District Information Office Pathanamthitta

Call Directions Website Contact the organization

District Information Office Pathanamthitta Pathanamthitta District Information Office
പത്തനംതിട്ട ജില്ലാ ഇൻഫർമേഷൻ ഓഫീസിൻ്റെ ഔദ്യോഗിക പേജ്‌

മൂഴിയാർ - ഗവി റോഡിൽ ഏർപ്പെടുത്തിയിരുന്ന വാഹനഗതാഗത നിരോധനം വ്യവസ്ഥകൾക്ക് വിധേയമായി പിൻവലിച്ചു
03/10/2026

മൂഴിയാർ - ഗവി റോഡിൽ ഏർപ്പെടുത്തിയിരുന്ന വാഹനഗതാഗത നിരോധനം വ്യവസ്ഥകൾക്ക് വിധേയമായി പിൻവലിച്ചു

മൂഴിയാർ - ഗവി റോഡിലൂടെയുള്ള വാഹന ഗതാഗതം നിരോധിച്ചു
01/10/2026

മൂഴിയാർ - ഗവി റോഡിലൂടെയുള്ള വാഹന ഗതാഗതം നിരോധിച്ചു

ഭക്ഷ്യ പൊതുവിതരണ ശൃംഖല ശക്തിപ്പെടുത്തുക ലക്ഷ്യം : മന്ത്രി അനൂപ് ജേക്കബ്സംസ്ഥാനത്തെ ഭക്ഷ്യ പൊതുവിതരണ ശൃംഖല ശക്തിപ്പെടുത്ത...
30/09/2026

ഭക്ഷ്യ പൊതുവിതരണ ശൃംഖല ശക്തിപ്പെടുത്തുക ലക്ഷ്യം : മന്ത്രി അനൂപ് ജേക്കബ്

സംസ്ഥാനത്തെ ഭക്ഷ്യ പൊതുവിതരണ ശൃംഖല ശക്തിപ്പെടുത്തുക സർക്കാർ ലക്ഷ്യമെന്ന് ഭക്ഷ്യ പൊതുവിതരണ വകുപ്പ് മന്ത്രി അനൂപ് ജേക്കബ്. തോട്ടപ്പുഴശ്ശേരി ഗ്രാമപഞ്ചായത്തിൽ തോണിപ്പുഴയിലെ സപ്ലൈകോ മാവേലി സ്റ്റോർ നവീകരിച്ച് സൂപ്പർ സ്റ്റോറാക്കിയതിൻ്റെ ഉദ്ഘാടനം നിർവഹിക്കുകയായിരുന്നു മന്ത്രി. സാധനങ്ങൾ നേരിട്ട് കണ്ട് തിരഞ്ഞെടുക്കാൻ ആളുകൾക്ക് കൂടുതൽ സൗകര്യമുള്ള സൂപ്പർ സ്റ്റോറുകൾ സർക്കാരിന്റെ നൂറു ദിന കർമ്മപരിപാടിയിൽ ഉൾപ്പെടുത്തി പൂർത്തീകരിച്ചു വരികയാണ്. മാവേലി സ്റ്റോറുകൾക്ക് പകരം സൂപ്പർ സ്റ്റോറുകളാണ് ഇനി പുതിയതായി ആരംഭിക്കുക. 24 മണിക്കൂറും പ്രവർത്തിക്കുന്ന സപ്ലൈകോ കൺവീനിയൻസ് സ്റ്റോർ ഒക്ടോബർ ആദ്യവാരം എറണാകുളത്ത് ആരംഭിക്കും. ഇത് മറ്റ് മെട്രോ നഗരങ്ങളിലും നടപ്പാക്കും. സപ്ലൈകോയെ സ്വയം പര്യാപ്തമാക്കുന്നതിനുള്ള പ്രവർത്തനമാണ് സർക്കാർ നടത്തുന്നത്. കഴിഞ്ഞ ഓണക്കാലത്ത് ഒരു മാസത്തിനകം 500 കോടി രൂപയിലധികം വിറ്റു വരവ് നേടി പൊതുജനങ്ങൾക്ക് അവശ്യസാധനങ്ങൾ ഫലപ്രദമായി എത്തിക്കാൻ സപ്ലൈകോ വഴി കഴിഞ്ഞതായും മന്ത്രി പറഞ്ഞു.

തോട്ടപ്പുഴശ്ശേരി ഗ്രാമപഞ്ചായത്ത് പ്രസിഡന്റ് എൽസി ക്രിസ്റ്റഫർ അധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല്ല ആദ്യ വിൽപ്പന നിർവഹിച്ചു.
ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് ടി. കെ. രാമചന്ദ്രൻ വിശിഷ്ടാതിഥിയായി പങ്കെടുത്തു. ഗ്രാമപഞ്ചായത്ത് വൈസ് പ്രസിഡൻറ് സി എസ് അനീഷ്‌കുമാർ, പഞ്ചായത്ത് സ്ഥിരം സമിതി അധ്യക്ഷരായ മഞ്ജു ലക്ഷ്മി, തോമസ് എബ്രഹാം, മിനി മാത്യു, അംഗങ്ങളായ ഷെറിൻ റോയ്, മായ മനോഹരൻ, സഞ്ജീവ് കുമാർ, ശാമുവേൽ തോമസ്, സിസലി ജോൺ, സപ്ലൈകോ മേഖലാ മാനേജർ എം ജയപ്രകാശ്, ജില്ലാ സപ്ലൈ ഓഫീസർ ആർ രാജീവ്, രാഷ്ട്രീയ കക്ഷി പ്രതിനിധികളായ സനോജ് മേമന, ബിജു ജെ ജോർജ്, സമദ് മേപ്പുറത്ത്, പി എം ഇസ്മയിൽ,എം ജി സുകുമാരൻ, ആർ രാജീവ്, രശ്മി ആർ നായർ തുടങ്ങിയവർ പങ്കെടുത്തു.

30/09/2026

ടെന്‍ഡര്‍

ശബരിമല തീര്‍ത്ഥാടനം 2026-27 നോട് അനുബന്ധിച്ച് സന്നിധാനം, പമ്പ, നിലയ്ക്കല്‍ എന്നിവിടങ്ങളില്‍ ശുചീകരണ പ്രവര്‍ത്തനങ്ങള്‍ക്കായി നിയമിക്കുന്ന വിശുദ്ധി സേനാംഗങ്ങള്‍ ശേഖരിക്കുന്ന മാലിന്യങ്ങള്‍ നീക്കം ചെയ്യുന്നതിന് ആവശ്യമായ 14 ട്രാക്ടര്‍ (ട്രെയിലര്‍ ഘടിപ്പിച്ചത് - 14 എണ്ണം, ബോക്‌സ് ഘടിപ്പിച്ചത് - ഒരെണ്ണം) ലഭ്യമാക്കുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ ഒക്ടോബര്‍ 13 വൈകിട്ട് അഞ്ചിനു മുമ്പ് അടൂര്‍ റവന്യൂ ഡിവിഷണല്‍ ഓഫീസില്‍ ലഭ്യമാക്കണം. ഫോണ്‍: 04734 224827.

30/09/2026

ടെന്‍ഡര്‍

ശബരിമല തീര്‍ത്ഥാടനം 2026-27 നോട് അനുബന്ധിച്ച് സന്നിധാനം, പമ്പ, നിലയ്ക്കല്‍, പന്തളം, കുളനട എന്നിവിടങ്ങളില്‍ ആവശ്യമായ ശുചീകരണ ഉപകരണങ്ങളും വിശുദ്ധി സേനാംഗങ്ങള്‍ക്ക് വേണ്ട ഈര്‍ക്കില്‍ ചൂല്‍, പ്ലാസ്റ്റിക് കുട്ട, റബര്‍ ഗ്ലൗസ്, വേസ്റ്റ് ക്യാരി ബാഗ്, റെയിന്‍ കോട്ട്, പുല്‍പ്പായ, യൂണിഫോം ടീഷര്‍ട്ട്, ട്രാക്ക് സ്യൂട്ട് മോഡല്‍ പാന്റ്‌സ്, പുതപ്പ്, തോര്‍ത്ത് തുടങ്ങിയ സാധനസാമഗ്രികളും വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ ഒക്ടോബര്‍ 13 വൈകിട്ട് അഞ്ചിനു മുമ്പ് അടൂര്‍ റവന്യൂ ഡിവിഷണല്‍ ഓഫീസില്‍ ലഭ്യമാക്കണം. ഫോണ്‍: 04734 224827.

30/09/2026

ക്വട്ടേഷന്‍ ക്ഷണിച്ചു

ശബരിമല തീര്‍ത്ഥാടനം 2026-27 നോട് അനുബന്ധിച്ച് സന്നിധാനം, പമ്പ, നിലയ്ക്കല്‍, പന്തളം, കുളനട എന്നിവിടങ്ങളില്‍ ആവശ്യമായ ശുചീകരണ ഉപകരണങ്ങളും വിശുദ്ധിസേനാംഗങ്ങള്‍ക്ക് ആവശ്യമായ കമ്പിച്ചൂല്‍, മാന്തി, ഷവ്വല്‍, മണ്‍വെട്ടി, ഗംബൂട്ട് തുടങ്ങിയവ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ടെന്‍ഡര്‍ ഒക്ടോബര്‍ ഏഴ് വൈകിട്ട് അഞ്ചിനു മുമ്പ് അടൂര്‍ റവന്യൂ ഡിവിഷണല്‍ ഓഫീസില്‍ ലഭ്യമാക്കണം. ഫോണ്‍: 04734 224827.

30/09/2026

ജൂനിയര്‍ റെസിഡന്റ് നിയമനം

കോന്നി സര്‍ക്കാര്‍ മെഡിക്കല്‍ കോളേജില്‍ നിലവിലുള്ള എട്ട് ഒഴിവിലേക്ക് കരാര്‍ വ്യവസ്ഥയില്‍ ജൂനിയര്‍ റെസിഡന്റുമാരെ ഒരു വര്‍ഷ കാലയളവിലേക്ക് നിയമിക്കുന്നു. എം.ബി.ബി.എസ് ബിരുദധാരികള്‍ അവരുടെ ബിരുദ സര്‍ട്ടിഫിക്കറ്റ്, മെഡിക്കല്‍ കൗണ്‍സില്‍ രജിസ്‌ട്രേഷന്‍ സര്‍ട്ടിഫിക്കറ്റ്, മാര്‍ക്ക് ലിസ്റ്റ്, തിരിച്ചറിയല്‍ രേഖ, മറ്റ് രേഖകള്‍ എന്നിവയുടെ അസലും പകര്‍പ്പും സഹിതം ഒക്ടോബര്‍ ഏഴ് രാവിലെ 10.30 ന് കോന്നി സര്‍ക്കാര്‍ മെഡിക്കല്‍ കോളജില്‍ അഭിമുഖത്തിന് ഹാജരാകണം. രജിസ്‌ട്രേഷന്‍ അന്നേ ദിവസം രാവിലെ ഒമ്പത് മുതല്‍ 10 വരെ. പ്രവൃത്തിപരിചയം ഉള്ളവര്‍ക്കും അധിക യോഗ്യതയുള്ളവര്‍ക്കും പത്തനംതിട്ട ജില്ലയിലുള്ളവര്‍ക്കും മുന്‍ഗണന. പ്രായപരിധി 50 വയസിനു താഴെ. ഫോണ്‍: 0468 2344823, 2344803.

30/09/2026

ക്വട്ടേഷന്‍

പത്തനംതിട്ട ടി. ബി റോഡില്‍ സ്ഥിതി ചെയ്യുന്ന പൊതുമരാമത്ത് വകുപ്പ് വിശ്രമകേന്ദ്ര സമുച്ചയത്തില്‍ പ്രവര്‍ത്തിക്കുന്ന കാന്റീന്‍ നവംബര്‍ ഒന്നു മുതല്‍ ഒരു വര്‍ഷത്തേക്ക് പാട്ട വ്യവസ്ഥയില്‍ ഏറ്റെടുത്ത് നടത്താന്‍ കാന്റീന്‍ നടത്തിയോ അവയില്‍ ജോലി ചെയ്‌തോ മുന്‍പരിചയമുള്ള വ്യക്തികളില്‍ നിന്ന് ക്വട്ടേഷന്‍ ക്ഷണിച്ചു. അസിസ്റ്റന്റ് എക്സിക്യൂട്ടീവ് എഞ്ചിനീയര്‍, പൊതുമരാമത്ത് വകുപ്പ് കെട്ടിട വിഭാഗം സബ് ഡിവിഷന്‍ ഓഫീസ്, പത്തനംതിട്ട എന്ന വിലാസത്തില്‍ ഒക്ടോബര്‍ എട്ട് വൈകിട്ട് മൂന്നിന് മുമ്പ് ക്വട്ടേഷന്‍ ലഭിക്കണം. ഫോണ്‍: 0468 2325270.

30/09/2026

ഗതാഗത നിരോധനം

ആലുംതുരുത്തി- ചാല- ചക്കുളം- പനച്ചിമൂട് റോഡില്‍ ടാറിങ് നടക്കുന്നതിനാല്‍ ഇന്നും നാളെയും (സെപ്റ്റംബര്‍ 30, ഒക്ടോബര്‍ ഒന്ന്) രാവിലെ എട്ട് മുതല്‍ വൈകിട്ട് അഞ്ചുവരെ റോഡ് പൂര്‍ണമായി അടച്ചിടുമെന്ന് തിരുവല്ല പൊതുമരാമത്ത് നിരത്ത് ഉപവിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു. ഫോണ്‍: 0469 2633454.

സി.പി.ആര്‍ നല്‍കാന്‍ എല്ലാവരും അറിഞ്ഞിരിക്കണം: ജില്ല കലക്ടര്‍ഹൃദയാഘാതം ഉള്‍പ്പെടെയുള്ള അടിയന്തര സാഹചര്യങ്ങളില്‍ ജീവന്‍ ര...
30/09/2026

സി.പി.ആര്‍ നല്‍കാന്‍ എല്ലാവരും അറിഞ്ഞിരിക്കണം: ജില്ല കലക്ടര്‍

ഹൃദയാഘാതം ഉള്‍പ്പെടെയുള്ള അടിയന്തര സാഹചര്യങ്ങളില്‍ ജീവന്‍ രക്ഷിക്കുന്നതിനായി സി.പി.ആര്‍ അഥവാ ഹൃദയ ശ്വാസകോശ പുനരജീവനം നല്‍കാനുള്ള അടിസ്ഥാന അറിവ് സമൂഹത്തിലെ എല്ലാവര്‍ക്കും ഉണ്ടായിരിക്കണമെന്ന് ജില്ല കലക്ടര്‍ എ. നിസാമുദ്ദീന്‍ പറഞ്ഞു. ജില്ല മെഡിക്കല്‍ ഓഫീസ് ആരോഗ്യം, ആരോഗ്യകേരളം പത്തനംതിട്ട എന്നിവയുടെ ആഭിമുഖ്യത്തില്‍ കലക്ടറേറ്റിലെ ഗവി കോണ്‍ഫറന്‍സ് ഹാളില്‍ സംഘടിപ്പിച്ച ലോകഹൃദയ ദിനാചരണം ജില്ലാതല പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഹൃദയസ്തംഭനം സംഭവിക്കുന്ന ആദ്യ ഏതാനും മിനിറ്റുകള്‍ നിര്‍ണായകമാണ്. ആരോഗ്യപ്രവര്‍ത്തകരുടെ സഹായം ലഭിക്കുന്നതിന് മുമ്പ് സമീപത്തുള്ള ഒരാള്‍ക്ക് കൃത്യമായി സി.പി.ആര്‍ നല്‍കാന്‍ കഴിഞ്ഞാല്‍ ജീവന്‍ രക്ഷിക്കാനുള്ള സാധ്യത ഗണ്യമായി വര്‍ധിക്കും. അതിനാല്‍ പൊതുജനങ്ങള്‍ക്ക് സി.പി.ആര്‍ ഉള്‍പ്പെടെയുള്ള അടിസ്ഥാന ജീവന്‍രക്ഷാ മാര്‍ഗങ്ങളില്‍ പരിശീലനം നല്‍കുന്നതിനുള്ള പ്രവര്‍ത്തനങ്ങള്‍ കൂടുതല്‍ ശക്തമാക്കേണ്ടതുണ്ടെന്നും ജില്ല കലക്ടര്‍ പറഞ്ഞു.
ഹൃദയാരോഗ്യം സംരക്ഷിക്കുന്നതിന് ആരോഗ്യകരമായ ഭക്ഷണശീലം, കൃത്യമായ വ്യായാമം, പുകയില ഉപയോഗം ഒഴിവാക്കല്‍, മാനസിക സമ്മര്‍ദ്ദം നിയന്ത്രിക്കല്‍, രക്തസമ്മര്‍ദ്ദം, പ്രമേഹം, കൊളസ്‌ട്രോള്‍ തുടങ്ങിയവ കൃത്യമായി പരിശോധിക്കല്‍ എന്നിവയ്ക്ക് പ്രാധാന്യം നല്‍കണമെന്നും പരിപാടിയില്‍ കലക്ടര്‍ പറഞ്ഞു.
പത്തനംതിട്ട ജനറല്‍ ആശുപത്രിയിലെ കാര്‍ഡിയോളജിസ്റ്റ് ജോസ് പൈകട കലക്ടറേറ്റ് ജീവനക്കാര്‍ക്കായി ബോധവല്‍ക്കരണ ക്ലാസ് നയിച്ചു. പന്തളം കുടുംബാരോഗ്യ കേന്ദ്രത്തിലെ മെഡിക്കല്‍ ഓഫീസര്‍ ഡോ. ഹരികുമാര്‍ സി.പി.ആര്‍ നല്‍കേണ്ടത് സംബന്ധിച്ച് പരിശീലനം നല്‍കി. ആരോഗ്യവകുപ്പ് ജില്ല സര്‍വൈലന്‍സ് ഓഫീസര്‍ ഡോ. കെ. ജീവന്‍, എഡിഎം ആര്‍. രാജലക്ഷ്മി, ജില്ല ആര്‍ സി എച്ച് ഓഫീസര്‍ ഡോ. കെ. കെ ശ്യാംകുമാര്‍, ഡെപ്യൂട്ടി ജില്ല എജ്യൂക്കേഷന്‍ ആന്റ് മീഡിയ ഓഫീസര്‍മാരായ ആര്‍. ദീപ, എം. പി ബിജു കുമാര്‍, കലക്ടറേറ്റ് ജീവനക്കാര്‍ എന്നിവര്‍ പരിപാടിയില്‍ പങ്കെടുത്തു.

തുമ്പമണ്‍ കുടുംബാരോഗ്യ കേന്ദ്രത്തിലെ സൂംബ പരിശീലക ശില്‍പയുടെ നേതൃത്വത്തില്‍ കലക്ടറേറ്റ് ജീവനക്കാര്‍ക്കായി സൂംബ പരിശീലനം നല്‍കി. ഇലന്തൂര്‍ നഴ്‌സിംഗ് സ്‌കൂളിലെ വിദ്യാര്‍ഥികള്‍ അവതരിപ്പിച്ച ഫ്‌ളാഷ് സ്‌കിറ്റും ശ്രദ്ധേയമായി. ലോക ഹൃദയ ദിനത്തോടനുബന്ധിച്ച് ജില്ലയിലെ വിവിധ ആരോഗ്യസ്ഥാപനങ്ങളുടെ നേതൃത്വത്തില്‍ പൊതുജന ബോധവല്‍ക്കരണ ക്ലാസുകള്‍, സി.പി.ആര്‍ പരിശീലനം, ആരോഗ്യ പരിശോധനകള്‍, ഡിജിറ്റല്‍ ബോധവല്‍ക്കരണ പ്രവര്‍ത്തനങ്ങള്‍ തുടങ്ങിയ പരിപാടികളും സംഘടിപ്പിച്ചു.

Address

PATHANAMTHITTA COLLECTORATE
Pathanamthitta
689645

Opening Hours

Monday 10am - 5pm
Tuesday 10am - 5pm
Wednesday 10am - 5pm
Thursday 10am - 5pm
Friday 10am - 5pm
Saturday 10am - 5pm

Telephone

+914682222657

Website

Alerts

Be the first to know and let us send you an email when District Information Office Pathanamthitta posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to District Information Office Pathanamthitta:

Shortcuts

Share

Category