M. Venkaiah Naidu

Call Directions

M. Venkaiah Naidu Former Vice President of India

భారతీయ ఆవిష్కరణల రంగానికి దిక్సూచిగా నిలిచి, 'భారత ఎడిసన్'గా ప్రఖ్యాతి గాంచిన శ్రీ గోపాల స్వామి దొరైస్వామి నాయుడు గారి జ...
23/10/2026

భారతీయ ఆవిష్కరణల రంగానికి దిక్సూచిగా నిలిచి, 'భారత ఎడిసన్'గా ప్రఖ్యాతి గాంచిన శ్రీ గోపాల స్వామి దొరైస్వామి నాయుడు గారి జీవిత చరిత్ర "అప్పా - మా నాన్న జి.డి. నాయుడు" పుస్తకాన్ని ఆవిష్కరించడం ఎంతో ఆనందంగా ఉంది. ప్రసిద్ధ రచయిత్రి శ్రీమతి శివశంకరి గారి ఈ రచనను తెలుగులోకి అద్భుతంగా అనువదించిన శ్రీ ఇసనాక మురళీధర్ గారికి అభినందనలు. చదువు జ్ఞానాన్ని ఇస్తే... నైపుణ్యం జీవితాన్ని అందిస్తుంది. మూడో తరగతిలోనే బడి మానేసినా, స్వయం కృషితో అసాధారణ నైపుణ్యాలను సాధించి, రవాణా, విద్యుత్, ఆటోమొబైల్ రంగాల్లో విప్లవాత్మక ఆవిష్కరణలు చేసిన శ్రీ జి.డి. నాయుడు గారి జీవితం నేటి యువతకు స్ఫూర్తిదాయకమైనది.

బ్రిటిష్ కాలంలోనే వందలాది బస్సులతో దక్షిణ భారతదేశంలో 'యూనైటెడ్ మోటర్ సర్వీస్'ను అగ్రగామిగా నిలిపిన శ్రీ జి.డి. నాయుడు గారు కేవలం సంపదను సృష్టించడమే కాకుండా, తొలి పాలిటెక్నిక్ కళాశాలను ఏర్పాటు చేసి సమాజ అభ్యున్నతికి బాటలు వేశారు. ఆయన సేవా గుణం అందరికీ ఆదర్శం. చిన్న చిన్న వైఫల్యాలకే యువత నిరుత్సాహపడుతున్న తరుణంలో శ్రీ జి.డి. నాయుడు గారి జీవితం ఒక సంజీవని లాంటిది. యువత ఉద్యోగార్థులుగా కాకుండా ఉద్యోగాలను సృష్టించే వ్యాపారవేత్తలుగా ఎదగాలి. సంకల్పం ఉంటే ప్రతికూల పరిస్థితులను కూడా అనుకూలంగా మార్చుకోవచ్చని ఆయన నిరూపించారు.

అలయ్ బలయ్ కార్యక్రమంలో పాల్గొనడం ఆనందదాయకం. అలయ్ బలయ్ కేవలం ఒక ఉత్సవం కాదు.. మనసులను కలిపే ఆత్మీయ వేదిక. కులమతాలు, రాజకీ...
22/10/2026

అలయ్ బలయ్ కార్యక్రమంలో పాల్గొనడం ఆనందదాయకం. అలయ్ బలయ్ కేవలం ఒక ఉత్సవం కాదు.. మనసులను కలిపే ఆత్మీయ వేదిక. కులమతాలు, రాజకీయాలకు అతీతంగా ప్రేమ, స్నేహం, సౌభ్రాతృత్వాన్ని చాటే ఈ గొప్ప సంప్రదాయం భారతీయ సంస్కృతిలోని ‘వసుధైవ కుటుంబకం’ భావనకు ప్రతిరూపం. చక్కని సంప్రదాయాన్ని కొనసాగిస్తున్న శ్రీ బండారు దత్తాత్రేయ గారికి, వారి కుమార్తె శ్రీమతి విజయలక్ష్మి గారికి అభినందనలు, శుభాకాంక్షలు తెలియజేస్తున్నాను.

సాంకేతికంగా ప్రపంచం దగ్గరవుతున్నా, మన పక్కనున్న మనిషికి దూరం కాకూడదు. జీవితానికి సమాచారం ఎంత అవసరమో, ఆత్మీయ అనుబంధాలు కూడా అంతే అవసరం. కష్టకాలంలో ఒకరికొకరం అండగా నిలవడమే నిజమైన మానవత్వం. ఆధునికతను స్వీకరిస్తూ మన మూలాలను మరవకూడదు. మన భాషను ప్రేమిద్దాం.. మన సంస్కృతిని గౌరవిద్దాం.. మహిళలకు గౌరవం, యువతకు అవకాశాలు, పెద్దలకు ఆదరణ, బలహీన వర్గాలకు అండ అందిద్దాం. భిన్నత్వంలో ఏకత్వానికి భారతదేశాన్ని ప్రపంచానికి ఆదర్శంగా నిలుపుదాం. అదే అలయ్ బలయ్ అందించే సందేశం.

జాతి హక్కుల కోసం, మాతృభూమి రక్షణ కోసం ప్రాణాలర్పించిన ఆదివాసీ హక్కుల ప్రతీక శ్రీ కొమురం భీమ్ జయంతి సందర్భంగా ఆ వీర యోధు...
22/10/2026

జాతి హక్కుల కోసం, మాతృభూమి రక్షణ కోసం ప్రాణాలర్పించిన ఆదివాసీ హక్కుల ప్రతీక శ్రీ కొమురం భీమ్ జయంతి సందర్భంగా ఆ వీర యోధుని స్మృతికి నివాళులు అర్పిస్తున్నాను. ఆయన పోరాట స్ఫూర్తిని ఆదర్శంగా తీసుకుని యువతరం వికసిత భారత నిర్మాణంలో భాగస్వాములు కావాలని అకాంక్షిస్తున్నాను.

బతుకమ్మ పండుగ శుభాకాంక్షలు.ప్రకృతిని పూజించడం భారతీయ సంప్రదాయం. దేవతార్చనకు వాడే పుష్పాలనే ప్రకృతిగా భావించి తీరొక్కపూల...
20/10/2026

బతుకమ్మ పండుగ శుభాకాంక్షలు.

ప్రకృతిని పూజించడం భారతీయ సంప్రదాయం. దేవతార్చనకు వాడే పుష్పాలనే ప్రకృతిగా భావించి తీరొక్కపూలతో దేవీ రూపంగా పూజించే ఘనమైన సంప్రదాయం ‘బతుకమ్మ’ పండుగ అందరి జీవితాల్లో సరికొత్త వెలుగులు తీసుకురావాలని ఆకాంక్షిస్తున్నాను.

దేశప్రజలందరికీ విజయదశమి శుభాకాంక్షలు.ఇది పండుగ మాత్రమే కాదు... చెడుపై మంచి సాధించిన విజయాన్ని, ధర్మం యొక్క గెలుపును చాటే...
20/10/2026

దేశప్రజలందరికీ విజయదశమి శుభాకాంక్షలు.

ఇది పండుగ మాత్రమే కాదు... చెడుపై మంచి సాధించిన విజయాన్ని, ధర్మం యొక్క గెలుపును చాటే సందర్భం. చెడు గుణాలను తొలగించుకుని, మంచి ఆలోచనలతో నూతన అధ్యాయాన్ని ప్రారంభించమని తెలియజేస్తుంది. సమాజంలో ఐక్యతను, కుటుంబాల్లో సంతోషాన్ని నింపే దసరా పండుగ మన సంస్కృతీ సంప్రదాయాలకు నిలువుటద్దం. ఈ పండుగ ప్రతి ఒక్కరి జీవితాల్లోకి ఆరోగ్యం, ఆనందం, విజయాలను తీసుకురావాలని ఆకాంక్షిస్తున్నాను.

హైదరాబాద్‌లో నిర్వహించిన ‘నాద బ్రహ్మోత్సవం’ వేడుకల్లో పాల్గొనడం ఆనందంగా ఉంది. తిరుమల శ్రీనివాసునికి పదపుష్పాలతో, నాదసుధల...
18/10/2026

హైదరాబాద్‌లో నిర్వహించిన ‘నాద బ్రహ్మోత్సవం’ వేడుకల్లో పాల్గొనడం ఆనందంగా ఉంది. తిరుమల శ్రీనివాసునికి పదపుష్పాలతో, నాదసుధలతో అర్చన జరిపే ఈ ఆధ్యాత్మిక కార్యక్రమం ముదావహం. దశాబ్దాలుగా అన్నమయ్య సంకీర్తనా ప్రచారానికి కృషి చేస్తున్న శ్రీమతి శోభారాజ్ గారికి, శ్రీ నందకుమార్ గారికి అభినందనలు. ఈ సందర్భంగా అందరికీ హృదయపూర్వక దుర్గాష్టమి, మహార్నవమి మరియు విజయదశమి శుభాకాంక్షలు.

చెడుపై మంచి సాధించిన విజయానికి ప్రతీక దసరా. క్షణిక ఆవేశాలు, సత్వర ఫలితాలు అనే ఆలోచనలను వదిలి, సత్యం-శ్రమ-పట్టుదలతో ముందడుగు వేయడమే నిజమైన విజయదశమి స్ఫూర్తి. ఈ పండుగ సందర్భంలో నాదబ్రహ్మోత్సవం వేదిక నుంచి వైద్యరంగానికి విశేష సేవలందించిన ఎ.ఐ.జి హాస్పిటల్స్ చైర్మన్, ప్రముఖ గ్యాస్ట్రో ఎంట్రాలజిస్ట్ డాక్టర్ డి. నాగేశ్వర రెడ్డి గారికి "నవ వైశ్వానర" బిరుదు, సిద్ధ వైద్యానికి అంతర్జాతీయ ఖ్యాతి తెచ్చిన డాక్టర్ సత్య సింధుజ గారికి 'ధైర్య' పురస్కారం అందజేయడం ముదావహం. వారికి నా హృదయపూర్వక శుభాకాంక్షలు.

అన్నమయ్య సంకీర్తనలు కేవలం భక్తి మార్గాన్నే కాక, జీవితంలో ఎదురయ్యే సవాళ్లను ధైర్యంగా ఎదుర్కొనే ఆత్మవిశ్వాసాన్ని అందిస్తాయి. "ఎంతమాత్రమున ఎవ్వరు తలచిన..." అన్న కీర్తన చెప్పే సందేశం – మన ఆలోచన ఎంత గొప్పగా ఉంటే, మన విజయం అంత గొప్పగా ఉంటుంది. ఈ ప్రేరణతో... యువతరం ఆధ్యాత్మిక స్ఫూర్తిని అలవర్చుకోవాలి.

దేశ ప్రజలందరికీ దుర్గాష్టమి శుభాకాంక్షలు.ఈ పండుగ చెడుపై మంచి సాధించిన విజయానికి మాత్రమే ప్రతీక కాదు... భారతీయ సంస్కృతిలో...
18/10/2026

దేశ ప్రజలందరికీ దుర్గాష్టమి శుభాకాంక్షలు.

ఈ పండుగ చెడుపై మంచి సాధించిన విజయానికి మాత్రమే ప్రతీక కాదు... భారతీయ సంస్కృతిలో మహిళల ప్రాధాన్యతకు, వారి సాధికారతకు ప్రతీక. లోకకల్యాణార్థం దుష్ట శిక్షణ కోసం అవతరించిన జగన్మాత మహాదుర్గ మన అందరి జీవితాల్లోనూ సుఖసంతోషాలను, ధైర్యసాహసాలను ప్రసాదించాలని ప్రార్థిస్తున్నాను. శక్తి స్వరూపిణి, సర్వశక్తిదాత్రి అయిన అమ్మవారి దివ్య ఆశీస్సులతో... ఈ దుర్గాష్టమి ప్రతి ఒక్కరి జీవితంలోని ప్రతికూలతలన్నింటినీ తొలగించి, కొత్త విజయాలను తీసుకురావాలని ఆకాంక్షిస్తున్నాను.

దేశం గర్వించదగిన శాస్త్రవేత్త, భారతదేశ పూర్వ రాష్ట్రపతి, భారతరత్న శ్రీ అవుల్ పకీల్ జైనులబ్దీన్ (ఎ.పి.జె) అబ్దుల్ కలామ్ జ...
15/10/2026

దేశం గర్వించదగిన శాస్త్రవేత్త, భారతదేశ పూర్వ రాష్ట్రపతి, భారతరత్న శ్రీ అవుల్ పకీల్ జైనులబ్దీన్ (ఎ.పి.జె) అబ్దుల్ కలామ్ జయంతి సందర్భంగా వారి స్మృతికి నివాళులు అర్పిస్తున్నాను. శాస్త్రవేత్తగా దేశానికి వారు అందించిన సేవలు, ప్రజల రాష్ట్రపతిగా వారు గడిపిన నిరాడంబర జీవితం, పదవి అనంతరం యువతతో మమేకం కావడం వంటి చొరవ ప్రతి ఒక్కరికీ స్ఫూర్తిదాయకమైనవి.

"విజయం అనేది కృషి తాలుకూ ఫలితం" అంటూ వారు చేసిన దిశానిర్దేశం యువతకు ప్రేరణాత్మకమైనది. శ్రీ అబ్దుల్ కలాం స్ఫూర్తితో ప్రతి యువకుడు వికసిత భారతదేశాన్ని నిర్మాణంలో భాగస్వాములు కావాలని, ప్రపంచానికే ఆదర్శమైన భారతదేశాన్ని భవిష్యత్ తరాలకు కానుకగా అందించాలని ఆకాంక్షిస్తున్నాను.

శ్రీ మండవ వెంకట్రామయ్య గారి జీవిత గమనం పుస్తకాన్ని ఆవిష్కరించడం ముదావహం. వారి జీవితాన్ని ‘భువి నుంచి భువనం వరకు’ పేరిట చ...
11/10/2026

శ్రీ మండవ వెంకట్రామయ్య గారి జీవిత గమనం పుస్తకాన్ని ఆవిష్కరించడం ముదావహం. వారి జీవితాన్ని ‘భువి నుంచి భువనం వరకు’ పేరిట చక్కని గ్రంథానికి రూపకల్పన చేసిన రచయిత డాక్టర్ పాలకోడేటి సత్యనారాయణ రావు గారికి మరియు మిత్రులు శ్రీ మండవ ప్రభాకర్ రావు గారికి నా హృదయపూర్వక అభినందనలు. భవిష్యత్ తరాలకు ఈ పుస్తకం ఒక గొప్ప మార్గదర్శకం అవుతుందని నేను మనస్ఫూర్తిగా విశ్వసిస్తున్నాను.

ఉన్నత విద్యనభ్యసించినా పట్టణాలకే పరిమితం కాకుండా, స్వగ్రామాన్ని చేరుకుని విత్తన పరిశ్రమ ద్వారా రైతు సంక్షేమమే ధ్యేయంగా శ్రీ వెంకట్రామయ్య గారు సాగించిన జీవన ప్రస్థానం ఎంతో స్ఫూర్తిదాయకం. ఎలాంటి గర్వం లేకుండా, చివరి వరకు ఇతరులకు మేలు చేయాలనే తపనతో నిరాడంబర జీవితాన్ని గడిపిన మహనీయుడాయన. యువత తమ జీవితంలో ఎంత ఎదిగినా మూలాలను మరవకూడదనే ఆయన ఆదర్శాలు ప్రేరణ పంచుతాయి.

కొన్ని రుచులు కేవలం రుచులు కావు, మనుషులను మన దగ్గరకు చేర్చే మధుర జ్ఞాపకాలు అంటూ శ్రీ మండవ వెంకట్రామయ్య గారి జీవన ప్రస్థానం పుస్తకంలోని మాటలు అక్షర సత్యాలు. మన మూలాలను కాపాడుకోవడం మన బాధ్యత. పెద్దలు మన కుటుంబానికి మూలమైన వేర్లు. రేపు ఫొటో ముందు కన్నీరు కార్చడం కంటే, వారు బతికున్నప్పుడే సమయం కేటాయించి వారి జ్ఞాపకాలను పంచుకోవాలి. ఇలాంటి విలువైన జ్ఞాపకాలే మన నిజమైన సంపద.

My reverential tributes to the memory of the great Socialist & Gandhian, Lok Nayak Jayaprakash Narayan (JP). In remember...
11/10/2026

My reverential tributes to the memory of the great Socialist & Gandhian, Lok Nayak Jayaprakash Narayan (JP). In remembering him, we honour one of India’s most venerable freedom fighters, Gandhian thinkers, & socialist icons.

Jayaprakash Narayan devoted his life to the service of the nation—from his daring role in the 1942 Quit India Movement to his unyielding dedication to social welfare through the Bhoodan (land-gift) movement. As a true leader of the masses, he embodied selflessness, moral courage, & political integrity.
JP is best remembered for leading the Total Revolution (Sampoorna Kranti) movement in the 1970s. When democratic values faced unprecedented challenges, he galvanized students, youth, & citizens across the nation to rise peacefully in defense of freedom, justice, & accountability.
Today, Lok Nayak’s legacy remains a guiding light, reminding us to rededicate ourselves to upholding the democratic ideals, social justice, & selfless service that he championed throughout his life.

Address

No1 Thayaraja Marg
New Delhi
110001

Telephone

01123016422

Website

Alerts

Be the first to know and let us send you an email when M. Venkaiah Naidu posts news and promotions. Your email address will not be used for any other purpose, and you can unsubscribe at any time.

Shortcuts

Share

Category