Saakar - मास्टरकी

यंदाच्या दिवाळीत काय वाचायचं, याचा निर्णय झाला! 🕵️‍♀️

मास्टरकी दिवाळी अंक घ्या आणि ८ थरारक डिटेक्टिव्ह कथा + एक बोनस कादंबरीच्या दुनियेत हरवून जा. सुट्टीत वाचण्यासाठी रहस्य आणि सस्पेन्सचा हा सर्वात मोठा खजिना आहे.

लिमिटेड एडिशन, जबरदस्त थ्रिल.

खरेदीसाठी येथे क्लिक करा! https://shorturl.at/URYkm

#डिटेक्टिव्हकथा #मास्टरकीदिवाळीअंक #न्यूरिलीज

Master Key (मास्टर की) दिवाळी २०२५ मास्टर की- रहस्यकथा विशेषांक दिवाळी २०२५ संपादक ः योगेश दशरथ कार्यकारी संपादक ः सम्राट शिरवळकर मानवी मनाचा चकित .....

मित्रहो , जर तुम्हाला मास्टर की २०२५ चा डेमो (प्रत्येक गोष्टीची सुरुवात ) पाहिजे असेल तर आमच्या व्हाट्सअँप चॅनेल ला जॉईन करा.

whatsapp.com

रोचक खोचक

जगातील सर्वात मोठे पुस्तक
गिनीज बुक ऑफ वर्ल्ड रेकॉर्ड्सनुसार जगातील सर्वात मोठे पुस्तक ९,६०९,००० अक्षरांचे (स्पेसेस धरून) आहे. मासेल पृस्ट या फ्रेंच लेखकाने ते लिहिले आहे. ‘रिमेंबर्नस् ऑफ थिंग्ज पास्ट’ असे या पुस्तकाचे नाव आहे. हे पुस्तक ७ भागांमध्ये लिहिलेले आहे. १९०९ साली लेखकाच्या मनात या पुस्तकाने आकार घ्यायला सुरुवात केल्यापासून १९०२२ सालापर्यंत तो हे पुस्तक लिहित होता. १९१३ ते १९२७ दरम्यान हे ७ भाग प्रकाशित करण्यात आले.
या पुस्तकची पृष्ठ संख्या मोठी असल्याने, सर्व संदर्भ अचूक मांडणे हे दिव्य या लेखकाला करावे लागले. लेखकाच्या स्मरणशक्तीला दाद दिली पाहिजे!

(मास्टर की दिवाळी विशेषांक २०२४ मधून)

रोचक खोचक

वकिलाचा झाला लेखक
अमेरिकी लेखक जॉन ग्रिशमचा जन्म शेतकरी कुटुंबात झाला. जॉन देखील सुरुवातीला आपल्या कुटुंबाच्या कापूस शेतीत काम करीत असे. परंतु तेथे त्याचे मन रमले नाही. त्याने मग आयकर कायद्याचा अभ्यास करण्यासाठी विधी शाखेचे शिक्षण घेण्याचे ठरविले. परंतु त्याचे मन रमले ते कोर्टरूममध्ये गुन्हेगारी कायद्यात, प्रतिवादी वकील म्हणून. आणि इथूनच त्याच्या जीवनाला कलाटणी मिळाली.
ग्रिशमच्या अनेक पुस्तकांवर चित्रपट बनले आहेत. त्याने जवळपास ४० कादंबऱ्या लिहिल्या असून, सर्व लीगल थ्रिलर या वर्गात मोडतात. जॉन म्हणतो, “मी जर वकील नसतो तर लेखक होऊच शकलो नसतो. माझ्या समोर घडलेल्या कोर्ट केस याच माझ्या लेखनाची प्रेरणा ठरल्या. नाहीतर मी कधीही लेखक होण्याचे स्वप्न पाहिले नव्हते.”
(मास्टर की दिवाळी विशेषांक २०२४ मधून)

रोचक खोचक

दुसऱ्या देशांमध्ये प्रसिद्ध असलेला लेखक
रेने ब्राबाझन रेमंड म्हणजेच सुप्रसिद्ध लेखक जेम्स हॅडली चेस. चेसचा जन्म इंग्लंडमध्ये झाला. वयाच्या १८ व्या वर्षापासून ते मुलांसाठी एन्सायक्लोपिडिया विकायचे काम करीत. वयाच्या ३३ व्या वर्षी त्यांनी पहिले पुस्तके लिहिले आणि त्यानंतर सुमारे ८० पुस्तके लिहिली. त्यातील जवळपास ५० पुस्तकांवर चित्रपट निर्माण झाले आहेत.
चेस यांचे वैशिष्ट्य असे की, त्यांची भूमी इंग्लंडपेक्षा त्यांची पुस्तके, फ्रांस, आफ्रिका, आशियात जास्त विकली गेली आहे. त्यांच्या जवळपास सर्व पुस्तकातील कथानक अमेरिकेच्या भूमीवर घडते. परंतु स्वतः चेस अमेरिकेत फक्त दोनदा गेलेले होते. गुगल, स्मार्ट फोन नसण्याच्या काळात त्यांनी एवढ्या सफाईदारपणे अमेरिकेतील जागांचे वर्णन, उल्लेख कसे केले असतील? त्यांनी यासाठी नकाशे, एन्सायक्लोपिडियाचा वापर केला होता. तरुण वयात एन्सायक्लोपिडिया त्यांनी नुसता विकला नव्हता तर त्याचा वापर त्यांनी आपल्या लिखाणासाठी पुढे केला. माहितीचा विस्फोट डिजिटल जगात होण्याच्या आधीचे लेखक हे खरोखर मोठ्या कष्टाने माहिती जमा करीत होते.
(मास्टर की दिवाळी विशेषांक २०२४ मधून)

रोचक खोचक

कर्जबाजारी महापौर लेखक
केन अँड एबेल, नॉट अ पेनी मोर, नॉट अ पेनी लेस... या सारख्या प्रचंड गाजलेल्या कादंबऱ्यांचा लेखक म्हणजे, जेफ्री आर्चर. आर्चर यांनी नॉट अ पेनी मोर, नॉट अ पेनी लेस ही कादंबरी का लिहिली असेल? तर कर्जातून मुक्त होण्यासाठी. यासाठी आधी आपल्याला हे माहिती करून घ्यावे लागेल की आर्चर ही कोणी सामान्य व्यक्ती नाही. १९६९-७४ रोजी आर्चर हे इंग्लंडमध्ये खासदार होते- राजकारणी. १९८५-८६ रोजी ते कोन्झरव्हेटीव्ह पार्टीचे प्रभारी अध्यक्ष होते. १९९२ साली ते या पक्षाच्या वतीने लंडन शहराचे पहिले महापौर म्हणून निवडले गेले. परंतु १९९९ साली त्यांना या पदाचा राजीनामा द्यावा लागला कारण ते एका १९८७ च्या जुन्या खटल्यात दोषी सिद्ध झाले. यासाठी त्यांना २००१-२००३ कारावास भोगावा लागला.
आर्चर यांच्या जीवनप्रवासात असे आर्थिक अनेक चढउतार आले. त्यांच्यावर १९७४ मध्ये दिवाळखोरी जाहीर करण्याची वेळ आली होती. त्यातून मुक्त होण्यासाठीच त्यांनी नॉट अ पेनी मोर, नॉट अ पेनी लेस ही कादंबरी लिहिली आणि कर्ज फेडले.
आपण त्यांनी केलेले गुन्हे न बघता इतकाच धडा घेऊ या की, केवळ एका यशस्वी रहस्यकथेमुळे लेखक कर्जातून मुक्त होऊ शकतो!
(मास्टर की दिवाळी विशेषांक २०२४ मधून)

रोचक खोचक

जगाला घाबरवणारा घाबरट लेखक
स्टीफन किंग्ज म्हटले की भय आलेच. व्हाम्पायर, भुते वगैरे किंग्ज यांच्या साहित्याचा अविभाज्य घटक आहेत. त्यांच्या अनेक कादंबऱ्यांवर चित्रपट, मालिका झाल्या आहेत. त्यातील काही चित्रपटात त्यांनी भूमिकाही केल्या आहेत.
भय हीच वाचकाच्या वाचनाची प्रेरणा मानून किंग्ज लिखाण करीत असावेत. परंतु असे हे किंग्ज नाव लावणारे गृहस्थ, लहानपणीपासून घाबरट आहेत! बालपणी स्टीफन कधीही दिवे बंद करून खोलीत झोपत नसत. त्यांना भीती वाटत असे. ते १३ या आकड्याला केवळ अपशकुनी मानीत नाहीत तर त्या आकड्यापासून लांब राहतात. अगदी पुस्तक वाचत असताना, ते पान क्रमांक १३ व त्या पटीतील कोणत्याही पानावर वाचायचे थांबत नाहीत तर अधिक एक पान वाचूनच थांबतात. अर्थात एखाद्या पुस्तकाचे शेवटचे पान त्या पटीत असेल तर स्टीफन काय करीत असतील, हे त्यांना विचारयला हवे.
(मास्टर की दिवाळी विशेषांक २०२४ मधून)