https://www.facebook.com/1069793169541310/

Sujata Siddharth Shirole, Pune (2026)

19/09/2026

भक्तीचा उत्सव… आपुलकीच्या भेटी… आणि स्नेहाचे क्षण!

काल रात्री गौरी-गणपती सणाच्या निमित्ताने छत्रपती शिवाजीनगर मतदारसंघातील विविध पदाधिकारी व कार्यकर्त्यांच्या निवासस्थानी सदिच्छा भेट दिली.

यावेळी श्री गणरायाचे मनोभावे दर्शन घेत आरती केली. गौरी-गणपतीच्या मंगलमय वातावरणात सर्वांशी मनमोकळ्या गप्पा मारत स्नेहपूर्ण संवाद साधला. आपल्या माणसांच्या घरी जाऊन सणाचा आनंद आणि भक्तीचा हा अनुभव घेणे नेहमीच मनाला समाधान देणारे असते.

गणरायाच्या चरणी प्रार्थना… प्रत्येक कुटुंबाच्या आयुष्यात सुख, समाधान, आरोग्य आणि समृद्धी नांदो!

17/09/2026

बाप्पाच्या दर्शनाने घरात भरला आनंद…

आज गणेशोत्सवाच्या या पावन पर्वात घरी गणपती बाप्पाच्या दर्शनासाठी मैत्रिणी आणि नातेवाईक आवर्जून एकत्र आले.

बाप्पाच्या चरणी मनोभावे प्रार्थना, आपुलकीच्या गप्पा, जुन्या आठवणींना उजाळा आणि मनमुराद हसत घालवलेले काही सुंदर क्षण… या सगळ्यामुळे आजचा दिवस खऱ्या अर्थाने खास आणि अविस्मरणीय झाला.

गणपती बाप्पाच्या आगमनाने घरात केवळ उत्साह नाही, तर आपली माणसं एकत्र येण्याचा, प्रेम आणि आपुलकी जपण्याचा आनंद मिळतो.

बाप्पाच्या आशीर्वादाने प्रत्येकाच्या आयुष्यात सुख, समाधान, आरोग्य आणि समृद्धी नांदो, हीच मनापासून प्रार्थना.

गणपती बाप्पा मोरया!

16/09/2026

“बाप्पाच्या आगमनाने घरात भक्तीचा आणि आपुलकीचा उत्साह…”

पुणे येथील आमच्या निवासस्थानी छत्रपती शिवाजीनगर मतदारसंघातील नगरसेविका, पदाधिकारी आणि महिला भगिनींनी सदिच्छा भेट देऊन श्री गणरायाचे मनोभावे दर्शन घेतले.

यावेळी विविध विषयांवर मनमोकळा संवाद साधला. बाप्पाच्या साक्षीने एकत्र येणाऱ्या या भेटीतला आपलेपणा आणि सकारात्मक ऊर्जा नेहमीच प्रेरणादायी असते.

श्री गणरायाची कृपादृष्टी आपल्या सर्वांवर सदैव राहो आणि छत्रपती शिवाजीनगरच्या प्रगतीसाठी अधिक जोमाने कार्य करण्याचे बळ मिळो, हीच बाप्पाच्या चरणी प्रार्थना!

गणपती बाप्पा मोरया!

#गणपतीबाप्पामोरया #गणेशोत्सव #महिलाशक्ती #स्वयंस्फूर्त_सेवा

08/09/2026

नागरिकांच्या अडचणी सोडविणे आणि शासकीय योजनांचा लाभ प्रत्येक पात्र नागरिकापर्यंत पोहोचवणे, हीच जनसेवेची खरी दिशा आहे.

आपल्या मतदारसंघातील विविध भागांमध्ये रेशन कार्ड शिबिरांचे आयोजन करून पात्र नागरिकांना आवश्यक प्रक्रिया पूर्ण करण्यासाठी सहकार्य केले जाते. या शिबिरातून लाभार्थी झालेल्या नागरिकांना जनता दरबाराच्या माध्यमातून रेशन कार्डचे वाटप करण्यात येते.

कालच्या जनता दरबारातही पात्र लाभार्थींना रेशन कार्डचे वाटप करण्यात आले. नागरिकांच्या दैनंदिन गरजांशी जोडलेल्या अशा उपक्रमांमधून प्रशासन आणि नागरिक यांच्यातील संवाद अधिक मजबूत होत आहे.

जनतेच्या अडचणी समजून घेऊन, त्यावर मार्ग काढण्यासाठी सातत्याने प्रयत्नशील!

#जनतादरबार #रेशनकार्डशिबिर #जनसेवा #नागरिकसेवा

30/07/2026

स्वावलंबी महिला, सक्षम समाज — हाच स्वयंभू फाउंडेशनचा विश्वास.

महिलांना स्वतःच्या कर्तृत्वाच्या जोरावर उभं राहता यावं, त्यांना रोजगाराची संधी मिळावी आणि आत्मविश्वासाने पुढे जाता यावं या उद्देशाने मोफत शिवणयंत्र वाटप कार्यक्रम आयोजित करण्यात आला आहे.

या उपक्रमासाठी उपस्थित राहणाऱ्या सर्व महिला भगिनींचे मनःपूर्वक स्वागत!

🗓️ शुक्रवार, दि. ३१ जुलै
🕔 सायंकाळी ५:०० वाजता
📍 लिंबुनी कुंज बुद्ध विहार, मरीमाता मंदिरासमोर

आपली उपस्थिती आम्हाला नक्कीच प्रेरणा देईल.

27/07/2026

लाभार्थी महिलांच्या मनोगतातून...

" मिळालेली ही शिलाई मशीन आणि प्रशिक्षणाची संधी आमच्यासाठी केवळ मदत नाही, तर स्वावलंबनाकडे टाकलेले एक नवे पाऊल आहे."

स्वयंभू फाउंडेशनच्या 'शिलाई मशीन वाटप' आणि 'स्पेशल केक मेकिंग क्लास' या उपक्रमातून लाभार्थी महिलांनी व्यक्त केलेल्या या बोलक्या प्रतिक्रिया प्रत्येकाला प्रेरणा देणाऱ्या आहेत.

महिलांच्या चेहऱ्यावरील आनंद, आत्मविश्वास आणि भविष्यात स्वतःच्या पायावर उभे राहण्याची जिद्द हेच या उपक्रमाचे खरे यश!

स्वावलंबी महिला म्हणजे सक्षम कुटुंब आणि सक्षम समाज — याच ध्येयाने स्वयंभू फाउंडेशन पुढेही महिलांच्या सक्षमीकरणासाठी सातत्याने कार्यरत राहील.

24/07/2026

स्वयंभू फाउंडेशनच्या माध्यमातून महिलांना मोफत शिलाई मशीन वाटप.!

महिलांनी आर्थिकदृष्ट्या सक्षम व्हावे, स्वतःच्या पायावर उभे राहावे आणि आत्मनिर्भरतेकडे वाटचाल करावी, हा या उपक्रमामागील मुख्य उद्देश आहे.

या उपक्रमात सहभागी होऊन या संधीचा लाभ घ्यावा, असे आवाहन.

– सौ. सुजाता सिद्धार्थ शिरोळे
अध्यक्षा, स्वयंभू फाउंडेशन

Sujata Siddharth Shirole

19/09/2026

17/09/2026

16/09/2026

08/09/2026

30/07/2026

27/07/2026

24/07/2026

Address

Website

Alerts

Shortcuts

Share

Category

Listing takedown request