Avinash Mohite.संभाजी ब्रिगेड पुणे.

राजमाता अहिल्यादेवी होळकर यांच्या ३०१ व्या जयंतीनिमित्त संभाजी ब्रिगेडकडून अभिवादन

पुणे, दि. ३१ मे २०२६ : लोककल्याणकारी राज्यकारभार, न्यायप्रियता, धर्मनिरपेक्षता आणि समाजहितासाठी संपूर्ण आयुष्य समर्पित करणाऱ्या राजमाता अहिल्यादेवी होळकर यांच्या ३०१ व्या जयंतीनिमित्त आज सारसबाग समोरील अहिल्यादेवी होळकर स्मारक येथे संभाजी ब्रिगेड पुणे शहर व पुणे जिल्ह्याच्या वतीने अभिवादन करण्यात आले.

यावेळी राजमाता अहिल्यादेवी होळकर यांच्या पुतळ्यास पुष्पहार अर्पण करून त्यांना विनम्र अभिवादन करण्यात आले. अहिल्यादेवी होळकर या भारतीय इतिहासातील एक आदर्श, न्यायप्रिय आणि दूरदर्शी शासक म्हणून ओळखल्या जातात. त्यांनी आपल्या राज्यकारभारात सर्व समाजघटकांना न्याय देण्याचे काम केले. देशभरातील अनेक तीर्थक्षेत्रे, मंदिरे, घाट, धर्मशाळा, विहिरी आणि पाणपोया उभारून त्यांनी लोककल्याणाचे कार्य केले. काशी विश्वनाथ मंदिराच्या पुनर्बांधणीसह अनेक ऐतिहासिक वास्तूंचे जतन व संवर्धन करण्याचे महान कार्य त्यांनी केले. त्यांच्या राज्यात प्रजेला न्याय, सुरक्षा आणि विकासाची हमी मिळाली होती.

याप्रसंगी संभाजी ब्रिगेडचे पुणे महानगर अध्यक्ष अविनाश मोहिते म्हणाले की, “राजमाता अहिल्यादेवी होळकर या केवळ एका संस्थानच्या शासक नव्हत्या, तर त्या लोकहितवादी, न्यायप्रिय आणि प्रजावत्सल राज्यकर्त्या होत्या. त्यांनी स्त्री नेतृत्वाचा एक आदर्श नमुना संपूर्ण देशासमोर उभा केला. समाजातील वंचित, शोषित आणि दुर्बल घटकांच्या कल्याणासाठी त्यांनी घेतलेले निर्णय आजही प्रेरणादायी आहेत. त्यांचे विचार, कार्यपद्धती आणि लोकाभिमुख प्रशासन आजच्या काळातही मार्गदर्शक ठरत आहे. त्यांच्या कार्याचा वारसा जतन करणे आणि नव्या पिढीपर्यंत पोहोचविणे ही आपली सामूहिक जबाबदारी आहे.”

या अभिवादन कार्यक्रमास संभाजी ब्रिगेडचे पुणे शहराध्यक्ष अविनाश मोहिते. जिल्हाध्यक्ष सिद्धार्थ कोंढाळकर, प्रवक्ते संतोष शिंदे, प्रीतम कोंढाळकर, गौरी कांबळे, राजेश अडसूळ, रामा कसबे, महादेव मातेरे, गणेश बिरवाडकर, तसेच संभाजी ब्रिगेडचे इतर पदाधिकारी व कार्यकर्ते मोठ्या संख्येने उपस्थित होते.

राजमाता अहिल्यादेवी होळकर यांना विनम्र अभिवादन..💐💐
शिवश्री.अविनाश मोहिते.
महानगराध्यक्ष संभाजी ब्रिगेड पुणे.

लोककल्याणकारी, न्यायप्रिय, प्रजावत्सल आणि आदर्श राज्यकर्त्या राजमाता अहिल्यादेवी होळकर यांच्या ३०१ व्या जयंतीनिमित्त त्यांना कोटी कोटी प्रणाम!

मंदिरे, घाट, धर्मशाळा, विहिरी, पाणपोया उभारून जनकल्याणाचे कार्य करणाऱ्या, सर्व धर्म-जातींना समान न्याय देणाऱ्या आणि स्त्री नेतृत्वाचा आदर्श निर्माण करणाऱ्या या महान राज्यकर्तीचे कार्य आजही प्रेरणादायी आहे.

आज संभाजी ब्रिगेड पुणे शहर व पुणे जिल्ह्याच्या वतीने अहिल्यादेवी होळकर स्मारक, सारसबाग समोर येथे अभिवादन करण्यात आले. त्यांच्या विचारांचा वारसा पुढील पिढीपर्यंत पोहोचविण्याचा संकल्प यावेळी करण्यात आला.

"लोककल्याण हाच धर्म आणि न्याय हीच खरी राज्यकर्त्याची ओळख" हे अहिल्यादेवींनी आपल्या कार्यातून दाखवून दिले.

शिवश्री.अविनाश मोहिते पाटील
महानगराध्यक्ष, संभाजी ब्रिगेड पुणे

#अहिल्याबाईहोळकर #राजमाताअहिल्यादेवी #संभाजीब्रिगेड #अविनाशमोहिते
Avinash Mohite.संभाजी ब्रिगेड पुणे. Avinash Mohite Avinash Mohite

🚩 स्वराज्य रक्षक छत्रपती संभाजी महाराज जयंती निमित्त विनम्र अभिवादन! 🚩
छत्रपती संभाजी महाराज म्हणजे पराक्रम, विद्वत्ता, स्वाभिमान आणि अटळ धैर्य यांचे ज्वलंत प्रतीक!
अवघ्या ३२ वर्षांच्या आयुष्यात त्यांनी १२० हून अधिक लढाया लढल्या आणि इतिहास साक्षी आहे एकही लढाई ते हरले नाहीत.
संभाजी महाराजांना संस्कृत, मराठी, हिंदी, फारसी, पोर्तुगीज, अरबी, कन्नड अशा अनेक भाषा अवगत होत्या. ते केवळ पराक्रमी योद्धे नव्हते, तर उच्च कोटीचे विद्वान आणि साहित्यिकही होते.
त्यांनी ‘बुधभूषण’, ‘नायिकाभेद’, ‘सातशतक’ यांसारखे ग्रंथ लिहून आपल्या विद्वत्तेचा ठसा उमटवला.
स्वराज्यासाठी प्राणांची आहुती देणारा, अन्यायासमोर कधीही न झुकणारा आणि शत्रूला थरकाप उडवणारा असा पराक्रमी योद्धा इतिहासात झाला नाही आणि होणारही नाही.
अशा अद्वितीय, अजिंक्य आणि प्रेरणादायी स्वराज्य रक्षक छत्रपती संभाजी महाराजांना जयंतीनिमित्त कोटी कोटी प्रणाम!
जय जिजाऊ! जय शिवराय!
जय शंभूराजे 🚩