനന്ദൻ. ആ വേർപാട്‌ പാർടിക്കും പ്രസ്ഥാനത്തിനും കനത്ത നഷ്‌ടംതന്നെയാണ്‌. സഖാവിന്റെ ഓർമകൾക്കു മുന്നിൽ സ്‌മരണാഞ്ജലി.

സ. എം വി ഗോവിന്ദൻ മാസ്റ്റർ
സിപിഐഎം സംസ്ഥാന സെക്രട്ടറി

29/09/2026

തദ്ദേശ ഉപതെരഞ്ഞെടുപ്പ്
തലസ്‌ഥാനത്ത് യുഡിഎഫിന് തലവേദന
അഞ്ചിൽ മൂന്നിലും മുന്നേറി ഇടതുപക്ഷം.

29/09/2026

ജനങ്ങളോടൊപ്പം നിന്ന്, ജനങ്ങളുടെ വിഷയങ്ങൾ ഏറ്റെടുത്ത് മുന്നേറാനുള്ള ഇടതുപക്ഷത്തിന്റെ കരുത്ത് ഒരിക്കൽ കൂടി തെളിയിക്കപ്പെട്ട ഫലമാണ് തദ്ദേശ ഉപതെരഞ്ഞെടുപ്പിലേത്. ഇടതുപക്ഷത്തെ ഇല്ലാതാക്കിക്കളയാമെന്ന് വ്യാമോഹിച്ചവർക്കുള്ള മറുപടിയാണിത്. തിരുത്തി തിരിച്ചുവരുമെന്ന ഇടതുപക്ഷ നിലപാട് ജനങ്ങൾ സ്വീകരിച്ചു എന്നതിന്റെ തെളിവുകൂടിയാണ് ഈ വിജയം. സ്പോൺസേർഡ് സർക്കാരും സ്പോൺസേർഡ് മുഖ്യമന്ത്രിയും മന്ത്രിമാരുടെ സ്പോൺസേർഡ് യാത്രകളും, പവർകട്ടും, വിലക്കയറ്റവും, മരുന്ന് ക്ഷാമവും, ദുരിതാശ്വാസ പ്രവർത്തനങ്ങളിലെ ഗുരുതര വീഴ്ചയും, സ്വകാര്യ വൽക്കരണ നിലപാടുകളും, സംഘപരിവാർ വിധേയത്വവുമെല്ലാം ജനങ്ങളിൽ മടുപ്പുണ്ടാക്കിയെന്നാണ് തെരഞ്ഞെടുപ്പ് ഫലം ചൂണ്ടിക്കാട്ടുന്നത്.
12 ജില്ലകളിലായി 38 തദ്ദേശ സ്വയംഭരണ സീറ്റിലേക്ക് നടന്ന തെരഞ്ഞെടുപ്പിൽ 18 സീറ്റുകളാണ് എൽഡിഎഫ് നേടിയത്. 2025 ലെ തെരഞ്ഞെടുപ്പിൽ 15 സീറ്റുകളിലാണ് എൽഡിഎഫ് ജയിച്ചത്. ഇത്തവണ അത് 18 ആയി വർധിച്ചു. 22 സീറ്റുകളിൽ നിന്ന് യുഡിഎഫ് 19 ആയി കുറഞ്ഞു. സീറ്റിനു പുറമെ വോട്ടിന്റെ കണക്കിലും എൽഡിഎഫ് നേട്ടം കൈവരിച്ചു. വൻ ഭൂരിപക്ഷത്തിൽ എൽഡിഎഫ് വിജയം നേടിയപ്പോൾ യുഡിഎഫിന് ഭൂരിപക്ഷം കുറഞ്ഞു. തോറ്റുപോയ ഇടങ്ങളിലും എൽഎഡിഎഫ് വോട്ട് കുത്തനെ കൂടിയിട്ടുണ്ട്.
അതിന് തെളിവാണ് കോട്ടയം ജില്ലയിലെ തൃക്കൊടിത്താനം ജില്ലാ പഞ്ചായത്ത് ഡിവിഷൻ. യുഡിഎഫ് എംഎൽഎ വിനു ജോബിന്റെ സിറ്റിങ് സീറ്റാണ് എൽഡിഎഫ് പിടിച്ചെടുത്തത്. 748 വോട്ടിന് യുഡിഎഫ് ജയിച്ച സ്ഥലത്ത് 2140 ഭൂരിപക്ഷത്തിലാണ് എൽഡിഎഫ് വിജയക്കൊടി പാറിച്ചത്. പാലക്കാട് പല്ലശന ജില്ലാ പഞ്ചായത്ത് ഡിവിഷൻ കഴിഞ്ഞ തവണ 7085 വോട്ടിന് എൽഡിഎഫ് ജയിച്ചു. ഇത്തവണ ജയിച്ചത് ആകട്ടെ 10658 വോട്ടിനും. തെരഞ്ഞെടുപ്പ് നടന്ന എല്ലായിടങ്ങളിലും വലിയ ഭൂരിപക്ഷമാണ് എൽഡിഎഫ് നേടിയത്. ഇടതുപക്ഷ വിജയത്തിനായി പ്രയത്നിച്ച മുഴുവൻ സഖാക്കളെയും, വോട്ടുചെയ്ത മുഴുവൻ ജനങ്ങളെയും ഹൃദയപൂർവ്വം അഭിവാദ്യം ചെയ്യുന്നു.

സ. എം വി ഗോവിന്ദൻ മാസ്റ്റർ
സിപിഐഎം സംസ്ഥാന സെക്രട്ടറി

26/09/2026

CPI(M) തിരുവനന്തപുരം ജില്ലാ വിപുലീകൃത കമ്മിറ്റി 2026 സെപ്റ്റംബർ 30,ഒക്ടോബർ 01 തീയതികളിൽ...

ബഹുജന റാലി 2026 ഒക്ടോബർ 16 ന് പുത്തരിക്കണ്ടം മൈതാനത്ത്...

23/09/2026

ED- മോഡി- VD കൂട്ടുകെട്ടിൻ്റെ സഖാവ് പിണറായി വിജയനെതിരെയുള്ള രാഷ്ട്രീയ പകപോക്കലിൽ പ്രതിഷേധിച്ച് CPI(M) നെടുമങ്ങാട് ഏര്യാ കമ്മിറ്റിയുടെ നേതൃത്വത്തിൽ നടന്ന പ്രതിഷേധ പ്രകടനവും യോഗവും ഏര്യാ സെക്രട്ടറി സഖാവ് KP പ്രമോഷ് ഉദ്ഘാടനം ചെയ്തു.

23/09/2026

സംഘപരിവാറിന്റെ കള്ള കഥയുമായി ഇടതുപക്ഷത്തെ വേട്ടയാടാം എന്ന് കരുതണ്ട സതീശാ
ഒരു ചുക്കും ചെയ്യില്ല

23/09/2026