Forrest Books & Publications

10/10/2026

ഫോറസ്‌റ്റ് ബുക്‌സിൻ്റെ പ്രസിദ്ധീകരണമായ 'റീഡേഴ്‌സ് ഫോക്കസ് ' ഒക്ടോബർ ലക്കം ഉടൻ വരുന്നു.

01/10/2026

ഫോറസ്‌റ്റ് ബുക്സിൻ്റെ പുതിയ കഥാസമാഹാരമായ മുക്കുറ്റി വിരിയുന്ന വീട് വായിച്ച് നാസർ വന്നേരി വേലായി വിലയിരുത്തുന്നു👇

"മുക്കുറ്റി വിരിയുന്ന വീട്", നല്ല കാല്പനിക ഭംഗിയുള്ള ശീർഷകം. ഡോ. വിമല. സി. യുടെ പുതിയ ചെറുകഥാ സമാഹാരം. ഈ പുസ്തകത്തിൽ നമ്മോട് എഴുത്തുകാരി പറയുന്ന പത്തു കഥകളിലും ആൺകോയ്മക്കെതിരായ പെൺപോരാട്ടത്തിന്റെ വീറുറ്റ വിവിധ ദൃശ്യങ്ങൾ നമുക്ക് കാണാനാവുന്നു. ഈ കഥകളൊന്നും നാം വിചാരിക്കുന്നത്ര കാല്പനികമല്ലെന്ന് സാരം. പോരാളി എന്ന പേരിൽ തന്നെ ഒരു കഥയുണ്ട് ഈ സമാഹാരത്തിൽ! പെണ്ണിനെ എല്ലായ്പ്പോഴും ചങ്ങലകളിൽ ബന്ധിച്ചുനിർത്താൻ വ്യഗ്രതയുള്ള പുരുഷാധിപത്യവ്യവസ്ഥിതിക്കെതിരായ ചെറുത്തുനിൽപ്പുകൾ, കുതറിമാറലുകൾ അതെല്ലാം ലാളിത്യമാർന്ന ഭാഷയിൽ നമുക്ക് പറഞ്ഞു തരുന്നതിൽ ശ്രീമതി. വിമല കാണിക്കുന്ന മിടുക്ക് പ്രത്യേക പ്രശംസ അർഹിക്കുന്നു. കാഫ്ക്കയുടെ കഥയിൽ പ്രചോദിതയായി മുന്നേറുന്ന "പോരാളി"യിലെ സുജയ, വെറുമൊരു പാറ്റയായല്ല മറിച്ച് തനിക്ക് നിഷേധിക്കപ്പെട്ട ജീവിതമധു ആസ്വദിക്കുന്നവളും തന്നെ പീഡിപ്പിച്ച വിനോദിനെ മധുര പ്രതികാരത്തിലൂടെ കുത്തി നോവിക്കുന്നവളുമായ ഒരു തേനീച്ചയായാണ് രൂപപരിണാമം കൈ വരിക്കുന്നത്! അങ്ങനെയങ്ങനെ ഓരോ കഥയിലും പെണ്ണെഴുത്തിന്റെ കരുത്ത് വിളിച്ചോതുന്ന മുഹൂർത്തങ്ങൾ ഒരുക്കിക്കൊണ്ട്, ഡോക്ടറുടെ പ്രയോഗം കടമെടുത്തു പറഞ്ഞാൽ, സീതായനങ്ങളുടെ വ്യതിരിക്തമായ കുറെ നേർകാഴ്ച്ചകൾ ഈ കഥകളിൽ നമുക്ക് ദർശിക്കാനാവും. സമൂഹമൊരുക്കിയ ചിതയിൽ ചാടി ആത്മാഹുതി ചെയ്യുന്ന മാദ്രിയുടെ നാമം സ്വീകരിക്കുന്നതിലൂടെ ശ്രീരാഗത്തിലെ ശ്രുതി വെല്ലുവിളിക്കുന്നതും സാമൂഹികമായ തിന്മകളെ തന്നെയാണ്. ചുരുക്കത്തിൽ ഈ സമാഹാരത്തിലെ കഥകളോരോന്നും സർഗ്ഗാത്മകമികവിന്റെ നിദർശനങ്ങളായി നിന്നുകൊണ്ട് അനുവാചകരുടെ മനസ്സിനുള്ളിൽ കാഥികയോട് അനുകൂലമായ അഭിപ്രായം സൃഷ്ടിക്കുന്നതിൽ വിജയിച്ചിരിക്കുന്നു. മലയാളത്തിന്റെ കഥാകഥന പാരമ്പര്യത്തിന് അനുഗുണമായ വിധത്തിൽ ഉയർന്നു നിൽക്കാൻ കഥാകാരിക്ക് കഴിയുന്നു എന്നതിൽ ഡോ. വിമലയെ അഭിനന്ദിക്കുവാൻ ഈ സന്ദർഭം നിറഞ്ഞ മനസ്സോടെ വിനിയോഗിക്കുന്നു.

താങ്ക്സ് മാഡം, അങ്ങയുടെ പുസ്തകത്തിന് ഇവിടുത്തെ കൂടല്ലൂരിന്റെയും പുന്നയൂർകുളത്തിന്റെയും നിറവും മണവും വന്നതെങ്ങനെ എന്ന് ആശ്ചര്യപ്പെടുകയുണ്ടായി... എഴുത്തു നിറുത്തി അങ്ങേ ലോകത്തേക്ക് പോയ എം. ടി.ക്കും മാധവിക്കുട്ടിക്കും പിൻഗാമിയായെന്നപോൽ ഇപ്പോഴും ഇങ്ങേ ലോകത്തൊരാൾ തൂലിക ചലിപ്പിക്കുന്നു എന്നത് തന്നെ ഈ ആശ്ചര്യം! സ്നേഹാദരങ്ങളോടെ... 🌹🙏🏼❤️👍🏼

_ നാസർ വന്നേരി വേലായി.

21/09/2026

ഫോറസ്റ്റ് ബുക്സിൻ്റെ പുതിയ നോവലെറ്റ്
'അഴികൾക്കുള്ളിലെ പെൺജീവിതങ്ങൾ' ജയിലിലും ആഘോഷിക്കപ്പെടുകയാണ്.

17/09/2026

പുതിയ പുസ്‌തകം

ജയിലഴിക്കുള്ളിൽ അകപ്പെട്ടുപോയ അനേകം പെൺജീവിതങ്ങളുടെ ചുറ്റുപാടുകൾ വരച്ചിട്ട നോവലെറ്റ്. കണ്ണൂർ വനിതാ ജയിൽ
റിട്ട. അസി. സൂപ്രണ്ട് ശോഭന കെ. എൻ. എഴുതിയ പുസ്‌തകം.

12/09/2026

https://www.facebook.com/share/p/1GdPJsZ8nz/

Created with the Heyzine flipbook maker

25/08/2026

21/08/2026

ഫോറസ്‌റ്റ് ബുക്‌സിൻ്റെ പുതിയ പുസ്‌തകം.

10/08/2026

മലപ്പുറം രാമനാട്ടുകരയ്ക്കടുത്ത അഴിഞ്ഞിലം സ്വദേശിയായ രാജേഷ് മാടമ്പത്തിൻ്റെ പ്രഥമ കവിതാ സമാഹാരം- ശ്യാമസ്മരണകൾ- ഉടൻ പുറത്തിറങ്ങുന്നു. ഫോറസ്‌റ്റ് ബുക്‌സാണ് പുസ്‌തകം പ്രസിദ്ധീകരിക്കുന്നത്.
മലപ്പുറത്ത് ഗവൺമെൻറ് ടീച്ചർ എഡ്യൂക്കേഷണൽ ട്രെയിനിങ് ഇൻസ്റ്റിറ്റ്യൂട്ടിൽ അധ്യാപകപരിശീലനത്തിൻ്റെ ചുമതലക്കാരനാണ് രാജേഷ് മാടമ്പത്ത്.
ചില കവിതകൾ വായിക്കുന്നതിനുപുറമെ ആലപിച്ചത് കേൾക്കാനുള്ള സാങ്കേതികസംവിധാനവും (QR code) ഉൾപ്പെട്ടതാണ് പുസ്തകമെന്ന സവിശേഷതയുണ്ട്. 30 കവിതകൾ, ഓരോന്നിനും അതിൻ്റേതായ വേറിട്ട താളമുള്ള കവിതകളാണ് കൂടുതലും. പുസ്‌തകവില: 150 രൂപ മാത്രം. തപാൽ ചെലവ് ഭാരിച്ചതാണെങ്കിലും ആഗസ്‌ത് 15 വരെ പുസ്‌തകമാവശ്യപ്പെടുന്നവർക്ക് സൗജന്യതപാലിൽ പുസ്‌തകം ലഭ്യമാകും.

Call / whatsapp: 094476 62633

10/08/2026

https://www.facebook.com/share/p/14k3fnMFixf/

Created with the Heyzine flipbook maker