District Police Pathanamthitta

Home
India
Pathanamthitta
District Police Pathanamthitta

Call Directions Website Contact the organization

Pathanamthitta District Police

27/10/2026

രണ്ടാം ക്ലാസ് വിദ്യാർത്ഥിനിയെ പീഡിപ്പിച്ച പ്രതിക്ക് 28 വർഷം കഠിനതടവും 1,35,000 രൂപ പിഴയും ശിക്ഷ

അടൂർ : രണ്ടാം ക്ലാസ് വിദ്യാർത്ഥിനിയെ ലൈംഗിക പീഡനത്തിന് ഇരയാക്കിയ പ്രതിക്ക് 28 വർഷത്തെ കഠിനതടവും 1,35,000 രൂപ പിഴയും വിധിച്ച് ഫാസ്റ്റ് ട്രാക്ക് കോടതി . പന്തളം തെക്കേക്കര വില്ലേജിൽ ഭഗവതിക്കും പടിഞ്ഞാറ് എന്ന സ്ഥലത്ത് തകരമല കുറ്റിയിൽ വീട്ടിൽ നകുലൻ (വയസ്സ് 47) നെ ആണ് അടൂർ ഫാസ്റ്റ് ട്രാക്ക് കോടതി ജഡ്ജ് മഞ്ജിത്ത്. T ഇന്ത്യൻ ശിക്ഷാ നിയമപ്രകാരവും പോക്സോ വകുപ്പ് പ്രകാരവും കുറ്റക്കാരൻ എന്ന് കണ്ടെത്തി 28 വർഷം കഠിനതടവിനും 1,35,000 രൂപ പിഴയും ശിക്ഷ വിധിച്ചത്. 2018 ജൂൺ മാസത്തിനും 2018 സെപ്റ്റംബർ മാസത്തിനും ഇടയിലുള്ള ഒരു ദിവസമാണ് ഇയാൾ പെൺകുട്ടിയെ ലൈംഗികമായി പീഡിപ്പിച്ചത്.
പീഡന വിവരം കുട്ടി വെളിപ്പെടുത്തുന്നത് ഈ വർഷം ആദ്യമാണ്. അന്നത്തെ കൊടുമൺ പോലീസ് സ്റ്റേഷൻ ഇൻസ്പെക്ടർ ആയിരുന്ന ശ്രീലാൽ ചന്ദ്രശേഖർ ആണ് എഫ്.ഐ.ആർ രജിസ്റ്റർ ചെയ്ത് അന്വേഷണം പൂർത്തിയാക്കുകയും പ്രതിക്കെതിരെ കോടതിയിൽ കുറ്റപത്രം സമർപ്പിക്കുകയും ചെയ്തത്. പത്തനംതിട്ട പോലീസ് സ്റ്റേഷനിൽ രജിസ്റ്റർ ചെയ്ത മറ്റൊരു പോക്സോ കേസിലും ശിക്ഷ അനുഭവിച്ചുവരുന്ന ആളാണ് പ്രതി.
പ്രോസിക്യൂഷൻ ഭാഗത്തുനിന്നും 16 സാക്ഷികളെ വിസ്തരിക്കുകയും 17 രേഖകൾ ഹാജരാക്കുകയും ചെയ്തു. പ്രൊസിക്യൂഷന് വേണ്ടി സ്പെഷ്യൽ പബ്ലിക് പ്രൊസി ക്യൂട്ടർ അഡ്വക്കേറ്റ് സ്മിത ജോൺ. പി ഹാജരായി. കോടതി നടപടികൾ കോർട്ട് ലൈസൺ ഓഫീസർമാരായ ASI ഹസീന, SCPO ദീപകുമാരി എന്നിവർ ഏകോപിപ്പിച്ചു. പ്രതിയിൽ നിന്ന് ഈടാക്കുന്ന പിഴത്തുക പീഡനത്തിന് ഇരയായ പെൺകുട്ടിക്ക് നൽകാൻ ജില്ലാ ലീഗൽ സർവീസ് അതോറിറ്റിക്ക് കോടതി നിർദ്ദേശവും നൽകിയിട്ടുണ്ട്.

27/10/2026

ഓപ്പറേഷൻ തൂഫാൻ 2.0
യുവജനങ്ങൾക്കായി പന്തളം ജനമൈത്രി പോലീസിന്റെ ചെസ്സ് അക്കാഡമി

പന്തളം : ഓപ്പറേഷൻ തൂഫാൻ 2.0 യുടെ ഭാഗമായി പന്തളം ജനമൈത്രി പോലീസിൻ്റെ നേതൃത്വത്തിൽ JPCA( ജനമൈത്രി പോലീസ് ചെസ്സ് അക്കാദമി ) പന്തളം എന്ന പേരിൽ ചെസ് അക്കാഡമി ആരംഭിച്ചു.പത്തനംതിട്ട ജില്ലാ ചെസ് അസോസിയേഷൻ്റെ സഹകരണത്തോടെയാണ് അക്കാദമി പ്രവർത്തിക്കുന്നത്.
ലഹരി മാഫിയക്കെതിരെ അതിശക്തമായ നിയമനടപടികൾ തുടരുന്നതിനൊപ്പം, കൗമാരക്കാരെയും, യുവാക്കളെയും ലഹരി വിരുദ്ധ പോരാളികളാക്കി മാറ്റുകയാണ് ലക്ഷ്യം.ലഹരിക്കെതിരെ യുവത്വം സ്പോർട്സിലേക്ക് എന്ന ക്യാപ്ഷനിൽ പന്തളം ജനമൈത്രി പോലീസ് വിവിധ പരിപാടികളാണ് നടപ്പിലാക്കി വരുന്നത്.
ലഹരി വിപത്തിനെതിരെ സമൂഹത്തെ ബോധവൽക്കരിക്കുവാൻ ജനകീയ പദ്ധതികൾ ആവിഷ്കരിക്കുവാനുള്ള പത്തനംതിട്ട ജില്ലാ പോലീസ് മേധാവി ആർ ആനന്ദ് IPS ൻ്റെ നിർദ്ദേശാനുസരണമാണ് അക്കാദമി ആരംഭിച്ചിരിക്കുന്നത്. യുവാക്കൾക്കായി ചെസ്സ് പരിശീലന പരിപാടി സംഘടിപ്പിക്കും. മാസത്തിൽ നാല് ക്ലാസുകളാണ് പന്തളംപോലീസ് ജനമൈത്രി ഹാളിൽ സംഘടിപ്പിച്ചിരിക്കുന്നത്.
പന്തളം എസ് എച്ച് ഒ എബിൻ പ്രസാദ് പദ്ധതി ഉദ്ഘാടനം ചെയ്തു. സബ് ഇൻസ്പെക്ടർ വി.റ്റി ബിജു മുഖ്യപ്രഭാഷണം നടത്തി. ചെസ് അക്കാഡമി പത്തനംതിട്ട ജില്ലാ അഡ്ഹോക്ക് കമ്മിറ്റി ചെയർമാൻ പ്രമോദ് കെ.കെ ക്ലാസ് എടുത്തു. പി ജി രാജൻബാബു അധ്യക്ഷനായി. ജനമൈത്രി ബീറ്റ് ഓഫീസർ അൻവർ ഷാ പദ്ധതി വിശദീകരിച്ചു. ജനമൈതി സമിതി അംഗങ്ങളായ റജി പത്തിയിൽ, ഇ എസ് ശ്രീകുമാർ, വിഷ്‌ണു രാജ്, ഗോപിനാഥൻ നായർ, റ്റി ആർ ശശിധരൻ പിള്ള, പുഷ്പാംഗദൻ എന്നിവർ പങ്കെടുത്തു.

25/10/2026

'അഭിനന്ദന ദിനം' സംഘടിപ്പിച്ചു.
ജില്ലാ പോലീസ് മേധാവി പ്രശംസ പത്രങ്ങൾ നൽകി.

മികച്ച പ്രവർത്തനങ്ങൾ കാഴ്ചവെക്കുന്ന പോലീസ് ഉദ്യോഗസ്ഥരെയും , പോലീസിലെ മിനിസ്റ്റീരിയൽ വിഭാഗത്തിലെ ഉദ്യോഗസ്ഥരെയും , കൂടാതെ പോലീസിനെ സഹായിക്കുന്ന തരത്തിലുള്ളതും, പൊതുജനോപകാരപ്രദവുമായ പ്രവർത്തനങ്ങൾ നടത്തുന്ന പൊതുജനങ്ങളെയും ആദരിക്കുന്നതിനായി പോലീസ് വകുപ്പ് എല്ലാ ജില്ലകളിലും മാസത്തിലെ നാലാം ശനിയാഴ്ച 'അഭിനന്ദനദിന' മായി ആചരിക്കുന്നു.
ഇതിന്റെ ഭാഗമായി സെപ്റ്റംബർ മാസത്തിൽ മികച്ച പ്രവർത്തനങ്ങൾ കാഴ്ചവെച്ച 35 പൊലീസ് ഉദ്യോഗസ്ഥരെയും , പത്തനംതിട്ട ജില്ല പോലീസ് ഓഫീസിലെ പോലീസ് മിനിസ്റ്റീരിയൽ വിഭാഗത്തിൽ നിന്നുള്ള രണ്ട് ഉദ്യോഗസ്ഥരെയും , കൂടാതെ പൊതുജനങ്ങളിൽ നിന്ന് മൂന്നുപേർ ഉൾപ്പെടെ 40 പേർക്ക് ജില്ലാ പോലീസ് മേധാവി R ആനന്ദ് IPS പ്രശംസാപത്രങ്ങൾ നൽകി ആദരിച്ചു.
മികച്ച പ്രവർത്തനം കാഴ്ചവച്ച പോലീസ് സ്റ്റേഷൻ, സബ് ഡിവിഷൻ, കേസന്വേഷണത്തിൽ മികവ് തെളിയിച്ച ഉദ്യോഗസ്ഥർ, എന്നിങ്ങനെ വിവിധ മേഖലകളിലുള്ള വിവിധ പദവികളിൽ ഉള്ള ഉദ്യോഗസ്ഥർ പ്രശംസ പത്രങ്ങൾ ഏറ്റുവാങ്ങി.
ഓൺലൈൻ തട്ടിപ്പിലൂടെ അക്കൗണ്ട് ഉടമയ്ക്ക് വൻ തുക നഷ്ടമാകുന്നത് തടയാൻ സഹായിച്ച റാന്നി ബറോഡ ബാങ്ക് മാനേജർ ശ്രീ. കണ്ണൻ, റാന്നിയിലെ ഒരു ആശുപത്രിയിൽ നിന്ന് മോഷണം തടയുന്നതിനും മോഷ്ടാവിനെ പിടികൂടുന്നതിനും പോലീസിനെ സഹായിച്ച റാന്നി സ്വദേശികളായ തോമസ് പി ബാബു , ജിജോ കുര്യൻ ചെറിയാൻ എന്നിവരും പ്രശംസ പത്രങ്ങൾ ഏറ്റുവാങ്ങിയവരിൽ ഉൾപ്പെടുന്നു. ഇവർ ചെയ്ത പ്രവർത്തനങ്ങൾ സമൂഹം മാതൃകയാക്കണം എന്ന് ജില്ലാ പോലീസ് മേധാവി പറഞ്ഞു. ചടങ്ങിൽ അഡീഷണൽ ജില്ലാ പോലീസ് സൂപ്രണ്ട് ശ്രീ. ആർ ജയരാജ് , കോന്നി ASP നിമിഷി ത്രിപാഠി IPS, പത്തനംതിട്ട ഡിവൈഎസ്പി നിഷാദ് മോൻ എന്നിവരും ജില്ലയിലെ ഡിവൈഎസ്പിമാർ സർക്കിൾ ഇൻസ്പെക്ടർമാർ എസ് എച്ച് ഓമാർ മറ്റു പോലീസ് ഉദ്യോഗസ്ഥർ എന്നിവരും പങ്കെടുത്തു.

24/10/2026

യുവാവിനെയും പിതാവിനെയും ആക്രമിച്ച് കൊലപ്പെടുത്താൻ ശ്രമിച്ച പ്രതി പിടിയിൽ

പത്തനംതിട്ട : അയൽവാസിയായ യുവാവിനെയും പിതാവിനെയും മാരകായുധം ഉപയോഗിച്ച് ആക്രമിക്കുകയും തലയ്ക്ക് വെട്ടി കൊലപ്പെടുത്താൻ ശ്രമിക്കുകയും ചെയ്ത കേസിലെ പ്രതിയെ പത്തനംതിട്ട പോലീസ് അറസ്റ്റ് ചെയ്തു.
പത്തനംതിട്ട വള്ളിക്കോട് എന്ന സ്ഥലത്ത് പെരുമ്പിളത്തേറ്റ് പുത്തൻവീട്ടിൽ ശ്രീജേഷ് ശശിധരൻ (47) ആണ് പിടിയിലായത്. ഇക്കഴിഞ്ഞ ഞായറാഴ്ച വൈകുന്നേരം 6 മണിയോടെയാണ് കേസിന് ആസ്പദമായ സംഭവം ഉണ്ടായത്.
പ്രതിയുടെ അയൽവാസിയായ യുവാവിനെ ഇയാൾ വീടിനു മുൻവശം വച്ച് ഉപദ്രവിക്കുകയും കൊല്ലുമെന്ന് ഭീഷണിപ്പെടുത്തുകയും ചെയ്തിരുന്നു. തുടർന്നുണ്ടായ തർക്കത്തിനൊടുവിലാണ് ഇയാൾ കയ്യിൽ കരുതിയിരുന്ന മൂർച്ചയുള്ള മാരകായുധം കൊണ്ട് യുവാവിനെയും ഒപ്പം ഉണ്ടായിരുന്ന പിതാവിനെയും മാരകമായി ആക്രമിച്ചത്. ആക്രമണശേഷം പ്രതി ഒളിവിൽ പോയി.
കേസ് രജിസ്റ്റർ ചെയ്ത പത്തനംതിട്ട പോലീസ് വളരെ വേഗം അന്വേഷണം നടത്തുകയും
പത്തനംതിട്ട സർക്കിൾ ഇൻസ്പെക്ടർ അരുൺ G, SI (SHO)അനീഷ് എബ്രഹാം, SI രഞ്ജിത്, CPO മാരായ അനീഷ്, മിഥുൻ എന്നിവർ അടങ്ങിയ അന്വേഷണസംഘം പ്രതിയെ അറസ്റ്റ് ചെയ്യുകയും ആയിരുന്നു. പ്രതി പത്തനംതിട്ട പോലീസ് സ്റ്റേഷനിൽ 2023 രജിസ്റ്റർ ചെയ്ത മറ്റൊരു കൊലപാതകശ്രമ കേസിലും പ്രതിയാണെന്ന് പോലീസ് പറഞ്ഞു. പത്തനംതിട്ട ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

22/10/2026

എട്ടുമാസം പ്രായമുള്ള പെൺകുട്ടിയുടെ മൃതദേഹം ചതുപ്പിൽ കണ്ടെത്തിയ സംഭവം കൊലപാതകം,
പ്രതിയെ പുളിക്കീഴ് പോലീസ് അറസ്റ്റ് ചെയ്തു.

പുളിക്കീഴ് :
പുളിക്കീഴ് പോലീസ് സ്റ്റേഷൻ പരിധിയിൽ വളഞ്ഞവട്ടം എന്ന സ്ഥലത്ത് കണ്ടത്തിലെ ചതുപ്പിൽ എട്ടുമാസം പ്രായമുള്ള പെൺകുട്ടിയുടെ മൃതശരീരം കണ്ടെത്തിയ സംഭവം കൊലപാതകം ആണെന്ന് വ്യക്തമായി.
2023 ഓഗസ്റ്റ് 12ന് വൈകുന്നേരം 6 മണിയോടെയാണ് മൃതദേഹം കണ്ടെത്തിയത്. പത്തനംതിട്ട ജില്ലാ പോലീസ് മേധാവി R ആനന്ദ് IPS ന്റെ നിർദ്ദേശാനുസരണം പ്രത്യേക അന്വേഷണസംഘം രൂപീകരിച്ചാണ് അന്വേഷണം നടത്തിയത്. ദീർഘനാളത്തെ അന്വേഷണത്തിനൊടുവിൽ തിരുവല്ല ഡിവൈഎസ്പി സന്തോഷ്‌ PR ന്റെ നേതൃത്വത്തിലുള്ള പ്രത്യേക അന്വേഷണസംഘം കുട്ടിയുടെ അമ്മയും കേസിലെ മൂന്നാം പ്രതിയും ആയ മഞ്ജുവിനെ കണ്ടെത്തി അറസ്റ്റ് ചെയ്തു.
പാലക്കാട് കന്നിമാരി മീൻകര എന്ന സ്ഥലത്ത് ചെമ്മണാമ്പതി കോളനിയിൽ ഇസക്കി എന്നയാളുടെ ഭാര്യ മഞ്ജു (38) ആണ് ഇപ്പോൾ പിടിയിൽ ആയത്.
പാലക്കാട് മീനാക്ഷിപുരം പോലീസ് സ്റ്റേഷൻ പരിധിയിലുളള മീൻകട ഡാമിന് സമീപമുളള ചെമ്മണ്ണതോട് എസ് ടി കോളനിയിലെ പ്രമോട്ടറും ഇതേ കോളനിയിൽ താമസക്കാരിയും ഇടയ്ക്കിടെ അലഞ്ഞു തിരിഞ്ഞു നടക്കുന്ന നാടോടിയുമായ മഞ്ജു (വയസ് 38)2023 ൽ താമസസ്ഥലത്ത് നിന്ന് പോകുമ്പോൾ 8 മാസം പ്രായമുള്ള പെൺകുട്ടി കൂടെ ഉണ്ടായിരുന്നു . പിന്നീട് മഞ്ജു മടങ്ങി ചെന്നപ്പോൾ കൂടെയുണ്ടായിരുന്ന കുട്ടിയെ കാണാത്തതിനാൽ സ്ഥലത്തെ ST പ്രമോട്ടർ മഞ്ജുവിനോട് അന്വേഷിക്കുകയും മഞ്ജു കുട്ടിക്ക് എന്ത് സംഭവിച്ചുയെന്ന് വ്യക്തമായി പറയാത്തതിൽ സംശയം തോന്നിയ പ്രമോട്ടർ ഈ വിവരം മീനാക്ഷിപുരം പോലീസ് സ്റ്റേഷനിൽ അറിയിക്കുകയും ചെയ്തു. തുടർന്ന് മഞ്ജുവിനെ പോലീസ് സ്റ്റേഷനിൽ കൂട്ടി കൊണ്ട് പോയി ചോദ്യം ചെയ്തപ്പോഴാണ് കൊലപാതക വിവരം പുറത്തറിയുന്നത്.
2023 ൽ മഞ്ജു ഭർത്താവായ എസക്കിയോട് പിണങ്ങി നാടുവിടുകയും ആലപ്പുഴ കളർകോടുളള ഒരു കടയിൽ ഇരിക്കുന്ന സമയം നാടോടിയായ ശിവൻ എന്നയാൾ സമീപിച്ച് മഞ്ജുവിനെയും കൂടെയുണ്ടായിരുന്ന പിഞ്ചു കുഞ്ഞിനെയും നോക്കിക്കൊള്ളാമെന്ന് പറയുകയും ചെയ്തു. അതിന്റെ അടിസ്ഥാനത്തിൽ മഞ്ജു ശിവന്റെ കൂടെ ചങ്ങനാശ്ശേരിയിൽ വരുകയും അവിടെ ശിവനോടൊപ്പം കുട്ടിയുമായി ഒരു കടതിണ്ണയിൽ കഴിഞ്ഞു വരവെ 2023 ഓഗസ്റ്റ് മാസം രാത്രി കുഞ്ഞ് കിടന്ന് കരഞ്ഞപ്പോൾ ശിവൻ ദേഷ്യപ്പെട്ട് കുഞ്ഞിന്റെ കഴുത്തിൽ അമർത്തി കൊലപ്പെടുത്തുകയാണ് ഉണ്ടായത്.
തുടർന്ന് ഇരുവരും ചേർന്ന് ശിവന്റെ അനിയൻ ശക്തി എന്നയാളെ വിളിച്ചു വരുത്തുകയും ശക്തി കൊണ്ടുവന്ന ഒരു സ്കൂട്ടറിൽ ശിവനും മഞ്ജുവും കൂടി കുഞ്ഞിന്റെ ശവശരീരം കടത്തിക്കൊണ്ടുവന്ന് പുളിക്കീഴ് പോലീസ് സ്റ്റേഷൻ പരിധിയിലുളള വളഞ്ഞവട്ടം എന്ന സ്ഥലത്ത് പുല്ല് പിടിച്ചു കിടക്കുന്ന ഒരു ചതുപ്പിൽ ഉപേക്ഷിച്ചു പോവുകയുമാണ് ചെയ്തത്.
മീനാക്ഷിപുരം പോലീസ് സ്റ്റേഷനിൽ നടത്തിയ ചോദ്യം ചെയ്യലിൽ മഞ്ജു കുറ്റം സമ്മതിക്കുകയും മൊഴി നൽകുകയും ചെയ്തതിന്റെ അടിസ്ഥാനത്തിൽ മീനാക്ഷിപുരം പോലീസ് സ്റ്റേഷനിൽ എത്തിച്ചേർന്ന പ്രത്യേക പോലീസ് സംഘം മഞ്ജുവിനെ കസ്റ്റഡിയിൽ എടുക്കുകയും പുളിക്കീഴ് പോലീസ് സ്റ്റേഷനിലെത്തിച്ച് വിശദമായി ചോദ്യം ചെയ്യുകയും ചെയ്തു.
തിരുവല്ല ഡിവൈഎസ്പി P R സന്തോഷ്‌ ന്റെ നേതൃത്വത്തിലുള്ള അന്വേഷണ സംഘത്തിൽ
SI ധന്യ ASI രാജേഷ് കുമാർ
ASI സുബി , SCPO മാരായ ശ്രീജിത്ത്‌, അജിത , CPO മാരായ വിനീഷ് ഗീതു എന്നിവരാണ് ഉണ്ടായിരുന്നത്.
ജില്ലാ പോലീസ് മേധാവി R ആനന്ദ് IPS ന്റെ നിർദ്ദേശപ്രകാരം തിരുവല്ല ഡിവൈഎസ്പിയുടെ നേതൃത്വത്തിൽ പ്രത്യേക അന്വേഷണസംഘം രൂപീകരിച്ച് കേസിലെ ഒന്നും രണ്ടും പ്രതികളായ ശിവൻ, ശക്തി എന്നിവർക്കായി ഊർജ്ജിതമായ അന്വേഷണം നടക്കുന്നുണ്ട്.
ഇപ്പോൾ അറസ്റ്റിലായ മൂന്നാം പ്രതി മഞ്ജുവിനെ കോടതിയിൽ ഹാജരാക്കി റിമാൻഡ് ചെയ്തു.

21/10/2026

പത്തനംതിട്ട ജില്ലാ പോലീസിന് ലഭിച്ച എ.സി. ബസ് ഉൾപ്പെടെയുള്ള വാഹനങ്ങളുടെ ഫ്ലാഗ് ഓഫ് ജില്ലാ പോലീസ് മേധാവി നിർവഹിച്ചു.

പത്തനംതിട്ട :

കേരള പോലീസ് സേനയുടെ പ്രവർത്തനക്ഷമതയും അടിസ്ഥാന സൗകര്യങ്ങളും മെച്ചപ്പെടുത്തുന്നതിന്റെ ഭാഗമായി 164 പുതിയ വാഹനങ്ങൾ കൂടി സേനയ്ക്ക് അനുവദിച്ചു. ഒക്ടോബർ 14-ന് തിരുവനന്തപുരം തൈക്കാട് പോലീസ് ട്രെയിനിങ് കോളേജിൽ നടന്ന ചടങ്ങിൽ ആഭ്യന്തര മന്ത്രി ശ്രീ. രമേശ് ചെന്നിത്തല വാഹനങ്ങളുടെ ഫ്ലാഗ് ഓഫ് നിർവഹിച്ചിരുന്നു.
ഇതിന്റെ ഭാഗമായി 24 സീറ്റുകൾ ഉള്ള എ.സി. ബസ് ഉൾപ്പെടെ ആറ് വാഹനങ്ങൾ പത്തനംതിട്ട ജില്ലക്കും ലഭിച്ചു. വിവിധ സ്ഥലങ്ങളിലേക്ക് ഡ്യൂട്ടിക്കായി പോകുന്ന പോലീസ് ഉദ്യോഗസ്ഥർക്ക് സുഖപ്രദമായി യാത്ര ചെയ്യുന്നതിനുള്ള സൗകര്യം ലഭ്യമാക്കുക എന്ന ഉദ്ദേശത്തോടെയാണ് സർക്കാർ പോലീസ് ഉദ്യോഗസ്ഥർക്ക് എ. സി. ബസ് ലഭ്യമാക്കിയിട്ടുള്ളത് എന്ന് ജില്ലാ പോലീസ് മേധാവി R ആനന്ദ് IPS പറഞ്ഞു.
കാലപ്പഴക്കം ചെന്ന വാഹനങ്ങൾ ഘട്ടംഘട്ടമായി മാറ്റിസ്ഥാപിക്കുന്നതിന്റെ ഭാഗമായാണ് പുതിയ വാഹനങ്ങൾ വാങ്ങിയത്.
ക്രമസമാധാന പാലനം, സ്ത്രീകളുടെയും കുട്ടികളുടെയും സുരക്ഷയ്ക്കായുള്ള പ്രവർത്തനങ്ങൾ, ലഹരിവിരുദ്ധ പ്രവർത്തനങ്ങൾ, തീവ്രവാദവിരുദ്ധ നടപടികൾ മുതലായ പോലീസിന്റെ സുപ്രധാന ചുമതലകൾ കൂടുതൽ ശക്തിപ്പെടുത്തുന്നതിനും പോലീസ് സേനയുടെ ദൈനംദിന പ്രവർത്തനങ്ങൾ കാര്യക്ഷമമാക്കുന്നതിനും പുതിയ വാഹനങ്ങൾ സഹായകമാകുമെന്നും ജില്ലാ പോലീസ് മേധാവി പറഞ്ഞു.
ചടങ്ങിൽ അഡീഷണൽ ജില്ലാ പോലീസ് സൂപ്രണ്ട് ആർ ജയരാജ് , കോന്നി ASP നിമിഷി ത്രിപാഠി IPS, DHQ അസിസ്റ്റന്റ് കമാണ്ടന്റ് സന്തോഷ് കുമാർ PP, റിസർവ് ഇൻസ്പെക്ടർ ബിജുലാൽ , MTO പ്രദീപ്‌ കുമാർ എന്നിവരും സന്നിഹിതരായിരുന്നു.

21/10/2026

പത്തനംതിട്ട ജില്ലാ പോലീസ് ആസ്ഥാനത്ത് പോലീസ് രക്തസാക്ഷി ദിനം ആചരിച്ചു. ജില്ലാ പോലീസ് മേധാവി പുഷ്പചക്രം സമർപ്പിച്ച് അഭിവാദ്യം അർപ്പിച്ചു.

പത്തനംതിട്ട :
സേവനത്തിനിടെ ജീവത്യാഗം ചെയ്ത പോലീസ് ഉദ്യോഗസ്ഥർക്ക് ആദരവ് അർപ്പിക്കുകയും അവരെ അനുസ്മരിക്കുകയും ചെയ്യുന്ന പോലീസ് രക്തസാക്ഷിത്വ ദിനം പത്തനംതിട്ട ജില്ലയിലും സമുചിതമായി ആചരിച്ചു. ജില്ലാ പോലീസ് മേധാവി R ആനന്ദ് IPS ന്റെ നേതൃത്വത്തിൽ ആയിരുന്നു ചടങ്ങുകൾ നടന്നത്. അഡീഷണൽ ജില്ലാ പോലീസ് സൂപ്രണ്ട് ആർ ജയരാജ്,, കോന്നി എഎസ്പി നിമിഷി ത്രിപാഥി IPS , ജില്ലയിലെ മറ്റ് ഡിവൈഎസ്പി മാർ, സർക്കിൾ ഇൻസ്പെക്ടർമാർ എസ് എച്ച് ഓ മാർ പോലീസ് സായുധസേനാ വിഭാഗം മുതലായവരും ചടങ്ങിൽ പങ്കെടുത്തു.
പത്തനംതിട്ട ജില്ല രൂപീകൃതമായ ശേഷം കഴിഞ്ഞവർഷം വരെയും താൽക്കാലികമായി സജ്ജീകരിക്കുന്ന സ്മൃതി മണ്ഡപത്തിലാണ് പുഷ്പചക്ര സമർപ്പണവും മറ്റ് ചടങ്ങുകളും നടത്തിയിരുന്നത്. എന്നാൽ ജില്ലാ പോലീസ് മേധാവിയായി ആർ ആനന്ദ് ഐപിഎസ് ചുമതലയേറ്റ ശേഷം ജില്ലാ പൊലീസിൽ കൊണ്ടുവന്ന വിവിധ നവീകരണ പ്രവർത്തനങ്ങളുടെ ഭാഗമായി ജില്ലാ പോലീസിന് സ്ഥിരമായ പോലീസ് സ്മൃതി മണ്ഡപം സ്ഥാപിച്ചു. ഇതിന്റെ ഉദ്ഘാടനവും ജില്ലാ പോലീസ് മേധാവി നിർവഹിച്ചു.

പോലീസ് സ്മൃതി ദിനം
----------------------------
എല്ലാ വർഷവും ഒക്ടോബർ 21-നാണ് ഇന്ത്യയിൽ പോലീസ് രക്തസാക്ഷി ദിനം ആചരിക്കുന്നത്. 1959 ഒക്ടോബർ 21-ന് ലഡാക്കിലെ ഹോട്ട് സ്പ്രിങ്‌സ് പ്രദേശത്ത് ചൈനീസ് സൈന്യത്തിന്റെ ആക്രമണത്തിൽ വീരമൃത്യു വരിച്ച പത്ത് സി.ആർ.പി.എഫ്. (CRPF) സേനാംഗങ്ങളുടെ സ്മരണാർഥമാണ് ഈ ദിനം ആചരിക്കുന്നത്.

രാജ്യത്തിന്റെ സുരക്ഷയ്ക്കും സമാധാനത്തിനും ക്രമസമാധാനപാലനത്തിനുമായി സേവനത്തിനിടെ ജീവൻ ബലിയർപ്പിച്ച പോലീസ് ഉദ്യോഗസ്ഥരുടെ ത്യാഗങ്ങളെ ആദരിക്കുകയും അവരുടെ ധീരതയും അർപ്പണബോധവും ഓർമിക്കുകയും ചെയ്യുക എന്നതാണ് ഈ ദിനത്തിന്റെ പ്രധാന ലക്ഷ്യം. രാജ്യത്തെ എല്ലാ പോലീസ് സേനകളും ഈ ദിനത്തിൽ രക്തസാക്ഷികൾക്ക് ആദരാഞ്ജലികൾ അർപ്പിക്കുന്നു.

നാടിന്റെ സുരക്ഷയ്ക്കായി സ്വന്തം ജീവൻ പോലും ത്യജിച്ച ധീരരായ പോലീസ് ഉദ്യോഗസ്ഥരുടെ സ്മരണ എന്നും നമ്മുടെ ഹൃദയങ്ങളിൽ നിലനിൽക്കും എന്ന് ജില്ലാ പോലീസ് മേധാവി പറഞ്ഞു

19/10/2026

13 കാരിയായ പെൺകുട്ടിയോട് ലൈംഗിക അതിക്രമം കാട്ടിയ പ്രതിക്ക് 7 വർഷം തടവും 70,000/-രൂപ പിഴയും വിധിച്ച് പത്തനംതിട്ട പ്രത്യേക അതിവേഗ പോക്സോ കോടതി

പത്തനംതിട്ട : സ്കൂളിൽ പോകുന്നതിനായി ബസ് കാത്തുനിന്ന 13 കാരിയായ പെൺകുട്ടിയോട് ലൈംഗിക അതിക്രമം കാട്ടുകയും നഗ്നതാ പ്രദർശനം നടത്തുകയും ചെയ്ത പത്തനംതിട്ട ജില്ലയിൽ, മല്ലപള്ളി വെസ്റ്റ് ആനിക്കാട് എന്ന സ്ഥലത്ത് നെടുമണ്ണിൽ വീട്ടിൽ വിബിൻ മോൻ വി പി (39)യെ ആണ് ശിക്ഷിച്ചത്.
2025 നവംബർ 19ന് ആണ് കേസിന് ആസ്പദമായ സംഭവം ഉണ്ടായത്. രാവിലെ എട്ടര മണിയോടെ സ്കൂൾ ബസ് കാത്തുനിന്ന പെൺകുട്ടിയെ വീട്ടുകാര്യങ്ങൾ അന്വേഷിച്ച് അടുത്തുകൂടിയ പ്രതി ലൈഗികമായി ആക്രമിക്കുകയായിരുന്നു. കുതറി ഓടിയ പെൺകുട്ടിയെ പിന്തുടർന്ന് പ്രതി നഗ്നതാ പ്രദർശനവും നടത്തി.
അന്നത്തെ കീഴ്വായ്പൂർ പോലീസ് ഇൻസ്പെക്ടർ ജയ്മോൻ എഫ് ഐ ആർ രജിസ്റ്റർ ചെയ്ത് അന്വേഷണം നടത്തുകയും പ്രതിക്കെതിരെ കോടതിയിൽ കുറ്റപത്രം സമർപ്പിക്കുകയും ചെയ്തു.
കേസിന്റെ വിചാരണ വേളയിൽ 12 സാക്ഷികളെ വിസ്തരിച്ചു. പ്രത്യേക അതിവേഗ കോടതി ജഡ്ജി ടി മഞ്ജിത്ത് ആണ് വിധിപ്രസ്താവം നടത്തിയത്. പ്രോസീക്യൂഷന് വേണ്ടി സ്പെഷ്യൽ പബ്ലിക് പ്രോസീക്യൂട്ടർ റോഷൻ തോമസ് ഹാജരായി. സീനിയർ സിവിൽ പോലീസ് ഓഫീസർ അപർണ A T പ്രോസീക്യൂഷൻ നടപടികളിൽ സഹായി ആയി പ്രവർത്തിച്ചു.

19/10/2026

വാഹന പരിശോധനയ്ക്കിടെ യുവാവിൽ നിന്നും M**A പിടികൂടി, രണ്ടുപേർ അറസ്റ്റിൽ.

മലയാലപ്പുഴ :
ഓപ്പറേഷൻ തൂഫാൻ 2.0 ന്റെ ഭാഗമായുള്ള പരിശോധനകൾ ജില്ലയിൽ തുടരുന്നതിനിടെ മലയാലപ്പുഴ പോലീസ് നടത്തിയ വാഹന പരിശോധനയിൽ മദ്യപിച്ച് വാഹനമോടിച്ചെത്തിയ യുവാവിന്റെ പക്കൽ നിന്നും 1.46 ഗ്രാം എം ഡി എം എ പിടികൂടി.
മലയാലപ്പുഴ താഴം എന്ന സ്ഥലത്ത് ദേവീ സദനം വീട്ടിൽ കാർത്തിക് ഹരി (28) ആണ് എംഡി എം എയുമായി മലയാലപ്പുഴ പോലീസിന്റെ പിടിയിലായത്. തുടർന്ന് നടത്തിയ അന്വേഷണത്തിൽ ഇയാൾക്ക് രാസ ലഹരി വിൽപ്പന നടത്തിയ അടൂർ പെരിങ്ങനാട് എന്ന സ്ഥലത്ത് സ്വരലയ വീട്ടിൽ ഷൈൻ കെ പ്രസന്നൻ (30) എന്ന ആളെയും പിടികൂടിയിട്ടുണ്ട്.
മലയാലപ്പുഴ സ്വദേശിക്ക് എംഡി എം എ വിൽപ്പന നടത്തിയ രണ്ടാം പ്രതിയായ ഷൈൻ അടൂർ പോലീസ് സ്റ്റേഷനിലെയും അടൂർ എക്സൈസ് സ്റ്റേഷനിലെയും മയക്കുമരുന്ന് കേസുകളിൽ പ്രതിയാണ്. കൂടാതെ ഇയാൾ എറണാകുളം പാലാരിവട്ടം സ്റ്റേഷനിലെ റേപ്പ് കേസിലും പ്രതിയാണ്.
SI ഷാൻ NS (SHO),ASI മാത്യു എബ്രഹാം ,SCPO മാരായ ടെന്നിസൺ , ബിജു , CPO മാരായ സജിത്ത് , അരുൺകുമാർ, പ്രതീപ് , ഗോപൻ ,ഹിതീഷ് എന്നിവർ അടങ്ങിയ പോലീസ് സംഘമാണ് രണ്ട് പ്രതികളെയും പിടികൂടിയത്. പത്തനംതിട്ട ജുഡീഷ്യൽ ഒന്നാം ക്ലാസ് മജിസ്ട്രേട്ട് കോടതിയിൽ ഹാജരാക്കിയ രണ്ട് പ്രതികളെയുംറിമാൻഡ് ചെയ്തു.

15/10/2026

പോക്സോ കേസ് പ്രതി റിമാൻഡിൽ

കോയിപ്പുറം : പ്രായപൂർത്തിയാകാത്ത പെൺകുട്ടിയോട് ലൈംഗിക അതിക്രമം കാട്ടിയ പ്രതിയെ കോയിപ്പുറം പോലീസ് അറസ്റ്റ് ചെയ്തു. കോയിപ്പുറം പോലീസ് സ്റ്റേഷൻ പരിധിയിൽ അയിരൂർ - കാവുമുക്ക് എന്ന സ്ഥലത്ത് മുതുമരത്തിൽ വീട്ടിൽ അമൽ എം ശശി (29) ആണ് പിടിയിലായത്. സെപ്റ്റംബർ മാസം ആറാം തീയതിയാണ് ഇയാൾ പ്രായപൂർത്തിയാകാത്ത പെൺകുട്ടിയെ ലൈംഗിക ഉദ്ദേശത്തോടുകൂടി സമീപിച്ചതും , ശല്യം ചെയ്തതും.
കുട്ടിയിൽ നിന്ന് വിവരങ്ങൾ മനസ്സിലാക്കിയ രക്ഷിതാവ് കോയിപ്പുറം പോലീസ് സ്റ്റേഷനിൽ എത്തി വിവരം പറയുകയും കേസ് രജിസ്റ്റർ ചെയ്യുകയും ചെയ്തു. മുൻപും പലതവണ ഇയാൾ കുട്ടിയെ ഇത്തരത്തിൽ ശല്യം ചെയ്തിരുന്നതായും വിവരം ലഭിച്ചിട്ടുണ്ട്.
കീഴ്വായ്പൂർ സർക്കിൾ ഇൻസ്പെക്ടർ സുരേഷ്‌കുമാർ , SI (SHO) അനൂബ് P, SCPO ഷെബാന , CPO മാരായ അനന്തു , പരശുറാം ,ജയേഷ് , അരവിന്ദ് എന്നിവർ അടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്. പത്തനംതിട്ട അഡീഷണൽ ജില്ലാ & സെഷൻസ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

Address

District Police Office
Pathanamthitta
689645

Telephone

+914682222636

Website

http://pathanamthitta.keralapolice.gov.in/

Alerts

Be the first to know and let us send you an email when District Police Pathanamthitta posts news and promotions. Your email address will not be used for any other purpose, and you can unsubscribe at any time.