Pune Vikas va Lok kalyan Samiti

भारतातील सामाजिक परंपरेला आव्हान देत पुण्यामध्ये मुलींसाठी पहिली शाळा सुरु करणाऱ्या सावित्रीबाई फुले यांना विनम्र अभिवादन !!!

पुणे शहरातील ६ ते १३ वर्षे वयोगटातील सर्व मुलींना शिक्षण मिळालेच पाहिजे हा उद्देश श्री. सुधीर मांडके यांचा आहे. या प्रक्रियेमध्ये जात, वर्ण, धर्म यांचे बंधन नाही. मुलगी कोणत्याही धर्माची असो, हिंदू किंवा मुस्लिम किंवा ख्रिश्चन, ती शिक्षणापासून वंचित राहू नये म्हणून 'मांडके ह्युमन हॅप्पीनेस फाउंडेशन'च्या पुढाकाराने आणि 'पुणे विकास व लोक कल्याण समिती'च्या माध्यमातून गेली काही वर्षे काम सुरु आहे. पुणे शहरातील अनेक समस्यांपैकी एक शिक्षणापासून दूर असणारी मुले ही आहे. याबाबत लवकरच शिक्षण मंत्री, शिक्षण सचिव, शिक्षण अधिकारी, पुण्यातील शिक्षण विषयामधील जाणकार नागरिक यांची एक बैठक होणार आहे.

आज संत गाडगेबाबा महाराज यांचा स्मरणदिन (२० डिसेंबर),
संत गाडगेबाबा यांची महाराष्ट्राला ओळख आहे ती त्यांच्या प्रबोधनपर कीर्तनांमुळे. सार्वजनिक स्वच्छता हा त्यांचा हातखंडा विषय. आपल्या कीर्तनातून गाडगेबाबा लोकांना वैयक्तिक, सार्वजनिक आयुष्यातील स्वच्छतेसाठी आवाहन करत. स्वच्छता आणि आरोग्य या दोन गोष्टी एकमेकांवर कशा अवलंबून आहेत? त्यांचे महत्व माणसांच्या आयुष्यात किती आणि कसे आहे? याबाबत ते उदाहरणे देऊन सविस्तर विश्लेषण करत. सोबतच शिक्षणाचे महत्व, अंधश्रद्धा निर्मूलन, व्यसनमुक्ती, तंटामुक्ती या आणि अशा विविध विषयांवर जनजागृती करण्यासाठी त्यांनी पूर्ण महाराष्ट्रातून भ्रमण केले.

साधी राहणी, उच्च विचार याचे मूर्तिमंत उदाहरण म्हणून गाडगेबाबांकडे पहिले जाते. 'पुणे विकास व लोक कल्याण समिती' कडून सुद्धा स्वच्छता आणि आरोग्य या विषयांवर काम चालू आहे. संत गाडगेबाबांचे आशीर्वाद आपल्या पाठीशी सदैव आहेत.

प्रेस कॉन्फरन्स दिनांक २२ नोव्हेंबर २०२३ पत्रकार भवन पुणे