BJP Pudusseri Panchayat Committee.

Directions

BJP Pudusseri Panchayat Committee. Page of BJP Pudusseri Panchayat committee.

📢 കഞ്ചിക്കോട് - മേനോമ്പാറ റോഡിന്റെ തകർച്ച: ബിജെപിയുടെ നേതൃത്വത്തിൽ ഞാറുനട്ട് ശക്തമായ ഉപരോധ സമരം സംഘടിപ്പിച്ചു 🌾✊​പൂർണ്ണമ...
10/09/2026

📢 കഞ്ചിക്കോട് - മേനോമ്പാറ റോഡിന്റെ തകർച്ച: ബിജെപിയുടെ നേതൃത്വത്തിൽ ഞാറുനട്ട് ശക്തമായ ഉപരോധ സമരം സംഘടിപ്പിച്ചു 🌾✊
​പൂർണ്ണമായും തകർന്ന് ഗതാഗതയോഗ്യമല്ലാതായി കിടക്കുന്ന കഞ്ചിക്കോട് – മേനോമ്പാറ റോഡ് അടിയന്തരമായി പുനർനിർമ്മിക്കണമെന്ന് ആവശ്യപ്പെട്ടും, അധികൃതരുടെ കടുത്ത ജനദ്രോഹ അനാസ്ഥയ്‌ക്കെതിരെയും ബിജെപിയുടെ നേതൃത്വത്തിൽ റോഡിലെ കുഴികളിൽ ഞാറുനട്ട് പ്രതിഷേധ ഉപരോധ സമരം നടത്തി.
​പ്രധാന വ്യവസായ മേഖലയിലെ ഈ റോഡ് പൊട്ടിപ്പൊളിഞ്ഞ് വൻ കുഴികൾ രൂപപ്പെട്ടതോടെ തൊഴിലാളികളും വിദ്യാർത്ഥികളും നാട്ടുകാരും നിത്യേന വലിയ യാത്രാദുരിതമാണ് അനുഭവിക്കുന്നത്.
​പ്രതിഷേധ ഉപരോധ സമരം ബിജെപി സംസ്ഥാന വൈസ് പ്രസിഡന്റ് ശ്രീ സി. കൃഷ്ണകുമാർ ഉദ്ഘാടനം ചെയ്തു. ബിജെപി പുതുശ്ശേരി വെസ്റ്റ് ഏരിയ പ്രസിഡന്റ് ശ്രീ ശ്രീജിത്ത് കളരിക്കൽ രവീന്ദ്രൻ ചടങ്ങിൽ അധ്യക്ഷത വഹിച്ചു. ബിജെപി പുതുശ്ശേരി ഈസ്റ്റ് ഏരിയ പ്രസിഡന്റ് ശ്രീ വിജയകൃഷ്ണൻ എം. സ്വാഗതം ആശംസിച്ചു.
​തുടർന്ന് യോഗത്തിൽ സംസാരിച്ചവർ:
🔹 എൻ. ഷൺമുഖൻ (ബിജെപി പാലക്കാട് ജില്ലാ ജനറൽ സെക്രട്ടറി)
🔹 സുമലതാ മുരളി (ബിജെപി പാലക്കാട് ജില്ലാ വൈസ് പ്രസിഡന്റ്)
🔹 ഗിരീഷ് ബാബു (ബിജെപി പുതുശ്ശേരി മണ്ഡലം പ്രസിഡന്റ്)
🔹 സന്തോഷ്, ശരത് (ബിജെപി പുതുശ്ശേരി മണ്ഡലം ജനറൽ സെക്രട്ടറിമാർ)
🔹 മനീഷ് (ബിജെപി പുതുശ്ശേരി മണ്ഡലം വൈസ് പ്രസിഡന്റ്)
🔹 മുരളി, എ. പി. മണി (ബിജെപി പുതുശ്ശേരി ഏരിയ ജനറൽ സെക്രട്ടറിമാർ)
🔹 മുകേഷ് (കർഷക മോർച്ച പുതുശ്ശേരി മണ്ഡലം പ്രസിഡന്റ്)
🔹 വിഷ്ണുപ്രസാദ് (യുവമോർച്ച മണ്ഡലം ജനറൽ സെക്രട്ടറി)
🔹 ഗോപിനാഥ് (ബിജെപി പുതുശ്ശേരി വെസ്റ്റ് ഏരിയ വൈസ് പ്രസിഡന്റ്)
🔹 നാരായണൻ (ബിജെപി പുതുശ്ശേരി വെസ്റ്റ് ഏരിയ സെക്രട്ടറി)
🔹 റിനു (യുവമോർച്ച പുതുശ്ശേരി ഈസ്റ്റ് ഏരിയ പ്രസിഡന്റ്)
​വ്യവസായ ഇടനാഴിയായ ഈ റോഡിന്റെ നിർമ്മാണം യുദ്ധകാലാടിസ്ഥാനത്തിൽ പൂർത്തിയാക്കിയില്ലെങ്കിൽ വരും ദിവസങ്ങളിൽ സമരം കൂടുതൽ ശക്തമാക്കുമെന്ന് നേതാക്കൾ വ്യക്തമാക്കി.
​

HPCL പ്ലാന്റിലെ Retesting Department-ൽ ജോലി ചെയ്തിരുന്ന നാല് തൊഴിലാളികൾ CITU യൂണിയനിൽ നിന്ന് രാജിവെച്ച് BMS യൂണിയനിൽ അംഗ...
01/09/2026

HPCL പ്ലാന്റിലെ Retesting Department-ൽ ജോലി ചെയ്തിരുന്ന നാല് തൊഴിലാളികൾ CITU യൂണിയനിൽ നിന്ന് രാജിവെച്ച് BMS യൂണിയനിൽ അംഗത്വം സ്വീകരിച്ചിരുന്നു.

ഇതിനെ തുടർന്ന്, തൊഴിലാളികൾക്ക് നേരെ പ്രതികാരനടപടികൾ സ്വീകരിക്കുകയും, അടിസ്ഥാനരഹിതമായ ആരോപണങ്ങൾ ഉന്നയിച്ച് അവരെ ജോലിയിൽ പ്രവേശിപ്പിക്കാതെ പുറത്തുനിർത്തുകയും ചെയ്ത സാഹചര്യം ഉണ്ടായി.

ഈ വിഷയത്തിൽ BMS സംസ്ഥാന സെക്രട്ടറി ശ്രീ. V. V. രാജേഷ് ഇടപെട്ടതിനെ തുടർന്ന്, BJP സംസ്ഥാന സെക്രട്ടറി ശ്രീ. കൃഷ്ണകുമാർജി പ്ലാന്റിലെത്തി വിഷയത്തിൽ ഇടപെടുകയും മാനേജ്മെന്റുമായും കോൺട്രാക്ടറുമായും ചർച്ച നടത്തുകയും ചെയ്തു.

തൊഴിലാളികളുടെ തൊഴിൽ അവകാശങ്ങൾ സംരക്ഷിക്കപ്പെടണമെന്നും, യാതൊരു വിവേചനവും കൂടാതെ അവർക്ക് സാധാരണ രീതിയിൽ ജോലിയിൽ പ്രവേശിക്കാൻ അവസരം നൽകണമെന്നും അദ്ദേഹം ആവശ്യപ്പെട്ടു.

തുടർന്ന്, തൊഴിലാളികൾക്ക് നാളെ മുതൽ സാധാരണ രീതിയിൽ ജോലിയിൽ പ്രവേശിക്കാനുള്ള സാഹചര്യം ഉറപ്പാക്കിയാണ് അദ്ദേഹം മടങ്ങിയത്.
ഭാരത മാതാ വിജയിക്കട്ടെ 🚩

പുതുശ്ശേരി കുരുടികാട് ജനവാസ മേഖലയിൽ പുലിയിറങ്ങി; വനംവകുപ്പ് അടിയന്തര നടപടി സ്വീകരിക്കണം — ബിജെപി നേതൃത്വത്തിൽ പരാതി നൽകി...
29/08/2026

പുതുശ്ശേരി കുരുടികാട് ജനവാസ മേഖലയിൽ പുലിയിറങ്ങി; വനംവകുപ്പ് അടിയന്തര നടപടി സ്വീകരിക്കണം — ബിജെപി നേതൃത്വത്തിൽ പരാതി നൽകി

പുതുശ്ശേരി പഞ്ചായത്തിലെ കുരുടികാട് ജനവാസ മേഖലയിൽ പുലിയിറങ്ങി വളർത്തുമൃഗത്തെ (കാളക്കുട്ടിയെ) ആക്രമിച്ച് കൊലപ്പെടുത്തിയ സംഭവത്തിൽ അടിയന്തര നടപടി ആവശ്യപ്പെട്ട് ബിജെപി നേതൃത്വത്തിൽ വനംവകുപ്പ് ഡി.എഫ്.ഒ ഓഫീസിൽ പരാതി നൽകി. ഡി.എഫ്.ഒയ്ക്ക് വേണ്ടിയുള്ള പരാതി ജൂനിയർ ഓഫീസർ സയ്യിദ് അവർകൾ ഏറ്റുവാങ്ങി. പ്രദേശവാസികളുടെ ജീവനും സ്വത്തിനും സംരക്ഷണം ഉറപ്പാക്കണമെന്നും ഉടൻ കൂട് സ്ഥാപിച്ച് പുലിയെ പിടികൂടണമെന്നും നിവേദനത്തിലൂടെ ആവശ്യപ്പെട്ടു.

​ബിജെപി പുതുശ്ശേരി വെസ്റ്റ് ഏരിയ പ്രസിഡന്റ് ശ്രീജിത്ത്. കെ. ആർ, ഈസ്റ്റ് ഏരിയ പ്രസിഡന്റ് വിജയ്കൃഷ്ണൻ, മഹിളാമോർച്ച പാലക്കാട് ജില്ലാ സെക്രട്ടറി ജയശ്രീ രവി, ബിജെപി പുതുശ്ശേരി വെസ്റ്റ് ഏരിയ കമ്മിറ്റി സെക്രട്ടറി നാരായണൻ, യുവമോർച്ച പുതുശ്ശേരി മണ്ഡലം പ്രസിഡന്റ് സുധീഷ്. എ, ജനറൽ സെക്രട്ടറി വിഷ്ണുപ്രസാദ്, യുവമോർച്ച പുതുശ്ശേരി വെസ്റ്റ് ഏരിയ പ്രസിഡന്റ് രമേഷ് എന്നിവരുടെ നേതൃത്വത്തിലാണ് ഓഫീസിലെത്തി പരാതി സമർപ്പിച്ചത്.

​ഭീതിയിലായ കുരുടികാട് പ്രദേശത്ത് ഉടൻ കൂട് സ്ഥാപിക്കുക, വനംവകുപ്പിന്റെ നേതൃത്വത്തിൽ രാത്രികാല പട്രോളിങ് ശക്തമാക്കുക, വളർത്തുമൃഗം നഷ്ടപ്പെട്ട കർഷക കുടുംബത്തിന് അർഹമായ നഷ്ടപരിഹാരം ലഭ്യമാക്കുക, കാടുമൂടിയ വഴികൾ വെട്ടിത്തെളിക്കുക എന്നീ ആവശ്യങ്ങൾ സംഘം ഉന്നയിച്ചു. ജനങ്ങളുടെ സുരക്ഷ ഉറപ്പാക്കാൻ വനംവകുപ്പ് അടിയന്തരമായി ഇടപെട്ടില്ലെങ്കിൽ ശക്തമായ ജനകീയ പ്രക്ഷോഭങ്ങൾക്ക് നേതൃത്വം നൽകുമെന്ന് നേതാക്കൾ അറിയിച്ചു.
​

ദേശീയപാതയിലെ അപകടങ്ങൾക്ക് നടപടി വേണമെന്ന് ബിജെപി​പുതുശ്ശേരി • ദേശീയപാത മേൽപ്പാലം - അടിപ്പാത നിർമാണവുമായി ബന്ധപ്പെട്ട അശാ...
08/08/2026

ദേശീയപാതയിലെ അപകടങ്ങൾക്ക് നടപടി വേണമെന്ന് ബിജെപി

​പുതുശ്ശേരി • ദേശീയപാത മേൽപ്പാലം - അടിപ്പാത നിർമാണവുമായി ബന്ധപ്പെട്ട അശാസ്ത്രീയമായ ഗതാഗത പരിഷ്കാരം അപകടങ്ങൾക്കും ഗതാഗതക്കുരുക്കിനും കാരണമാകുന്നുണ്ടെന്നും വിഷയത്തിൽ ദേശീയപാത അധികൃതർ ഇടപെടണമെന്നും ആവശ്യപ്പെട്ട് ബിജെപി പുതുശ്ശേരി മണ്ഡലം കമ്മിറ്റി ദേശീയപാത അതോറിറ്റി ഉദ്യോഗസ്ഥരുമായി കൂടിക്കാഴ്ച നടത്തി.

​നിർമാണ പ്രവൃത്തി നടക്കുന്ന ഭാഗങ്ങളിൽ സുരക്ഷാ ജീവനക്കാരെ നിയോഗിക്കണമെന്നും മുന്നറിയിപ്പ് ബോർഡുകൾ സ്ഥാപിക്കണമെന്നും ആവശ്യപ്പെട്ടു.
സ്ഥലം സന്ദർശിച്ച് വേണ്ട നടപടികൾ സ്വീകരിക്കാമെന്ന് നാഷണൽ ഹൈവേ സൈറ്റ് എൻജിനീയർ ആർ. അരവിന്ദ് ഉറപ്പു നൽകി.

​ഒബിസി മോർച്ച ജില്ലാ പ്രസിഡന്റ് സുരേഷ് കണ്ണൻ, ബിജെപി മണ്ഡലം ജനറൽ സെക്രട്ടറിമാരായ ശരത്, സന്തോഷ്, ജില്ലാ ഭാരവാഹികളായ ഉഷാ ബാലചന്ദ്രൻ, സുമലതമുരളി, പഞ്ചായത്ത്‌ മെമ്പർ ഷിബുദാസ്, എം. ദീപക്, മണ്ഡലം ഭാരവാഹികളായ വിനോദ് കാടാംകോട്, ശ്രീവത്സൻ, എം. മനീഷ്, പുതുശ്ശേരി വെസ്റ്റ് പഞ്ചായത്ത്‌ കമ്മിറ്റി പ്രസിഡന്റ്‌ കെ. ആർ. ശ്രീജിത്ത്, മരുതറോട്‌ പഞ്ചായത്ത്‌ കമ്മിറ്റി പ്രസിഡന്റ്‌ പി. രഞ്ജിത്ത് എന്നിവർ പങ്കെടുത്തു.

🚨 പ്രധാനമന്ത്രിയെയും അദ്ദേഹത്തിന്റെ പരേതയായ മാതാവിനെയും അപകീർത്തിപ്പെടുത്താൻ ശ്രമിച്ച ട്രാൻസ്ജെൻഡർ ജാൻ മണിക്കെതിരെ കസബ പ...
08/08/2026

🚨 പ്രധാനമന്ത്രിയെയും അദ്ദേഹത്തിന്റെ പരേതയായ മാതാവിനെയും അപകീർത്തിപ്പെടുത്താൻ ശ്രമിച്ച ട്രാൻസ്ജെൻഡർ ജാൻ മണിക്കെതിരെ കസബ പോലീസ് സ്റ്റേഷനിൽ പരാതി നൽകി 🚨

​രാജ്യത്തിന്റെ പ്രധാനമന്ത്രി ശ്രീ നരേന്ദ്ര മോദിയെയും അദ്ദേഹത്തിന്റെ പരേതയായ മാതാവിനെയും പരസ്യമായി അപകീർത്തിപ്പെടുത്തുന്ന രീതിയിൽ സംസാരിച്ച ജാൻ മണിക്കെതിരെ കർശന നടപടി ആവശ്യപ്പെട്ട് മഹിളാ മോർച്ച - ബിജെപി നേതാക്കൾ പുതുശ്ശേരി കസബ പോലീസ് സ്റ്റേഷനിൽ ഔദ്യോഗികമായി പരാതി നൽകി.

​ഇതിന്റെ ഭാഗമായി മഹിളാ മോർച്ച പാലക്കാട് ജില്ലാ സെക്രട്ടറി ജയശ്രീ രവി, ബിജെപി പാലക്കാട് ജില്ലാ സെക്രട്ടറി സുമലതാ മുരളി, ബിജെപി പുതുശ്ശേരി വെസ്റ്റ് പഞ്ചായത്ത് കമ്മിറ്റി പ്രസിഡന്റ് ശ്രീജിത്ത്, വൈസ് പ്രസിഡന്റ് ഗോപിനാഥ് എന്നിവരുടെ നേതൃത്വത്തിലുള്ള സംഘം കസബ പോലീസ് സ്റ്റേഷനിൽ നേരിട്ടെത്തിയാണ് പരാതി സമർപ്പിച്ചത്.

​സമൂഹത്തിൽ വിദ്വേഷം പരത്തുന്ന തരത്തിൽ മോശമായ പരാമർശങ്ങൾ നടത്തിയവർക്കെതിരെ ശക്തമായ നിയമനടപടികൾ സ്വീകരിക്കണമെന്ന് നേതാക്കൾ ആവശ്യപ്പെട്ടു.

ഗുരുപൂർണിമ ദിനത്തിൽ അധ്യാപകരെ ആദരിച്ച് ബി.ജെ.പി പുതുശ്ശേരി വെസ്റ്റ് പഞ്ചായത്ത് കമ്മിറ്റി 🌺🙏🏻​ഗുരുപൂർണിമ ദിനത്തോടനുബന്ധിച...
08/08/2026

ഗുരുപൂർണിമ ദിനത്തിൽ അധ്യാപകരെ ആദരിച്ച് ബി.ജെ.പി പുതുശ്ശേരി വെസ്റ്റ് പഞ്ചായത്ത് കമ്മിറ്റി 🌺🙏🏻

​ഗുരുപൂർണിമ ദിനത്തോടനുബന്ധിച്ച് സമൂഹത്തിന് വെളിച്ചം പകരുന്ന പ്രിയ അധ്യാപകരെ ബി.ജെ.പി പുതുശ്ശേരി വെസ്റ്റ് പഞ്ചായത്ത് കമ്മിറ്റിയുടെ നേതൃത്വത്തിൽ ആദരിച്ചു.

​കഞ്ചിക്കോട് കെണസ്റ്റോപ്പ് ഗ്രീൻവാലിയിൽ താമസിക്കുന്ന എലപ്പുള്ളി എൽ.പി സ്കൂൾ ഹെഡ്മിസ്ട്രസ് ശ്രീമതി ബിന്ദു ടീച്ചർ, സായിനിലയം സ്കൂൾ ഹെഡ്മാസ്റ്റർ ശ്രീ ഷഡഗോപാലൻ മാഷ് എന്നിവരെ വീടുകളിലെത്തി പൊന്നാടയണിയിച്ച് ആദരവ് അർപ്പിച്ചു.

​ബി.ജെ.പി പാലക്കാട് ജില്ലാ ജനറൽ സെക്രട്ടറി ശ്രീ. ഷൺമുഖൻ, മഹിളാമോർച്ച ജില്ലാ സെക്രട്ടറി ശ്രീമതി. ജയശ്രീ രവി, പുതുശ്ശേരി പഞ്ചായത്ത് വാർഡ് മെമ്പർ ശ്രീ. ഷിബുദാസ്, ബി.ജെ.പി പുതുശ്ശേരി വെസ്റ്റ് പഞ്ചായത്ത് കമ്മിറ്റി പ്രസിഡന്റ് ശ്രീജിത്ത്. കെ. ആർ, വൈസ് പ്രസിഡന്റ് ശ്രീ. ഗോപിനാഥ് തുടങ്ങിയ നേതാക്കൾ ചടങ്ങിൽ പങ്കെടുത്തു.
​അറിവും അക്ഷരവും പകർന്നുനൽകി തലമുറകളെ വാർത്തെടുക്കുന്ന എല്ലാ ഗുരുവര്യന്മാർക്കും ഹൃദയം നിറഞ്ഞ ഗുരുപൂർണിമ ആശംസകൾ! 💐✨

​— ബി.ജെ.പി പുതുശ്ശേരി വെസ്റ്റ് പഞ്ചായത്ത് കമ്മിറ്റി

എബിവിപി, ജി.വി.എച്ച്.എസ്.എസ് കഞ്ചിക്കോട് യൂണിറ്റ്​എബിവിപി കഞ്ചിക്കോട് ജി.വി.എച്ച്.എസ്.എസ് യൂണിറ്റിന്റെ നേതൃത്വത്തിൽ പ്രത...
21/07/2026

എബിവിപി, ജി.വി.എച്ച്.എസ്.എസ് കഞ്ചിക്കോട് യൂണിറ്റ്​എബിവിപി കഞ്ചിക്കോട് ജി.വി.എച്ച്.എസ്.എസ് യൂണിറ്റിന്റെ നേതൃത്വത്തിൽ പ്രതിഷേധ പ്രകടനവും പ്രിൻസിപ്പലിന് പരാതിയും നൽകി.

​കഞ്ചിക്കോട് ഗവൺമെന്റ് വൊക്കേഷണൽ ഹയർ സെക്കൻഡറി സ്കൂളിൽ, UP വിഭാഗത്തിൽപെട്ട 26 കുട്ടികളെ ക്രൂരമായി മർദ്ദിച്ച അധ്യാപകനെ സർവീസിൽ നിന്ന് പിരിച്ചുവിടണമെന്നാവശ്യപ്പെട്ട് എബിവിപി കഞ്ചിക്കോട് യൂണിറ്റിന്റെ നേതൃത്വത്തിൽ ശക്തമായ പ്രതിഷേധ പ്രകടനവും പ്രിൻസിപ്പലിന് പരാതി സമർപ്പിക്കുകയും ചെയ്തു.
​സമര പരിപാടി യുവമോർച്ച പുതുശ്ശേരി മണ്ഡലം ജനറൽ സെക്രട്ടറി ശ്രീ. വിഷ്ണുപ്രസാദ് ഉദ്ഘാടനം ചെയ്തു. A. B. V. P. പാലക്കാട്‌ നഗര സെക്രട്ടറി സജിത്ത് അധ്യക്ഷത വഹിച്ച പരിപാടിയിൽ യുവമോർച്ച പുതുശ്ശേരി വെസ്റ്റ് പഞ്ചായത്ത് കമ്മിറ്റി പ്രസിഡണ്ട് ശ്രീ. രമേഷ് യുവമോർച്ച പുതുശ്ശേരി ഈസ്റ്റ് പഞ്ചായത്ത് കമ്മിറ്റി പ്രസിഡണ്ട് ശ്രീ. റിനു എന്നിവർ സമരത്തിന് അഭിവാദ്യങ്ങൾ അർപ്പിച്ച് സംസാരിച്ചു.
​കുട്ടികൾക്കെതിരെയുള്ള അതിക്രമങ്ങൾ വച്ചുപൊറുപ്പിക്കില്ലെന്നും, കുറ്റക്കാരനായ അധ്യാപകനെതിരെ ശക്തമായ നടപടി സ്വീകരിക്കുന്നതുവരെ പ്രക്ഷോഭം തുടരുമെന്നും ഭാരവാഹികൾ അറിയിച്ചു.
​
എബിവിപി, ജി.വി.എച്ച്.എസ്.എസ് കഞ്ചിക്കോട് യൂണിറ്റ്

📍 പണ്ഡിത് ദീനദയാൽ ഉപാധ്യായ പ്രശിക്ഷൻ മഹാ അഭിയാൻ | പുതുശ്ശേരി മണ്ഡലം​അറിവ് പകർന്നും, ആശയങ്ങൾ പങ്കുവെച്ചും ഒത്തുചേർന്ന ഒരു...
17/07/2026

📍 പണ്ഡിത് ദീനദയാൽ ഉപാധ്യായ പ്രശിക്ഷൻ മഹാ അഭിയാൻ | പുതുശ്ശേരി മണ്ഡലം

​അറിവ് പകർന്നും, ആശയങ്ങൾ പങ്കുവെച്ചും ഒത്തുചേർന്ന ഒരു ദിവസത്തെ പഠന ശിബിരം. വരുംകാല പ്രവർത്തനങ്ങൾക്കുള്ള ഊർജ്ജവുമായി പുതുശ്ശേരിയിലെ പ്രവർത്തകർ! ✊🔥

​

Address

Sathrapadi, Kanjikode
Palghat
678621

Website

Alerts

Be the first to know and let us send you an email when BJP Pudusseri Panchayat Committee. posts news and promotions. Your email address will not be used for any other purpose, and you can unsubscribe at any time.

Shortcuts

Share

Category