We with TP Shaji

08/10/2026

29/09/2026

കുട്ടികളിൽ ചെറുപ്പത്തിലേ ശുചിത്വ സംസ്കാരം വളർത്തിയെടുക്കണം: പട്ടാമ്പി നഗരസഭാ ചെയർപേഴ്സൺ.

പട്ടാമ്പി: മാലിന്യമുക്തവും സുന്ദരവുമായ ഒരു നാളേക്ക് കുട്ടികളിൽ ചെറുപ്പത്തിലേ തന്നെ ശുചിത്വ അവബോധവും പരിസ്ഥിതി ബോധവും വളർത്തിയെടുക്കേണ്ടത് അത്യാവശ്യമാണെന്ന് പട്ടാമ്പി നഗരസഭാ ചെയർപേഴ്സൺ ശ്രീ. ടി.പി. ഷാജി പ്രസ്താവിച്ചു. പട്ടാമ്പി നഗരസഭയുടെ നേതൃത്വത്തിൽ വിദ്യാർത്ഥികൾക്കായി സംഘടിപ്പിച്ച 'സ്വച്ഛ് പാഠശാല' മത്സരങ്ങളുടെ ഉദ്ഘാടനം നിർവ്വഹിച്ചു സംസാരിക്കുകയായിരുന്നു അദ്ദേഹം.

മാലിന്യ സംസ്കരണത്തിൽ ഓരോ പൗരനും ഉത്തരവാദിത്തമുണ്ടെന്നും, സ്കൂൾ തലത്തിൽ നൽകുന്ന ഇത്തരം ബോധവൽക്കരണങ്ങൾ വീടുകളിലേക്കും സമൂഹത്തിലേക്കും നല്ല സന്ദേശം എത്തിക്കാൻ സഹായിക്കുമെന്നും അദ്ദേഹം കൂട്ടിച്ചേർത്തു. 'സ്വച്ഛതാ ഹി സേവ 2026', 'കയ്യോട് കൈ' മാലിന്യരഹിത നവകേരള പ്രചാരണങ്ങളുടെ ഭാഗമായാണ് നഗരസഭ ഹാളിൽ പരിപാടി സംഘടിപ്പിച്ചത്.

ചടങ്ങിൽ നഗരസഭാ വൈസ് ചെയർപേഴ്സൺ ശ്രീമതി അസ്‌ന ഹനീഫ അധ്യക്ഷത വഹിച്ചു. നഗരസഭാ പരിധിയിലെ വിവിധ എൽ.പി., യു.പി., ഹൈസ്കൂളുകളിൽ നിന്നുള്ള നിരവധിയേറെ വിദ്യാർത്ഥികൾ ആവേശത്തോടെ മത്സരങ്ങളിൽ പങ്കെടുത്തു. ചിത്രാങ്കനം (Painting), പോസ്റ്റർ നിർമ്മാണം (Poster Making), സ്ലോഗൻ രചന (Slogan Writing), ജിംഗിൾ (Jingle), വേസ്റ്റ് ടു ആർട്ട് (Waste to Art) എന്നീ ഇനങ്ങളിലായിരുന്നു മത്സരങ്ങൾ.

വിവിധ മത്സരങ്ങളിൽ വിജയികളായ കുട്ടികൾക്ക് നഗരസഭാ ചെയർപേഴ്സൺ ടി.പി. ഷാജി, വൈസ് ചെയർപേഴ്സൺ അസ്‌ന ഹനീഫ, നഗരസഭാ സ്ഥിരം സമിതി അംഗങ്ങൾ കൗൺസിലർ,നഗരസഭ സെക്രട്ടറി DR അമൽ എസ് എന്നിവർ ചേർന്ന് പുരസ്കാരങ്ങൾ വിതരണം ചെയ്തു. ജനപ്രതിനിധികളും അധ്യാപകരും നഗരസഭാ ഉദ്യോഗസ്ഥരും ചടങ്ങിൽ പങ്കെടുത്തു.

27/09/2026

സ്വച്ഛത ഹി സേവ 2026: പട്ടാമ്പി ഓക്സിജൻ പാർക്കിൽ മാസ് ക്ലീനിങ് ഡ്രൈവും ശുചിത്വ ബോധവൽക്കരണ ക്ലാസും സംഘടിപ്പിച്ചു.

പട്ടാമ്പി: കേന്ദ്ര-സംസ്ഥാന സർക്കാരുകളുടെ നിർദ്ദേശപ്രകാരം സെപ്റ്റംബർ 17 മുതൽ ഒക്ടോബർ 17 വരെ പട്ടാമ്പി നഗരസഭയിൽ നടപ്പിലാക്കുന്ന 'സ്വച്ഛത ഹി സേവ (SHS) - 2026' ബൃഹത്തായ ശുചിത്വ ക്യാമ്പയിന്റെ ഭാഗമായി പട്ടാമ്പി നഗരസഭ, ബിൽഡിംഗ് ഔനേഴ്‌സ് അസോസിയേഷൻ, വാക്കേഴ്‌സ് ക്ലബ് എന്നിവർ സംയുക്തമായി ഓക്സിജൻ പാർക്കിൽ മാസ് ക്ലീനിങ് ഡ്രൈവും ശുചിത്വ ബോധവൽക്കരണ ക്ലാസും സംഘടിപ്പിച്ചു.

നഗരസഭാ ചെയർപേഴ്സൺ ടി. പി. ഷാജി ക്ലീനിങ് ഡ്രൈവ് ഉദ്ഘാടനം ചെയ്തു. "നമ്മുടെ പട്ടാമ്പി നഗരസഭയെ സമ്പൂർണ്ണ മാലിന്യമുക്തമാക്കുക എന്ന വലിയ ലക്ഷ്യത്തിലേക്കാണ് നാം ഓരോരുത്തരും മുന്നേറുന്നത്. നഗരത്തിന്റെ പ്രധാന വിശ്രമ കേന്ദ്രങ്ങളിലൊന്നായ ഓക്സിജൻ പാർക്ക് പോലുള്ള പൊതുവിടങ്ങൾ മാലിന്യമുക്തമായും ശുചിത്വത്തോടെയും സംരക്ഷിക്കേണ്ടത് നമ്മുടെ കടമയാണ്. ഈ ശുചിത്വ ദൗത്യത്തിൽ കൗൺസിലർമാരും വിവിധ സംഘടനാ പ്രതിനിധികളും പൊതുജനങ്ങളും കാണിച്ച സജീവ പങ്കാളിത്തം അഭിനന്ദനാർഹമാണ്. ശുചിത്വം എന്നത് ഒരു ദിവസത്തെ പരിപാടിയല്ല, മറിച്ച് നമ്മുടെ ദൈനംദിന ജീവിതത്തിന്റെ ഭാഗമായി മാറണം," എന്ന് അദ്ദേഹം ഉദ്ഘാടന പ്രസംഗത്തിൽ പറഞ്ഞു.

ചടങ്ങിന്റെ ഭാഗമായി നഗരസഭാ ആരോഗ്യ വിഭാഗം ജീവനക്കാരുടെ നേതൃത്വത്തിൽ ശുചിത്വത്തിന്റെയും ഉറവിട മാലിന്യ സംസ്കരണത്തിന്റെയും പ്രാധാന്യത്തെക്കുറിച്ച് മികച്ച ബോധവൽക്കരണ ക്ലാസ്സ് സംഘടിപ്പിച്ചു. മാലിന്യങ്ങൾ തരംതിരിച്ച് സംസ്കരിക്കേണ്ടതിന്റെ ആവശ്യകത, പ്ലാസ്റ്റിക് മാലിന്യങ്ങൾ കുറയ്ക്കുന്നതിനുള്ള മാർഗ്ഗങ്ങൾ, പൊതുയിടങ്ങൾ ശുചിയായി സൂക്ഷിക്കുന്നതിൽ വ്യക്തികൾ വഹിക്കേണ്ട പങ്ക് എന്നിവയെക്കുറിച്ച് ആരോഗ്യ വിഭാഗം ഉദ്യോഗസ്ഥർ വിശദമായ വിവരങ്ങൾ പങ്കുവെച്ചു.

ചടങ്ങിൽ നഗരസഭാ വൈസ് ചെയർപേഴ്സൺ അസ്‌ന ഹനീഫ, സ്ഥിരം സമിതി അധ്യക്ഷരായ ജിതേഷ് മൊഴിക്കുന്നം, സഫീദ കെ, സഫ നിസാർ, നഗരസഭാ സെക്രട്ടറി ഡോ. അമൽ എസ്. എന്നിവർ പങ്കെടുത്തു. കൗൺസിലർമാരായ ടി. പി. ഉസ്മാൻ, കൃഷ്ണദാസ് സി, മുനവ്വിറ റാസി, ബിൽഡിംഗ് ഔനേഴ്‌സ് അസോസിയേഷൻ പ്രതിനിധികൾ, വാക്കേഴ്‌സ് ക്ലബ് ഭാരവാഹികൾ എന്നിവർ ആശംസകൾ നേർന്ന് സംസാരിച്ചു.

നഗരസഭാ ആരോഗ്യ വിഭാഗം ഉദ്യോഗസ്ഥർ, ജീവനക്കാർ, ഹരിതകർമസേന അംഗങ്ങൾ, ജനപ്രതിനിധികൾ, സംഘടനാ പ്രവർത്തകർ എന്നിവർ ഒറ്റക്കെട്ടായി അണിനിരന്നാണ് പാർക്കും പരിസര പ്രദേശങ്ങളും ശുചീകരിച്ചത്. വരും ദിവസങ്ങളിലും ക്യാമ്പയിന്റെ ഭാഗമായി നഗരസഭയിലെ വിവിധ ഭാഗങ്ങളിൽ ശുചിത്വ പ്രവർത്തനങ്ങളും ബോധവൽക്കരണ പരിപാടികളും തുടരുമെന്ന് നഗരസഭാ ചെയർപേഴ്സൺ അറിയിച്ചു.

24/09/2026

പട്ടാമ്പി നഗരസഭയിൽ 'സ്വച്ഛത ഹി സേവ': വിപുലമായ ആഘോഷ-ബോധവത്കരണ പരിപാടികൾക്ക് തുടക്കമായി.

പട്ടാമ്പി: "സ്വച്ഛത ഹി സേവ" പ്രചാരണ പരിപാടികളുടെ ഭാഗമായി പട്ടാമ്പി നഗരസഭയിൽ വിപുലമായ ശുചിത്വ ബോധവത്കരണ-ശുചീകരണ പരിപാടികൾ സംഘടിപ്പിക്കാൻ തീരുമാനമായി. നഗരസഭാ ചെയർപേഴ്സൺ ടി.പി. ഷാജിയുടെ അധ്യക്ഷതയിൽ ചേർന്ന സംഘാടക സമിതി യോഗത്തിലാണ് പരിപാടികൾക്ക് രൂപം നൽകിയത്.

നഗരസഭാ വൈസ് ചെയർപേഴ്സൺ അസ്‌ന ഹനീഫ, സ്ഥിരം സമിതി അംഗങ്ങൾ, കൗൺസിലർമാർ, നഗരസഭാ സെക്രട്ടറി ഡോ. അമൽ എസ്., വിവിധ സ്കൂളുകളിലെ പ്രിൻസിപ്പൽമാർ, PTA പ്രസിഡന്റുമാർ, വിവിധ ക്ലബ് ഭാരവാഹികൾ, റസിഡന്റ്സ് അസോസിയേഷൻ പ്രതിനിധികൾ, വ്യാപാരി വ്യവസായി ഏകോപന സമിതി ഭാരവാഹികൾ, റെസ്റ്റോറന്റ് അസോസിയേഷൻ പ്രതിനിധികൾ, ആരോഗ്യ വിഭാഗം ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

സെപ്റ്റംബർ 17 മുതൽ ഒക്ടോബർ 17 വരെ നീളുന്ന പ്രചാരണത്തിന്റെ ഭാഗമായി വിപുലമായ കർമ്മപദ്ധതിയാണ് നഗരസഭ ആസൂത്രണം ചെയ്തിരിക്കുന്നത്. സെൽഫി പോയിന്റ് സജ്ജീകരിച്ച് തുടക്കമിടുന്ന ക്യാമ്പയിനിൽ സ്കൂൾ ബോധവത്കരണ ക്ലാസ്, 4-വേ സെഗ്രിഗേഷൻ, സ്വച്ഛത പ്രതിജ്ഞ, വീടുകയറിയുള്ള ബോധവത്കരണം, തെരുവ് കച്ചവടക്കാർക്കുള്ള ക്ലാസ്, റസിഡൻഷ്യൽ അസോസിയേഷനിൽ ക്ലീനിംഗ് ഡ്രൈവ് എന്നിവ നടക്കും.

തുടർന്നുള്ള ദിവസങ്ങളിൽ ശുചീകരണം, റെഡ് & യെല്ലോ സ്പോട്ട് IEC ബോർഡുകൾ സ്ഥാപിക്കൽ, സൗന്ദര്യവത്കരണം എന്നിവ സംഘടിപ്പിക്കും. കുട്ടികൾക്കായുള്ള മത്സരങ്ങൾ, വേസ്റ്റ് ടു ആർട്ട് എക്സിബിഷൻ, ഫ്ലാഷ് മോബ്, തെരുവ് നാടകം, മെഡിക്കൽ ക്യാമ്പ്, ഹെൽത്ത് സ്ക്രീനിംഗ്, PPE കിറ്റ് വിതരണം, ഗുണഭോക്തൃ ക്ഷേമ ഇൻഷുറൻസ് പദ്ധതി, ശുചിത്വ തൊഴിലാളികളെ ആദരിക്കുന്ന എൻ്റർടൈൻമെൻ്റ് ഡേ എന്നിവയും സ്കൂളുകൾ കേന്ദ്രീകരിച്ച് മാസ് ക്ലീനിംഗും, പതാക ഉയർത്തൽ, സ്വച്ഛത പ്രതിജ്ഞ, മനുഷ്യച്ചങ്ങല, ശുചിത്വ റാലി, ബാൻഡ് സെറ്റ് പ്രകടനം, സ്പെഷ്യൽ കൗൺസിൽ യോഗവും സമ്മാനദാനവും, സ്വാപ്പ് ഷോപ്പ് ഉദ്ഘാടനത്തോടെയാണ് പ്രധാന പരിപാടികൾ പൂർത്തിയാകുന്നത്. ഇതുകൂടാതെ ജലാശയങ്ങൾ ശുചീകരിക്കൽ, തുണിസഞ്ചിയും സ്റ്റീൽ ബോട്ടിലും പ്രോത്സാഹിപ്പിക്കുന്ന ബോധവത്കരണം എന്നിവയും ക്യാമ്പയിന്റെ ഭാഗമായി നടക്കും.

പട്ടാമ്പി നഗരസഭയെ സമ്പൂർണ്ണ ശുചിത്വ നഗരമാക്കുന്നതിനായി നടത്തുന്ന ഈ വലിയ യജ്ഞത്തിൽ നഗരസഭയിലെ മുഴുവൻ ജനങ്ങളും പങ്കാളികളാകണമെന്ന് ചെയർപേഴ്സൺ ടി.പി. ഷാജി അഭ്യർത്ഥിച്ചു.

23/09/2026

രാജ്യം ഭരിക്കുന്നവർ രാഷ്ട്ര പിതാവിനെ തിരസ്കരിക്കുമ്പോൾ നമ്മൾ വേണം നമ്മുടെ ബാപ്പുജിയെ ഓർമ്മപ്പെടുത്താൻ...

18/09/2026

പട്ടാമ്പി നഗരസഭയിൽ 'സ്വച്ഛത ഹി സേവ - 2026' ലോഗോ പ്രകാശനം ചെയ്തു.

പട്ടാമ്പി: കേന്ദ്ര-സംസ്ഥാന സർക്കാരുകളുടെ നിർദ്ദേശപ്രകാരം സെപ്റ്റംബർ 17 മുതൽ ഒക്ടോബർ 17 വരെ പട്ടാമ്പി നഗരസഭയിൽ നടപ്പിലാക്കുന്ന 'സ്വച്ഛത ഹി സേവ (SHS) - 2026' ബൃഹത്തായ ശുചിത്വ ക്യാമ്പയിന്റെ ഔദ്യോഗിക ലോഗോ പ്രകാശനം ചെയ്തു. നഗരസഭാ കാര്യാലയത്തിൽ വെച്ച് നടന്ന ചടങ്ങിൽ നഗരസഭാ ചെയർപേഴ്സൺ ടി. പി. ഷാജി ലോഗോ പ്രകാശനം നിർവ്വഹിച്ചു.
നഗരസഭയെ പൂർണ്ണമായും മാലിന്യമുക്തവും ശുചിത്വപൂർണ്ണവുമാക്കുക എന്ന ലക്ഷ്യത്തോടെയാണ് ഒരു മാസം നീണ്ടുനിൽക്കുന്ന വിപുലമായ പ്രവർത്തനങ്ങൾ സംഘടിപ്പിക്കുന്നത്.
ചടങ്ങിൽ നഗരസഭാ വൈസ് ചെയർപേഴ്സൺ അസ്ന ഹനീഫ അധ്യക്ഷത വഹിച്ചു. സ്റ്റാൻഡിംഗ് കമ്മിറ്റി അധ്യക്ഷന്മാർ, കൗൺസിലർമാർ, നഗരസഭാ സെക്രട്ടറി ഡോ. അമൽ എസ്., ആരോഗ്യ വിഭാഗം ഉദ്യോഗസ്ഥർ, ജീവനക്കാർ തുടങ്ങിയവർ ചടങ്ങിൽ സംബന്ധിച്ചു. ക്യാമ്പയിന്റെ ഭാഗമായി നഗരസഭാ പരിധിയിൽ വിവിധ ശുചീകരണ പ്രവർത്തനങ്ങളും ബോധവൽക്കരണ പരിപാടികളും വരും ദിവസങ്ങളിൽ നടക്കും.