Sdpi perambra mandalam

12/10/2026

*ജനാധിപത്യത്തിന്റെ വീണ്ടെടുപ്പിന് രംഗത്തിറങ്ങുക: എസ്.ഡി.പി.ഐ*

*പേരാമ്പ്ര:* ജനാധിപത്യ മൂല്യങ്ങൾ സംരക്ഷിക്കാനും രാജ്യത്ത് വർധിച്ചുവരുന്ന ഫാസിസ്റ്റ് പ്രവണതകൾക്കെതിരെ ശക്തമായ ജനകീയ പ്രതിരോധം തീർക്കാനും മുഴുവൻ ജനാധിപത്യ വിശ്വാസികളും രംഗത്തിറങ്ങണമെന്ന് എസ്.ഡി.പി.ഐ പേരാമ്പ്ര മണ്ഡലം കമ്മിറ്റി ആഹ്വാനം ചെയ്തു.

തിരഞ്ഞെടുപ്പുകൾ അട്ടിമറിച്ചും എസ്.ഐ.ആർ (SIR) നടപടികളിലൂടെ കോടിക്കണക്കിന് പൗരന്മാരുടെ വോട്ടവകാശം ഇല്ലാതാക്കിയും ജനാധിപത്യത്തെ ദുർബലപ്പെടുത്തുന്ന തിരഞ്ഞെടുപ്പ് കമ്മീഷന്റെയും ബി.ജെ.പി സർക്കാരിന്റെയും നിലപാടുകൾക്കെതിരെ ശക്തമായ പ്രതിഷേധം ഉയരണമെന്ന് യോഗം അഭിപ്രായപ്പെട്ടു. ജനാധിപത്യ പ്രക്ഷോഭങ്ങളെയും ജനകീയ സമരങ്ങളെയും അടിച്ചമർത്തുകയും നേതാക്കളെ ജയിലിലടക്കുകയും ഇന്ത്യൻ ഭരണഘടനയെ വെല്ലുവിളിക്കുകയും ചെയ്യുന്ന നടപടികൾക്കെതിരെ ജനങ്ങൾ തെരുവിലിറങ്ങണമെന്നും യോഗം ആവശ്യപ്പെട്ടു. രാജ്യത്തുടനീളം ജനാധിപത്യ മൂല്യങ്ങൾ സംരക്ഷിക്കാൻ പോരാടുന്നവർക്ക് യോഗം ഐക്യദാർഢ്യം പ്രഖ്യാപിച്ചു.

പാർട്ടിയുടെ പ്രവർത്തനങ്ങൾ ശക്തിപ്പെടുത്തുന്നതിനായി ഓരോ പഞ്ചായത്തിലെയും നേതൃത്വങ്ങൾ കൂടിയാലോചിച്ച് കൃത്യമായ കർമപദ്ധതികൾ തയ്യാറാക്കാനും ബ്രാഞ്ച്തല കമ്മിറ്റികൾ സജീവമാക്കാനും തീരുമാനിച്ചു സമകാലിക രാഷ്ട്രീയ വിഷയങ്ങളും പ്രാദേശിക പ്രശ്നങ്ങളും യോഗം ചർച്ച ചെയ്തു.

മണ്ഡലം വൈസ് പ്രസിഡന്റ് ഹമീദ് കെ അധ്യക്ഷത വഹിച്ചു. മണ്ഡലം സെക്രട്ടറി പി സി അഷ്റഫ് മാസ്റ്റർ സ്വാഗതം പറഞ്ഞു.
മാക്കുൽ മുഹമ്മദ്‌,സി.കെ. കുഞ്ഞി മൊയ്തീൻ മാസ്റ്റർ, സലിം എം.സി, സിദ്ധീഖ് എം, ജസിൽ കെ.വി, ശാഫി കെ.സി, മുഹമ്മദ് കാരയാട്, സലാം നടയാത്ത്, അഷ്റഫ് അയോൽ പടി, ബാസിത് ടി.എം, ബഷീർ കെ.കെ, അഷ്റഫ് പി.പി, ശാഫി എടവരാട്, കുഞ്ഞമ്മദ് വി, നൂഹ് കെ എന്നിവരും യോഗത്തിൽ സംസാരിച്ചു. സെക്രട്ടറി പി.സി.അഷ്‌റഫ്‌ മാസ്റ്റർ പാർട്ടി പ്രവർത്തനങ്ങളെക്കുറിച്ചുള്ള റിപ്പോർട്ട് അവതരിപ്പിച്ചു. മണ്ഡലം ട്രഷറർ മൂസ മാസ്റ്റർ നന്ദി പറഞ്ഞു.

*എസ്.ഡി.പി.ഐ പേരാമ്പ്ര നിയോജക മണ്ഡലം കമ്മിറ്റി*

10/10/2026

ഭരണകൂട നരനായാട്ടിന് മുന്നിൽ ഇന്ത്യ തോൽക്കില്ല.
ഗ്യാനേഷ് കുമാർ രാജിവെയ്ക്കുക
ജനാതിപത്യത്തിന്റെ വീണ്ടെടുപ്പിന്
ജന്തർ മന്ദിറുകൾ പടരട്ടെ...
എസ് ഡി പി ഐ പേരാമ്പ്രയിൽ നടത്തിയ
പ്രതിഷേധം

SDPI പേരാമ്പ്ര
നിയോജക മണ്ഡലം കമ്മിറ്റി

09/10/2026

*തകർന്ന റോഡുകൾ അടിയന്തരമായി പുനരുദ്ധരിക്കണം. എസ്.ഡി.പി.ഐ*

പേരാമ്പ്ര: പേരാമ്പ്ര മണ്ഡലത്തിലെ വിവിധ പ്രദേശങ്ങളിൽ തകർന്നും യാത്രാ യോഗ്യമല്ലാതെയും കിടക്കുന്ന പ്രധാന റോഡുകളുടെയും ഗ്രാമീണ പാതകളുടെയും ശോചനീയാവസ്ഥയ്ക്ക് അടിയന്തര പരിഹാരം കാണണമെന്ന് എസ്.ഡി.പി.ഐ പേരാമ്പ്ര മണ്ഡലം കമ്മിറ്റി ആവശ്യപ്പെട്ടു.

വർഷങ്ങളായി അറ്റകുറ്റപ്പണികൾ നടത്താത്തതിനെത്തുടർന്ന് പല റോഡുകളിലും ടാറിങ് ഇളകിയും വലിയ കുഴികൾ രൂപപ്പെട്ടും യാത്ര ദുഷ്കരമായിരിക്കുകയാണ്. മഴക്കാലത്ത് കുഴികളിൽ വെള്ളം കെട്ടിനിൽക്കുന്നത് അപകടസാധ്യത വർധിപ്പിക്കുന്നു. ഇരുചക്ര വാഹനയാത്രക്കാരും കാൽനടയാത്രക്കാരും ഉൾപ്പെടെ നിരവധി പേർ അപകടഭീഷണി നേരിടുകയാണ്.

വിദ്യാർത്ഥികൾ, രോഗികൾ, തൊഴിലാളികൾ, വ്യാപാരികൾ തുടങ്ങി ആയിരക്കണക്കിന് സാധാരണക്കാരാണ് ദിവസേന ഈ റോഡുകളിലൂടെ ദുരിതയാത്ര നടത്തുന്നത്. റോഡുകളുടെ ശോചനീയാവസ്ഥ പരിഹരിക്കുന്നതിൽ ബന്ധപ്പെട്ട അധികൃതരുടെ ഭാഗത്തു നിന്ന് അടിയന്തര ഇടപെടൽ ഉണ്ടാകാത്തത് ജനങ്ങളുടെ ദുരിതം വർധിപ്പിക്കുകയാണെന്ന് കമ്മിറ്റി ചൂണ്ടിക്കാട്ടി.

വർഷങ്ങളായി യാത്രാദുരിതം അനുഭവിക്കുന്ന ജനങ്ങളുടെ പ്രയാസങ്ങൾക്ക് പരിഹാരം കാണുന്നതിനൊപ്പം, റോഡുകളുടെ അറ്റകുറ്റപ്പണികൾക്കും പുനരുദ്ധാരണത്തിനും ആവശ്യമായ ഫണ്ട് അനുവദിച്ച് പ്രവൃത്തികൾ സമയബന്ധിതമായി ആരംഭിക്കാൻ ബന്ധപ്പെട്ട വകുപ്പുകളും ജനപ്രതിനിധികളും തയ്യാറാകണം.

ജനങ്ങളുടെ യാത്രാസുരക്ഷ ഉറപ്പാക്കേണ്ടത് അധികൃതരുടെ ഉത്തരവാദിത്വമാണ്. റോഡുകളുടെ പുനരുദ്ധാരണത്തിൽ ഇനിയും അനാസ്ഥ തുടരുകയാണെങ്കിൽ ബഹുജനങ്ങളെ അണിനിരത്തി ശക്തമായ ജനകീയ പ്രക്ഷോഭങ്ങൾക്ക് എസ്.ഡി.പി.ഐ നേതൃത്വം നൽകുമെന്നും മണ്ഡലം കമ്മിറ്റി മുന്നറിയിപ്പ് നൽകി.

എസ്.ഡി.പി.ഐ പേരാമ്പ്ര നിയോജക മണ്ഡലം കമ്മിറ്റി

07/10/2026

27/09/2026

മുഖ്യ തെരഞ്ഞെടുപ്പ് കമ്മീഷണർ
ഗ്യാനേഷ് കുമാറിനെ പുറത്താക്കുക ജനാധിപത്യത്തിന് കാവലാവുക
എസ് ഡി പി ഐ പേരാമ്പ്രയിൽ
നടത്തിയ പ്രതിഷേധം

SDPI പേരാമ്പ്ര
നിയോജക മണ്ഡലം കമ്മിറ്റി