https://youtube.com/@republicanoffice?si=AJGtdHoz4BlgaRyY

Republican Party Of India Athawale Registered, Raipur (2026)

17/09/2026

महाराष्ट्राचे लोकप्रिय उपमुख्यमंत्री श्री एकनाथ शिंदे यांना लंडन येथे स्टेट्समनशिप अवॉर्ड देऊन गौरविण्यात आल्याबद्दल केंद्रीय राज्यमंत्री ना.रामदास आठवले यांनी पुष्पगुच्छ देऊन ना. एकनाथ शिंदे यांचे अभिनंदन केले.
उपमुख्यमंत्री एकनाथ शिंदे यांच्या नंदनवन या निवासस्थानी श्री गणेशोत्सवानिमित रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना.रामदास आठवले यांनी सदिच्छा भेट दिली.यावेळी रिपब्लिकन पक्षाचे मुंबई प्रदेश अध्यक्ष सिद्धार्थ कासारे; राष्ट्रीय उपाध्यक्ष काकासाहेब खंबाळकर; प्रसिद्धी प्रमुख हेमंत रणपिसे; स्वीय सहाय्यक प्रवीण मोरे ; देवेंद्र रणपिसे उपस्थित होते.

12/09/2026

ATHAWALE #
कृपया प्रसिध्दीसाठी
*महाबोधी महाविहार मुक्तीसाठी केंद्रीय राज्यमंत्री रामदास आठवले यांनी घेतली गृहमंत्री अमित शहा यांची भेट*

नवी दिल्ली/मुंबई दि. 12 - महाकारुणीक भगवान गौतम बुद्धांना जिथे ज्ञान प्राप्ती झाली त्या बुध्दगयामधील महाबोधी महाविहार हे बौध्दांचे सर्वोच्च जागतिक श्रध्दास्थान आहे. त्यामुळे महाबोधी महाविहार हे संपूर्ण बौध्दांच्या ताब्यात आले पाहिजे. महाबोधी महाविहारचे सर्व ट्रस्टी आणि चेअरमन हे बौध्दच असले पाहिजे, ही देशभरातील बौध्दांची मागणी आहे. या मागणीसाठी आज रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना.रामदास आठवले यांच्या नेतृत्वात बौद्ध भिख्खु संघाच्या शिष्टमंडळाने केंद्रीय गृहमंत्री अमित शहा यांची आज भेट घेतली. नविदिल्लीत 6-A कृष्णा मेनन मार्ग येथील निवासस्थानी ना. रामदास आठवले यांनी गृहमंत्री अमित शहा यांची भेट घेतली.
यावेळी ना. रामदास आठवले यांच्यासोबत पुज्य भंते करुणानंद महाथेरो; भंते डॉ.राहुल बोधी महाथेरो, भंते थेरो ज्योती; भंते आनंद आदिंचा या शिष्टमंडळात समावेश होता.

महाबोधी महाविहारच्या व्यवस्थापन ट्रस्टमध्ये चेअरमन आणि सर्व मेंबर हे बौध्द धर्मीय असले पाहिजे बौध्दांची मागणी कोणत्याही धर्माविरुध्द नाही. बौद्ध धम्माच्या महाबोधी महाविहाराचे व्यवस्थापन हे बौध्दांकडेच असले पाहिजे त्यासाठी बिहार विधानसभेचा 1949 चा जो महाबोधी विहार टेंपल ऍक्ट आहे त्यामध्ये दुरुस्ती करण्याची गरज आहे. देशभरातील बौध्दांची महाबोधी महाविहार मुक्तीची मागणी आहे. महाबोधी महाविहारचे व्यवस्थापन आणि विश्वस्त हे सर्व बौध्दच असले पाहिजे ही देशभरातील बौध्दांची मागणी आहे. या मागणीचा विचार करुन भारत सरकारने योग्य निर्णय घेऊन महाबोधी महाविहार हे बौध्दांच्या ताब्यात दिले तर देशभरात भाजप प्रणित राष्ट्रीय लोकशाही आघाडी सरकारबाबत एक चांगला संदेश जाईल. देशभरातील बौध्द जनता या निर्णयाने आनंदीत होईल. त्यामुळे आपण स्वतः यात लक्ष देवुन महाबोधी महाविहारचा प्रश्न सोडवण्यासाठी पुढाकार घ्यावा अशी मागणी ना. रामदास आठवले यांनी गृहमंत्री अमित शहा यांच्याकडे केली.

महाबोधी महाविहारचा इतिहास आणि आजच्या सद्यस्थितीत असणा-या बौध्दांच्या मागणीबाबत ना. रामदास आठवले यांनी गृह मंत्री अमीत शहा यांच्यासी
प्रदीर्घ चर्चा केली. यावेळी गृहमंत्री अमित शहा यांनी मााबोधी महाविहार व्यवस्थापन बौध्दांच्या ताब्यात जाण्याबाबतचा सर्व इतिहास आणि या प्रकरणातील संपूर्ण माहिती आपण घेणार आहोत. आपण याबाबत अभ्यास करुन निर्णय घेेऊ असे आश्वासन गृहमंत्री अमित शहा यांनी ना. रामदास आठवले यांच्या नेतृत्वात भेटलेल्या बौध्द भिख्खुंच्या शिष्टमंडळाला दिले.

महाबोधी महाविहार हे बौध्दांच्या ताब्यात देण्याबाबत ना. रामदास आठवले यांनी यापूर्वी प्रधानमंत्री नरेंद्र मोदी यांची भेट घेतली होती. नुकतेच प्रधानमंत्री नरेंद्र मोदी यांना ना. रामदास आठवले यांनी पत्र लिहुन महाबोधी महाविहार मुक्ती आंदोलनाबाबत बौध्दांच्या शिष्टमंडळाला भेट देण्याबाबत वीिनंती केली होती. त्यावर प्रधानमंत्री नरेंद्र मोदी यांनी ना. रामदास आठवले यांच्या नेतृत्वातील बौध्दांच्या शिष्टमंडळाने गृहमंत्री अमित शहा यांची भेट घ्यावी याबाबत कळविले होते. प्रधानमंत्री
मोदी यांच्या सुचनेनुसार आज ना.रामदास आठवले यांच्या नेतृत्वातील बौध्दांच्या शिष्टमंडळाची गृहमंत्री अमित शहा यांचीं भेट घेवुन महाबोधी महाविहाराचा प्रश्न सोडविण्याबाबत चर्चा केली.

हेमंत रणपिसे
प्रसिध्दीप्रमुख

11/09/2026

रिपब्लिकन पक्षाचे राष्ट्रीय अध्यक्ष केंद्रीय मंत्री रामदास आठवले साहेबांचे विलासपूर छत्तीसगड येथे रिपब्लिकन कार्यकर्त्यांनी भव्य उत्साहात स्वागत केले.

09/09/2026

रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना रामदास आठवले आज 9 सप्टेंबर रोजी छत्तीसगढ दौऱ्यावर आले असता रायपूर विमानातळावर त्यांचे रिपब्लिकन कार्यकर्त्यांनी उत्साहात स्वागत केले.यावेळी छत्तीसगढ रिपब्लिकन पक्षाचे पदाधिकारी राष्ट्रीय सचिव विजय प्रसाद गुप्ता; छत्तीसगढ प्रदेश कार्याध्यक्ष आकाश अगरवाल: अभिषेक वर्मा; ठाकरे; आदी मान्यवर उपस्थित होते. यावेळी छत्तीसगढ च्या महिला बालविकास मंत्री लक्ष्मी राजवाडे यांनी ना. रामदास आठवले यांची रायपूर विमानतळावर भेट घेऊन स्वागत केले.

07/09/2026

ATHAWALE #
कृपया प्रसिध्दीसाठी
*राहुल गांधींची विकेट पडणार, इंदोरमध्ये केंद्रीय राज्यमंत्री रामदास आठवले यांनी 2029 च्या निवडणुकीवर केला मोठा दावा*

इंदोर / मुंबई दि. 07 - रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना. रामदास आठवले सोमवारी एमपीमध्ये आले. त्यांनी इंदोरमध्ये नशामुक्ती अभियानाशी संबंधित कार्यक्रमात सहभाग घेतला. केंद्रीय मंत्री रामदास आठवले यांनी यावेळी माध्यमांशीही संवाद साधला आणि आपल्या परिचित शैलीत विरोधकांवर जोरदार हल्ला चढवला. त्यांनी 2029 मध्येही मोदी सरकार स्थापन होण्याचा दावा केला. ना. रामदास आठवले म्हणाले की, पुढील टी 20 सामन्यात राहुल गांधींची विकेट घेऊ, नरेंद्र मोदी प्रधानमंत्री बनतील. त्यांनी संजय राऊत यांनाही घेरले आणि त्यांच्यावर आघाडी धर्म तोडल्याचा आरोप केला. ना. रामदास आठवले यांनी विद्यार्थी आंदोलनांवर म्हटले की, तरुण सुरुवातीपासूनच पीएम नरेंद्र मोदींच्या समर्थनात राहिले आहेत. त्यांच्या प्रत्येक योग्य मागणीची पूर्तता करण्यासाठी आणि समस्या सोडवण्यासाठी केंद्र सरकार नेहमीच तत्पर आहे.

इंदोरमध्ये ना. रामदास आठवले यांनी तरुणांना नशेपासून दूर राहण्याचे आवाहन केले. त्यांनी तरुणांशी थेट चर्चा केली. ना. रामदास आठवले म्हणाले की, नशा संपूर्ण कुटुंब उद्ध्वस्त करते. नशाखोरीमुळे केवळ तन-मन आणि धनाची हानी होत नाही तर सामाजिक प्रतिष्ठाही संपुष्टात येते. त्यांनी नशामुक्ती अभियानाचे कौतुक केले.
दिल्लीच्या जंतर-मंतरवर झालेल्या विद्यार्थी आंदोलनावर ना. रामदास आठवले म्हणाले की, देशातील तरुण पंतप्रधान नरेंद्र मोदींसोबत मजबुतीने उभे आहेत. 2014 पासून आतापर्यंत त्यांनी त्यांना समर्थन दिले आहे. त्यांनी म्हटले की, केंद्र सरकार तरुणांसाठी अधिक लक्ष केंद्रित करून काम करत आहे. त्यांच्या प्रत्येक योग्य मागणीचे ऐकून घेण्यासाठी आणि समस्या सोडवण्यासाठी सदैव तयार आहे.

इंडिया आघाडी आणि राहुल गांधी यांच्यावरही ना. रामदास आठवले यांनी टोला लगावला. पुढील निवडणुकीत पुन्हा आपले सरकार स्थापन करण्याचा दावा केला. विरोधी पक्षांकडून 2029 च्या निवडणुकीत राहुल गांधींना पंतप्रधानपदाचा उमेदवार घोषित करण्यासंबंधी चर्चांवर ना. रामदास आठवले म्हणाले की, त्यांना आपला उमेदवार घोषित करण्याचा पूर्ण अधिकार आहे पण पुढील सार्वत्रिक निवडणुकीतही आमचा विजय होईल. ते स्वतः पीएम नरेंद्र मोदींच्या क्रिकेट टीमकडून मैदानात उतरतील आणि टी-20 सामन्याप्रमाणे खेळताना राहुल गांधींचा विकेट घेतील. त्यांनी केंद्रात पुन्हा एकदा मोठ्या बहुमताने मोदी सरकार स्थापन होण्याचा दावा केला.

शिवसेना (यूबीटी) चे नेते संजय राऊत यांच्या विष देणे आणि आजाराशी संबंधित आरोपांवर ना. रामदास आठवले यांनी तीव्र प्रतिक्रिया व्यक्त केली. त्यांनी म्हटले की, आम्ही असे राजकारण करत नाही. प्रत्यक्षात तर राजकीय धोका आणि विष देण्याचे काम त्यांनी केले. शिवसेनेने भाजपसोबत मिळून निवडणूक लढवली होती पण उद्धव ठाकरे यांनी काँग्रेससोबत सरकार स्थापन केले.

हेमंत रणपिसे
प्रसिध्दीप्रमुख

05/09/2026

ATHAWALE #
कृपया प्रसिध्दीसाठी
*बुध्द विचार हा विश्व शांतीचा विचार - केंद्रीय राज्यमंत्री रामदास आठवले*

*बुध्द विश्वभारती महिला इंटीग्रेटेड विश्वविद्यापीठाचे केंद्रीय राज्यमंत्री रामदास आठवले यांच्या हस्ते भुमीपुजन*

रांची/ मुंबई दि. 04 - तथागत भगवान बुध्दांचा विचार हा विश्व शांतीचा विचार आहे. महाकारुणिक भगवान बुध्दांनी दिलेला धम्म हा समतेचा, मानव कल्याणाचा आदर्श जीवन मार्ग आहे. बुध्द तत्वज्ञानच जगाला युध्दापासुन तारु शकेल असे प्रतिपादन रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना.रामदास आठवले यांनी आज रांची येथे केले.

रांची येथे बुध्दीस्ट मिशन कॅम्पस या संस्थेच्या वतीने उभारण्यात येणा-या बुध्द विश्वभारती महिला इंटीग्रेटेड विश्व विद्यापीठाचे भुमिपुजन केंद्रीय राज्यमंत्री ना.रामदास आठवले यांच्या हस्ते आज करण्यात आले. यावेळी ना.रामदास आठवले बोलत होते. यावेळी बुध्दीस्ट मिशन कॅम्पस या संस्थेचे अध्यक्ष डॉ. चतुर्वेदी उपस्थित होते.डॉ चतुर्वेदी हे 103 वर्ष वयाचे असून त्यांनी या बुध्द विश्वभारती विश्व विद्यापीठाची स्थापना केलेली आहे. रांची येथील 17 एकर जागेत या बुध्द विश्वभारती महिला इंटीग्रेटेड विश्वविद्यापीठाची निर्मीती होणार आहे. त्याचे भुमिपुजन ना. रामदास आठवले यांच्या हस्ते करण्यात आले. या सोहळयात अनेक मान्यंवर उपस्थित होते. या भागात बुध्दीस्ट मिशन कॅम्पसचे महाविद्यालय विद्यालय सुरु आहेत.
बुध्द विश्वभारती महिला इंटीग्रेटेड विश्वविद्यापीठात 3 वर्षांच्या मुलींपासुन पदवीधर होईपर्यंत मुलींचे शिक्षण या बुध्द विश्वभारती महिला इंटीग्रेटेड विश्वविद्यापीठात होणार आहे. 3 वर्षाच्या मुलीपासुन 18 वर्षाच्या मुलीपर्यंतचे शिक्षण या विद्यापीठात दिले जाणार आहे. मुलींच्या शिक्षणासाठी वाहिलेल्या या विश्व विद्यापीठाची संकल्पना चांगली असल्याचे कौतुक ना. रामदास आठवले यांनी यावेळी केले.

महाकारुणिक भगवान बुध्दांनी आपल्या धम्मात महिलांना स्थान दिले. ज्या काळात महिलांना ज्ञानार्जनाचा अधिकार नव्हता; त्या काळात महाकारुणिक भगवान बुध्दांनी आपल्या धम्मामध्ये धम्म ज्ञान ग्रहण करण्याचा आणि धम्म प्रसार करण्याचा समान अधिकार महिलांना दिला. त्यांनी आपल्या भिख्खु संघात महिलांना समान स्थान देवुन क्रांती केली होती. भगवान बुध्दांनी पहिल्यांदा आपल्या संघामध्ये महिलांना स्थान देवुन महिलांच्या स्वातंत्र्याची ;महिलांच्या ज्ञानार्जनाच्या समान अधिकारासाठी मोठी क्रांती केली होती. भगवान बुध्दांचा तो विचार स्वीकारुनच महात्मा फुले, सावित्रीबाई फुलेंनी स्त्री शिक्षणाचा भारतात पाया रचला.तोच विचार पुढे नेत महामानव डॉ. बाबासाहेब आंबेडकरांनी संविधानाद्वारे महिलांना समान अधिकार दिला. भगवान बुध्द, महात्मा फुले, आणि डॉ. बाबासाहेब आंबेडकरांच्या विचारांना प्रमाण मानुनच बुध्द विश्वभारती महिला इंटीग्रेटेड विश्वविद्यापीठाची निर्मीती होत आहे. याचे निर्माते बुध्दीस्ट मिशन कॅम्पसचे अध्यक्ष डॉ. चतुर्वेदी यांचे कार्य कौतुकास्पद असल्याचे ना. रामदास आठवले म्हणाले. वयाच्या 103 व्या वर्षी डॉ. चतुर्वेदी बुध्दीस्ट मिशन कॅम्पसचे काम करतात त्याबद्दल ना. रामदास आठवले यांनी त्यांचे कौतुक केले.
भगवान बुद्धांचा धम्म आशिया खंडात सर्व देशात पोहोचून जगभरात बौद्ध धम्म प्रसारित झाला आहे. समतावादी ;विज्ञानवादी ;
मानवतावादी बौद्ध धम्म आहे असे ना. रामदास आठवले म्हणाले.

हेमंत रणपिसे
प्रसिध्दीप्रमुख

02/09/2026

ATHWALE #
कृपया प्रसिद्धीसाठी
*कुमार सेन बौद्ध यांच्या निधनाने आंबेडकरी चळवळीची मोठी हानी - केंद्रीयराज्यमंत्री रामदास आठवले*

मुंबई/दिल्ली दि. 02- रिपब्लिकन पक्षाचे राष्ट्रीय उपाध्यक्ष आणि दिल्लीतील आंबेडकरी चळवळीचा चेहरा असणारे भारतीय बौद्ध महासभा आणि दिल्लीतील आंबेडकर भवन चे उपाध्यक्ष कुमार सेन बौद्ध यांच्या निधनाने आंबेडकरी चळवळीची मोठी हानी झाली आहे. दिल्लीमध्ये आंबेडकरी विचार आणि बौद्ध धम्म चळवळीचा बुलंद आवाज कुमार सेन बौद्ध यांच्या रूुूपाने न हरपला आहे. अशा शब्दात रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी दिवंगत कुमार सेन बौद्ध यांना भावपूर्ण श्रद्धांजली वाहिली.

कुमार सेन बौद्ध यांनी दिल्लीत दलित समाजाच्या कार्यकर्त्यांना संघटीत केले. महामानव डॉ. बाबासाहेब आंबेडकर यांच्या विचारांवर निष्ठा ठेऊन त्यांनी दिल्लीत बौद्ध धम्म चळवळीचे अविरत काम केले. त्यांनी राजकारणात रिपब्लिकन पक्षाचा निळा झेंडा हाती घेऊन रिपब्लिकन पक्ष वाढवण्याचे काम केले. सुरुवातीच्या काळात त्यांनी दिवंगत रा. सु. गवई यांच्या रिपब्लिकन पक्षात काम केले. रिपब्लिकन ऐक्य झाल्यानंतर त्यांनी माझ्या नेतृत्वातील रिपब्लिकन पक्षात प्रवेश केला. रिपब्लिकन पक्षाचे राष्ट्रीय उपाध्यक्ष म्हणून त्यांनी अनेक वर्षे निष्ठावानपने काम केले. दिल्लीत बौद्ध धम्म चळवळीबरोबरच रिपब्लिकन पक्ष मजबूत करण्यात कुमार सेन बौद्ध यांनी चांगले योगदान दिले आहे.

दिल्लीमध्ये डॉ. बाबासाहेब आंबेडकर भवन उभारण्यात त्यांचा मोलाचा वाटा होता. आंबेडकर भवन मध्ये ते दररोज येत असत. आंबेडकर भवन चे ते उपाध्यक्ष होते. दिल्लीतील करोल बाग येथे त्यांचे निवासस्थान होते. कुमार सेन बौद्ध यांना रिपब्लिकन चळवळीवर आणि आपल्या नेतृत्वावर प्रचंड विश्वास होता. त्यांनी मला अनेक वर्षे साथ दिली. दिल्लीत रिपब्लिकन पक्ष, आंबेडकरी चळवळ आणि बौद्ध धम्म प्रचाराचे काम त्यांनी निष्ठेने केले. दिल्लीतील दलित बौद्धांचा एक शिलेदार कुमार सेन बौद्ध यांच्या रूपाने हरपला आहे अशी शोकभावना ना. रामदास आठवले यांनी व्यक्त केली.

कुमार सेन बौद्ध यांचे काल 1 सप्टेंबर रोजी सायंकाळी करोल बाग येथील निवासस्थानी निधन झाले. आज दुपारी ना. रामदास आठवले यांनी करोल बाग येथे जाऊन कुमार सेन बौद्ध यांच्या पार्थिवाचे अंत्यदर्शन घेतले आणि त्यांना भावपूर्ण श्रद्धांजली वाहिली.

कुमार सेन बौद्ध यांच्या निधनाने बौद्ध धम्म चळवळ रिपब्लिकन पक्ष आणि आंबेडकरी चळवळीची प्रचंड हानी झाल्याची शोकभावना ना. रामदास आठवले यांनी व्यक्त केली आहे.

हेमंत रणपिसे
प्रसिद्धी प्रमुख

02/09/2026

ATHAWALE #

कृपया प्रसिध्दीसाठी

*मणिपुरमध्ये शांतता प्रस्थापित करण्यासाठी एनआरसी लागु करणार - केंद्रीय राज्यमंत्री रामदास आठवले*

इंफाळ / मुंबई दि. 02- मणिपुरमध्ये वाढत्या बेकायदेशीर स्थलांतरीतांचा प्रश्न सोडवण्यासाठी 1951 हे मुळ वर्ष ठरवुन मणिपुर राज्यात राष्ट्रीय नागरिक नोंदणी (एनआरसी) लागु केली पाहिजे. जनगणना किंवा मतदार संघ पुर्नरचना करण्यापूर्वी मणिपुरमध्ये एनआरसी लागु करणे आवश्यक आहे. मणिपुरमध्ये कायमस्वरुपी शांतता प्रस्थापित करण्यासाठी एनआरसी लागु करणे आवश्यक आहे. यासाठी आपण प्रयत्न करणार असल्याची भुमिका रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री ना. रामदास आठवले यांनी स्पष्ट केली. इंफाळमध्ये रिपब्लिकन पक्षाच्या प्रमुख कार्यकर्त्यांच्या शिबीरात ना.रामदास आठवले यांनी रिपब्लिकन पक्षाची भुमिका स्पष्ट केली. यावेळी मणिपुरमधील 2 हजार रिपब्लिकन पक्षाचे कार्यकर्ते उपस्थित होते. यावेळी विचारमंचावर रिपब्लिकन पक्षाचे मणिपुरचे प्रदेश अध्यक्ष महेश्वर थननजाम, राष्ट्रीय उपाध्यक्ष संजय सिन्हा, रिपाइंचे ईशान्य भारत प्रभारी विनोद निकाळजे आदि मान्यंवर यावेळी उपस्थित होते.

मणिपुरमध्ये बहुसंख्याक असणा-या मेईतेई समुदायाला अनुसुचित जमातीचा दर्जा मिळवुन देण्यासाठी आपण प्रयत्न करणार असल्याचे आश्वासन ना. रामदास आठवले यांनी यावेळी दिले.

मणिपुरमध्ये बेकायदेशीर स्थलांतरीतांच्या प्रश्नांचा वाद चालु आहे. मणिपुरमध्ये शांतता अनेक दिवसापासून धोक्यात आलेली आहे. मणिपुरमध्ये शांतता प्रस्थापित करणे यास भारत सरकारचे प्रथम प्राधान्य आहे.मणिपुरमध्ये शांतता प्रस्थापित करण्यासाठी एनआरसी लागु करणे आवश्यक आहे. मणिपुरमध्ये शांतता प्रस्थापित करण्यासाठी आपण काम करीत असल्याची भुमिका ना.रामदास आठवले यांनी स्पष्ट केली.

मणिपुरमध्ये एनआरसी लागु करावी यासाठी लवकरच गृहमंत्री अमित शहा यांची भेट घेणार असल्याचे ना.रामदास आठवले यांनी सांगितले.

आगामी काळात मणिपुरमध्ये रिपब्लिकन पक्ष आपले संघटन अधिक बळकट करुन आगामी विधानसभा निवडणुकीत रिपब्लिकन पक्ष चांगली कामगिरी करेल असा विश्वास
ना.रामदास आठवले यांनी व्यक्त केला.

हेमंत रणपिसे
प्रसिध्दीप्रमुख

01/09/2026

भुसावळ जिल्हा जळगाव
केंद्रीय राज्यमंत्री पदाची दशकपूर्ती
वाढो दिगंतात रामदास आठवले साहेबांची कीर्ती..!

रिपब्लिकन पक्षाचे राष्ट्रीय अध्यक्ष केंद्रीय राज्यमंत्री ना.रामदास आठवले साहेबांचा रिपब्लिकन नेते रमेश मकासरे यांनी रिपब्लिकन कार्यकर्त्यांनी भव्य सत्कार केला.

Republican Party Of India Athawale Registered

17/09/2026

12/09/2026

11/09/2026

09/09/2026

07/09/2026

05/09/2026

02/09/2026

02/09/2026

01/09/2026

Address

Website

Alerts

Shortcuts

Share

Category

Listing takedown request