CPIM Thathamangalam

22/05/2026

കേരളം കടമെടുത്ത് മുടിഞ്ഞു എന്നും തങ്ങൾ അധികാരത്തിൽ വന്നാൽ കടം വാങ്ങാതെ സർക്കാരിൻ്റെ ചെലവിനുള്ള വിഹിതം കണ്ടെത്തും എന്നുമാണ് വി.ഡി. സതീശൻ ഇക്കാലമത്രയും പറഞ്ഞിരുന്നത്. നിരന്തരം പറഞ്ഞു പറഞ്ഞ് മനോരമാദികൾ ആ ധാരണയെ കേരളത്തിൻ്റെ പൊതുബോധമാക്കി മാറ്റിയെടുത്തു. സംസ്ഥാന വരുമാനത്തിൻ്റെ ഒരു പ്രധാന വിഹിതം കടമെടുപ്പാണ് എന്ന് അറിയാത്ത ആളല്ല സതീശൻ. ആ കടമെടുപ്പ് , ഒരു സർക്കാരിനും തോന്നിയപോലെ നടത്താനാവില്ല. ഭരണഘടനയുടെ 293 (3) വകുപ്പനുസരിച്ചേ സംസ്ഥാനങ്ങൾക്ക് കടമെടുക്കാനാവൂ. അതും യൂണിയൻ സർക്കാരിൻ്റെ അനുവാദത്തോടെ. ആ കടമെടുപ്പിന് ഒരു പരിധിയുമുണ്ട്. അതിനകത്ത് നിന്നുകൊണ്ട് സർക്കാരിൻ്റെ ചെലവിനുള്ള ഒരു വിഹിതം കണ്ടെത്തുകയായിരുന്നു പിണറായി വിജയൻ സർക്കാരുകൾ ചെയ്തത്. അതിനെയാണ് എന്തോ ഭീകര അപരാധമായി കേരളത്തിലെ വലതുപക്ഷം ചിത്രീകരിച്ചത്.

ഇപ്പോൾ വി.ഡി. സതീശന് വാക്ക് പാലിക്കാനുള്ള അവസരം കൈ വന്നിട്ടുണ്ട്. കടം വാങ്ങാതെ പണം കണ്ടെത്തുക എന്ന 'സതീശൻ മാജിക്' ഇനി കേരളത്തിന് കാണണം. മനോരമയിലെ സാമ്പത്തിക വിദഗ്ദരും ,ഏഷ്യാനെറ്റിലെ മേരി ജോർജുമെല്ലാം അതിന് അദ്ദേഹത്തെ സഹായിക്കുമായിക്കണം.

കാര്യമിതാണ്:

2026-27 സാമ്പത്തിക വർഷത്തിൻ്റെ ആദ്യ പാദത്തിൽ 4600 കോടി രൂപയാണ് വി.ഡി. സതീശൻ കടമെടുക്കുന്നത്. അതിൻ്റെ ആദ്യഗഡു 2800 കോടി വന്നു കഴിഞ്ഞു. രണ്ടാം ഗഡു 1800 കോടിയുടെ കടപ്പത്രം ഇപ്പോൾ ലിസ്റ്റ് ചെയ്തിട്ടുണ്ട്. അത് വേണ്ടെന്ന് വെക്കാൻ ധനമന്ത്രി കൂടിയായ സതീശൻ തയ്യാറാവണം. ഇടതുപക്ഷം അതാവശ്യപ്പെടണം.

കൂട്ടത്തിൽ ഒരു കാര്യം കൂടി നാം പറഞ്ഞു പോകണം. ഈ ഏപ്രിൽ മാസത്തിൽ, സർക്കാർ കടമെടുത്ത 11503.47 കോടി രുപയാണ് സംസ്ഥാനത്തിൻ്റെ ട്രഷറിയിൽ വന്നിട്ടുളളത്. (കഴിഞ്ഞ വർഷം ഏപ്രിലിൽ അത് 8176.49 കോടി രൂപയായിരുന്നു.) ഇതും കൂടി വെച്ചാണ് സതീശൻ്റെ ഇപ്പോഴത്തെ ധർഭാറടികൾ എല്ലാം നടക്കുന്നത്. (പിന്നെയുള്ളത് LDF സർക്കാർ ബാക്കി വെച്ച 6300 കോടി രൂപയാണ്.) കടം വാങ്ങിയ ഒന്നരക്കോടി കൊണ്ടാണ് അയാൾ താമസിക്കുന്ന ക്ലിഫ് ഹൗസ് വരെ ഇപ്പോൾ മോടി പിടിപ്പിക്കുന്നത്. ഇതൊന്നുമല്ലെങ്കിൽ പിന്നെ എവിടെ നിന്നാണ് ഒരാഴ്ച്ച മാത്രം പ്രായമുള്ള ഒരു സർക്കാർ ചെലവിനുള്ള വക കാണുന്നത്? എന്താണ് ഈ ചോദ്യം അദ്ദേഹത്തോട് ആരും ചോദിക്കാത്തത്? ഇടതു പക്ഷ പ്രവർത്തകരും നേതാക്കളും നിരന്ന് നിന്ന് പൊതുസമൂഹത്തിൽ ഈ ചോദ്യങ്ങൾ / കാര്യങ്ങൾ ചോദിക്കണം /പറയണം.

മാധ്യമപിന്തുണയോടെ, നുണ പറഞ്ഞ്, അതിനെ ഒരു പൊതു വികാരമാക്കി മാറ്റിയെടുത്താണ് UDF അധികാരത്തിൽ വന്നത്. അധാർമികമായ അതിൻ്റെ ആ അടിത്തറയെ അവിടെ ചെന്ന് തന്നെ നാം തകർക്കണം. അല്ലെങ്കിൽ കേരളം വലിയ വില കൊടുക്കേണ്ടി വരും.

20/05/2026

പൂച്ച പെറ്റുകിടക്കുന്ന ഖജനാവ് എന്ന് പറഞ്ഞ അതേ ഖജനാവിൽ നിന്ന് തന്നെയാണ് മെയ് മാസത്തെ പെൻഷൻ തുക അനുവദിച്ചിരിക്കുന്നത്. ട്രഷറിയിൽ പണമുള്ളതിനാലാണ്‌ മെയ്‌ മാസത്തെ ക്ഷേമ പെൻഷൻ അനുവദിക്കാൻ 1070 കോടി രൂപ അനുവദിക്കാൻ തീരുമാനിച്ചത്‌. വിവിധ വിഭാഗങ്ങൾക്കുള്ള ആനുകൂല്യം വർധിപ്പിക്കാനെടുത്ത തീരുമാനവും ഖജനാവിന്റെ ബലത്തിന്മേലാണ്.

പിണറായി സർക്കാരിന്റെ കരുതൽ ധനം തന്നെയാണ് ഈ തീരുമാനങ്ങൾക്ക് പിന്നിൽ. തെരഞ്ഞെടുപ്പ് ഫലപ്രഖ്യാപനത്തിന് പിന്നാലെയാണ് വി ഡി സതീശൻ പൂച്ച പെറ്റുകിടക്കുന്ന ഖജനാവ് ആണ് തങ്ങൾക്ക് കൈമാറുന്നതെന്നും അത് തങ്ങൾ നിറയ്ക്കുമെന്ന് അവകാശപ്പെട്ടത്. ക്ഷേമപെൻഷനും മറ്റ് ആവശ്യങ്ങൾക്കുമായി തുക അനുവദിച്ചതോടെ ഖജനാവിൽ പൂച്ച പെറ്റു കിടക്കുകയാണെന്ന സതീശന്റെ വാദം പൊളിഞ്ഞു വീഴുകയാണ്. “ഖജനാവ് കാലിയാണ്” എന്ന് പറഞ്ഞുകൊണ്ടിരുന്നവർ ഇന്ന് വീണ്ടും അതേ ഖജനാവിൽ നിന്നുള്ള പണത്താലാണ് കാര്യങ്ങൾ മുൻപോട്ട് കൊണ്ടുപോകുന്നത്.

ട്രഷറിയിൽ പൂച്ച പെറ്റുകിടക്കുകയാണെന്ന മുൻ പ്രസ്‌താവനകൾ ശരിയല്ലെന്ന്‌ മുഖ്യമന്ത്രിയായതോടെ വി ഡി സതീശന്‌ ബോധ്യമായി. കരാറുകാർക്ക് ഉൾപ്പടെയുള്ള ബില്ലുകളെല്ലാം തീർത്തും ശമ്പളവും പെൻഷനും ഉൾപ്പടെ കുടിശ്ശികയാക്കാതെ ആണ് എൽഡിഎഫ്‌ സർക്കാർ അധികാരമൊഴിഞ്ഞത്‌. ട്രഷറിയിൽ ആറായിരം കോടി ബാക്കിയുണ്ടെന്ന്‌ മുൻ ധനമന്ത്രി കെ എൻ ബാലഗോപാൽ കഴിഞ്ഞദിവസം ആവർത്തിച്ചിരുന്നു. എന്നിട്ടും ‘പൂച്ച പെറ്റുകിടക്കുന്ന ട്രഷറി’ എന്ന പരിഹാസം തിരുത്താൻ വി ഡി സതീശൻ തയ്യാറായിട്ടില്ല.

23/03/2026

🚩

12/03/2026

02/03/2026

❤️

05/02/2026

തത്തമംഗലം ലോക്കൽ കമ്മിറ്റിയുടെ നേതൃത്വത്തിൽ അയ്യമ്പതിയിൽ വെച്ച് നടന്ന രാഷ്ട്രീയ വിശദീകരണ പൊതുയോഗം പാർട്ടി ജില്ലാ സെക്രട്ടറിയേറ്റ് മെമ്പർ സ: എസ് അജയകുമാർ ഉദ്ഘടനം ചെയ്യുന്നു..

26/01/2026

2024-25 സാമ്പത്തിക വർഷത്തിലെ മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപെടുത്തി 40 ലക്ഷം രൂപ അനുവദിച്ച തത്തമംഗലം ടാക്സി സ്റ്റാൻഡ് മുതൽ SMHS സ്കൂൾ വരെ ഉള്ള റോഡിന്റെ നിർമാണോദ്ഘാടനം വൈത്യുതി മന്ത്രി കെ. കൃഷ്ണൻകുട്ടി നിർവഹിച്ചു.

21/01/2026

സ. രാധാകൃഷ്ണൻ എംപി ഇന്ന് തത്തമംഗലത്ത് ഗൃഹ സന്ദർശനം നടത്തി.