31/01/2026
ഭക്ഷ്യസുരക്ഷ നഗരം പദ്ധതി 2025–26ന്റെ ഭാഗമായി ഭക്ഷ്യസുരക്ഷ വകുപ്പ്, പാലക്കാട് ജില്ല, പാലക്കാട് സർക്കിളിന്റെ നേതൃത്വത്തിൽ
“സുരക്ഷിതാഹാരം ആരോഗ്യത്തിനാധാരം” എന്ന സന്ദേശത്തോടെ പാലക്കാട് റെസിഡൻസ് അസോസിയേഷൻ നിവാസികൾക്ക് ഭക്ഷ്യസുരക്ഷാ അവബോധ ക്ലാസ് സംഘടിപ്പിച്ചു. പരിപാടിയുടെ ഭാഗമായി ന്യൂട്രിഷനിസ്റ്റ് ഹിത, ആരോഗ്യകരമായ ഭക്ഷണ ശീലങ്ങളും സമതുലിത ആഹാരക്രമവും സംബന്ധിച്ച് വിദഗ്ധ ക്ലാസ് കൈകാര്യം ചെയ്തു.
ഇതോടൊപ്പം Mobile Food Safety Lab, Palakkad ഉപയോഗിച്ച്
കുടിവെള്ളത്തിന്റെ രാസപരിശോധന (Water Chemical Test) നടത്തുകയും ചെയ്തു.
കൂടാതെ പാലക്കാട് മുൻസിപ്പാലിറ്റിയിലെ BEM ഹൈയർ സെക്കൻഡറി സ്കൂളിൽ ഭക്ഷ്യസുരക്ഷാ അവബോധ ക്ലാസും ഫുഡ് സേഫ്റ്റി ക്ലബ് രൂപീകരണവും സംഘടിപ്പിച്ചു. പരിപാടിയിൽ Eat Right India, FSSAI എന്നിവയുടെ മാർഗനിർദേശങ്ങൾ ഉൾപ്പെടുത്തി സുരക്ഷിതവും ഗുണനിലവാരമുള്ളതുമായ ഭക്ഷണം, സമതുലിത ഭക്ഷണക്രമം (Healthy Plate), ഭക്ഷ്യജന്യ രോഗങ്ങൾ തടയുന്നതിനുള്ള മുൻകരുതലുകൾ, വ്യക്തിഗത ശുചിത്വം എന്നിവയെക്കുറിച്ച് വിദ്യാർത്ഥികൾക്ക് വിശദമായ ബോധവത്കരണം നോഡൽ ഫുഡ് സേഫ്റ്റി ഓഫീസർ, ഡോ ലിജ എസ് നൽകി. സ്കൂളിൽ രൂപീകരിച്ച ഫുഡ് സേഫ്റ്റി ക്ലബ് മുഖേന ഭക്ഷ്യസുരക്ഷാ അവബോധം സ്കൂൾ തലത്തിൽ നിന്നും സമൂഹത്തിലേക്ക് വ്യാപിപ്പിക്കുന്നതിനായി വിദ്യാർത്ഥികളെ സജീവമായി പങ്കെടുപ്പിക്കുവാൻ തീരുമാനിച്ചു.
