BJP SIAHA District

18/06/2026

BJP SIAHA OFFICE AH EXHIBITION NEIH A NI

Dt 16 - 18 June, 2026 khan BJP, Siaha District buatsaihin BJP District Office ah "Exhibition on 12 Years of Modi Government's Achievement" chu hlawhtling taka neih a ni.

Exhibition hi Pu M Laikaw, CEM, MADC chuan a hawng a, mipui kalkhawm hmaah BJP in k*m 12 chhunga India tana hmasawnna a thlen tawh te leh hmachhawp la neih te sawifiahna a nei a. Exhibition hi Party Member te'n an hlawkpui hle.

21/05/2026

PU K. HRAHMO, MLA LEH CMO, SIAHA DISTRICT TE INKAWM

Vawiin Dt.21.05.2026 hian Palak Bialtu MLA Pu K. Hrahmô chuan Chief Medical Officer, Siaha District Pi Dr. Lalrengpuii Ralte chu a Pisa ah a kawm a. He inkawmna ah hian Siaha District chhungah Health & Family Welfare in hma a sawn thei nan rawtna hrang hrang leh hmalak ho dan tur sawiho a ni a. Pu K. Hrahmô, MLA chuan a bial chhung Primary Health Centre: Chakhei leh Phura a hman tur hmanrua (Medical Kit) mamawh lei nan tanpuina sum Medical Officer kaltlangin a pe bawk a ni.

He inkawmna ah hian Tipa Community Health Centre - Medical Officer Dr. George Lalfakawma, Chakhei PHC - Medical Officer Dr. Zoremmawia, Phura PHC - Medical Officer Dr. Zothanpuia leh BJP Siaha District General Secretary Pu LC Apaw, Ex-MDC te an tel a ni.

- IT & Media Cell, BJP Siaha District, Siaha

14/05/2026

30/04/2026

RESULT OF
BY-ELECTION TO 6 VILLAGE COUNCILS
UNDER MADC, SIAHA

TOTAL SEATS : 7

39-Siaha Assembly Constituency : Total - 5 Seats

1. Noaotla-III : BJP
2. ⁠Thosai : Independent (ZPM+INC+MNF)
3. ⁠College Vaih-II : BJP
4. ⁠Meisavaih ’E’ (2 seat) - BJP : 1 seat
ZPM : 1 seat

40-Palak Assembly Constituency: Total - 2 Seats

1. Khaikhy : BJP
2. ⁠Tipa V-III : Independent (ZPM+INC+MNF)

*******

BJP : 4 Seats
Independent : 2 Seats
ZPM. : 1 Seat

14/04/2026

Vawiin Tâhrik 14th April, 2026 hian BJP Siaha District buatsaihin Dr Bhimrao Ambedkar- Samman Abhyan chu BJP District Office, Siaha ah urhsun taka hman a ni.

He hun hi Pu T. Vabeikhai, Secretary, BJP Siaha District chuan a kaihhruai a, Pu L. Vabeihlathie, Convener, IT&M Cell, BJP Siaha District chuan Dr BR Ambedkar chanchin leh a hnathawh tlangpui sawina (Presentation) a nei a ni.

Dr. BR Ambedkar chawimawi nan MADC a MDC te leh BJP District leaders te'n Dr BR Ambedkar Thlalak ah pangpar dahna hun an hmang bawk a ni.

20/03/2026

BHARATIYA JANATA PARTY, SIAHA DISTRICT, SIAHA.
No.BJP (S) IT&MC PR-09 Of Dated Siaha The 20th March, 2026.

PRESS RELEASE.

Siaha, Vawiin Tâhrik 20th March, 2026 Zirtawpni hian BJP District Office, Siaha ah Political Session nei a ni.

Political Session ah hian Pu Dr K. Beichhua, President, BJP Mizoram Pradesh leh Pu Lalduhawma, Vice President BJP Mizoram Pradesh ten thusawina hun a hmang.

Pu Lalduhawma chuan thusawina neiin, "Mara ho hi in Culture leh hnamzia in vawng thain inhumhim tha hle a, vawn nun chhunzawm zel turin ka duhsak cheu. Hnamdang te tan entawntlak nih theuh turin ka ngen cheu a ni. Tunah hian AMC inthlang tur a nih avangin Party tin ticket tur kan buai hlawm a, keini pawhin AMC inthlan lo awm turah hian ticket pawh eng emaw zah nei kan tum a, hma kan la mek zelel a ni" tiin a sawi.

Dr. K Beichhua, President, BJP Mizoram Pradesh chuan thusawina nei chhunzawmin, "BJP chuan kan hmalam hunthlir reng chungin kan khawvel inher danglam ang zelin thalai te tan huntha siamsak zel hi kan duhdan a ni. Tun kan khawvel thlir hian AI khawvel a ni tawh a. Chuvangin kan National President chu thalai tak MLA pawh term 5 tling tawh a ni. Kan rama thalai te hian BJP ah a lo lut zel turin ka sawm che u. Tun Mizoram Budget Session kha kan thlir a ni chuan Mizoram hi engtinnge State dangte rualin ke kan pen vel zel thei ang ti rilru aiin Lengpui ram ti vel kha Session hall sawi tam ani zawk. Keini BJP erawh chuan engtin Zoram hi kan hmasawn tir zel thei ang ti zawk hi kan rilru leh kan buaipui zawk chu a ni. Central lam thlir ila State tin inthlan en hian BJP zel hi an chak chho zel a, tuna hian state pali inthlan kan hmachhawn leh turah BJP bak ti hi mipui hmuhdan leh ngaihdan a ni. Chuvangin Mizoram state a ngei pawh hian engtikah emawh chuan BJP Sawrkar hi awm a ngei ngei ang ti hi ring rawh u, chu chu mipui pawhin min thlir dan chu a ni. Mizoram tan leh Mara ram tan Central lam thil tam tak kan thlen tawha, a hlawhtlingna pawh kan hmu chho zel a ni. Central sawrkar hnenah hian keini North East State zingah Mizoram hi min duhsak bik turin kan ngenna pawh an rilru awm hle niin ka hria. Central atanga hmasawnna tak tak dawng tur leh hmuhtur chuan MADC ang hian kan BJP ngam tur hi a ngai a ni. Chuvangin BJP ah rinawm takin awm ila, kan ram tan hmalam thlir chungin kal ho zel ang u" ti a sawi bawk.

He hun hi Pu Pakhu Hlychho, Vice President BJP Siaha District in a kaihhruai a, Pu C. Chehnei, Dy. Chairman, MADC in Devotion hun a hmang a ni. Lawmthu sawina hi Pu.l N. Beikhai Vice President BJP Siaha District in a nei a, hun khar nan Pu Nahlo Solo Town Committee Chairman, MADC in tawngtainain hun khar a ni.

Issued And Published By IT And Media Cell BJP Siaha District, Siaha.

24/11/2025

BHARATIYA JANATA PARTY, SIAHA DISTRICT, SIAHA
No. BJP (S) IT&MC PR No-36 Of Dated The Siaha 24th November, 2025

PRESS RELEASE

ATMANIRBHAR BHARAT SANKALP ABHIYAN
(A PLEDGE CAMPAIGN FOR SELF-RELIANT INDIA) PROGRAMME HLAWHTLING TAKIN HMAN A NI.

Siaha, Vawiin tahrik 24th November, 2025 hian BJP Siaha District buatsaihin BJP District: Siaha ah Atmanirbhar Bharat Sankalp Abhiyan (A pledge campaign for self-reliant India) Programme hlawhtling takin hman a ni.

He hunah hian Pu AZ Sa-u, President, BJP District Yuva Morcha in a kaihhruai a, Pu Pawkhu T. Azyu, General Secretary (Org), BJP Siaha District chuan Atmanirbhar Bharat Sankalp Abhiyan hman chhan leh a thil tum te sawizauna hun a hmang bawk.

Atmanirbhar Bharat Sankalp Abhiyan (A pledge campaign for self-reliant India) hman chhan ngaihthlakna neih zawh veleh hian thutiam lakna hun hman nghal niin a rualin thutiam sawi rualna nei a ni.

THUTIAM
(SWADESHI PLEDGE)

1. Nitin mamawh thil ah ramdang thil siamchhuah aiin kan ramin a siamchhuah te chu ka thlang zawk ang.

2. Kan hnathawhna hmun, inchhung bungrua leh khawtlang mamawh thil te chu India siam ka ngai pawimawh zawk ang a, loneihtute thawhchhuah leh kutthemthiam atanga thil siamchhuah te chu ka thlang hmasa thin ang.

3. Chhuan lo awm zel tur atan zirtirna a kal chhunzawm zel theih nan Thalaite leh Naupangte hnenah kan ram atanga thil siamchhuahte atangin a hlutzia ka zirtir zel ang.

4. Inchhung leh pawnlam ah kan tawng ka hmang zel ang.

5. Boruak thianghlim kan lakna hnar Ramngaw tha leh Tui thianghlim nei turin hma ka la ang a, thil hlu kan neite ka humhalh zel bawk ang.

Vawiin Atmanirbhar Bharat Sankalp Abhiyan (A pledge campaign for self-reliant India) hmanna ah hian State President, Pu Dr. K Beichhua, MLA, Pu K. Hrahmô, MLA, National Secretary Pu Delson Notlia, MDC bakah State Treasurer Pu Sandeep Agarwal ten he hun hi an hmanpui a ni.

Issued and Published By IT and Media Cell: BJP Siaha District, Siaha