बाल हक्क संरक्षण संघ, महाराष्ट्र राज्य

आज तुमच्याशी एक आनंदाची गोष्ट शेअर करतो आहे.

मी *पोक्सो POCSO (Protection of Children from sexual offences 2012) कायदा विषयातील “प्रशिक्षक प्रशिक्षण” "Trainer Training* पूर्ण केले असून आता मी अधिकृतपणे *“पोक्सो प्रमाणित प्रशिक्षक” "Certified POCSO Trainer"* झालो आहे.

हे केवळ एक *certificate* नसून

*मुलांच्या सुरक्षिततेसाठी काहीतरी करण्याची एक नवीन जबाबदारी आणि संधी* मला मिळाली आहे.

आता पुढच्या काळात *बाल हक्क संरक्षण संघाच्या* माध्यमातून *पालक, शिक्षक आणि मुलांसाठी बाल सुरक्षा जागरूकता उपक्रम* सुरू करणार आहे.

*तुमचा आशीर्वाद आणि पाठिंबा नेहमीप्रमाणे पुढेही मिळत राहू दे अशी मनापासून इच्छा आहे.*

धन्यवाद
*हर्षल पटवारी*
संस्थापक/प्रदेशाध्यक्ष
*बाल हक्क संरक्षण संघ, महाराष्ट्र राज्य*

चला लहान मुलांच्या न्यायासाठी एकत्र येऊया! ✊
बालकांवर होणारे अत्याचार, दुर्लक्ष आणि अन्याय थांबवण्यासाठी आता आवाज उठवायची वेळ आली आहे.

*बाल हक्क संरक्षण संघ – महाराष्ट्र राज्य*

राज्यभर पदनियुक्त्या करत आहे.

👉 मुलांच्या हक्कासाठी आणि त्यांच्या उज्ज्वल भविष्यासाठी संघात सामील व्हा!.

📞 7620255681 / 8600945937

*अतिशय दुर्दैवी*

#विद्यार्थ्यांच्या_सुरक्षिततेवर_शासन_गंभीर_आहे_का?*

१३ मे २०२५ रोजी महाराष्ट्र शासनाने एक महत्त्वाचा GR काढला आहे.
या GR नुसार **राज्यातील सर्व शाळांमध्ये – शिक्षक, विद्यार्थी आणि पालकांना POCSO कायद्याबाबत प्रशिक्षण देणे अनिवार्य** केले आहे.

म्हणजेच...

*प्रत्येक शिक्षकाला मुलांच्या सुरक्षिततेचे कायदे माहिती असणे गरजेचे आहे*

*विद्यार्थ्यांना ‘गुड टच-बॅड टच’ प्रशिक्षण आणि तक्रार कशी करायची याचे मार्गदर्शन*

*पालकांना बालसंरक्षणाची कायदेशीर प्रक्रिया समजावणे*

असा स्पष्ट आदेश शासनाने दिला आहे

**पण प्रश्न असा आहे की जरी GR आहे तरी तो पाळला जातोय का?**

सर्वात महत्त्वाचा प्रश्न...

*जर हा GR वेळेवर, प्रामाणिकपणे शाळांमध्ये राबवला गेला असता, तर शिक्षकांकडून विद्यार्थिनीला अश्लील फोटो दाखवण्यासारख्या घटना घडल्या असत्या का?*

आणि सर्वात धक्कादायक बाब म्हणजे

**हा प्रकार शासनाच्या एका जिल्हा परिषद शाळेत घडला आहे.**

म्हणजेच ज्यांनी *नियम पाळायला.. आदर्श घालायला पाहिजे तेच जर चुकत असतील,*

तर मग खाजगी शाळांकडून आपण काय अपेक्षा ठेवायची?

यामुळे काही विद्यार्थी हिताच्या मागण्या आम्ही *बाल हक्क संरक्षण संघ* ह्या नात्याने करतो की....

1. **१३ मे २०२५ च्या GR चं पालन होतंय का नाही यासाठी प्रत्येक जिल्ह्यात स्वतंत्र समिती नेमावी.**

2. **सर्व शाळांमध्ये POCSO व बालसुरक्षा प्रशिक्षण तात्काळ सुरू करावे** शिक्षक, विद्यार्थी, पालक तिन्ही स्तरांसाठी.

3. शासनाने केवळ कागदावर आदेश न ठेवता,
**अधिकृत POCSO Trainers, वकील व प्रशिक्षित स्वयंसेवक यांच्या मदतीने युद्धपातळीवर ही मोहीम राबवावी.**

4. ज्यांनी GR चे पालन केले नाही अशा शाळांवर **जबाबदारी निश्चित करून कारवाईची प्रक्रिया जाहीर** करावी

मला असे वाटते की...

*कायद्याचे अस्तित्व पुरेसे नाही, त्याची अंमलबजावणीच मुलांचे आणि समाजाचे रक्षण करते.*

आज नाही विचार केला तर उद्या पश्चात्ताप करण्याशिवाय पर्याय उरणार नाही.

*हर्षल पटवारी*
संस्थापक/प्रदेशाध्यक्ष
*बाल हक्क संरक्षण संघ, महाराष्ट्र राज्य*

"त्यांचे हात शाळेच्या वह्या धरण्यासाठी बनले होते... पण आज ते हात सिग्नलवर पसरलेले आहेत.”

प्रत्येक दिवशी वाढणारी भीक मागणाऱ्या मुलांची संख्या हा केवळ आकडा नाही तो आपल्या समाजाच्या असंवेदनशीलतेचा आरसा आहे.

ही मुलं शाळाबाह्य नाहीत, तर आपल्या विवेकबुद्धीबाहेर फेकली गेली आहेत.

आपण डिजिटल भारत बोलतो, पण सिग्नलवर भुकेला बालक अजूनही ‘डेटा’पेक्षा ‘रोटी’ मागतोय.

प्रशासन, समाज, सामाजिक संस्था सगळ्यांनी मिळून या चक्राला तोडण्याची वेळ आली आहे.

भीक नव्हे, भविष्य द्या.
सहानुभूती नव्हे, संधी द्या.

बालपण त्यांचंही आहे ते वाया जाऊ देऊ नका.

#बालहक्क_संरक्षण #भीकनको_भविष्य_द्या