Idukki Police

Home
India
Painavu
Idukki Police

Call Directions Website Contact the organization

Official page of District Police Idukki

ഇടുക്കി ജില്ലയുടെ ക്രമസമാധാന പരിപാലന-നിയമ നിർവഹണ ഏജൻസി- കേരള പോലീസ് ഡിപ്പാർട്ട്മെന്റിൻ്റെ ഭാഗമായി, ജനങ്ങൾക്ക് ഉയർന്ന നിലവാരത്തിലുള്ള പോലീസ് സേവനങ്ങൾ നൽകാൻ ഞങ്ങൾ പ്രതിജ്ഞാബദ്ധരാണ്. പൊതു സുരക്ഷ വർദ്ധിപ്പിക്കുന്നതിനും പൗരൻ്റെ അവകാശങ്ങൾ മാനിച്ചും അന്തസ്സ് ഉയർത്തുന്നതിനുമുള്ള ക്രമസമാധാന പാലനത്തിനുള്ള ഞങ്ങളുടെ ശ്രമങ്ങൾ ഞങ്ങൾ നിരന്തരം വിലയിരുത്തുകയും മെച്ചപ്പെടുത്തുകയും ചെയ്യും

09/10/2026

ഗഞ്ചാവുമായി യുവാവ് ഇടുക്കി പോലീസിന്റെ പിടിയിൽ.
=================================== വാഴത്തോപ്പ്, ഇടുക്കികോളനി കരയിൽ, ഗാന്ധിനഗർ, ചെരുവിളപുത്തൻവീട് വീട്ടിൽ ആനന്ദ് രാജേഷ് (27) ആണ് പിടിയിലായത്. രഹസ്യ വിവരം ലഭിച്ചതിന്റെ അടിസ്ഥാനത്തിൽ 08.10.2026 തീയതി ഇടുക്കി പോലീസ് സബ് ഇൻസ്പെക്ടർമാരായ ശ്യാം എം കെ, ജോർജ്കുട്ടി , അസിസ്റ്റന്റ് സബ് ഇൻസ്പെക്ടർ സ്മിത,സീനിയർ സിവിൽ പോലീസ് ഓഫീസർ ജിമ്മി ജേക്കബ്, സിവിൽ പോലീസ് ഓഫീസർ ഡെന്നി എന്നിവർ പ്രതിയുടെ വാടക വീട്ടിൽ പരിശോധിച്ചതിൽ പ്ലാസ്റ്റിക്ക് കവറിൽ സൂക്ഷിച്ച നിലയിൽ 17.1 ഗ്രാം ഗഞ്ചാവ് കണ്ടെത്തുകയായിരുന്നു.
ഓപ്പറേഷൻ തൂഫാൻ ദി നാർക്കോ ഹണ്ട്“ എന്ന കേരള പോലീസിന്റെ ലഹരിവിരുദ്ധ പ്രൊജക്റ്റിന്റെ ഭാഗമായി സംസ്ഥാനത്ത് ലഹരിയുടെ ഒഴുക്ക് പൂർണ്ണമായും തടയുന്നുന്നതിനായും, കുട്ടികളെയും, യുവജനങ്ങളേയും ലഹരിയുടെ കെണിയിൽ വീഴ്ത്തുന്ന സംഘങ്ങളിലെ പ്രധാന കണ്ണികളെ കണ്ടെത്തി നിയമത്തിനു മുന്നിൽ എത്തിക്കുന്നതിനും ഞങ്ങളോടൊപ്പം പൊതുജനങ്ങളായ നിങ്ങളുടെ പിന്തുണയും ആവശ്യമാണ്.
ഇടുക്കി ജില്ലയിലെ നിങ്ങളുടെ ചുറ്റുപാടുകളില്‍ നടക്കുന്ന ലഹരിവസ്തുക്കളുടെ കച്ചവടങ്ങളോ, ഉപയോഗമോ ശ്രദ്ധയില്‍പെട്ടാല്‍ ഇടുക്കി ജില്ലാ തൂഫാൻ കൺട്രോൾ റൂം നമ്പരായ 9497932508 ൽ അറിയിക്കൂ. ഇത്തരത്തില്‍ സന്ദേശം അറിയിക്കുന്നവരുടെ വിവരങ്ങള്‍ രഹസ്യമായിരിക്കും.

#ഇടുക്കിപൊലീസ്

08/10/2026

പരാതി ലഭിച്ച് 12 മണിക്കൂറിനുള്ളിൽ മോഷ്ടാക്കളെ പിടികൂടി വണ്ടിപ്പെരിയാർ പോലീസ്.
==================================
പെരിയാർ വില്ലേജിൽ വണ്ടിപ്പെരിയാർ കരയിൽ നെല്ലിമല എസ്റ്റേറ്റ് ലയത്തിൽ താമസിക്കുന്ന അരുൺ(34), ആറ്റോരം ഭാഗത്ത് ഒറ്റപ്ലാക്കൽ വീട്ടിൽ രഞ്ജിത്(30), ചോറ്റുപാറ കരയിൽ കോണിമാറ എസ്റ്റേറ്റ് ലയത്തിൽ താമസിക്കുന്ന ശിവ(29) എന്നിവരെയാണ് വണ്ടിപ്പെരിയാർ പോലീസ് അറസ്റ്റ് ചെയ്തത്.
പ്രതികൾ വണ്ടിപ്പെരിയാർ നെല്ലിമല ആറ്റോരം ഭാഗത്തുളള ദേവീക്ഷേത്രത്തിന്റെ ഉളളിൽ അതിക്രമിച്ചുകയറി ഊട്ടുപുരയുടെ താഴ് തകർത്ത് ഉളളിലുണ്ടായിരുന്ന ഏകദേശം 4 ലക്ഷം രൂപ വില വരുന്ന ഓട്ടുവിളക്കുകൾ വെള്ളിക്കുടങ്ങൾ, ചെമ്പ് കുടങ്ങൾ, വലിയ ഉരുളികൾ എന്നിവ മോഷണം ചെയ്യുകയായിരുന്നു. സബ് ഇൻസ്പെക്ടർമാരായ അക്ബർ സാദത്ത്, അനിൽകുമാർ, ജയ് ജോൺ, അസിസ്റ്റന്റ് സബ് ഇൻസ്പെക്ടർമാരായ ബിനോയ്, സതീഷ് ചന്ദ്രൻ, സന്തോഷ്, റെജിമോൻ, സീനിയർ സിവിൽ പോലീസ് ഓഫീസർ രതീഷ്, സിവിൽ പോലീസ് ഓഫീസർമാരായ ബഷീർ, സനിൽ എന്നിവരടങ്ങിയ പോലീസ് സംഘമാണ് പ്രതികളെ പിടികൂടിയത്.

08/10/2026

കൊലപാതകക്കേസിലെ പ്രതിക്ക് ജീവപര്യന്തം തടവും, ഒരു ലക്ഷം രൂപ പിഴയും ശിക്ഷ.
==================================
ഉപ്പുതറ വില്ലേജിൽ ചീന്തലാർ കരയിൽ കാറ്റടിക്കവല അരപ്പേര് മൊട്ടലയത്തിൽ താമസിക്കുന്ന നെല്ലിക്കൽ വീട്ടിൽ ബിനു. റ്റി (46) കുറ്റക്കാരൻ എന്ന് കണ്ടെത്തി 08.10.2026 തിയതി ബഹുമാനപ്പെട്ട ഇടുക്കി ജില്ല തേർഡ് അഡിഷണൽ ഡിസ്ട്രിക്റ്റ് ആൻഡ് സെഷൻസ് കോടതി ജഡ്ജ് എസ്. എസ് സീന ജീവപര്യന്തം തടവും, ഒരു ലക്ഷം രൂപ പിഴയും ശിക്ഷ വിധിച്ചു. 2020 ജൂലൈയിലാണ് കേസിനാസ്പദമായ സംഭവം നടന്നത്. കാപ്പിപ്പതാൽ ഭാഗത്ത് മണലേൽ വീട്ടിൽ പീറ്ററിനോട് ഉണ്ടായ വിരോധത്തെത്തുടർന്ന് പ്രതി ചീന്തലാർ മാർക്കറ്റിന് സമീപമുള്ള എസ്.എൻ.ഡി.പി ശ്മശാനത്തിന് സമീപം റോഡിൽ വച്ച് ഒരു കവാത്ത് കത്തികൊണ്ട് വെട്ടി ഗുരുതരമായി പരുക്കേൽപ്പിച്ചതിനെത്തുടർന്ന് പീറ്റർ മരണപ്പെടുകയായിരുന്നു. ഉപ്പുതറ പോലീസ് ഇൻസ്‌പെക്ടർ ആയിരുന്ന എസ് .എം റിയാസ് ആണ് പ്രതിക്കെതിരായ കുറ്റ പത്രം തയ്യാറാക്കി കോടതിയിൽ സമർപ്പിച്ചത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ അഡ്വ. ജോണി അലക്സ്‌ ഹാജരായി.

08/10/2026

ഒളിവിൽ പോയ പ്രതികളെ, ജില്ലാ പോലീസ് മേധാവിയുടെ LP സ്‌ക്വാഡ് പിടികൂടി.
=================================
കോട്ടയം, ഓണംതുരുത്ത് വില്ലേജ്, കുത്തിവളച്ചേൽ വീട്ടിൽ ആന്റണി ജോയ്,
കോതനല്ലൂർ വില്ലേജ്, ഇടച്ചാലിൽ വീട്ടിൽ ജിൽസ് എന്നിവരാണ് പിടിയിലായത്. പ്രതികൾ
2013 നവംബർ എട്ടിന് കുമളി, തേക്കടിക്കവല ഭാഗത്ത് റോഡ് സൈഡിൽ പാർക്ക് ചെയ്തിരുന്ന ബൈക്ക് മോഷ്ടിക്കുകയായിരുന്നു. ജാമ്യത്തിൽ ഇറങ്ങി ഒളിവിൽ പോയ പ്രതികളെ 07/10/2026 തിയതി ഏറ്റുമാനൂർ ഭാഗത്തു വെച്ച് ജില്ലാ പോലീസ് മേധാവിയുടെ LP സ്‌ക്വാഡ് (പിടികിട്ടാപുള്ളികളെ കണ്ടുപിടിക്കുന്ന അംഗങ്ങൾ) പിടികൂടി കുമളി പോലീസിന് കൈമാറി.

06/10/2026

ചൊക്രമുടിയിലെ റിസോർട്ടിൽ മോഷണം നടത്തിയവർ രാജാക്കാട് പോലീസിന്റെ പിടിയിൽ.
===============================
ബൈസൺവാലി പുത്തൻചിറ വീട്ടിൽ വിഷ്ണു ( 31), നകരയിൽ അമ്പലപ്പടി ഭാഗത്ത് മേലോട്ട് പറമ്പിൽവീട്ടിൽ ജിൻസ് (46) എന്നിവരെയാണ് 04.10.2026 തിയതി രാജാക്കാട് പോലീസ് അറസ്റ്റ് ചെയ്തത്. ചൊക്രമുടി ഭാഗത്ത് ബൈസൺവാലി വില്ലേജ് ഓഫീസർ ഏറ്റെടുത്ത് സർക്കാർ മുതലുകൾ ആയി സീൽചെയ്ത് വന്നിട്ടുള്ള വിൻ്റെർ ഗാർഡൻ റിസോർട്ടിൽ അതിക്രമിച്ച് കയറി റിസോർട്ടിലെ ആറ് റൂമുകളുടെ പൂട്ട് പൊളിച്ച് അകത്ത് കയറി റിസോർട്ടിൽ സൂക്ഷിച്ചിരുന്ന ടി.വികളും, മിനിഫ്രിഡ്ജുകളും, ടേബിൾ ഫാനുകളും പ്രതികൾ മോഷണം ചെയ്യുകയായിരുന്നു. സബ് ഇൻസ്പെക്ടർമാരായ റെജി എം എം, ശരത് കൃഷ്ണൻ, റെജി, അസിസ്റ്റന്റ് സബ് ഇൻസ്പെക്ടർ ബിനു, പോലീസ് ഓഫീസർ സിജോ എന്നിവരുടെ പോലീസ് സംഘമാണ് പ്രതിയെ പിടികൂടിയത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തിട്ടുള്ളതാണ്.

06/10/2026

ഈ വർഷം നഷ്ടപ്പെട്ട 12 മൊബൈൽ ഫോണുകളും കണ്ടെത്തി നൽകി പീരുമേട് പോലീസ്.
===============================
2026 ജനുവരി ഒന്നു മുതൽ ഒക്ടോബർ 5 വരെ ഫോണുകൾ നഷ്ടപ്പെട്ടതായി ലഭിച്ച പരാതികളുടെ അടിസ്ഥാനത്തിൽ മേൽ നിർദേശപ്രകാരം സിവിൽ പോലീസ് ഓഫീസർ പ്രമോദ് പി.വി നടത്തിയ കൃത്യമായ അന്വേഷണത്തിനൊടുവിലാണ് ഫോണുകൾ തിരികെ ലഭിച്ചത്. സ്റ്റേഷനിൽ വെച്ച് ഫോണുകൾ ഉടമസ്ഥർക്ക് കൈമാറി.
2024 ഒക്ടോബർ മുതൽ 2026 ഒക്ടോബർ വരെ ആകെ 25 ഫോണുകളാണ് നഷ്ടപ്പെട്ടതായി പരാതി ലഭിച്ചത് ഇതിൽ 24 എണ്ണം CEIR (Central Equipment Identity Register) പോർട്ടൽ മുഖേന കണ്ടെത്തി നൽകാനും പീരുമേട് പോലീസിന് സാധിച്ചു. ഇതുകൂടാതെ 6 ഫോണുകൾ ലൈവ് ലൊക്കേഷൻ ഉപയോഗിച്ചും കണ്ടെത്തി നൽകിയിട്ടുള്ളതാണ്.

നിങ്ങളുടെ ഫോൺ നഷ്ടപ്പെട്ടാല്‍ ഉടന്‍ എന്ത് ചെയ്യണം?
* എത്രയും വേഗം പോലീസില്‍ ഒരു പരാതി രജിസ്റ്റര്‍ ചെയ്യുക
അതിനായി കേരള പോലീസിന്റെ ഔദ്യോഗിക മൊബൈല്‍ ആപ്പായ പോൽ-ആപ്പ് വഴിയോ, തുണ വെബ് പോർട്ടൽ വഴിയോ, പോലീസ് സ്റ്റേഷനിൽ നേരിട്ടോ നിങ്ങൾക്ക് പരാതി നൽകാം. ഓര്‍ക്കുക പരാതിയിൽ ഫോണിന്റെ IMEI നമ്പർ കൃത്യമായി രേഖപ്പെടുത്തേണ്ടതാണ്
* സിം കാർഡിന്റെ ഡ്യൂപ്ലിക്കേറ്റ് എടുക്കുക
സർവീസ് പ്രൊവൈഡറുമായി ബന്ധപ്പെട്ട് ഫോണിൽ ഉപയോഗിച്ചിരുന്ന സിം കാർഡിന്റെ ഡ്യൂപ്ലിക്കേറ്റ് എടുക്കുക വഴി ഇത് നിങ്ങളുടെ ഫോൺ നമ്പർ ദുരുപയോഗം ചെയ്യുന്നത് തടയാൻ ഉപകരിക്കും. ഓര്‍ക്കുക നിങ്ങളുടെ ഫോണ്‍ ബ്ലോക്ക് ചെയ്യുന്നതിന് ഈ നമ്പര്‍ ആവശ്യമാണ്. 24 മണിക്കൂറില്‍ തന്നെ ഡ്യൂപ്ലിക്കേറ്റ് സിംകാര്‍ഡ് ആക്റ്റിവേറ്റ് ചെയ്തുകിട്ടും.
* www.ceir.gov.in എന്ന വെബ്‌സൈറ്റില്‍ രജിസ്റ്റര്‍ ചെയ്യുക വഴി നിങ്ങളുടെ നഷ്ടപ്പെട്ട ഫോണ്‍ ബ്ലോക്ക് ചെയ്യാം
ഈ വെബ്‌സൈറ്റില്‍ ചുവന്ന നിറത്തിലുള്ള ബട്ടനില്‍ Block Stolen/Lost Mobile എന്ന ഓപ്ഷന്‍ കാണാം. അതില്‍ പരാതിയുടെ കോപ്പി, തിരിച്ചറിയല്‍ രേഖ ഏതെങ്കിലും, ഫോണ്‍ വാങ്ങിയതിന്റെ ഇന്‍വോയ്‌സ് തുടങ്ങിയ രേഖകളുടെ പിന്‍ബലത്തോടെ അപേക്ഷ സമര്‍പ്പിച്ചാല്‍ വൈകാതെതന്നെ നിങ്ങള്‍ നല്‍കിയ ഐഎംഇഐ നമ്പര്‍(മൊബൈല്‍ നമ്പര്‍) ബ്ലോക്ക് ചെയ്യപ്പെടും. പിന്നീട് ഒരു സിം കാര്‍ഡും ഈ ഫോണില്‍ പ്രവര്‍ത്തിക്കുകയില്ല. ഫോണ്‍ ഈ രീതിയില്‍ ബ്ലോക്ക് ചെയ്താല്‍പോലും അത് ട്രാക്ക് ചെയ്യാന്‍ പോലീസിന് സാധിക്കും. ഇങ്ങനെയുള്ള അപേക്ഷയില്‍ നിങ്ങള്‍ക്ക് ഒരു റിക്വസ്റ്റ് ഐഡി ലഭിക്കുന്നതാണ്. ഈ റിക്വസ്റ്റ് ഐഡി ഉപയോഗിച്ച് നിങ്ങളുടെ അപേക്ഷയുടെ Status എപ്പോള്‍ വേണമെങ്കിലും പരിശോധിക്കാവുന്നതാണ്.
നഷ്ടപ്പെട്ട ഫോണ്‍ തിരിച്ച് കിട്ടിയാല്‍ www.ceir.gov.in വെബ്‌സൈറ്റില്‍ തന്നെ അണ്‍ബ്ലോക്ക് ചെയ്യുന്നതിനുള്ള ബട്ടന്‍ കാണാം. ഇത് ക്ലിക്ക് ചെയ്ത് റിക്വസ്റ്റ് ഐഡി നല്‍കിയതിന് ശേഷം അണ്‍ബ്ലോക്ക് ചെയ്യാനുള്ള കാരണം വ്യക്തമാക്കി സബ്മിറ്റ് ചെയ്യാം. അണ്‍ബ്ലോക്ക് ചെയ്ത ഫോണില്‍ പിന്നീട് സിംകാര്‍ഡ് ഇട്ട് ഉപയോഗിക്കാം
* നഷ്ടമായ സ്മാര്‍ട്ട് ഫോണിൽ സ്വകാര്യ വിവരങ്ങൾ ഉണ്ടെങ്കിൽ അവ നിങ്ങൾക്കുതന്നെ ഡിലീറ്റ് ചെയ്യാൻ മറ്റൊരു മാര്‍ഗ്ഗത്തിലൂടെ കഴിയും.
അതിനായി https://www.google.com/android/find/ എന്ന ഗൂഗിൾ ലിങ്ക് ഉപയോഗിക്കാവുന്നതാണ്. നഷ്ടമായ ഫോണിൽ സൈൻ ഇൻ ചെയ്യാൻ ഉപയോഗിച്ചിരുന്ന അക്കൗണ്ട് ലോഗിൻ വിവരങ്ങൾ ഉപയോഗിച്ചുകൊണ്ട് ഈ പേജിൽ ലോഗിൻ ചെയ്യുക. ഫോൺ റിങ്ങ് ചെയ്യിക്കാനും ലോക്ക് ചെയ്യുവാനുമുള്ള മാർഗ്ഗങ്ങൾ ഈ പേജിൽ കാണാൻ കഴിയും. കൂടാതെ ഇറേസ് ഡിവൈസ് എന്ന ഓപ്ഷൻ ഉപയോഗിച്ച് ഫോണിലെ വിവരങ്ങൾ പൂർണമായി ഡിലീറ്റ് ചെയ്യാനും സംവിധാനമുണ്ട്. നഷ്ടപ്പെട്ട ഫോണിൽ ഉപയോഗിച്ച ഗൂഗിൾ അക്കൗണ്ട് സൈൻ ഇൻ ചെയ്തിരുന്നാ മാത്രമേ ഈ സേവനം ലഭ്യമാവുകയുള്ളൂ.

04/10/2026

പൂപ്പാറയിൽ 2850 പാക്കറ്റ് നിരോധിത പുകയില ഉൽപ്പന്നങ്ങളുമായി യുവാവ് അറസ്റ്റിൽ
===================================
കോട്ടയം ജില്ലയിൽ ഈരാറ്റുപേട്ട വില്ലേജിൽ നടക്കൽ കരയിൽ വലിയപാണൻപറമ്പിൽ വീട്ടിൽ മുഹമ്മദ് യാസിൻ (34) നെയാണ് ശാന്തൻപാറ പോലീസ് അറസ്റ്റ് ചെയ്തത്.
02/10/2026 തിയതി പൂപ്പാറ ടൗൺ ഭാഗത്ത് ഒരാൾ നിരോധിത ലഹരി വസ്തുക്കൾ വിൽപ്പന നടത്തുന്നതായി രഹസ്യവിവരം ലഭിച്ചതിന്റെ അടിസ്ഥാനത്തിൽ മൂന്നാർ അസിസ്റ്റന്‍റ് പോലീസ് സൂപ്രണ്ടിന്റെ നിർദേശപ്രകാരം ദേവികുളം സർക്കിൾ ഇൻസ്പെക്ടർ കവി രാജ്, ശാന്തൻപാറ പോലീസ് സ്റ്റേഷൻ ഹൗസ് ഓഫീസർ കെ.പി. അനിൽ കുമാർ, സിവിൽ പോലീസ് ഓഫീസർമാരായ മഹേഷ് കെ.എം., ഗണേശൻ എം, അരുൺ എന്നിവരടങ്ങിയ പോലീസ് സംഘം പൂപ്പാറ - മൂന്നാർ പബ്ലിക് റോഡിൻ്റെ മാർജിനിൽ നിർത്തിയിട്ടിരുന്ന പ്രതിയുടെ കാറിൽ പരിശോധിച്ചതിൽ നാല് പ്ലാസ്റ്റിക് ചാക്കുകളിലായി 2850 പാക്കറ്റ് നിരോധിത പുകയില ഉൽപ്പന്നങ്ങളും, പുകയില ഉൽപ്പന്നങ്ങൾ വിറ്റുകിട്ടിയ 37,600/- രൂപയും കണ്ടെത്തുകയായിരുന്നു.

“ഓപ്പറേഷൻ തൂഫാൻ ദി നാർക്കോ ഹണ്ട്“ എന്ന കേരള പോലീസിന്റെ ലഹരിവിരുദ്ധ പ്രൊജക്റ്റിന്റെ ഭാഗമായി സംസ്ഥാനത്ത് ലഹരിയുടെ ഒഴുക്ക് പൂർണ്ണമായും തടയുന്നുന്നതിനായും, കുട്ടികളെയും, യുവജനങ്ങളേയും ലഹരിയുടെ കെണിയിൽ വീഴ്ത്തുന്ന സംഘങ്ങളിലെ പ്രധാന കണ്ണികളെ കണ്ടെത്തി നിയമത്തിനു മുന്നിൽ എത്തിക്കുന്നതിനും ഞങ്ങളോടൊപ്പം പൊതുജനങ്ങളായ നിങ്ങളുടെ പിന്തുണയും ആവശ്യമാണ്.
ഇടുക്കി ജില്ലയിലെ നിങ്ങളുടെ ചുറ്റുപാടുകളില്‍ നടക്കുന്ന ലഹരിവസ്തുക്കളുടെ കച്ചവടങ്ങളോ, ഉപയോഗമോ ശ്രദ്ധയില്‍പെട്ടാല്‍ ഇടുക്കി ജില്ലാ തൂഫാൻ കൺട്രോൾ റൂം നമ്പരായ 9497932508 ൽ അറിയിക്കൂ. ഇത്തരത്തില്‍ സന്ദേശം അറിയിക്കുന്നവരുടെ വിവരങ്ങള്‍ രഹസ്യമായിരിക്കും.

04/10/2026

എം ഡി എം എയുമായി 3 പേർ അറസ്റ്റിൽ.
==================================
വണ്ണപ്പുറം അമ്പലപ്പടി ഭാഗത്ത് മുണ്ടിക്കുന്നേൽ വീട്ടിൽ റാഫിമോൻ എം ഇ (42), പുഴക്കരയിൽ വീട്ടിൽ ഷമ്മാസ് പി എം (36), പള്ളിക്കവല ഭാഗത്ത് ചെത്തിക്കോട്ട് വീട്ടിൽ കബീർ സി എം (36) എന്നിവരാണ് കാളിയാർ പോലീസിന്റെ പിടിയിലായത്. 03.10.2026 തിയതി രഹസ്യ വിവരം ലഭിച്ചതിന്റെ അടിസ്ഥാനത്തിൽ
കാളിയാർ പോലീസ് സബ് ഇൻസ്പെക്ടർ വിഷ്ണു വി വിയുടെ നേതൃത്വത്തിലുള്ള പോലീസ് സംഘം, പള്ളിപ്പടിക്കവലയിൽ ഒന്നാംപ്രതി വാടകയ്ക്ക് താമസിക്കുന്ന വീട്ടിൽ പരിശോധിച്ചതിൽ പ്രതികളുടെ പക്കൽ നിന്നും 1.6 ഗ്രാം എം ഡി എം എയും, ഇത്‌ ഉപയോഗിച്ച ഒരു ഗ്ലാസ്സ് ഫ്യൂമറും, നാല് ഗ്യാസ് ലൈറ്ററുകളും, പ്രതികൾ മയക്കുമരുന്ന് വിൽപ്പന നടത്തിയ വകയിൽ കിട്ടിയ 6270/-രൂപയും കണ്ടെത്തുകയായിരുന്നു.

“ഓപ്പറേഷൻ തൂഫാൻ ദി നാർക്കോ ഹണ്ട്“ എന്ന കേരള പോലീസിന്റെ ലഹരിവിരുദ്ധ പ്രൊജക്റ്റിന്റെ ഭാഗമായി സംസ്ഥാനത്ത് ലഹരിയുടെ ഒഴുക്ക് പൂർണ്ണമായും തടയുന്നുന്നതിനായും, കുട്ടികളെയും, യുവജനങ്ങളേയും ലഹരിയുടെ കെണിയിൽ വീഴ്ത്തുന്ന സംഘങ്ങളിലെ പ്രധാന കണ്ണികളെ കണ്ടെത്തി നിയമത്തിനു മുന്നിൽ എത്തിക്കുന്നതിനും ഞങ്ങളോടൊപ്പം പൊതുജനങ്ങളായ നിങ്ങളുടെ പിന്തുണയും ആവശ്യമാണ്.
ഇടുക്കി ജില്ലയിലെ നിങ്ങളുടെ ചുറ്റുപാടുകളില്‍ നടക്കുന്ന ലഹരിവസ്തുക്കളുടെ കച്ചവടങ്ങളോ, ഉപയോഗമോ ശ്രദ്ധയില്‍പെട്ടാല്‍ ഇടുക്കി ജില്ലാ തൂഫാൻ കൺട്രോൾ റൂം നമ്പരായ 9497932508 ൽ അറിയിക്കൂ. ഇത്തരത്തില്‍ സന്ദേശം അറിയിക്കുന്നവരുടെ വിവരങ്ങള്‍ രഹസ്യമായിരിക്കും.

03/10/2026

മൂന്നാർ പോലീസ് സ്റ്റേഷനിലെത്തിയ കൊച്ചു മിടുക്കർ.
================================
പോലീസ് സ്റ്റേഷന്റെ പ്രവർത്തനങ്ങൾ നേരിട്ടു കണ്ടറിയാൻ മൂന്നാർ എം ആർ എസ് സ്കൂളിലെ സ്റ്റുഡന്റ് പോലീസ് കേഡറ്റുകൾ മൂന്നാർ പോലീസ് സ്റ്റേഷൻ സന്ദർശിച്ചു. കുട്ടികളിൽ പോലീസിനെക്കുറിച്ചുള്ള ഭയം അകറ്റുന്നതിനും നിയമവ്യവസ്ഥയെക്കുറിച്ച് അവബോധം നൽകുന്നതിനുമായാണ് ഈ സന്ദർശനം സംഘടിപ്പിച്ചത്. മൂന്നാർ പോലീസ് സ്റ്റേഷൻ ഹൗസ് ഓഫീസർ കൃഷ്ണപ്രിയ ഉണ്ണി, സബ് ഇൻസ്പെക്ടർ ബിനു ആൻഡ്രൂസ് എന്നിവർ പോലീസ് സ്റ്റേഷന്റെ ദൈനംദിന പ്രവർത്തനങ്ങൾ എങ്ങനെയൊക്കെയാണെന്നും, ക്രമസമാധാന പാലനത്തിൽ പോലീസിന്റെ പങ്കെന്താണെന്നും കുട്ടികൾക്ക് ലളിതമായി വിവരിച്ചു. സ്റ്റേഷനിലെ വിവിധ ആയുധങ്ങൾ, അവയുടെ പ്രവർത്തന രീതികൾ, വയർലെസ് സംവിധാനങ്ങൾ എന്നിവ കുട്ടികൾക്ക് കൗതുകകരമായ അനുഭവമായി. നിയമം പാലിക്കേണ്ടതിന്റെ ആവശ്യകതയെക്കുറിച്ചും പോലീസിനെ എപ്പോൾ വേണമെങ്കിലും സഹായത്തിനായി സമീപിക്കാമെന്നും ഉദ്യോഗസ്ഥർ കുട്ടികളെ അറിയിച്ചു.

Address

Painavu
Painavu
685603

Telephone

+914862233006

Website

https://idukki.keralapolice.gov.in/

Alerts

Be the first to know and let us send you an email when Idukki Police posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Idukki Police:

Idukki Police

09/10/2026

08/10/2026

08/10/2026

08/10/2026

06/10/2026

06/10/2026

04/10/2026

04/10/2026

03/10/2026

Address

Telephone

Website

Alerts

Contact The Organization

Shortcuts

Share

Category

Listing takedown request